1. Wat däir David up Jehovaa forneeme un wat däir hai dårweegen måke?

DAI KÖÖNIG DAVI hät sreewe: “Jehovaa is dai grötst un is wërd al dat låwen.” (Sal 145:3) Davi däir Jehovaa lijbe un dårweegen hai däir em låwe “ine gemaind”. (Sal 22:22 un 40:5) Sicher, duu däist Jehovaa uk lijbe un däist säge soo as David sägt hät: “Jehovaa, God fon Israel, schast låwt ware up ümer, oos fåter.” (1 Crô 29:10 bet 13)

2. (a) Wosoo koine wij Jehovaa låwe? (b) Wat is ni licht tau wek bruirers un swesters, un wat daue wij nådenke?

² Hüütsendåg wij koine Jehovaa låwe doir dai antwooren geewe in dai gemaind. Åwer tau wek bruirers un swesters dit is ni licht. Sai wile antwooren geewe in dai gemaind, åwer sai daue angst forneeme. Wat koine sai måke taum dës angst oiwerståe? Wat kan oos helpe antwooren geewe wat dai andrer koråsch geewe daue? Airer as dës frågen antwooren, wiman’s fair daile nådenke weegen wij antwooren geewe daue ine forsamlung.

3-5. (a) Soo as in Hebreus 13: 15 stäit, woweegen daue wij antwooren geewe ine gemaind? (b) Is dat soo dat ale ine gemaind oiwerain antwoore geewe muite? Dau uutdüüre.

³ Jehovaa löt dat wij ale em låwe daue. (Sal 119:108) Wen wij antwoore geewe is soo as wen wij wat tau em anbaire daue taum em låwe un kair kan dit anbaire for oos. (Lees Hebreus 13:15) Wosoo däit Jehovaa jërer antwoord saie? Wil hai dat jërer ainsig for oos dai neemlige sort antwoore geewe? Në!

⁴ Jehovaa däit waite dat oose leewend un dat wat wij måke forståe is ni oiwerain un hai giwt feele wërd dat wat jërer ainsig for oos anbaire kan. In dai israelitas sijn tijd, Jehovaa däir feel daile anneeme wat dai israelitas anbaire däire. Wek küüne ain schåpbuk urer ain seegebuk anbaire. Åwer, wen dai israelit arm wäir, man küün “twai klain duuwe urer twai jonge duuwe” anbaire. Wen dai israelit ni dai fågels geewe küün, Jehovaa däir “tëgen porcent fon air efa meel wat genau målt woore is” anneeme. (Lev 5: 7 un 11) Dat meel wäir biliger, åwer Jehovaa däir dat meel wërd geewe wen dai israelit dai best meel anbaire däir.

⁵ Jehovaa, oos lijb God, is ni aners woore. Wen wij antwooren geewe, hai wil ni dat wij soo gaud fortele schåle as Apolo urer Paulo. (Atos 18:24 un 26:28) Hai wil bloos dat wij dat best antwoord geewe daue soo as wij koine. Dau denke an dai witfruug wat twai klain kopersgild anbåre hät. Jehovaa däir eer sër lijbe weegen sai hät måkt dat best wat sai küün. (Lucas 21:1 bet 4)

6. (a) Soo as in Hebreus 10:24 un 25 stäit, wosoo daue wij oos forneeme mit dai antwooren wat wij hööre? (b) Wosoo kast duu wijse dat’s duu dankbår büst fon dës antwooren?

