7-زەرتتەۋ ماقالاسى
مومىندىقتى ىزدەپ، ەحوبانىڭ ىقىلاسىنا بولەنىڭىز
«ەحوبانى ىزدەڭدەر، جەر بەتىندەگى كۇللى مومىندار،.. مومىندىقتى ىزدەڭدەر» (ساف. 2:3).
80-ٵن «دامىن تاتىڭدار دا، ەحوبانىڭ ىزگىلىگىنە كوز جەتكىزىڭدەر»
اڭداتپا *
1، 2. ا) كيەلى كىتاپتا مۇسا قالاي سيپاتتالعان جانە ول نە ىستەگەن؟ ٵ) مومىندىقتى دامىتۋدىڭ قانداي كەلەلى سەبەبى بار؟
مۇسا پايعامبار كيەلى كىتاپتا «جەر بەتىندەگى ەڭ مومىن ادام» رەتىندە سيپاتتالعان (مۇس. 4-ج. 12:3). سوندا ول ٵلسىز، ىنجىق، قورقاق بولعان با؟ ٴباز بىرەۋلەر مومىن ادامدى وسىلاي دەپ بىلەر. ٴبىراق بۇلاي ويلاۋ — قاتە. مۇسا قۇدايدىڭ مىقتى، شەشىمىنە نىق، ەرجۇرەك قىزمەتشىسى بولعان. ەحوبانىڭ قولداۋىمەن ول مىسىردىڭ قۇدىرەتتى امىرشىسىنە قارسى تۇردى، 3 000 000 داي حالىقتى ٴشول دالامەن الىپ ٴجۇردى جانە يسرايلگە جاۋلارىن جەڭۋگە كومەكتەستى.
2 مۇسانىكىندەي قيىندىقتار ٴبىزدىڭ باسىمىزعا تۇسە قويماس. دەي تۇرعانمەن كەيبىر ادامدار مەن جاعدايلار مومىندىعىمىزدىڭ مىقتىلىعىن سىنعا الىپ جاتادى. قايتكەن كۇندە دە بۇل قاسيەتتى ۇشتاي تۇسۋگە بىزدە كەلەلى سەبەپ بار. ەحوبا: «مومىندار جەردى مۇرا ەتەدى»،— دەپ ۋادە بەرەدى (ٴزاب. 37:11). ٴسىز ٶزىڭىزدى مومىن ادام دەپ سانايسىز با؟ باسقالار دا ٴسىزدى سولاي تاني ما؟ بۇل سۇراقتارعا توقتالماس بۇرىن، مومىندىقتىڭ نە ەكەنىن قاراستىرىپ كورەلىك.
مومىندىق دەگەن نە؟
3، 4. ا) مومىندىقتى نەمەن سالىستىرۋعا بولادى؟ ٵ) مومىن بولۋ ٷشىن قانداي ٴتورت قاسيەت قاجەت جانە سول قاسيەتتەردىڭ بولعانى نەگە ماڭىزدى؟
3 مومىندىقتى * سۋرەتشىنىڭ قولىنان شىققان ادەمى تۋىندىعا ۇقساتۋعا بولادى. سۋرەتشى ٴتۇرلى ادەمى تۇستەردى ۇيلەستىرەتىندەي، مومىن بولۋ ٷشىن دە كوپتەگەن تارتىمدى قاسيەتتەردى ۇيلەستىرۋ كەرەك. بۇل قاسيەتتەردىڭ كەيبىرى — كىشىپەيىلدىلىك، مويىنسۇنۋشىلىق، جۇمساقتىق پەن ەرىك-جىگەر. ەحوبانىڭ ىقىلاسىنا بولەنگىمىز كەلسە، بۇل قاسيەتتەردى تانىتۋدىڭ ماڭىزى زور.
