САР дицол анда кадэва журнало, через дэсавэ биды, можэт тэ здэлпэ, кай и жызня фартэ ԥари. Если тэ ритярэс вся андэр пэстэ, моӷут тэ авэн гиндоря, кай най васо тэ жувэс и кай ту никасти на трэбуй. Но ӷан, кай ту нужно лэ Дэвлэсти. Ту фартэ куч важ лэстэ.

Акэ со ԥэндя пала Дэл о мануш, саво пистросардя 86 Псалом: «Андо дес, кала мандэ бида, мэ ақарава тут, и ту ашунэса ман» (Псалом 86:7). Но можэт, ту пушэса: «Сар о Дэл ашунэна ман „андо дес, кала мандэ бида”?»

Хоть о Дэл, можэт, йто и на улэла тутар о ԥаримос, но во точно дэла тути миро андо ди, кай ту тэ виритярэс кадэя ԥари время. О Дэл через и Библия дэл алав: «Ни пала со нэ пэрэжывайте, ай важ вся росԥэнэн лэ Дэвлэсти андэ молитва и анда вся оди мангэн и блаӷодарин лэс. Тоди о Дэл дэла тумэнди миро андо ди, саво май баро чем всаворэ гиндоря и фэрия тумаро ди и годи через о Иисус Христос» (Филиппийцам 4:6, 7). И библейски стихоря, савэ пистромэ май англэ, моӷут тэ поможын тути тэ патяс, кай о Дэл фартэ любий тут. Мангас тут, погиндосар пала кадэла стихоря.

«О Дэл на бистэрдя ни пала ек [анда чирикля]. [...] ...Тумэ май куч, чем бут чирикля» (Луки 12:6, 7).

ПОГИНДОСАР Пэ чирикля, здэлпэ, нико на шол сама, но лэ Дэвлэсти най всаек, со лэнца. Во шол сама пэ кажно чирикли, лэсти куч вся жундо, со во создал. Ай и мануша пэ бутэстэ май куч лэ чирикляндар. Само райкани тварения, сави исин пэ ԥув, када о мануш. О Дэл лэ манушэс создал «пар пэстэ». Важ када амэндэ моӷут тэ авэн кацавэ жэ качестворя, савэ исин кай о Дэл (Бытие 1:26, 27).

«О Иегова, ту диқлян ман и ӷанэс ман. Ту... уӷанэс мэрнэ гиндоря. [...] Уӷан май драго ман и полэ, пала со мэ фартэ загиндосавав» (Псалом 139:1, 2, 23).

ПОГИНДОСАР О Дэл ӷанэн тут. Во ӷанэн вся, пала со ту гиндос и пэрэжываеш. Дажэ если авэр на полэн, со туса, о Дэл полэл, со тутэ по ди и камэл тэ поможый тути. Ужэ кати када доԥэнэн, кай и жызня ашэл, кай тэ жувэс.

«О Иегова, ашун мэрни молитва. Мэк мэрно ӷолосо дожал каринг тутэ. [...] Приашундю каринг мандэ. Андо дес, кала мэ ақарава, грабисав тэ дэс манди атвето... Пэ молитва кодэлэндири, ко чороро, во шола сама» (Псалом 102:1, 2, 17).

ПОГИНДОСАР Кодэла времятар, сар пэ ԥув авелэ о ԥаримос и и смэрть, о Иегова запистрой всаворэ лэ манушэндирэ ясва, ай кадяжэ и тирэ (Псалом 56:8). О Дэл сэрэл всаворэ тирэ биды и ясва, важ кода кай ту куч важ лэстэ.

«Нэ пэрэжывай... Мэ дава тути зор, поможысарава тути... Важ кода кай мэ, тиро Дэл Иегова... ԥэнав: „На дар, мэ поможысарава тути“» (Исаия 41:10, 13).

ПОГИНДОСАР О Дэл камэл тути тэ поможый. Дажэ если ту умэкэса и вас, во точно подритярэла тут.

«О Дэл кадя фартэ любий лэ мирос, кай отдя пэстирэ Шавэс, саво лэстэ ек кацаво, кай кажно, ко сыкавэл, кай патял андэр лэстэ, тэ на мэрэл, ай тэ жувэл вечно» (Иоанна 3:16).

ПОГИНДОСАР О Дэл кадя фартэ любий тут, кай отдя пэ смэрть важ тутэ пэстирэ Шавэс, лэ Иисусос. Через кадэва выкупо амэндэ можэт тэ авэл бахтали жызня и амэндэ авэла васо тэ жувас. И вся када авэла вечно *.