1. Даԝьд чаԝа бу һьндава Йаһоԝа, у әԝе йәке ԝи бәрбь чь һелан дькьр?

ДАԜЬД ПʹАДША ньвиси: «Хӧдан мәзьн ә, һежайи гәләк пәсьна йә» (Зәб. 145:3). Әԝи Йаһоԝа һʹьз дькьр у әԝе һʹьзкьрьне ԝи һелан дькьр, ԝәки «нава щьвинеда» пәсьна бьдә Хԝәде (Зәб. 22:22; 40:5). Бешьк, һун жи Йаһоԝа һʹьз дькьн у әван гьлийед Даԝьдрʹа ԛайил ьн: «Тӧ жь дәстпеке һʹәта абадине пироз и, Хԝәдайе бапире мә Исраел, Хӧдан» (1 Дир. 29:10-13).

2. а) Ча әм дькарьн пәсьна бьдьнә Йаһоԝа? б) Һьнә хушк-бьра рʹасти кʹижан чәтьнайа тен, у әме дәрһәԛа чь шеԝьр кьн?

² Иро ча әм дькарьн щьватеда пәсьна бьдьнә Йаһоԝа? Щурʹәк әԝ ә, кӧ щьватеда щаба хԝә бьдьн. Ле гәләк хушк-бьред мәрʹа әԝ йәк чәтьн ә. Әԝана дьхԝазьн щаба хԝә бьдьн, ле тьрс рʹийа ԝана дьгьрә. Ле ча әԝана дькарьн әԝе тьрсе жь хԝә дур хьн? Кʹижан ширәт ԝе али мә гьшка бькьн, ԝәки пе щабед хԝә хушк-бьра бьшьдиньн? Пешийа кӧ щаба ԝан пьрса бьдьн, ԝәрә әм шеԝьр кьн 4 мәʹнийед фәрз, кӧ чьрʹа әм щьватеда щаба хԝә дьдьн.

3-5. а) Чаԝа кӧ Ибрани 13:15-да те шьровәкьрьне, чьрʹа әм щьватеда щаба хԝә дьдьн? б) Гәло әм һʹәмушк гәрәке мина һәв щаба хԝә бьдьн? Шьровәкьн.

³ Йаһоԝа мә гьшкарʹа ԛәдьрәки ӧса дайә, кӧ пәсьна бьдьнә ԝи (Зәб. 119:108). Чахе әм щьватеда щаба хԝә дьдьн, әԝ һәйә пʹарәкә «ԛӧрбана пәсьндайине», у тʹӧ кәс нькарә дәԝса мә әԝе ԛӧрбане бьдә. (Бьхунә Ибрани 13:15.) Гәло Йаһоԝа дәʹԝа дькә, ԝәки әм гьшк мина һәв әԝе ԛӧрбане бьдьн? Тʹӧ щар на!

 ⁴ Йаһоԝа занә кӧ фәрәсәт у дәрәщед мә һәр кәси жь һәв щӧдә дьбьн, у әԝ ԛимәт дькә чахе чьԛас жи дәсте мә те әм дькьн, сәва ԛӧрбане ԝирʹа бьдьн. Бьфькьрьн дәрһәԛа ԝе йәке, кӧ Йаһоԝа жь Исраелийа кʹижан ԛӧрбан ԛәбул дькьрьн. Дәсте һьнә Исраелийада һәбу сәва пәз йан бьзьн ԛӧрбан кьн. Ле Исраелийед кӧ дәсттәнг бун, дькарьбун «дӧ фатьмока йан жи дӧ щущукед кәԝа» ԛӧрбан кьн. У һәрге кәсәки нькарьбу әԝ дӧ чʹьвик жи бьанийа, Йаһоԝа ԛәбул дькьр ԝәки әԝана «пʹарәкә ефайе жь дәһа йәк аре хас», ԛӧрбан кьрана (Ԛан. Кʹаһ. 5:7, 11). Рʹаст ә ар даһа әрзан бу, ле һәрге әԝ ар баш бу, Йаһоԝа ԛимәт дькьр әԝ ԛӧрбан.