4 مىسالى، كىشىپەيىل جاندار عانا قۇدايدىڭ ەركىنە مويىنسۇنادى. ال قۇدايدىڭ ەركىنە ٴبىزدىڭ جۇمساق بولعانىمىز دا كىرەدى (مات. 5:5 ٴسىلت.؛ عال. 5:23). ٴبىز قۇدايدىڭ ەركىن ورىنداعاندا، شايتاننىڭ زىعىردانى قاينايدى. كىشىپەيىل، جۇمساق بولساق تا، شايتاننىڭ دۇنيەسىندەگى كوپ ادام ٴبىزدى جەك كورەدى (جوح. 15:18، 19). سوندىقتان شايتانعا توتەپ بەرۋ ٷشىن بىزگە ەرىك-جىگەر قاجەت.
5، 6. ا) شايتان مومىنداردى نە ٷشىن جەك كورەدى؟ ٵ) ٴبىز قانداي سۇراقتارعا جاۋاپ الامىز؟
5 مومىن ادامعا قايشى ادام تاكاپپار كەلەدى، اشۋىن تىزگىندەمەيدى جانە ەحوباعا مويىنسۇنبايدى. بۇل — شايتاننىڭ دالمە-دال سيپاتتاماسى. ونىڭ مومىنداردى جەك كورەتىنى ايتپاسا دا تۇسىنىكتى. ويتكەنى مومىندار شايتاننىڭ بولمىسىنىڭ وسال تۇستارىن ويىپ تۇرىپ كورسەتەدى. شايتانعا اسىرەسە اۋىر سوققى بولىپ تيەتىنى — مومىن ادامدار ونىڭ وتىرىكشى ەكەنىن دالەلدەيتىنى. قالايشا؟ شايتان نە ىستەمەسىن، نە دەمەسىن، مومىندار ەحوباعا قىزمەت ەتۋدەن تايمايدى (ٵيۇپ 2:3—5).
6 قانداي جاعدايدا مومىن بولۋ قيىن؟ نەلىكتەن مومىندىقتى ٵرى قاراي دا دامىتۋىمىز كەرەك؟ بۇلارعا مۇسا، بابىلداعى ٷش ەۆرەي تۇتقىنى مەن يسا جاۋاپ بەرەدى.
مومىن بولۋ قيىن جاعدايلار
7، 8. باسقالار مۇساعا قۇرمەت تانىتپاعاندا، ول قالاي ارەكەت ەتتى؟
7 بيلىك بەرىلگەندە. بيلىگى بار ادامعا مومىن قالپىنان اينىماۋ وڭاي ەمەس. اسىرەسە قاراماعىنداعى باعىنىشتى بىرەۋ ونىڭ قادىرىن تۇسىرسە نەمەسە قابىلداعان شەشىمىنە قارسى شىقسا. سىزبەن دە وسىعان ۇقساس جاعداي بولعان با؟ وتباسىڭىزداعى ٴبىر ادام سولاي ىستەسە شە؟ قالاي ارەكەت ەتەر ەدىڭىز؟ وسىنداي جاعدايدا مۇسا پايعامباردىڭ نە ىستەگەنىنە كوڭىل بولەيىك.
8 ەحوبا مۇسانى يسرايل ەلىنىڭ كوسەمى ەتىپ تاعايىنداپ، وعان حالىقتى باسقاراتىن زاڭداردى جازىپ قويۋ ارتىقشىلىعىن بەردى. مۇساعا ەحوبانىڭ ٶزى جار ەكەنى ايدان انىق ەدى. مۇس. 4-ج. 12:1—13). مۇساعا مۇنداي جاقسى قاسيەت قايدان بىتكەن؟
