E aihödzé ĩpire
E AIHÖDZÉ ĩpire. Niwamhã, e aima waihuꞌu petse di niꞌwa hödzé ĩpire, tawamhã aima waihuꞌu petse di, pire di. Ãté dawedeꞌwa u te dza natsi ne duré dawededzé ãté ĩwaꞌöbö tsaꞌẽtẽ. Tahawa aihötöꞌö di duré aiwatsutu di.
Tawamhã, e marĩ te dza aipawapto. Rowaptẽrẽ Höimanaꞌuꞌö wi, duré tsõré wamhã Bíblia aima wẽ di dza. Duré atsiwaihuꞌu norĩ hã, atsitsãnawã norĩ hã, te dza aipawaptob dzaꞌra.
ĨHÖDZÉRÉ NORĨ NHIMIROWATSUꞌU
Aibö Robert na ĩtsitsi, 58 ãma ĩwahu, te tinha: “Höimanaꞌuꞌö ãma umnhatsi wamhã te dza aipawapto ꞌre ꞌwapéi mono da. Rowaptẽrẽ Jeová wi. Tãma rowatsuꞌu atsimirobdzépada, waptẽrẽ nhiptetedzé ĩpe Höimanaꞌuꞌö hawi. Duré rowaptẽrẽ atsiptete na ꞌre aihöimana mono da, ãne aima wẽ di. Tahã te dza aipawapto duré te dza pawaptob dzaꞌra aihĩni atsõrõwa ꞌre.
“Bötö tsidödötsi, ĩ̱tsitsãnawã norĩ duré ĩ̱tsiwadi norĩ te natsi ĩ̱ma taꞌa dzaꞌra te ĩ̱dzadanharĩ dzaꞌra: ‘E rowẽ di.’ Tahã ĩwẽ uptabi, te ĩ̱pawapto petse. Duré ĩ̱tsiwaihuꞌu norĩ daro mono bö te ĩ̱pawapto petse ꞌre ꞌwapéi mono da.” – Ãne Robert te watsuꞌu.
Aimorĩ wamhã atsiwaihuꞌu ĩhödzéré u tsabu da, ãne te dza ĩꞌmanha, Linda te te watsuꞌudzéb dzarina: “Ĩhödzéré te tsima wẽ ãma poꞌre tsiꞌörĩ da tihödzém na. Dahödzém na tãma watsuꞌu tõ. Taré tãma robdzanha ãma.”
E aihödzé ĩpire. Tawamhã, e ꞌwam norĩ hã te dza aipawapto robdze na ꞌre ꞌwapéi mono da. Höimanaꞌuꞌö, atsitsãnawã norĩ, atsiwaihuꞌu norĩ duré Bíblia.
Ãté aima wẽ di dza taha na duré
DADZADANHARĨ NORĨ BÍBLIA NA DURÉ ĨTSADAꞌÖBÖDZÉM NORĨ
E Bíblia te dza aipawapto ꞌre aihöimana mono da aihödzé uꞌötsi nherẽ.
Ĩhe! ꞋMadöꞌö uburé hã tsiꞌubdatõ te te ĩꞌaipawaptob dzaꞌra na hã ꞌre aihöimana mono da aihödzé uꞌötsi nherẽ.