⁵ Хԝәдейе мәйи ԛәнщ иро һьндава мәда жи ӧса нә. Чахе әм щаба хԝә дьдьн, әԝ дәʹԝа накә ԝәки әм бәʹса хәбәре мина Аполо готьнбежед баш бьн, йан жи мина Паԝлос хәбәрданеда һостә бьн (Кʹар. Шанд. 18:24; 26:28). Йаһоԝа дьхԝазә ԝәки әм һәр тьшти бькьн, сәва щабед баш бьдьн, ле әԝ жь мә дәʹԝа накә һаԛас чьԛас әм нькарьн бькьн. Биньн бира хԝә жьнәбикә бәләнгаз, йа кӧ дӧ пол ԛӧрбан кьр. Әԝ жьнәби бәр чʹәʹве Йаһоԝа ԛимәт бу, чьмки бәләнгазийа хԝәда йа лапә баш ԛӧрбан кьр (Луԛа 21:1-4).

6. а) Ль гора Ибрани 10:24, 25, чаԝа щабед хушк-бьра дькарьн сәр мә һʹӧкӧм кьн? б) Һун ча дькарьн рʹазибуна хԝә нишан кьн ԝанрʹа, йед кӧ пе щабед хԝә ԝә дьшьдиньн?

⁶ Әм пе щабед хԝә һәв дьшьдиньн. (Бьхунә Ибрани 10:24, 25.) Һәр кәс жь мә дьшекьринә чахе хушк-бьра щаба хԝә дьдьн. Һʹәԝаса мә те чахе зарʹа бьчʹук бь дьл щаба кьн дьдә. Ӧса жи дьле мә дьгьрә гава әм дьбьһен, ԝәки кәсәк тьштед ԛимәт кӧ пеһʹәсийайә, гьли дькә. У чахе йед шәрмокә йан жи йед кӧ тʹәзә зьман һин дьбьн, щаба хԝә дьдьн, әм ԝанрʹа фьрнаԛ дьбьн, чьмки әԝана мерхасийе дьдьнә кʹьфше (1 Тʹеслн. 2:2). Ле ча әм дькарьн ԝанрʹа нишан кьн, кӧ әԝ щәфе ԝан ԛимәт дькьн? Ԝе баш бә һәрге паши щьвате пʹайе ԝан бьдьн бона щабед ԝани дьлгәрм. Диса щурʹәки кӧ әм ча дькарьн рʹазибуна хԝә нишан кьн, әԝ ә чахе әм хԝәха жи щаба хԝә дьдьн. Һьнге әм нә кӧ тʹәне дьлдайине дьстиньн, ле әм ӧса жи хԝәха дьл дьдьнә йед майин (Рʹом. 1:11, 12).

7. Әм чь кʹаре дьстиньн чахе щаба хԝә дьдьн?

 ⁷ Әм кʹаре дьстиньн чахе щаба хԝә дьдьн (Иша. 48:17). Чаԝа? Йа пешьн, чахе әм нете датиньн кӧ щаба хԝә бьдьн, әм һелан дьбьн бона щьвате хԝә һазьр кьн. Гава әм хԝә рʹьнд һазьр дькьн, әм дәстпедькьн Хәбәра Хԝәде кʹур фәʹм кьн. У әм чьԛас кʹур фәʹм дькьн, һаԛас баш әм дькарьн бьдьнә хәбате чь кӧ педьһʹәсьн. Йа дӧда, әм даһа шабуне жь щьвате дьстиньн, чьмки әм хԝәха жи щьватеда щаба хԝә дьдьн. Йа сьсийа, чахе әм щаба хԝә дьдьн, әв фькьр даһа рʹьнд бира мәда дьминьн.

8-9. а) Анәгори Малахи 3:16, Йаһоԝа ча дьньһерʹә сәр щабед мә? б) Һьнәк жь мә рʹасти чь чәтьнайе тен?

