ATUAQQISSAAGASSAQ 6
Assuarnaattuarit!
“Toqussara tikillugu aalajangiukkumavara isornaatsumik inuusimasunga.” – JOB 27:5.
ERINARSUUT 34 Assuarnaallunga inoorusuppunga
QILANAARTUUT *
1. Jehovap Nalunaajaasuisa pingasut immikkoortumi matumani eqqartorneqartut Jehova qanoq ilumoorfigaat?
JEHOVAP Nalunaajaasui pingasut ima misigisaqartut takorlooruk. (1) Niviarsiaraq atuarfimmi atuartillugu ilinniartitsisup atuartut tamaasa nalliuttorsiornermut peqataaqquai. Niviarsiaqqap nalunnginnamiuk nalliuttorsiorneq tamanna Guutip iluarinngikkaa ataqqinnilluni peqataajumanngilaq. (2) Angutip inuusuttup ittuutuup matumiit matumut oqaluussitilluni paasivaa atuaqatimi ilaat illumi kasuttugassaminni najugaqartoq – taassumalu Jehovap Nalunaajaasui illaruaatigisareersimavai. Angulli inuusuttoq illumukarpoq kasuttorlunilu. (3) Angut tamaviaarluni ilaquttaminik pilersuivoq, ittuata taamaalluni unneqqaserluttumik inerteqqutaasumilluunniit ilioqquaa. Soraarsitaasinnaagaluarluni angutip nassuiarpaa Guutip kiffami unneqqarinnissaannik inatsisinillu maleruaanissaannik piumasaqarnera pissutigalugu taamaaliorsinnaanani. – Rom 13:1-4; Hebr 13:18.
2. Apeqqutit suut eqqartussavavut, aamma sooq?
2 Inuit pingasut taakkua qanoq ittumik pissuseqarpat? Arlallit, soorlu sapiissuseq unneqqarissuserlu, immaqa maluginiarpatit. Pissuserli ataaseq erlinnartoq ersarilluinnarpoq – assuarnaassuseq. Tamarmik Jehova ilumoorfigaat, Guutip najoqqutassiai unioqqutikkusunngilaat. Assuarnaassuseq pissutigalugu iliuuseqarput. Taamatut tamarmik immikkut pissuseqarmata Jehovap tulluusimaarutigisimassavai. Uaguttaaq Ataatarput qilammiusoq tulluusimaartikkusupparput. Taamaattumik apeqqutit uku pingasut eqqartussavavut: Assuarnaassuseq suua? Sooq assuarnaattariaqarpugut? Ullunilu artornartuni makkunani assuarnaattuarnissarput qanoq aalajangiusimanerulersinnaavarput?
ASSUARNAASSUSEQ SUUA?
3. (a) Assuarnaassuseq suua? (b) Assersuutit suut iluaqutigalugit assuarnaassutsip isumaa paasisinnaavarput?
3 Guutip kiffai assuarnaassutsimik qanoq ersersitsisarpat? Jehovamik uummatikkut iluunngarluta kipitinneqarsinnaanngitsumillu asanninnikkut, tamannalu pissutigalugu iluarisaatut iliortuarnikkut. Biibilimi oqaaseq assuarnaassuseq qanoq atorneqartartoq paasinialaariartigu. Biibilimi oqaaseq hebræerisooq ‘assuarnaassutsimik’ nutserneqartoq ima isumaqarpoq: Tamarmiusoq peqqissorlu. Assersuutigalugu Israelikkut uumasunik Jehovamut pilliuteqartarput, Inatsisillu naapertorlugit uumasut innarluuteqartussaanngillat. * (3 Mos 22:21, 22) Guutip innuttai uumasumik niumik, siutimik isimilluunniit amigaatilimmik ajoqutilimmilluunniit pilliuteqaqqusaanngillat. Uumasup tamarmiusup peqqissullu pilliutigineqarnissaa Jehovap pingaartippaa. (Mal 1:6-9) Jehovap tamarmiusunik peqqissunillu pingaartitsinera paasisinnaavarput. Arlaannik pisigaangatta, soorlu naatitamik, atuakkamik sakkumilluunniit, ajoquteqassasoq amigaateqassasorluunniit kissaatigineq ajorparput. Tamarmiussasoq kissaatigisarparput. Taamatuttaaq Jehovap kissaatigaa tamakkiisumik minguitsumillu pissutiginiagaqarluta asassagitsinni ilumoorfigissagitsinnilu.
