Uzye Leza A Weni?
Antu aingi yakalanda ukuti yazumila muli Leza. Nomba ndi cakuti wayuzya ukuti uzye Leza a weni, yangakwasuka ivyasuko ivipusanepusane. Yamwi yakati Leza akapingula umunkalwe, akalonda sile ukuti afulula antu pa viipe vino yakacita. Yauze nayo yakati, Leza waya nu kutemwa nupya lyonsi akaelela asi mulandu na vino yakacita. Nupya yauze nayo yazumila ukuti Leza waya ukutali nupya asiyasakamala. Ukulingana na vyonsi vii vino antu yakalanda, aingi yakayuvwa ukuti cisi cangupale ukumanya Leza.
Uzye cacindama ukumanya vino Leza waya? Ee cacindama. Ukumanya ningo Leza kungalenga muye nu umi usuma. (Milimo 17:26-28) Lino mukuya mukupalama sana kuli Leza, alaamutemelwako nupya alaamwazwa. (Yakobo 4:8) Fwandi ukumanya ningo Leza kulalenga mukaye nu umi wa pe.—Yoane 17:3.
Uzye mungacita uli pakuti mumanye Leza? Tale elenganyini pali umwi wino mwamanya ningo, wakwe cuza winu umupalamisye. Uzye ucuza winu watandike uli? Mufwile mwatandikilepo ukumanya umuntu wiyo izina, vino waya, vino watemwa na vino wapata, vino wacita na vino akapaanga ukucita alino na vyuze ivingi. Vikwene i vyalenzile mupalame ku muntu wiyo, mwasambilile ivingi pali aliwe.
Avino caya na kuli sweswe, tungamanya ningo Leza ndi cakuti twamanya vii apisika:
Magazini wii wapanzilwe pakuti aasuke amauzyo yaa. Ivipande vii visikumwazwa sile ukusambilila ukumanya vino Leza waya lelo vimamwazwa nu kumanya vino alamwazwa lino mukuya mukupalama kuli aliwe.
Limwi Mungatemwa Ukulolako na Vii
LUPUNGU LWA MULINZI
Uzye Leza A Weni Zina?
Uzye mwamanyile ukuti Leza wakwata izina ilikalondolola ningo vino waiyela?
