Бьдә бәр чʹәʹве хԝә, кӧ тӧ кʹәти дәрәщәкә чәтьн. Бешьк тӧйе һивийе буйайи, ԝәки һәваләки тәйи баш тьштәки бькә кӧ али тә бькә. Анәгори ԝе йәке мәрьв дьбежьн кӧ Хԝәде һәвале ԝан нинә, чьмки ԝана тʹьре кӧ әԝ тьштәки накә сәва али ԝан бькә. Бь рʹасти Хԝәде ида гәләк тьшт бона һʹалхԝашийа мә кьрийә, у әԝе диса тьштәки бькә ԝәки һʹәму кӧл-дәрд у проблемед мә бьдә һьлдане. Гәло Хԝәде ԝе чь бькә?

Хԝәде һʹәму зӧлмийе ԝе кʹокева бьдә һьлдане. Кʹьтеба Пироз әʹйан дькә канийа зӧлмийе: «Т′әмамийа дьнйайе бьн һ′ӧкӧме Йе Хьрабда йә» (1 Йуһʹәнна 5:19). «Йе Хьраб» әԝ ә, сәр кʹижани Иса гот «Сәрԝере ве дьнйайе» демәк Шәйтʹан Мире-щьна (Йуһʹәнна 12:31). Шәйтʹан сәр тʹәмамийа инсанәте һʹӧкӧм дькә, у әԝ ә сәбәбе кӧл-дәрд у проблемед дьнийайе. Ле Хԝәде ԝе чь бькә?

Зутьрәке Йаһоԝа Хԝәде ԝе бь Кӧрʹе хԝә Иса Мәсиһ, Мире-щьна кʹӧта кә (Ибрани 2:14; 1 Йуһʹәнна 3:8). Бь расти Кʹьтеба Пироз дьбежә, ԝәки Шәйтʹан жи занә, кӧ ԝе «һьндьки бьминә» (Әʹйанти 12:12). Хԝәде ԝе ӧса жи ԝан кʹӧта кә, йед кӧ зӧлмийе дькьн (Зәбур 37:9; Мәтʹәлок 2:22).

Әʹфьрандаре мә ԝе нә тʹәне һәʹму зӧлмийе бьдә һьлдане, ле паши ԝе йәке Әԝ ԝе ԛьрара хԝәйә әʹсли бона инсанәте у әʹрде пек бинә. Гәло паше ԝе чь бьԛәԝьмә?

Әʹдьлайи у бехофи ԝе һәрһәйи бькʹьшинә. «Мьлуке әʹрде ԝар бьн, хер-хԝәшийева ԝе хьне бьн у ша бьн» (Зәбур 37:11).

Тʹер-тʹьжә хԝарьн. «Ль сәр рʹуйе әʹрде гәньм зедә бьбә у бьльндийа ԝе ль сәр сәре чʹийа бавежә» (Зәбур 72:16).

Малед рьһʹәт у хәбата һʹәԝас. «У ԝе ханийан ава бькьн у рʹунен у рʹәза дайньн у меԝа ԝе бьхԝьн . . . ԝе кʹарен дәстен хԝә кәвьн бькьн» (Ишайа 65:21, 22).

Гәло тӧ һʹьзрәт нини кӧ әԝан һʹәму тьшта бь чʹәʹве хԝә бьвини? Зутьрәке һәр кәс ԝе һәр рʹож жь ве йәке ләзәте бьвинә.

Иро һәр кәс нәхԝәш дькʹәвә у дьмьрә, ле әв йәк ԝе дьреж нәкʹьшинә. Зутьрәке Хԝәде ԝе бь ԛӧрбанбуна Иса, ԝан проблема сафи кә. Ләма жи «һәр кәсе кӧ ԝи баԝәр бькә ӧнда нәбә, ле жийина . . . һ′әта-һ′әтайе» бьстинә (Йуһʹәнна 3:16). Ле паше ԝе чь бьԛәԝьмә?

Нәхԝаши ԝе бенә һьлданә. «У йе кӧ ль ԝьр рудьне ԝе нәбежә: ‹Әз нәхԝәш ьм›, ԝе фәсадийа нәтәва кӧ ль ԝьр рʹудьне бе борин» (Ишайа 33:24).

Мьрьне ида тʹӧнә бә. «Абадин мьрьне даԛӧртанд у Хӧдан, ХӦДАН, ԝе жь һәму ԝәщан һестьрен чʹәʹва паԛьж бькә» (Ишайа 25:8).

Мәрьве һʹәта-һʹәтайе бьжин. «П′ешк′еша Хԝәде жийина һ′әта-һ′әтайе йә, бь сайа Хӧдане мә Мәсиһ Иса» (Рʹомайи 6:23).

Әԝед кӧ мьрьн ә ԝе диса вәгәрʹьн жийине. «Һ′әму һәԛ у нәһәԛе жь мьрьне р′абьн» (Кʹаред Шандийа 24:15). Әԝана ԝе кʹаре бьстиньн жь пʹешкʹеша Хԝәде, демәк жь кʹьрине.

Гәло Хԝәде ԝе чаԝа әԝан һʹәму тьшта бинә сери?

Хԝәде ԝе бь сайа һʹӧкӧмтийа әʹзмани, сәрԝере кʹижани кӧ Иса Мәсиһ ә, ԛьрара хԝә һьндава инсанәте у әʹрде бинә сери (Зәбур 110:1, 2). Әв һәйә һʹӧкӧмти йане пʹадшати, дәрһәԛа кʹижани кӧ Иса пәйчуйед хԝә һин дькьр, ԝәки ӧса Хԝәдерʹа дӧа бькьн: «Баве мәйи ә′змана . . . П′адшатийа тә бе» (Мәтта 6:9, 10).

Пʹадшатийа Хԝәде ԝе ль сәр әʹрдерʹа сәрԝертийе бькә у һʹәму проблема ԝе бьдә һьлдане. Әв бь рʹасти жи Пʹадшатийа һәри баш ә! Ләма жи Иса «Мьзгинийа П′адшатийе» әʹлам дькьр чахе ль сәр әʹрде бу у хьзмәт дькьр. Әԝи готә шагьртед хԝә, кӧ әԝана жи дь ве йәкеда чʹәʹв бьдьнә ԝи (Мәтта 4:23; 24:14).

Жь бо һʹьзкьрьна мәзьн һьндава инсанәте, Йаһоԝа Хԝәде соз дайә, кӧ әԝе һʹәму тьштед баш бона инсанәте бькә. Бешьк, занәбуна ве йәке, гәләк дьле мә рʹьһʹәт дькә у мә һелан дькә һе рʹьнд ԝи нас кьн у незики ԝи бьн. Һәрге тӧ ӧса бьки, те кʹарәкә мәзьн бьстини. Готара дьн әве йәке ԝе рʹьнд шьровәкә.