سويتسە دە تۋعان اپكەسى ٴماريام مەن اعاسى حارون ونى سوگىپ، قۇشتىق ايەلگە ۇيلەنگەنىنە كۇڭكىلدەدى. مۋسانىڭ ورنىندا باسقا بىرەۋ بولسا، اشۋلانىپ، جازاسىن بەرۋدى ويلار ەدى. ٴبىراق ول رەنىشكە وڭايلىقپەن بەرىلە قويمادى. ول ٴتىپتى ەحوباعا جالىنىپ، ٴماريامدى جازالاۋىن توقتاتۋدى ٶتىندى (مۇسا ەحوباعا جالبارىنىپ، ٴماريامدى جازالاۋىن توقتاتۋدى ٶتىندى (8-ابزاستى قاراڭىز)
9، 10. ا) ەحوبا مۇساعا نەنى تۇسىنۋگە كومەكتەستى؟ ٵ) وتاعالارى مەن اقساقالدار مۇسادان نە ۇيرەنەدى؟
9 مۇسا ەحوبادان ۇيرەنۋگە دايىن بولدى. 40 جىلداي بۇرىن، پەرعاۋىن وتباسىنىڭ مۇشەسى كەزىندە وعان مومىندىق قاسيەتى ٴتان ەمەس ەدى. ول ادىلدىك ورناتپاقشى بولىپ، اشۋمەن ٴبىر كىسىنى ٶلتىرىپ تاستادى. ٴتىپتى وسى ارەكەتىن ەحوبا قۇپتايتىنىنا سەنىمدى بولدى. ٴبىراق ەحوبا 40 جىل جۇمساپ، مۇساعا ٴبىر جايتتى تۇسىندىرگىسى كەلدى: يسرايل حالقىنا جەتەكشى بولۋ ٷشىن وعان باتىلدىقتان باسقا دا قاسيەت قاجەت. بۇل — مومىندىق قاسيەتى ەدى. ال مومىن بولۋ ٷشىن وعان كىشىپەيىل، مويىنسۇنعىش ٵرى جۇمساق بولۋ قاجەت ەدى. مۇسا وزىنە جاقسى ساباق الىپ، تاماشا جەتەكشىگە اينالدى (مۇس. 2-ج. 2:11، 12؛ ەل. ٸس. 7:21—30، 36).
10 وتاعالارى مەن اقساقالداردىڭ مۇسادان ۇيرەنەرى كوپ. الدەكىم سىزگە قۇرمەتپەن قاراماي جاتسا، رەنجۋگە اسىقپاڭىز. كىشىپەيىلدىلىك تانىتىپ، قاتەلىكتەرىڭىزدى مويىنداڭىز (ۋاع. 7:9، 20). ەحوبانىڭ نۇسقاۋلارىنا مويىنسۇنىپ، تۋىنداعان قيىندىقتى شەشىڭىز. ٵرقاشان جۇمساقتىقپەن جاۋاپ بەرىڭىز (ناق. س. 15:1). وسىلاي ىستەيتىن وتاعالارى مەن اقساقالدار ەحوبانىڭ ىستىق ىقىلاسىنا بولەنەدى، تاتۋلىق ساقتايدى جانە وزگەلەردى مومىندىققا باۋليدى.
11—13. ٷش ەۆرەي جىگىتى بىزگە نەسىمەن ۇلگى؟
11 قۋعىن-سۇرگىن كورگەندە. ەحوبانىڭ حالقى قاي كەزدە دە بيلىك يەلەرىنىڭ تاراپىنان قۋعىن-سۇرگىن كورگەن. ولار بىزگە ٴتۇرلى ايىپ تاعىپ جاتادى، دەسە دە ولاردى اشۋلاندىراتىن ەڭ باستى نارسە — ٴبىزدىڭ ولارعا ەمەس، «قۇدايعا مويىنسۇنعانىمىز» (ەل. ٸس. 5:29). كۇلكى ەتسىن، تۇرمەگە جاپسىن، ٴتىپتى ۇرىپ-سوقسىن، ٴبىز جاماندىققا جاماندىقپەن قايتارمايمىز. قايتا، ەحوبانىڭ قولداۋىمەن سىناق كەزىندە سابىرىمىز سارقىلمايدى.
