Wedake dungu rupalmi, ayüafuymi tami kelluaetew kiñe küme weni. Alünke che rupan mu weda dungu “Chaw Ngünechen duamtulaenew, chumkelay rume”, pikey. Welu femlay. Chaw Jewba fentren dungu femkey taiñ küme feleal. Kafey pichiñma mu küme elkünutuay ti dungu Mapu mew. ¿Chumngechi femay ta tüfa?

¿Iney tuwülkey kom wedake dungu? Biblia feypi: “Kom tüfachi chüf mapu ñi ngünenieetew tati weküfü ñi pepiluwün” (1 Juan 5:19). Feychi “weküfü”, Satana pingey. Jesus feypi kidu “tati ngenkawkülelu tüfachi mapu mew” (Juan 12:31). Weküfü tuwülkey kom weda dungu. Jewba apümkayafi tati Weküfü, fey kom wedake dungu ta mülewetulayay. ¿Chumngechi femay tüfa?

Jesus mew, Chaw Jewba wewafi “tati niefulu ta pepiluwün tañi langümael, weküfü ürke llemay” (Ebrew 2:14; 1 Juan 3:8). Biblia pengeli Weküfü kimniey “ñi alüñmanoael” petu tañi apümkangenon (Apokalipsi 12:12). Kafey, Jewba apümafi kom pu wedalkamekelu (Salmo 37:9; Proverbios 2:22).

Apümkangele wüla ti wedake dungu mülelu Mapu mu, Chaw Jewba mupitripayay ñi ayünieel Mapu mu ka pu che mu. Fey ¿chumletuaiñ may?

Küme feleaiñ. Biblia feypi: “Pu ñomngelu ngen Mapu ngeay engün, ka rüf ayüwküleayngün ñi mülen fentren tüngün” (Salmo 37:11).

Nieaiñ fentren küme iyael. Biblia feypi: “Fentren iyael müleay tüfachi Mapu mew; wente wingkul kütu wefpayay ti fün” (Salmo 72:16).

Nieaiñ kümeke küdaw ka kümeke ruka. Biblia feypi: “Dewmarukayayngün, ka fey mu müleayngün, anümayngün ofad ka iñmuayngün ñi fün”. Jewba feypi “tañi dullinche ayüwayngün ñi dewmael kidu ñi kuwü mu” (Isaías 65:21, 22).

¿Ayüafuymi femngechi feleal? Pichiñma mu, itrokom iñchiñ femngechi mongeleaiñ.

Fantepu mu, kom pu che kutrankey ka lakey. Welu felewetulayay tati. Pichiñma mu, Chaw Ngünechen ñi ayünieel mupitripayay. Kidu eluñmay Jesus ñi layal “kom tati feyentulu kisu mew chumkawnorume ñi lanoael, welu may ñi nieael ta rumel mongen” (Juan 3:16). Rupale tüfa, ¿chumletuaiñ may?

Kutranwelayaiñ. Biblia feypi: “Iney no rume feypilayay: ‘Iñche kutrankülen’. Tati pu che mülealu mapu mu, wiñoduamtungeay tañi welulkan engün” (Isaías 33:24).

Lawelayaiñ. Biblia feypi: “Tati Ñidol Ngünechen Jewba lümüafi tati lan dungu, ka liftuñmayafi engün tañi külleñu ñi ange mew” (Isaías 25:8).

Aflayay taiñ mongen. Biblia feypi: “Ngünechen wülkey tati rumel mongen, Cristo Jesus mew, iñchiñ taiñ Ñidol” (Romanu 6:23).

Kom pu layelu, wiñomongetuay. Jewba wiñomongeltuafi “pu norngechi che ka pu norngenochi che” (Hecho 24:15, Traducción del Nuevo Mundo [TNM]). Wiñomongetule engün, Jesus tañi duam mu, tañi lan mu, perdonangeayngün ñi kulpan.

Chaw Jewba, ¿chumngechi wechurpuay kom tüfa?

Chaw Ngünechen, wenu mu elkünuy ñi Gobierno, ka dullifi ta Jesus ñi longkoleal fey mu. Femngechi, Chaw Jewba femtripayay ñi ayünieel ta Mapu ka pu che mu (Salmo 110:1, 2). Jesus feypifi tañi pu disipulu ñi famngechi ngillatuafiel taiñ Wenu Chaw: “Küpape tami Ngünenien [Gobierno]” (Matew 6:9, 10, TNM).

Chaw Jewba ñi Gobierno, kom Mapu ngünenieay ka apümkayafi kom kutrankawün. ¡Tüfa tati doy küme Gobierno ñi müleafel! Feymu Jesus kom ñi newen mu kimeltufi ta pu che “küme kimelün dungu” feychi Gobierno mu, ka feypifi tañi pu disipulu ñi ka femngechi femal (Matew 4:23; 24:14).

Jewba fente piwkeyenieeiñmu, feymu feypikünuy ñi femtripayal kom tüfachi afmatufal dungu. Tüfa yafültukueiñmu taiñ kimafiel, fey fülkonküleal kidu mu. Femngechi femliyiñ, ¿chumngechi kümelkangeafuiñ? Küpalechi trokiñ ngüneduamngeay ta tüfa.