Kʼalal ya sloʼlayotik te joytik ta nujpunel
YA STA bayal swokolik teme ya sloʼlay sbaik te machʼatik nujpunemike. Aynix machʼatik juʼem yuʼunik spasbeyel perdon te sjoyik te sujtesojix yoʼtanike. * Manchukme ya yichʼ lajinbeyel skʼoplal te nujpunel o teme maʼuke, jaʼme ya yil swokol te machʼa ma la spas te mulile. ¿Bin ya xjuʼ ya xkoltayotik swenta ya xkujch yuʼunik te swokolike?
TEKSTOETIK TA BIBLIA TE YA XJUʼ YA SKOLTAYATE
Manchukme bayal ya smel yoʼtanik, ay bayal ta tul te machʼatik ma jaʼuk la spasik te mulil staojik smukʼul yoʼtanik te kʼalal ya skʼoponik te Bibliae. Jaʼnix jich staojik ta ilel te ya xkʼot ta yoʼtan Dios te skʼuxul te swokolike (Malaquías 2:13-16).
«Te cʼalal ay bayel bintic ya xcʼopoj coʼtan yuʼun, te smucʼubtesel-oʼtanil awuʼun la yaʼbon stseʼelil coʼtan» (Salmo 94:19).
Jich la yalxan te Bill: «Te kʼalal ya jkʼopon-a te bersikulo ini, jich ya kaʼiy te yak ta yakʼbelon smukʼul koʼtan te Jehová, jich bitʼil ya spas jtul tatil te bayal skʼuxul yoʼtane».
«Jun awoʼtan ta stojol te machʼa jun yoʼtan ta atojole» (Salmo 18:25, XCD).
Jtul ants te Carmen sbiil te bayal u la yichʼ loʼlayel yuʼun te smamlale jich la yal: «Ma jun yoʼtan la yakʼ sba ta jtojol te jmamlale, pero jnaʼoj-a te jun yoʼtan ya yakʼ sba ta jtojol stukel te Jehová sok te maʼyuk bin ora ya yijkʼitayone».
«Ma me ayuc bin ya snaʼulan awoʼtanic yuʼun, pero ta scuenta scʼoponel Dios soc yalel wocol, aʼbeya snaʼ Dios spisil te bintic yac acʼambeyic, soc halbeyahic wocol Dios yuʼun. Hich te lamal qʼuinal te ya yacʼ te Diose, te cʼax mucʼ te ma xhuʼ cuʼuntic snaʼel, ya me scanantaybeyex awoʼtanic» (Filipenses 4:6, 7).
Jtul ants te Sasha sbiil jich la yal: «Bayal buelta la jkʼopon te teksto-abi sok te kʼalal bayal buelta la jkʼopon te Diose, jich la kaʼiy te la jta lamalkʼinal».
Spisil te ants winiketik te la kalbeytikix skʼoplale, jich la yaʼiyik te ma xkujchix yuʼunik te swokolike, pero jaʼ la smukʼulin yoʼtanik te Jehová sok jaʼ akʼbotik yip yoʼtanik yuʼun te Bibliae. Te Bill jich ya yal: «Kʼalal la kaʼiy te yak ta jinel spisil-a te jkuxlejale, jaʼ la skoltayon ta bayal te schʼuunel koʼtane. Manchukme kʼaxon ta chujkʼul ijkʼal kʼinal, maʼyuk bin-ora jtukel la yijkʼitayon te Diose» (Salmo 23:4).
^ parr. 4 Teme ya akʼan ya anaʼbeyxan skʼoplal ta swenta spasbeyel perdon te ajoy te la sloʼlayate, ilawil te artikuloetik te sbiilinej: «Cuando el cónyuge es infiel» te lokʼ ta ¡Despertad! 22 yuʼun abril 1999 te ay ta pajina 3, 5, 9.
Yaniwan amulan-euk sk'oponel ini
TE J-ILKʼINAL TA TOYOL
¿Jichbal ya yaʼiy sba Dios te bitʼil ya awaʼiy abae?
Te Biblia ya yalbotik ta jamal te ya snaʼ ta lek Dios te bintik ya xkʼax ta jtojoltike, te bintik ya jnoptike sok te bin yaʼiyel ya kaʼiy jbatike soknix jich ya yaʼiy sba-euk te bitʼil ya kaʼiy jbatike.