12 تۇتقىندا بولعان ٷش ەۆرەي جىگىتى — حانانياح، ميشاەل مەن ازارياحتىڭ قالدىرعان ۇلگىسىنە نازار اۋدارايىقشى *. بابىل پاتشاسى ولارعا التىننان جاسالعان ۇلكەن مۇسىنگە تابىنۋدى بۇيىردى. ولار مۇنداي ارەكەتكە نەگە بارا المايتىندارىن جۇمساقتىقپەن ٴتۇسىندىردى. لاۋلاپ تۇرعان پەشكە تاستايمىن دەگەن پاتشانىڭ قوقان-لوقىسىنا قاراماي، ۇشەۋى اياعىنا دەيىن ەحوباعا مويىنسۇندى. ال ەحوبا اراشا ٴتۇسىپ، ولاردى امان ساقتاپ قالماق ەدى. ٴبىراق ولار قۇداي قۇتقارادى دەپ ەش كۇتكەن جوق. قايتا، ول نە نارسەگە جول بەرسە، سونى قابىلداۋعا دايىن بولدى (دان. 3:1، 8—28). ولار مومىن ادامداردىڭ باتىل بولاتىنىن، ياعني ەحوباعا دەگەن «قالتقىسىز بەرىلگەندىكتەن» ەشبىر پاتشا، قوقان-لوقى مەن جازا دا ايىرا المايتىنىن دالەلدەپ شىقتى (مۇس. 2-ج. 20:4، 5).
13 قۇدايعا دەگەن ادالدىعىمىز سىنالعاندا، حانانياح، ميشاەل مەن ازارياحقا قاي جاعىنان ەلىكتەي الامىز؟ مىسالى، ەحوبا قامىمىزدى ويلايتىنىنا كىشىپەيىلدىلىكپەن سەنىم ارتامىز (ٴزاب. 118:6، 7). ٴبىزدى ايىپتايتىندارعا جۇمساقتىقپەن، قۇرمەتپەن جاۋاپ بەرەمىز (پەت. 1-ح. 3:15). سونداي-اق ٴسۇيۋشى اكەمىزبەن ارا-قاتىناسىمىزعا سىزات تۇسىرەتىن كەز كەلگەن ارەكەتتەن باس تارتامىز.
وزگەلەر قارسىلىق كورسەتكەندە، ٴبىز ولارعا قۇرمەتپەن جاۋاپ بەرەمىز (13-ابزاستى قاراڭىز)
14، 15. ا) سترەسس كەزىندە نە بولۋى مۇمكىن؟ ٵ) يشايا 53:7، 10 عا ساي، نەلىكتەن يسانى سترەسس كەزىندە مومىندىق تانىتۋدىڭ ەڭ ۇزدىك ۇلگىسى دەپ ايتا الامىز؟
14 سترەسس كەزىندە. ٴبارىمىز دە ٴتۇرلى سەبەپپەن سترەسكە ٴتۇسىپ جاتامىز. كەيبىرىمىز مەكتەپتە سىناق جۇمىستارىنىڭ الدىندا، وزگەمىز جۇمىستا قانداي دا ٴبىر تاپسىرما العاندا كۇيىپ-پىسەمىز. تاعى ٴبىرىمىز قانداي دا ٴبىر ەمشارا قابىلداردىڭ الدىندا مازاسىزدانامىز. سىركەسى سۋ كوتەرمەي تۇرعاندا، كىم-كىمگە دە مومىن بولۋ وڭاي ەمەس. جايشىلىقتا مازالامايتىن جايتتار مۇندايدا قيتىعىمىزعا تيە باستايدى. زەكىپ، دورەكى سويلەيتىن شىعارمىز. وسىنداي مازاسىز كۇي كەشكەندە، بىزگە يسانىڭ ۇلگىسى كومەكتەسە الادى.
15 جەردەگى ومىرىنىڭ سوڭعى ايلارىندا يسا قاتتى كۇيزەلىسكە ٴتۇستى. ول وزىنىڭ اياۋسىز ازاپتالىپ، كەيىن ولتىرىلەتىنىن ٴبىلدى (جوح. 3:14، 15؛ عال. 3:13). ولىمىنە بىرنەشە اي قالعاندا ول: «قاتتى كۇيزەلۋدەمىن!»— دەگەن بولاتىن (لۇقا 12:50). ال بىرنەشە كۇن قالعاندا: «جانىم تولقىپ تۇر»،— دەدى. دۇعاسىندا ول: «اكە، مەنى وسى قيىن ساتتەن قۇتقارا كور. الايدا مەن وسى ٴساتتى باستان وتكىزۋ ٷشىن كەلدىم. اكە، ەسىمىڭدى داڭقتاي كور»،— دەپ سەزىمىن اقتارىپ، كىشىپەيىل ٵرى قۇدايعا مويىنسۇنعىش ەكەنىن كورسەتتى (جوح. 12:27، 28). ۋاقىتى تاياعاندا قۇدايدىڭ جاۋلارىنا ول ٶزى بەرىلدى. ولار وعان ادام ايتقىسىز قورلىق كورسەتىپ، قيناپ ٶلتىردى. جانى قىسىلىپ قاتتى قينالعان كەزدىڭ وزىندە يسا مومىن قالپىنان اينىماي، قۇدايدىڭ ەركىن ورىندادى. وسىلايشا ول سترەسس كەزىندە مومىن بولىپ قالۋدىڭ ەڭ ۇزدىك ۇلگىسىن كورسەتتى (يشايا 53:7، 10 وقىڭىز).
