¿Machunkiluk ja Dyos?
Jitsan wa xyalawe wa skʼuʼane bʼa Dyos, pe yajni wa xjobʼjiyile machunkiluk, tuktukil wa sjakʼawe. Jujuntik wa skʼuʼane ja Dyos jel skʼulan gusto yajelyi kastigo ja ixuk winik yuja smuleʼi. Tuk wa xyalawe ama chikan jas xkʼulantik, ja Dyos tolabida oj yaʼotik perdon yuja jel xyajtani. Sok tuk jelbʼi chaʼan ay, ja yuj mi xchamskʼujol ja ixuk winiki. Yuja tuktukil ja jastal wa spensaraneʼi, jitsan wa xyalawe mini oj kʼot naxuk sbʼaj ja Dyosi.
¿Ay ma stʼilanil snajel sbʼaj ja Dyosi? Ayniʼa. Snajel sbʼaj ja Dyosi oj bʼobʼ yayi stojolil jawa sakʼanili (Hechos 17:26-28). Yajni mas wala mojxisok, ja yeʼn mas oj syajtaya sok oj skoltaya (Santiago 4:8). Ta kʼota naʼ sbʼaj lek, oj bʼobʼ ajyan sakʼan tolabida (Juan 17:3).
¿Jastal oj bʼobʼa naʼ sbʼaj ja Dyosi? Pensaraʼan bʼa june maʼ waxa naʼa sbʼaj lek, bʼa jun lekil awamigo. ¿Jastal kʼe amigoʼuk? Bʼobʼta jani bʼajtan anaʼa ja sbʼiʼili sok tsaʼan tuk jastik junuk, anaʼa sbʼaj ja smodo, ja jastik lek xyila soka jastik miyuki, ja jastik skʼuluneji sok ja jas wa skʼana oj skʼuluki. Snajel ja jastik jaw mas ocha yajtay.
Junxta jastal it, ojni bʼobʼa naʼ sbʼaj ja Dyos ta leʼa ja sjakʼjel ja sjobʼjelik it:
Ja rebista it chapubʼal bʼa oja taʼ ja sjakʼjel wa xyaʼa ja Biblia sbʼaja sjobʼjelik it. Ja artikuloʼik jakumi oj skoltaya snajel machʼa ja Dyosi sok ja slekilal yamigoʼajeli.
Bʼobʼta cha ojni akʼul gusto
JA JUʼUN CHOLUMANI
¿Jas sbʼiʼil ja Dyosi?
¿Wan maʼ xa naʼa ja sbʼiʼil ja Dyos wa sjeʼa kechanta yeʼn?
