Atimohey kahato Tupana ete iꞌatuꞌe mītꞌīn maꞌato uwe asom Tupana ere iꞌatuepe pote taꞌatuwesat teꞌeruweupi hamo. Iraniaꞌīn teꞌeruwanentup hawe Tupana mītꞌīn mosoꞌopot kahato taꞌatumiꞌaparap upi iꞌatuꞌe. Tupana woꞌopotkyꞌe hat pote aiwepyi neꞌi watunug̃ saꞌag̃ pykai maꞌato toiwāure yne aimiꞌaparap koꞌi iꞌatuꞌe. Miꞌi pykai iraniaꞌīn teꞌeruwanentup Tupana pya kahato ȳt tuwanentupꞌi ahewowi iꞌatuꞌe. Mītꞌīn wanentup Tupana etiat hap teꞌeruweupi kahato miꞌi pote aikotā̃ me kuapꞌi watikuap sēse Tupana hap etiat iꞌatuꞌe.

Kat pote asom waku etikuap uwe Tupana hap. Etikuap kahato Tupana pote etikuap hamo kat hamo ereig̃neꞌen hap. (Iesui Potmūꞌeria  17:26-28) Miꞌi hap etunug̃ pote Tupana ekyꞌe hamo iꞌewȳte epowȳro hamo. (Tiaku 4:8) Iꞌewȳte wuatꞌi eꞌāt pe kuap ereig̃neꞌen hamo. — Iuwãu 17:3.

Tupana kuap hamo kan waku etunug̃. Erewanentup pyno ewyꞌok emikuap kahato rakat kape. Aikotā̃ puo pyi eiwoꞌowyꞌok wo kahato eweikupteꞌen. Saꞌawyꞌi te etikuap ewyꞌok set ri hawyi iwat wakuat koꞌi hawyi etikuap kat koꞌi imowepīt hap imoꞌarōt hap koꞌi iꞌewȳte iminug̃ koꞌi raꞌyn hawyi iminug̃ wuat koꞌi terān iꞌewȳte iraniaꞌīn koꞌi wy. Etikuap sēse mīt hawyi yn iwyꞌok wo ereig̃neꞌen.

Miꞌi hap ewy watikuap Tupana hamo waku watikuap

• KAT EIG̃ TUPANA SET.

• AIKOTĀ̃ MIꞌI HAP.

• KAT TUPANA TUNUG̃ NAꞌYN HAP.

• KAT TUTUNUG̃ HAMUAT RE HAP ETIAT.

• KAT POTE ASOM TUPANA ETIKUAP HAP KORĀ̃ EPOWȲRO KUAP TAꞌYN.

Meikowat popera epowȳro hamo iwesat hap koꞌi puenti Tupana Ehay puo pyi hamo iꞌewȳte epowȳro hamo etikuap uwe Tupana hap kuap hamo iꞌewȳte aikotā̃ me iwyꞌok wo ereig̃neꞌen hap waku kahato hamo epe te hap.