⁶ Oos antwooren geewe dai andrer koråsch. (Lees Hebreus 10:24 un 25) Wij daue sër gërn hööre wen feel bruirers un swesters ine gemaind antwooren geewe. Däit oos härts anstööte wen wij hööre air antwoord fon air kind urer dai frööligkët saie wen air mësch antwoore däit oiwer ain wårhët wat dai lërt hät. Un nog, wij daue wërd geewe dai wat mit Jehovaa sijn hülp sich anstrenge daue taum ain antwoord geewe lijkerst dat dai beschåmt sin urer oos språke lëre daue. (1 Tes 2:2) Woo koine wij dankbår sin weegen eer anstrengen? Nå dai forsamlung, wij koine eer danke for eer gaud antwooren. Wij koine uk oos antwooren geewe. Den, nog as koråsch krijge, wij daue uk koråsch geewe. (Rom 1:11 un 12)

7. Woweegen antwooren geewe is gaud tau oos?

⁷ Antwooren geewe is sër gaud tau oos. (Isa 48:17) Wosoo? Airst, wen wij antwooren geewe wile, wij daue oos beeter trechtmåke tau dai forsamlung. Den, wen wij oos gaud trechtmåke, daue God sij Woord beeter forståe, un ji mër wij dai Bijbel beeter forståe daue, ji mër leewe wij nå dat wat wij lëre daue. Twait, wij daue oos fröölig forneeme in dai forsamlung wen wij antwooren geewe. Drür, taum antwooren geewe wij muite oos anstrenge. Den, dai daile wat wij antwoort häwe daue länger tijd in oos kop blijwe.

8-9. (a) Soo as in Malaquias 3:16 stäit, wosoo mainst duu däit Jehovaa sich forneeme wen wij antwooren geewe? (b) Nog soo, wat fon angst daue wek häwe?

⁸ Jehovaa fröölig blijwt wen wij oiwer oose gloobe fortele. Wij koine sicher sin dat wen wij antwoore geewe daue, Jehovaa däit dat hööre un giwt feele wërd wen wij oos anstrenge dårtau. (Lees Malaquias 3:16) Jehovaa däit oos seegne wen wij oos anstrenge daue taum em gefale. (Mal 3:10)

⁹ Soo as wij saie häwe, wij daue antwooren geewe weegen feel daile. Lijkerst soo, wek häwe angst taum dai hand hooghule. Wen’s duu uk soo dij forneeme däist, bruukst ni traurig blijwe. Wiman’s saie wek daile wat wij antwoore koine ine gemaind, wek sprüüch fon dai Bijbel un dai geschichte fon twait rëal kërls ine früüer tijd wat uk dårtau oos helpe.

10. (a) Wat fon angst daue feel fon oos forneeme? (b) Woweegen angst häwe taum antwooren geewe kan gaud sin?

¹⁰ Wen’s duu denkst an dij hand hooghule taum antwooren geewe, blijwst duu nervöös? Wen’s duu soo dij forneeme däist, büst ni bloos duu. Weegen mëste fon oos daue angst forneeme wen wij antwooren geewe. Åwer, taum dat oiwerståe duu must waite woweegen duu angst forneeme däist. Kan sin duu häst angst taum forgeete wat’s duu fortele wist urer säge air dail wat ni richtig is. Urer kan sin duu mainst dat dijn antwoord ni soo gaud is as dai andrer sijn antwoord. Soo denke kan gaud sin. Dat wijst dat’s duu gewöönlig büst un dai andrer wërd häwe däist. Jehovaa lijbt dai gewöönlige. (Sal 138:6 un Fil 2:3) Åwer Jehovaa wil uk dat’s duu em låwe däist un dat’s duu koråsch giwst tau dai bruirers un swesters ine gemaind. (1 Tes 5:11) Jehovaa dij lijbe däit un giwt dai koråsch wat’s duu bruukst.

11. Wat fon sprüüch fone Bijbel koine oos helpe?

¹¹ Wiman’s saie wek sprüüch fon dai Bijbel. Dai Bijbel sägt dat wij ale daue wat forkërd säge. (Tia 3:2) Ni Jehovaa uk ni oos bruirers un swesters maine dat wij ale ümer richtig säge daue. (Sal 103:12 bet 14) Oos bruirers un swesters sin oos familg in gloobe un daue oos lijbe. (Mar 10:29, 30 un João 13:35) Sai daue forståe dat wekmåls wij krijge ni oos antwooren geewe soo as wij wule.

