Apa Njenengan Isa Kenal karo Gusti Allah?
Akèh wong sing ngakuné percaya karo Gusti Allah. Ning, pendapaté wong-wong kuwi soal Gusti Allah béda-béda. Ana sing ngomong nèk Gusti Allah kuwi seneng ngukum wong sing salah. Liyané ngomong nèk Gusti Allah kuwi sayang lan seneng ngapura wong-wong, ora soal kaya apa tumindaké wong-wong kuwi. Ana manèh sing ngomong nèk Gusti Allah ora perduli karo manungsa. Merga ana pendapat sing béda-béda kuwi, wong-wong ngrasa ora bakal isa kenal karo Gusti Allah.
Apa kenal karo Gusti Allah kuwi penting? Ya, merga kenal karo Gusti Allah kuwi isa nggawé awaké dhéwé seneng. (Kisah 17:26-28) Nèk awaké dhéwé saya akrab karo Gusti Allah, Dhèwèké ya bakal tambah sayang karo awaké dhéwé. (Yakobus 4:8) Terus, nèk wis kenal tenan karo Gusti Allah, awaké dhéwé isa nduwé harapan kanggo urip saklawasé.—Yohanes 17:3.
Piyé carané isa kenal karo Gusti Allah? Kuwi padha kaya awaké dhéwé péngin nduwé kanca akrab. Awaké dhéwé kudu ngerti sapa jenengé, apa waé sipat-sipaté, apa sing disenengi lan sing ora, apa waé sing wis ditindakké, lan apa cita-citané. Nèk ngerti kuwi kabèh, awaké dhéwé isa dadi akrab karo wong kuwi.
Dadi, awaké dhéwé isa kenal karo Gusti Allah nèk ngerti iki:
Ing majalah iki, awaké dhéwé bakal ngrembug jawabané Alkitab kanggo pitakonan-pitakonan kuwi. Awaké dhéwé dibantu bèn kenal karo Gusti Allah lan ngerti manfaaté nèk kenal lan luwih akrab karo Gusti Allah.
