Payamyum ya Isya Kaker ro Kenem Ine
RO FARKARKOR ḇepon ya, komam kwar moḇsa dafduf ḇemarḇak na nafrur fa koḇor famfnom kaku. Inja, imbude kwara payamyum ya isya kaker ro kenem ine ke roḇa. Ḇaido kwara ono sisya siswar Au ke roḇa. Mboi, wakyar Manseren Allah iswar Au. Myam Auma ḇesyowi kaku.
Manḇefas Mazmur 86 doḇe ikyar faro Manseren Allah, ”Yor faro Au ro ras yaḇekandera, kukro nari kwarem aya.” (Mazmur 86:7) Imbude kwara radine, ”Moḇsariso Manseren Allah nari kyarem nadi yena ’ro ras yaḇekandera’ rai?”
Manseren Allah imbude ifrur fa samswen koḇena namnai ḇeri ḇa. Mboi, ikofen ro Wos Ḇyena Refo ya ḇo doḇe ifrur fa kosnesna naprei insama kosambraḇ. ”Iḇye mkoraryof rosairya wer kako, mboi mkofasna roi ḇeḇor kam marisen mkoḇena faro Allah ro nadi ma fararyor kuker kafkofen kasumasa. Saswar-ḇaḇye ro Allah, ḇesyadi ro kakara, nari nfaduru sne ma kakara mkoḇena.” (Filipi 4:6, 7) Wawasya mnuk-mnuk ḇero Refo nane insama wakyar Manseren Allah iswar Au.
Manseren Allah Iswar Au
”Allah ḇyefanander [manesu] osero ḇaḇeri . . . [mkoḇesyowi] syadi ro manesusya.”—Lukas 12:6, 7.
KWARAPAN: Komam man kasun raris manesu sya ido rya se roi oḇa, mboi Allah myamfaduru si. Ḇyefnder oso ḇaḇeri. Ḇyesyowi sikame. Isyadi wer, snonkaku koine koḇesyowi syadi ro manesu sya. Manseren Allah ifrur snonkaku koine kopyum syadi. Ifrur ko fa komnis nin Ḇyedi, inja naiso ḇeḇewari rari koḇena imnis rari ḇepyum Ḇyena.—Kejadian 1:26, 27.
”Sye Yahwe yo, mam kaku aya, ma mambir aya. . . . Wafawi karkara ayena ro moḇ ḇeḇinkwan. . . . Mam aya, ma mambir karkara ḇeḇoryae ayena.”—Mazmur 139:1, 2, 23.
KWARAPAN: Manseren Allah ifawi pyum Au kaku. Fyawi rosai kwara na, ma rosai wakram ro snembri na. Imbude snonkaku ḇesesya siswar Au ḇa, mboi ima iswar ma imarisen isaramper Au. Naiso ḇefnai fa nwa samswen mboi payamyum ya isya kaker ro kenem ine.
Payamyum ya Isya Kaker ro Kenem Bena
”Sye Yahwe yo, rwower nadi yena; rarirya fararyor ayenane nek muryas ḇe Au. . . . Wafnewer kneram Bansuya muma ḇe aya; kwarem fasaw aya rofyor yor. . . . Nari myam nadi ro snonkaku ḇesaḇarar sya.”—Mazmur 102:1, 2, 17.
KWARAPAN: Ro randak kaku snonkaku sya sekandera, Yahwe myam mkarui kankanes sena kwar. (Mazmur 56:8) Myam mkarui kankanes Bena kako. Manseren Allah iswarepen farawrowes ḇekur Au nakam ma mkarui kankanes ḇesasyar ro mkamor ḇesuya.
”Wamkakwarek awer, snar Aya iso Allah bedi. Nari yakadaunwarek au, nari yafnoḇek au. Aya, Yahwe iso Allah bedi, . . . ḇekofen faro au, ’Wamkak awer. Nari yafnoḇek au.’” —Yesaya 41:10, 13.
KWARAPAN: Manseren Allah imarisen fa ifnoḇek Au. Rofyor wasapi, nari kyanow Au.
Saneraro Ḇepyum Isya ro Ras Ḇarpon Iyama
”Allah saswar ḇyedi ibabos faro supswan ine, isof ḇyuk kwar Rumkun Mandos ḇyedi, insa snonkaku ḇekyar faroi sya sroḇa, mboi sisma [kankenem fyoro].”—Yohanes 3:16.
KWARAPAN: Manseren Allah iswar Au kaku, inja ḇyuk Roma Ḇyedi, Yesus i fa imarwarek ko. Marmar ḇyedine naiso eḇedari kosmai marasrisen ma payamyum isof fyoro-fyoro. *
Imbude waḇor famfnom ro kenem Bedi ma kwara wapok ḇa kwar. Rarirya ido, fandun fa wafarkor pyum Wos Refo insama wakyar syadi faro rosai Manseren Allah iḇe ifrur ro ras ḇarpon iyama na.
^ par. 19 Imbe wafawi nabor payamyum ro Yesus marmar ḇyedi, mam vidio Swarapepen Yesus Marmar Ḇyedi ro www.pr418.com/bhw. Mam ro PUBLIKASI > VIDIO > FANANJUR MA FARARMYAN KOḆENA.
Wamarisen Ido Mam Ine Kako
ḆEKURFASNAI INGGO
Rosai Ḇefnai fa Farkor Refo ya?
Refo ḇyuk kankarem faro fakfuken ḇefandun kaku ḇekur kankenem ine faro snonkaku riyuta kwar ro supswan ine ḇesiper. Wakmarisen wakmnis oso ro si ke?
BARYAS
Wasmai Payamyum Snar Allah Iswar Au
Refo ifnoḇek ko fa kona kakakyar faro Allah asas Ḇyena kuker fafisu ḇepyum kaku.
BARYAS
Rosai Ḇefnai fa Sasuref Ḇeba Syadi ro Allah Ḇyemaeja Kaku?
Rosai ḇefrur fa sasuref oso na ḇyemaeja kaku ro sasuref ḇesena? Kwarapan roi rifyak nane, na nafnoḇek ko fa koḇesyowi kaku sasuref ḇeba syadi ro Allah isoine fasaspar ya.