12-13. Wat lëre wij fon Neemias un Jonas?

¹² Wek geschichte fon dai Bijbel koine dij helpe dij angst oiwerståe. Dau ais denke an Neemias. Hai däir foir air köönig dijne. Neemias wäir traurig weegen hai däir waite dat dai muurs fon dai groot doire fon Jerusalém wäire foråst. (Nee 1:1 bet 4) Denk dij an wat fon angst hai fornåme hät as dai köönig em frågt hät woweegen hai traurig wäir. Neemias hät ain kort gebeed måkt un hät dai fråg antwoort. Nog as dit, dai köönig God sij folk sër mithulpe hät. (Nee 2:1 bet 8) Denk uk an Jonas. As Jehovaa em sägt hät mit dai ninivitas fortele, Jonas hät soo groot angst fornåme dat hai is up anerd stel henrëst. (Jonas 1:1 bet 3) Åwer, mit Jehovaa sijn hülp, hai hät tau Ninive sijn folk preegt un dai wöör wat hai sägt hät, hät dai lüür fon dai stad rert. (Jonas 3:5 bet 10) Wat koine wij fon dës geschichte lëre? Fon Neemias häwe wij lërt dat, beere airer as antwooren geewe hät feele wërd, un fon Jonas, häwe lërt dat Jehovaa kan oos helpe em dijne lijkerst dat wij feel angst häwe. Un wen wij denke daue, antwoore geewe is feel lichter as preege in Ninive, is ni wår?

¹³ Wat kan dij helpe antwoore geewe in dai gemaind? Wiman’s wek daile saie.

14. Woweegen muite wij oos gaud trechtmåke taum dai kristlige forsamlunge, un wonair koine wij dat måke?

¹⁴ Dau dij trechtmåke tau jërer forsamlung. Wen’s duu tijd ruuterneeme däist taum dij gaud trechtmåke tau dai forsamlunge däist duu mër koråsch forneeme taum antwooren geewe. (Pro 21:5) Jërer mësch däit uutsuike wonair man sich trechtmåke kan. Eloise, ain witfruug mit 80 jåre, mökt dai Wat Bekandmökt trecht glijk an dat anfang fon dai week. Sai sägt: “Ik dau mër lëre ine forsamlung wen ik mër tijd häwe taum mij gaud trechtmåkt.” Joy, ain swester wat dai gans dag oiwer arbëre däit, nimt ain tijd ruuter an sunåwends taum dai Wat Bekandmökt trechtmåke. Sai sägt: “Ik dau mij gërn soo måke weegen is lichter dat ine kop blijwe.” Ike, air ülst wat uk pionijr is hät sägt: “Tau mij is beeter kort tijd lëre jërer dag un ni ales lëre bloos aine dag.”

15. Wosoo kast duu dij gaud trechtmåke taum antwooren geewe?

¹⁵ Wosoo kast duu dij gaud trechtmåke taum antwooren geewe? Fängt an lëren mit ain gebeed un dau Jehovaa sij hailig gaist bire. (Luc 11:13 un 1 João 5:14) Nåheer, dau klain bits denke an titels, uuner titels, dai bijler un dai frågen taum nådenken. Solang as duu jërer paragraaf studijre däist, forsuik mër sprüüch leese as duu kast. Dau angrüüwle an wat’s duu leese däist uphaupt woo’s duu antwoore geewe wilst. Ji mër as duu dij gaud trechtmåke däist, ji mër lërst duu un lichter wart antwooren geewe. (2 Cor 9:6)

16. Wat fone hülpen taum lëren häwe wij, un wosoo däist duu dai benutse?

¹⁶ Wen’s duu kast, benuts dai hülpen fon lëren wat geewe däit. Doir dai gemaind, Jehovaa oos geewe däit hülps taum lëre. Wij koine dës hülps benutse taum oos trechtmåke taum dai forsamlung. Mit dai aplicativo JW Library^®, wij krijge dai buiker download måke in oos celular urer tablet. Den, wij krijge up irgends air stuun urer stel oos forsamlung trechtmåke urer dat leese urer hööre. Wek dau dat måke wen sai nå arbëd urer schaul gåe, urer wen sai wek tijd häwe. Doir dai Watchtower Library urer dai buikerstuuw in internet fon Torre de Vigia is feel lichter dai daile gaud uutsuike wat wij beeter forståe wile.