⁸ Чахе әм пе щабед хԝә баԝәрийа хԝә әʹйан дькьн, әм дьле Йаһоԝа ша дькьн. Әм гәрәке дӧдьли нәбьн, ԝәки Йаһоԝа мә дьбьһе у гәләк ԛимәт дькә кӧ әм сәр щьвата щаба хԝә дьдьн. (Бьхунә Малахи 3:16.) Әԝе йәке Хԝәде мәрʹа дьдә кʹьфше чахе мә кʹәрәм дькә, чьмки әм һәр тьшти дькьн сәва дьле ԝи ша кьн (Малх. 3:10).

⁹ Әшкәрә йә ԝәки мәʹнийед мәйә фәрз һәнә, сәва щьватеда щаба хԝә бьдьн. Ле йәкә һьнәк дьтьрсьн дәсте хԝә бьльнд кьн. Һәрге һун ӧса ньн, бәрхԝә нәкʹәвьн. Ԝәрә әм ньһа һьнә принсипед Кʹьтеба Пироз шеԝьр кьн, ӧса жи мәсәла у чәнд гавед керһати, кʹижан кӧ ԝе али мә һʹәмушка бькьн, кӧ щаба хԝә бьдьн.

10. а) Бал мә гәләка чь тьрс һәйә? б) Чьрʹа һәрге кәсәк дьтьрсә щаба хԝә бьдә, әԝ нишанәкә баш ә?

¹⁰ Бал ԝә ӧса дьбә кӧ һун дьхԝазьн дәсте хԝә бьльнд кьн, ле дьле ԝә ԛайим дькʹӧтә? Һәрге әре, һун тʹәне ниньн. Гәләк жь мә һьнәки дьтьрсьн чахе щаба хԝә дьдьн. Ле сәва кӧ әве тьрсе жь дьле хԝә дәрхьн, һун гәрәке тедәрхьн кӧ һун жь чь дьтьрсьн. Дьԛәԝьмә һун дьтьрсьн ԝәки гьлийед хԝә бир кьн йан жи тьштәки нәрʹаст бежьн. Йан дьԛәԝьмә һун дьфькьрьн, ԝәки щабед ԝә ԝе ӧса баш нибьн ча щабед хушк-бьра. Бь рʹасти, һәрге һун бона ве йәке дьтьрсьн, әԝ нишанәкә баш ә, чьмки  әв дьдә кʹьфше кӧ һун мьлук ьн у хԝә сәр мәрьварʹа нагьрьн. Йаһоԝа мәрьвед мьлук һʹьз дькә (Зәб. 138:6; Фили. 2:3). Ле Йаһоԝа ӧса жи дьхԝазә кӧ һун пәсьна бьдьнә ԝи у щьватеда хушк-бьред хԝә ԛәԝи кьн (1 Тʹеслн. 5:11). Әԝ ԝә һʹьз дькә у ԝе мерхасийе бьдә ԝә.

11. Кʹижан принсипед Кʹьтеба Пироз али мә дькьн, кӧ әм щьватеда щаба хԝә бьдьн?

¹¹ Дина хԝә бьдьнә сәр һьнә принсипед жь Кʹьтеба Пироз. Кʹьтеба Пироз дьбежә, ԝәки һәр кәс жь мә хәбәрданеда шашийа дькә (Аԛуб 3:2). Йаһоԝа жь мә дәʹԝа накә кӧ беԛьсур бьн, нә жи жь хушк-бьред мә (Зәб. 103:12-14). Әԝана нәфәред малбәта мәйә рʹӧһʹани нә, у мә һʹьз дькьн (Марԛ. 10:29, 30; Йуһʹн. 13:35). Әԝана фәʹм дькьн, ԝәки щара әм щабед хԝәда тьштәки ӧса дькарьн бежьн, чь кӧ мә нәдьхԝәст.

