Nsaa yodi na mukumbo wi bukopo

TEEMESHA MU

“P’abaabadi bandungule’shi ne na cancer ka mu efwafwa na mu mongo nadi nauku’shi nafu binyibinyi. Kadi panalukiile ku nshibo, nambile’shi, ‘tangukanga shi abinfwila nya, anka abitungu nkimbe bya kunyingiila uno mwanda.’”—Linda, e na bipwa 71.[1]

“Nkwete kukumba mukumbo wibukopo ukume bongo na lupolo lwa mpala yande. Ingi nsaa, busungu bwi bukopo abunkalakashaa mu binangu. Misusa ibungi, nepushaa bupenka namono nka bu mukumbene kwiyipaa.”—Elise, e na bipwa 49.

SU OBE sunga mukwenu mbamukwate na mukumbo ulombene kumufisha ku lufu, ouku byabikalakashaa. Kukatusha mukumbo ao unabene, abitungu otale bi kufudiila kwa winyi sha mukumbo. Moo na kenyongoshi mbilombene kutama bwa nsaa ayitungu kwenda kwa munganga, lukalakashi lwa kubukibwa sunga lwa kupeta makuta a kwenda nao kwa munganga, sunga dingi lukalakashi alutukila ku manga okwete kutoma. Lukalashi lwa mu binangu pamune na mukumbo wi bukopo mbilombene nkubofusha.

Nkunyi kwatudi balombene kupeta bukwashi? Bantu bebungi mbasangane’shi kusambibwa kukata nkufikye mu kukulupila mwi Efile Mukulu mu luteko na kubadika ma verse a mu Bible aebanyingisha. Bungi bukwashi mbulombene kutukila ku kifulo na bukwashi bwa kifuko kyetu na ba kuuku betu.

BYABADI BAKITE KWI BANGI BWA KOOBESHA

Robert taadi na bipwa 58 alesha’shi: “Tuula lukulupilo mwi Efile Mukulu akukwasha bwa kunyingiila mukumbo oobe. Teka Yehowa. Mulungule byopusha. Mutekye kikudi kyaye. Mutekye akupe bukome bwa’shi onyingishe kifuko kyobe na oshaale mufukame nsaa yonyingiila mukumbo oobe.

“Bi na muulo nsaa yabakwete nkukwasha kwi kifuko kyobe, pabadi nsaa yoso kwanka, umune sunga babidi abanyitaminaa bwa kunyipusha’shi ‘bobuku naminyi?’ Abankwasha bwa kwikala biya, na byabya abinkwasha bwa kupela kubofula.”

Su wende mu kutala kuuku sunga loole akumbu, pusha abyamba Linda: “Muntu akumbu akuminaa kwikala na nshalelo ebuwa, takuminaa kwisamba bibungi pabitale mukumbo waaye nya. Byabya esambeyi myanda yanwisambaa efuku dyooso.”

Ku bukwashi bwa bukome abukupa Efile Mukulu mu Bifundwe, mpa na bukwashi bwa kifuko na ba kuuku bakufule, we mulombene kushinkamisha’shi abitungu kwikala na muwa sunga nsaa yodi na mukumbo wibukopo.

Verse ya mu Bible ilombene nkukwasha

Kulupila kwi Efile Mukulu.

“Nedidîle Yehowa, aye nkungalûla, bankatwishe mô oso u nádi n’ao. . . . Baba be mu malwa, p’abedidi Yehowa, ê ebapushîsha.”—Misambo 34:5, 7.

Linda atwisambilanga kumpala amba’shi: “Ntantekaa’shi, ‘Nyikashe biya.’ Natekaa’shi, ‘Nkwashe nyingye, na onkwashe bwandya kunyingiila mukumbo wande.’”

Ikala obadika Eyi dy’Efile Mukulu bwadidya nkupa bukome.

“[Muntu] sunga umune tamba dimo’shi ‘ne na mukumbo.’”—Yeeshaya 33:24.

Nangushena ku milayilo y’Efile Mukulu bwa myanda ikumpala. Bino abikupa lukulupilo, abikupa bukome bwa kunyingiila.

Teka bukwashi kwi bena kifuko kyobe na ba kuuku bobe.

“Kuuku a binyibinyi aleshaa kifulo mafuku ooso, [nyi] mukwabo na muntu e kwanka bwa kumukwasha mu bishotshi.”—Nkindji 17:17.

Elise atwisambilanga kumpala atusha dino elango: “Twekalanga kula na bantu, tadiila ba kuuku bobe bakukwashe. Nkulombene kwikala nsaa yopusha’shi we bupenka na yopwandikisha’shi Efile Mukulu takwete kumpusha nya, anka toshalanga pa bupenka.”

Miisambo i mumune

Mukumbo wa ku mbidi & Mbinangu Butaale & Muloo

Tala dingi

NGALUULO YA KU NKONKO YA MU BIBLE

https://cms-imgp.jw-cdn.org/img/p/2019088/univ/art/2019088_univ_sqr_xl.jpg

Tumonyi tua Yehowa

Nsaa yodi na mukumbo wi bukopo

BYABADI BAKITE KWI BANGI BWA KOOBESHA

Miisambo i mumune

Tala dingi

Bible mmulombeene nkukwasha su wekala na mukumbo ushy’aupwiyaa?

Nsaa i muntu atudi bafule na mukumbo wa lufu