Ajor­nar­torsioruit ikin­ngutigil­luak­kavit ikius­sagaatit naatsorsuutigis­sagunar­pat. Taamaat­tumik inuit ilaat isumaqar­put Guuti ikin­ngutaan­ngitsoq misigip­pum­mi iluaqutis­samin­nik Guuti iliuuseqan­ngitsoq. Guutili uagut iluaqutis­satsin­nik iliuuseqareer­poq, aam­ma ul­lumik­kut ajor­nar­torsiutivut naal­liuutivul­lu pil­lugit iliuuseqarumaar­poq. Guuti qanoq iliorumaar­pa?

Guutip ajus­suseq tamaat sorlaa ilan­ngul­lugu piis­savaa. Ajus­sutsip pilerfia pil­lugu Biibilimi al­las­simavoq ‘silarsuaq tamarmi Ajor­tumit’ pis­saaneqarfigineqar­toq. (1 Johannesi 5:19) ‘Ajor­toq’ taan­na tas­saavoq Saatani Diaavulu Jiisusip ‘silarsuup matuma naalagaaneranik’ taasaa. (Johannesi 12:31) Saatanip silarsuarmut sun­niuteqar­nera nunami naal­liun­nar­toqar­neranut pis­sutaavoq. Guuti qanoq iliorumaar­pa?

Guutip Jiisusi Kristusi aq­qutigalugu iliuuseqas­saaq toqutsisin­naasoq “pis­saaneerutitik­kumal­lugu ... tas­sa Diaavulu”. (Hebræerit 2:14; 1 Johannesi 3:8) Diaavulup piuneerus­saanis­sami tungaanut ‘pif­fis­sakil­luni’ nalun­ngilaa. (Saqqummersitat 12:12) Guutip aam­ma ajor­tulior­tar­tut tamaasa piuneerutis­savai. – Tussiaat 37:9; Ussatit 2:22.

Nunami ajus­suseerutsitsereeruni Pin­ngor­titsisit­ta inun­nut nunamul­lu naas­saan­ngitsumut siuner­tani naam­mas­sis­savaa. Suut qilanaarisin­naavavut?

Ataavar­tumik eq­qis­sineq isuman­naas­suserlu. “Qanilaar­tut nuna kingor­nutis­savaat pil­luangaar­ner­til­lu nuan­naarutigis­sal­lugu.” – Tussiaat 37:11.

Nerisas­sat peq­qin­nar­tut naam­mangaar­tut. “Karrit naam­mangaar­tut nunami naasimas­sap­put, qaq­qat qaan­ni aalataarumaar­put.” – Tussiaat 72:16, Testamentitoqaq 1990-imi naqitigaq.

Angerlarsimaf­fiit sulias­sal­lu nalerisimaar­nar­tut. “Il­luliorumaar­put nam­min­neq inigisas­samin­nik viin­nequtinil­lu ik­kus­suil­lutik inerititai nerisas­samin­nik. ... Qinik­kamalu neris­sam­matigit nam­min­neq suliamik inerititaat.” – Esaja 65:21, 22.

Pis­sutsit taamaat­tut misigerusup­pigit? Qanit­tuk­kut tamak­ku tamat­ta misigiumaar­pavut.

Ul­lumik­kut nap­paatit toqulu tamanut atuup­put, qanit­tuk­kul­li atuuk­kun­naas­sap­put. Jiisusip uter­titsis­sutitut pil­liutaa Guutip iluaqutaatis­savaa “kinaluun­niit tam­maq­qunagu naas­saan­ngitsumil­li inooq­qul­lugu”. (Johan­nesi 3:16) Qanoq kinguneqar­tumik?

Nap­parsimasoqar­tarun­naas­saaq. “In­nut­taasoq kinaluun­niit oqas­san­ngilaq: ‘Nap­parsimavunga!’ Inuit tas­sani najugaqar­tut ajor­timin­nik isumak­keerfigineqar­put.” – Esaja 33:24.

Toqu inun­nut naal­liuutaajun­naas­saaq. “Toqu nungutin­neqas­saaq piujun­naarsivil­lugu. Guutil­lu Naalak­kap isit tamaasa qul­lingiarumaar­pai.” – Esaja 25:8.

Inuit naas­saan­ngitsumik inuus­sap­put. ‘Guutip saam­maan­nermit tunis­sutaa tas­saavoq inuuneq naas­saan­ngitsoq Kristusi-Jiisusimi Naalak­katsin­ni.’ – Romamiut 6:23.

Toqusimasut uum­maq­qis­sap­put. ‘Toqusut makik­kumaar­put – iluar­tut iluaatsul­lu.’ (Apustilit Suliaat 24:15) Uter­titsis­sut iluaqutigis­savaat.

Guutip tamak­kor­pas­suit qanoq naam­mas­sis­savai?

Guutip inun­nut nunamul­lu siuner­tani naam­mas­sis­savaa naalak­kersuisut qilam­miit­tut, Kristusimik  Jiisusimik toq­qar­neqar­tumik kun­ngeqar­tut, aq­qutigalugit. (Tussiaat 110:1, 2) Naalak­kersuisut taak­ku tas­saap­put Guutip naalagaaf­fia, naalagaaf­fil­lu taan­nar­piaq Jiisusip ajoqersuk­kaminut ima qin­nutigisaq­qul­lugu ilin­niar­titsis­sutigaa: “Ataatar­put qilan­niit­tutit! ... Naalagaaf­fiit tikiul­li.” – Matthæusi 6:9, 10.

Guutip naalagaaf­fiata nunarsuaq naalak­kersuif­figis­savaa naal­liun­nar­tul­lu tamaasa atorun­naarsil­lugit. Naalagaaf­fik taan­na tas­saavoq inuit naalak­kersuisorisin­naasaat pitsaaner­paaq! Taamaat­tumik Jiisusip nunamiik­kal­larami nam­mineerluni “Naalagaaf­fim­mik” nutaarsias­saq nuan­nersoq nalunaarutigaa, ajoqersuk­kanilu aam­ma taamaalioq­quai. – Matthæusi 4:23; 24:14.

Jehova Guuti inun­nik pin­ngor­titaminik asan­ningaarluni neriorsuivoq nuan­nersor­pas­suit tamak­ku iliuuseriumaarlugit. Taman­na pis­sutigalugu taan­na ilisarisimalerusun­nar­poq qanil­lerusun­narlunilu, ilaa? Guuti qanil­liguk­ku qanoq iluaqutigis­saviuk? Al­laaserisami tul­liut­tumi taman­na nas­suiar­neqar­poq.