12-13. Әм жь сәрһатийа Нәһәмийа у Уньс чь педьһʹәсьн?

¹² Бьфькьрьн дәрһәԛа мәсәлед жь Кʹьтеба Пироз, кʹижан кӧ дькарьн али ԝә бькьн, ԝәки тьрсе жь хԝә дур хьн. Биньн бира хԝә Нәһәмийа. Әԝи ԛәсьра пʹадшаки ԛәԝида ԛӧльх дькьр. Нәһәмийа гәләк бәрхԝә дькʹәт, чьмки диԝар у дәргәһед Оршәлиме һьлшанди бун (Нәһәм. 1:1-4). Бьдьнә бәр чʹәʹве хԝә, дьле ԝи ча дькʹӧта, гава пʹадша жь ԝи пьрси, кӧ әԝ чьрʹа ӧса мәʹдәкьри йә. Нәһәмийа дәрберʹа Йаһоԝарʹа дӧа кьр у паше щаба пʹадше да. Пʹадша чахе щаба ԝи бьһист, аликʹарийа мәзьн да щьмәʹта Хԝәде (Нәһәм. 2:1-8). Ӧса жи бьфькьрьн дәрһәԛа Уньс. Чахе Йаһоԝа ԝирʹа гот кӧ һәрʹә тʹәви бьнәлийед Нинәԝайе хәбәр дә, Уньс гәләк тьрсийа у чу шәһәрәки майин (Унс. 1:1-3). Ле пе аликʹарийа Йаһоԝа, әԝ чу у шьхӧле кӧ Хԝәде дабу ԝи, кьр. У бь рʹасти гьлийед ԝи кӧ Нинәԝайарʹа гот, гәләк баш сәр ԝана һʹӧкӧм бун (Унс. 3:5-10). Жь сәрһатийа Нәһәмийа әм дәрсәкә фәрз һин дьбьн, кӧ пешийа щаба хԝә бьдьн лазьм ә дӧа бькьн. Ле жь Уньс әм педьһʹәсьн, кӧ Йаһоԝа дькарә али мә бькә, ԝәки жерʹа хьзмәт кьн, һәрге жи әм жь тьштәки дьтьрсьн. Ле щьватеда щаба хԝә бьдьн бь рʹасти ӧса тьрс у чәтьн нинә, чаԝа кӧ әʹламкьрьна диԝане бьнәлийед Нинәԝайерʹа.

¹³ Кʹижан гав ԝе али ԝә бькьн, кӧ пе щабед хԝә хушк-бьра дьлгәрм кьн? Ԝәрә чәнд ширәта шеԝьр кьн.

14. Чьрʹа әм бона щьвате гәрәке хԝә рʹьнд һазьр кьн, у кʹәнге әм дькарьн ве йәке бькьн?

¹⁴ Бона щьвата һазьр бьн. Чахе һун пешда хԝә рʹьнд һазьр кьн, һуне хԝәда һе баԝәр бьн у кем бьтьрсьн кӧ щаба хԝә бьдьн (Мәтʹлк. 21:5). Бәле, ԝәʹде мә һәр кәси мина һәв нинә. Хушкәкә мәйә жьнәби, кӧ ԝәкә 80 сали йә у наве ԝе Елоис ә, дәстпека һʹәфтийеда хԝә һазьр дькә бона «Бьрща Ԛәрәԝьлийе». Әԝ дьбежә: «Чахе әз хԝә пешда һазьр дькьм, әз жь щьвате һе зедә кʹаре дьстиньм». Щой, йа кӧ тʹәмам рʹож дьхәбьтә, рʹожа Шәмийе  хԝәрʹа ԝәʹдә башԛә дькә, ԝәки хԝә һазьр кә бона «Бьрща Ԛәрәԝьлийе». Әԝ дьбежә: «Әз һʹьз дькьм рʹожәк пешийа щьвате хԝә һазьр кьм, чьмки ӧса бира мьн начә». Айк, рʹуспики пешәнг, дьбежә: «Мьн фәʹм кьр ԝәки бона мьн баш ә нава тʹәмамийа һʹәфтийеда һьндьк-һьндьк һазьр бьм, нә кӧ щарәкерʹа».