4. (a) Sooq inuk naammalluinnanngitsoq assuarnaassinnaava? (b) Tussiaat 103:12-14 naapertorlugit Jehovap qanoq piumaffigaatigut?
4 Eqqarsassaagut assuarnaakkumalluta naammalluinnartuusariaqarluta? Tamattami misigisarunarpugut kukkoqattaartarluta. Assuarnaakkumalluta naammalluinnartuusariaqannginnitsinnut pissutaasut eqqarsaatigikkit. Siullertut, Jehovap kukkussutivut isiginiarneruneq ajorpai. Oqaasiani paasivarput: “Illit Naalagaq, ajortuliat naatsorsuutigissagaluarukkit kina atassagaluarpa taava, Naalagaq?” (Tuss 130:3) Naammalluinnanngitsuusugut ajortiliusugullu nalunngilaa, aamma isumakkeerfiginnikkumasarpoq. (Tuss 86:5) Aappaattut, Jehovap pisinnaasatta killeqarnerat nalunnginnamiuk sapikkatsinnik piumasaqarfigineq ajorpaatigut. (Tussiaat 103:12-14 atuakkit). Taavami taassuma isaani qanoq tamarmiullutalu peqqissuusinnaagatta?
5. Sooq Jehovap kiffai assuarnaakkumallutik asannittariaqarpat?
5 Jehovap kiffai assuarnaakkumallutik asannittariaqarput. Guutimik asanninnerput Ataatatsinnullu qilammiusumut ilumoorfiginnilluta tunniusimanerput tamarmiusariaqarlunilu minguitsuusariaqarpoq. Allaat misilinneqarnermi taamatut asannittuarutta assuarnaassaagut. (1 Nal 28:9; Matt 22:37) Nalunaajaasut pingasut aallaqqaataani allaatigineqartut eqqarsaatigeqqikkit. Taamatut iliuuseqarnerannut suna pissutaava? Niviarsiaraq atuarfimmi nuannisarusunngilluinnarpa, angulluunniit inuusuttoq matumi kanngusukkusuppa, ilaqutariinniluunniit ittuusoq soraarsitaarusuppa? Soorunami naamik. Jehovalli najoqqutassiaasa naapertuilluartuunerat nalunagulu Ataataminnit qilammiusumit iluarisaarusupput. Asagamikku aalajangiinnginnerminni eqqarsaatigeqqaartuaannarpaat. Taamaalillutik assuarnaatsuunertik ersersippaat.
SOOQ ASSUARNAATTARIAQARPUGUT?
6. (a) Sooq assuarnaattariaqarpit? (b) Adami Evalu qanoq assuarnaakkunnaarpat?
6 Sooq tamatta assuarnaattariaqarpugut? Assuarnaattariaqarputit Saatanip Jehova 1 Mos 3:1-6) Edenimi inuunerminni Jehovamik asanninnermik nakussatsinnissaanut periarfissarpassuaqarput. Saatanilli unammillernerata nalaani asanninnerat tamarmiunanilu minguitsuunngilaq. Kingusinnerusukkut apeqqut una akineqartariaqalerpoq: Inuit kikkulluunniit Jehova Guuti asagamikku ilumoorfigisinnaassavaat? Allatut oqaatigalugu, inuit assuarnaassinnaappat? Jobip nalaani tamanna apeqquserneqarpoq.
unammillermagu, aamma illit unammillerpaatit. Inngili pikitsitsisoq taanna naatsiivimmi Edenimi imminut Saataninngortippoq, tassa ‘akerlilersuisunngortippoq’. Taassuma Jehovap atia kanngunarsarlugu oqaatigimisaarpaa Guuti ajortuusoq, namminissarsiortuusoq Naalakkersuisutullu unneqqaserluttuusoq. Ajoraluartumik Saatani tapersersorlugu Adami Evalu Jehovamut pikitsitsipput. (7. Jobi 1:8-11 ersersinneqartutut Jobip assuarnaannera Jehovap Saatanillu qanoq isumaqarfigaat?