17. (a) Woweegen is gaud mër as ain antwoord trechtmåke? (b) Wat häst duu lërt fon dem video Torne-se Amigo de Jeová — Prepare Seu Comentário?

¹⁷ Wen’s duu kast, dau trechtmåke mër as air antwoord. Woweegen? Weegen kan sin dat’s duu ni uutsöcht warst in dai airst mål dat’s duu dijn hand hooghule däist. Andrer koine uk dai hand hooghule in dai neemlig fråg as duu un dai braurer kan eer uutsuike. Weegen dai tijd, dai braurer kan wënig lüür uutsuike taum antwoore geewe in ain paragraaf. Dårweegen, blijwt ni arglig urer traurig weegen hai dij ni uutsöcht hät. Wen’s duu andrer antwooren trechtmåkt häst, duu kast in andrer paragraaf mitmåke. Duu kast uk air Bijbel spruch leese. Åwer wen’s duu kast, geew ain antwoord in dijn selwige wöör. *

18. Woweegen is gaud kort antwoore geewe?

¹⁸ Dau kort antwooren geewe. Dai antwooren wat mër koråsch geewe daue ümer ainfach un kort sin. Den, dau dij anstrenge taum dit måke. Wen’s duu ain antwoord geewe forsuik ni fortele mër as 30 sekunde. (Pro 10:19 un 15:23) Wen’s duu mitmåke däist in dai forsamlung doir feel jåre lang, dai andrer koine dij nåmåke wen’s duu kort antwoore geewe däist. Wen’s duu lang antwoore geewe däist, wat feel minute lang hule daue, dai andrer koine denke dat sai nij ais antwoore krijge soo as duu. Un nog, dai kort antwoord giwt hen dat andrer uk antwoore koine. Wen’s duu dai airst wat uutsöcht büst, dau ain kort antwoord geewe. Forsuik ni ales antwoore wat in paragraaf stäit. Nå dat hauptsach antwoord geewt wart, den duu kast andrer antwoore geewe. (Kijk dai tåfel “ Woo oiwer kan ik antwoore?”)

19. Wosoo kan dai braurer dij helpe, åwer wat must duu måke?

¹⁹ Dau dai braurer säge wat fon paragraaf duu antwoore wilst. Wen’s duu wilst dat måke, säg dai braurer ain tijd airer as dai forsamlung anfänge däit. Wen dai braurer dai fråg måke däit wat’s duu antwoore wilst, dau dij hand rasch hooghule. Wen’s duu soo måke däist dai braurer kan dij saie.

20. Woweegen koine dai kristlige forsamlunge t’hoopmaint ware mit t’hoop eete mit amigos?

²⁰ Up dai forsamlung sin, is grår soo as wen wij t’hoop eete mit oos amigos. Denk man’s dat wek bruirers in oos gemaind ain churrasco måke wile un dij forlange taum eeten mitbringe wat gewöönlig is un gaud smäke däit. Woo däist duu dij forneeme? Kan sin kast duu dij unruig forneeme däist, åwer sicher duu däist mitneeme air dail wat jërer ainsig gefale däit. Jehovaa oos nöögt tau dai forsamlung. Hai däit trechtmåke air disch mit feel gaure daile. (Sal 23:5 un Mat 24:45) Hai blijwt sër fröölig wen wij ain ainfach dail mitneeme, åwer dat best wat wij geewe koine. Den, dau dij trechtmåke taum dai forsamlung un dau mitmåke soo as duu kast. Soo, duu kast ni bloos eete upm Jehovaa sijn disch, åwer duu kast uk air geschenk geewe taum dai gemaind.