15. Һун ча дькарьн бона щьвате хԝә рʹьнд һазьр кьн?

¹⁵ Ле чь дькʹәвә нава һазьркьрьне? Пешийа кӧ дәстпекьн хԝә һазьр кьн, дӧа бькьн Йаһоԝарʹа, ԝәки рʹӧһʹе хԝәйи пироз бьдә ԝә (Луԛа 11:13; 1 Йуһʹн. 5:14). Паше, чәнд дәԛа кʹьфш кьн, ԝәки бь тʹәмами дәрсе бьньһерʹьн, демәк нава, бьнсәрийа, шькла, чаргоша у пьрсед ԝәкʹьландьне. Чахе һун һәр абзасәке һазьр дькьн, чьԛас дькарьн һʹәму рʹеза бьхуньн. Һун чь жи дьхуньн, сәр бьфькьрьн, у дина хԝә бьдьн сәр фькьред кӧ һун дьхԝазьн щаба хԝә бьдьн. Һун чьԛас хԝә рʹьнд һазьр кьн, һуне һаԛас кʹаре бьстиньн у ԝәрʹа ԝе даһа һеса бә щаба хԝә бьдьн (2 Корн. 9:6).

16. Кʹижан һащәт бал ԝә һәнә, у чаԝа һун дькарьн ԝана бьдьнә хәбате?

¹⁶ Һәрге дькарьн, һащәтед әләктроник бьдьнә хәбате сәр ԝи зьмани, кʹижан кӧ һун заньн. Йаһоԝа бь сайа тʹәшкиләта хԝә програмед әләктроник дайә мә, сәва хԝә бона щьвате һазьр кьн. Бь сайа «JW Library^®» әм дькарьн әʹдәбйәтед бона һинбуне сәр тʹела хԝә бькʹьшиньн. Паше, фьрԛи тʹӧнә кʹәнге у кʹидәре, әм ида дькарьн әԝан әʹдәбйәта леколин бькьн, бьхуньн у пе аудиойе бьбьһен. Һьнәк хәбатеда ԝәʹде һесабуне әве йәке дькьн, һьнәк мәкʹтәбеда, һьнәк жи чахе рʹеда ньн. Һәрге әм дьхԝазьн һе зедә леколин бькьн, у зу-зу бьвиньн ԝан канийа, кʹидәре зедә информасийа те дайине, бьдьнә хәбате «Кʹьтебханәйа йа Бьрща Ԛәрәԝьлийе» у «КʹЬТЕБХАНӘЙА ОНЛАЙН^™ йа Бьрща Ԛәрәԝьлийе».

17. а) Чьрʹа баш ә ԝәки чәнд щаба һазьр кьн? б) Һун чь пеһʹәсийан жь видео «Бьбә Досте Йаһоԝа: Щаба Хԝә Һазьр кә»?

¹⁷ Ԝе баш бә, бона һәр дәрсәке чәнд щаба һазьр кьн. Чьрʹа? Чьмки чахе һун дәсте хԝә бьльнд кьн, дьбәкә һәр щар бьра ԝә нәпьрсә. Хушк-бьред дьн жи дәсте хԝә һьлдькʹьшиньн, у бьра дьбәкә кәсәки дьн бьпьрсә. Хенщи ве йәке, сәва щьват ԝәʹдәда хьлаз бә, бьре кӧ щьвате дәрбаз дькә, дьбәкә һьндьк мәрьва пьрс кә. Ләма һун гәрәке нәхәйдьн у бәрхԝә нәкʹәвьн, һәрге бьра дәстпекеда ԝә нәпьрсә. Һәрге һун чәнд щаба һазьр кьн, ԝе һе зедә мәщала ԝә һәбә щаба хԝә бьдьн. Дьбәкә һун хԝә һазьр дькьн, ԝәки рʹезед жь Кʹьтеба Пироз бьхуньн, ле ԝе баш бә ӧса жи щаба һазьр кьн у пе гьлийед хԝә бежьн. *

18. Чьрʹа баш ә щабед кьн бьдьн?