7 Israelikkut Egyptenimiinnerisa nalaanni Jobi inuuvoq. Taassuma assuarnaannera immikkuullarissuuvoq. Uatsitulli naammalluinnanngitsuugami kukkusarpoq, Jehovalli Jobi assuarnaammat asavaa. Saatanip inuit assuarnaassusiat pillugu Jehova nikanarsareersimagunarpaa. Taamaattumik Jehovap Jobi innersuussutigaa. Angutip taassuma inooriaasiatigut Saatanip sallutuujunera uppernarsarneqarpoq. Jobip assuarnaassusia misilinneqassasoq Saatanip piumasaraa. Jehovap ikinngutini Jobi tatigigamiuk Saatanimit misilinneqarnissaa akueraa. – Jobi 1:8-11 atuakkit.
8. Saatanip Jobi qanoq saassuppaa?
8 Saatani peqqarniitsuuvoq toqutsisuullunilu. Jobi pigisaanik tamanik arsaarlugulu kiffai toqullugillu tusaamanerlugaalersippaa. Jobip Job 1:13-22; 2:7-11; 15:4, 5; 22:3-6; 25:4-6.
ilaqutai saassuppai meeraasalu asasai qulit toqullugit. Taava Jobip timaa saassuppaa assut napparsimalersillugu niaquaniillu isigaanut annernartunik ajuaqalersillugu. Jobip nulia isumatsaqqalluni aliasunnermillu sapilerluni uini tunniutiinnaqquaa, Guutimik perloqquseqquaa toquinnaqqullugulu. Jobi toqunissani kissaatigigaluarlugu assuarnaattuarpoq. Taava Saatanip saassussinermi periuseq alla atorpaa. Jobip ikinngutai pingasut atorpai. Angutit Jobi ulluni arlalinni tikeraaraluarlugu tuppallersarnagu soqqusaatsumik isornartorsiorpaat. Oqarput ajornartorsiutaanut Guuti pisuusoq assuarnaanneranillu soqutigisaqanngitsoq. Allaat Jobi angutaanerarpaat ajortoq pisassamisut alianartorpassuarnik nalaataqartoq. –9. Jobi misilinneqaraluarluni sorusunngila?
9 Jobi erloqingaarnermini sua? Naammalluinnanngitsuuvoq. Kamalluni tuppallersaasuusaartut assuarai, kingusinnerusukkullu nassuerutigisamisut isumaatsumik oqalulluni. Guutip naapertuilluarnera pinnagu nammineq naapertuilluartuunini illersorneruaa. (Job 6:3; 13:4, 5; 32:2; 34:5) Jobilli atugarliungaaraluarluni Jehova Guuti tunukkumanngilaa. Ikinngutaasuusaartut salluliuutaat uppererusunngilai. Ima oqarpoq: “Ilumoorneranngisaannassavassi; toqussara tikillugu aalajangiukkumavara isornaatsumik inuusimasunga.” (Job 27:5) Taamaalilluni qanorluunniit pisoqaraluarpat assuarnaattuarnissaminik aalajangiusimanninnini ersersippaa. Jobi tunniutiinnarusunngilaq, uaguttaaq taamaaliorsinnaavugut.
10. Jobip nalaani Saatanip akerliliissutaanut qanoq ilanngunneqarpit?
10 Saatanip unnerluussutaanut tunngatillugu illit qanoq ilanngunneqarpit? Oqarpoq Jehova Guuti iluamik asanngikkit, aniguiniaannarlutit kiffartorfigiunnaassagit assuarnaassutsillu aalajangiusimanavianngikkit! (Job 2:4, 5; Saqq 12:10) Tamanna qanoq misigilissutigaajuk? Annernarpoq, ilaa? Unali eqqarsaatigiuk: Jehovap tatigingaaramitit nuannersumik periarfissippaatit. Saatanip assuarnaassutsinnik misiliinissaa akueraa. Qularinngilaa assuarnaattuassallutillu Saatanip sallutuujuneranik uppernarsaaqataasinnaasutit. Taamaaliorninnilu ikiorniarlutit neriorsuivoq. (Hebr 13:6) Nunami qilammilu Kisimi Oqartussaasumit tatigineqarneq immikkut pisinnaatitaaffiuvoq! Paasiviuk sooq assuarnaassuseq pingaaruteqartoq? Saatanip salluliuutaasa ilumuunnginnerannik uppernarsaanissamut, Ataatatta atianik qutsissisitsinissamut naalakkersueriaasianillu tapersersuinissamut iluaqutigaarput. Qanoq assuarnaattuarsinnaavugut?