 ¹⁸ Щабед кьн бьдьн. Гәләк щар щабед кьн у һеса гәләк дьшьдиньн. Ләма жи хԝәрʹа нете дайньн кӧ щабед кьн бьдьн. Бьхәбьтьн сәр хԝә, ԝәки щаба ԝә 30 сәни зедәтьр нәкʹьшинә (Мәтʹлк. 10:19; 15:23). Һәрге ида гәләк сал ә кӧ һун щьватеда щаба хԝә дьдьн, илаһи һун дькарьн бьбьнә мәсәла баш кӧ щаба хԝә кьн бьдьн. Һәрге һун щаба хԝә дьреж бьдьн, йед дьн ԝе бьфькьрьн ԝәки ԝе нькарьбьн мина ԝә ӧса хәбәр дьн у ԝе бьтьрсьн щаба хԝә бьдьн. Ӧса жи щаба кьн мәщале дьдә, ԝәки хушк-бьред дьн жи щаба хԝә бьдьн. Илаһи һәрге бьра пешийе жь ԝә дьпьрсә, ԝе баш бә кӧ һун щаба һеса у конкрет бьдьн. Щарәкева һʹәму фькьред абзасе нәвежьн. Чахе ида нета сәрәкә йа абзасе һатә шеԝьркьрьне, һун дькарьн фькьред зедә бежьн (Бьньһерʹьн чаргошә « Щьватеда Дәрһәԛа Чь Әз Дькарьм Щаба Хԝә Бьдьм?»).

19. Бьре кӧ щьвате дәрбаз дькә ча дькарә али ԝә бькә, ле һун гәрәке чь бькьн?

¹⁹ Бьрарʹа, йе кӧ щьвате дәрбаз дькә бежьн, ԝәки һун дьхԝазьн сәр кʹижан абзасе щаба хԝә бьдьн. Ԝе баш бә пешийа дәстпека щьвате жерʹа бежьн. Чахе ида әԝ абзас бе шеԝьркьрьне, сәр кʹижане һун дьхԝазьн щаба хԝә бьдьн, дәрберʹа дәсте хԝә бьльнд кьн, сәва бьра дәсте ԝә бьвинә.

20. Чь щурʹәйи щьват мина нанхԝарьна тʹәви һәвала йә?

²⁰ Сәр щьвате ӧса бьньһерʹьн ча сәр нанхԝарьна тʹәви һәвалед незик. Бьдьнә бәр чʹәʹве хԝә, һәвалед жь щьвата ԝә тʹоп дьбьн бона нанхԝарьне, сәва тʹәвайи ԝәʹдә дәрбаз кьн, у ԝәрʹа дьбежьн кӧ һун жи хԝарьнәке һазьр кьн. Һуне чь бькьн? Дьбәкә һун һьнәки бәрхԝә кʹәвьн, ле йәкә һуне бь дьл у щан хԝарьнәкә баш чекьн, ԝәки гьшка хԝәш бе. Әм меванед Йаһоԝа нә, у әԝ щьватеда мәрʹа сьфьрәкә мәзьн вәдькә (Зәб. 23:5; Мәт. 24:45). У әԝ ша дьбә чахе әм жи тʹәви хԝә пʹешкʹешәкә бьчʹук тиньн, йа лапә баш чь кӧ әм дькарьн бьдьн. Ләма жи хԝә рʹьнд һазьр кьн бона щьвате, у бь дьл у щан щаба хԝә бьдьн. Паше һуне щьватеда жь сьфьра Йаһоԝа нә кӧ тʹәне бьхԝьн, ле ӧса жи пʹешкʹеше биньн.