QANOQ ASSUARNAATTUARSINNAASUGUT
11. Jobi qanoq ilinniarfigisinnaavarput?
11 ‘Ulluni kingullerni’ makkunani Saatanip saassussisarnini sakkortunerulersippai. (2 Tim 3:1) Ulluni erloqinartuni assuarnaattuarumalluta qanoq imminut nakussatsissinnaavugut? Matumani aamma Jobi ilinniarfigingaarsinnaavarput. Jobi misilinneqarnini sioqqullugu Jehovamut assuarnaattuarpoq. Assuarnaattuarumalluta imminut nakussatsinnissamut qanoq pingasutigut ilinniarfigisinnaallugu eqqarsaatigiuk.
12. (a) Jobi 26:7, 8, 14-imilu eqqaaneqartutut Jobi Jehovamik mianerinninnermik ataqqinninnermillu qanoq ineriartortitsiva? (b) Guuti qanoq uummammit pisumik mianerilersinnaavarput?
12 Jobip Jehovamik mianerinninnermik ineriartortitsinikkut Guuti asanerulerpaa. Jehovap pinngortitarsuata alutornassusia qimerloortarpaa. (Jobi 26:7, 8, 14 atuakkit). Nunarsuaq, qilak, nuissat kallernerillu eqqarsaatigigaangamigit tupigusungaartarpoq, nassuerutigaali pinngortitarsuaq pillugu ilisimasaqarpallaarnani. Jehovap oqaasii aamma pingaartikkamigit ‘uummammiuginerarpai’. (Job 23:12) Jobip Jehova tupigusuutigigamiuk ataqqingaarpaa. Ataatani asallugulu nuannaartikkusukkamiuk assuarnaattuarnissani aalajangiusimanerulerpaa. Jobitut iliortariaqarpugut. Jobip nalaani inuusunit pinngortitarsuaq pillugu ilisimasaqarnerungaarpugut. Aamma Biibili isumassarsiarititaasoq tamaat iluaqutigalugu Jehovap kinarpiaanera ilinniarsinnaavarput. Tamakkua tamaasa iluaqutigalugit uummammit pisumik mianerinnilersinnaavugut. Jehovamik mianerinninnerput ataqqinninnerpullu Guutip asanissaanut naalannissaanullu kajumississutigissallugillu assuarnaattuarnissarput qamannga pisumik kissaatiginerulersinnaavarput. – Job 28:28.
13-14. (a) Jobi 31:1-imi allassimasutut Jobip naalannini qanoq ersersippaa? (b) Jobip maligassiaa qanoq ilaarsinnaavarput?
13 Jobip sutigut tamatigut naalannini assuarnaannissamut iluaqutigaa. Jobip nalunngilaa assuarnaakkumalluni naalattariaqarluni. Uaguttaaq naalakkaangatta assuarnaannissarput aalajangiusimanerulertarparput. Jobip ulluinnarni inuunermini Guutimut naalannissani tamaviaarluni sulissutigiuarpaa. Assersuutigalugu arnanut pissusilersoriaatsini eqqumaffigiuaannarpaa. (Jobi 31:1 atuaruk). Nuliaqarami nalunngilaa arnamut nuliarinngisaminut kimulluunniit ajuutiginnilluni soqutiginninneq naleqqutinngitsuusoq. Nalitsinni silarsuarmi atoqateqarnissamut ussernartunik ulikkaartumi inuuvugut. Jobi ilaarlugu katissimanngisatsinnut naleqqutinngitsumik soqutiginninnermik ersersitsinnginnissarput aalajangiusimassavarput? Aamma assinik tiingarusulersitsisunik pornografiimilluunniit isiginnaannginnissarput aalajangiusimassavarput? (Matt 5:28) Ulluinnarni taamatut imminut aqussinnaasarutta assuarnaannissarput aalajangiusimanerulissavarput.
Job 31:24, 25, 28) Ullumikkuttaaq silarsuarmi pigisalerituumi inuuvugut. Biibilimi kajumissaarneqarnitsitut aningaasanut pigisanullu oqimaaqatigiissumik isiginnittaaseqarutta assuarnaannissarput aalajangiusimanerulissavarput. – Uss 30:8, 9; Matt 6:19-21.
14 Jobip aamma pigisanut isiginnittaatsimut tunngatillugu Jehova naalappaa. Jobip paasivaa pigisat isumalluutigigunigit pillarneqaataasussamik ingasattumik ajortuliussalluni. (15. (a) Jobip qanoq akissarsisinneqarnissani assuarnaattuarnissamut iluaqutigaa? (b) Jehovap uagutsinnut neriuutissiissutaata eqqaamajuarnera sooq iluaqutigisinnaavarput?
15 Jobi Guutimit akissarsisinneqarnissaminik neriuutini eqqarsaatigiuaramiuk assuarnaappoq. Upperaa assuarnaannini Guutip pingaartikkaa. (Job 31:6) Jobi misilinneqartaraluarluni Jehovamit akissarsisinneqarumaarnini qularinngilaa. Tamanna assuarnaannissamut iluaqutigigaa ilimanarluinnarpoq. Jobip assuarnaannera Jehovap iluaringaaramiuk suli naammalluinnanngitsuusoq akissarsisingaarpaa. (Job 42:12-17; Jaak 5:11) Jobi suli annerusumik akissarsisinneqartussaavoq. Illit assuarnaannerit pillugu Jehovamit akissarsisinneqarnissat upperilluinnarpiuk? Guuterput allanngorsimanngilaq. (Mal 3:6) Jehovap assuarnaatsunik akissarsisitsisarnera eqqaamajuarutsigu nuannersumik siunissaqarumalluta sapinngisatsinnik assuarnaattuassaagut. – 1 Th 5:8, 9.
16. Sunissarput aalajangiusimasariaqarparput?
16 Taamaattumik assuarnaattuarit! Immaqa ilaannikkut kisimiittutut misigisassaatit, kisimiinngisaannarputilli. Silarsuarmi inuit aalajaallutik assuarnaatsut millionillit ilagissavaatsit. Aamma itsaq angutit arnallu allaat toqumik siorasaarneqaraluarlutik upperlutik assuarnaatsut ilagilissavaatsit. (Hebr 11:36-38; 12:1) Qanortoq tamatta Jobip oqaasii uku malillugit inuunissarput aalajangiusimatigu: “Aalajangiukkumavara isornaatsumik inuusimasunga.” Qanortorlu assuarnaannerput naassaanngitsumik Jehovamut ataqqinaataagili!
ERINARSUUT 29 Aqqit ataqqillugu inuuvugut
^ imm. 5 Assuarnaassuseq suua? Sooq Jehovap kiffami taama pissuseqarnissaat pingaartippaa? Sooq assuarnaassuseq tamatsinnut pingaaruteqarpa? Allaaserisaq una iluaqutigalugu apeqqutit taakku Biibilimi akissutissarsissavavut. Aamma ullormiit ullormut assuarnaattuarnissamut qanoq nakussatsissinnaanitta paasilluarnissaanut iluaqutigissavarput. Taamaaliorneq pilluaqquneqaataangaassaaq.
^ imm. 3 Oqaaseq hebræerisooq uumasumut tunngatillugu ‘innarluuteqanngitsumik’ nutserneqartoq inummut tunngatillugu oqaatsimut ‘assuarnaassutsimut’ attuumassuteqarpoq.
^ imm. 50 ASSIMI MALUGISASSAT: Takusinnaavarput Jobip meeqqami ilai Jehovap pinngortitarsua alutornartoq pillugu ilinniartikkai.
^ imm. 52 ASSIMI MALUGISASSAT: Qatanngutip angutip suleqatini pornografiimik isiginnaaqatigerusunngikkai.
^ imm. 54 ASSIMI MALUGISASSAT: Qatanngutip angutip fjernsynimik angisuumik pisariaqartinngisaminik akissaqartinngisaminillu pisinissamut kimigiiserfigineqarnini itigartikkaa.
^ imm. 56 ASSIMI MALUGISASSAT: Qatanngutip angutip paratiisimik neriuut ataqqinnittumik isiginnittaaseqarluni eqqarsaatigeqqissaarai.