يسا — مومىندىقتىڭ ەڭ كەرەمەت ۇلگىسى (16، 17-ابزاستى قاراڭىز) *
16، 17. ا) يسانىڭ دوستارى ونىڭ مومىندىعىن قالاي سىنادى؟ ٵ) ٴبىز يساعا قالاي ەلىكتەي الامىز؟
16 يسانىڭ جەردەگى ومىرىنىڭ سوڭعى ٴتۇنى جاقىن دوستارى ونىڭ مومىندىعىن سىنادى. سوندا ونىڭ قانداي كۇي كەشكەنىن ەلەستەتىپ كورىڭىزشى! ول ادالدىعىن ولە-ولگەنشە ساقتاي الار ما ەكەن؟ سول كەزدە ميللياردتاعان ادامنىڭ ٶمىرى قىل ۇستىندە تۇرعان ەدى (ريم. 5:18، 19). بۇدان دا ماڭىزدىسى — ادالدىق ساقتاماسا، اكەسىنىڭ جاقساتىن كىر شالار ەدى (ٵيۇپ 2:4). كەيىنىرەك ەلشىلەرىمەن سوڭعى رەت تاماق ىشكەن كەزىندە، ولاردىڭ «ارالارىندا ەڭ ۇلىسى كىم ەكەنىنە قاتىستى قىزۋ داۋ تۋدى». يسا دوستارىن وسى ماسەلەگە قاتىستى قانشاما رەت تۇزەتكەن ەدى، ٴتىپتى وسى استىڭ الدىندا عانا بۇل جايلى ايتقان بولاتىن. ٴبىراق يسا ىزاعا بەرىلمەي، كەرەمەت سابىرلىق تانىتتى. ول ەلشىلەرىنە قانداي وي قالىپ ۇستانۋ كەرەكتىگىن مەيىرىمدىلىكپەن، سويتە تۇرا نىق-نىق ايتىپ، تاعى ٴبىر رەت ٴتۇسىندىردى. سوڭىندا يسا ولاردى ادالدىقپەن ەرىپ جۇرگەندەرى ٷشىن ماقتادى (لۇقا 22:24—28؛ جوح. 13:1—5، 12—15).
17 يسانىكىنە ۇقساس جاعدايعا كەزىكسەڭىز، قالاي ارەكەت ەتەر ەدىڭىز؟ وعان ەلىكتەسەڭىز، سترەسكە تۇسكەن جاعدايدا دا جۇمساق بولىپ قالا الاسىز. ەحوبانىڭ «ٶزارا ٴتوزىمدى بولىڭدار» دەگەن بۇيرىعىنا بار ىقىلاسىڭىزبەن مويىنسۇنىڭىز (قول. 3:13). وزىمىزدىڭ سوزدەن دە، ىستەن دە سۇرىنەتىنىمىزدى ەستە ۇستاساق، ەحوبانىڭ سول بۇيرىعىنا مويىنسۇناتىن بولامىز (ناق. س. 12:18؛ جاق. 3:2، 5). سونىمەن قاتار وزگەلەردىڭ بويىنان ٴبىر جاقسىلىقتى بايقاپ، ولاردى سول ٷشىن ماقتاپ وتىرىڭىز (ەفەس. 4:29).
نەلىكتەن مومىندىقتى ٵرى قاراي دا دامىتۋىمىز كەرەك؟
18. ەحوبا مومىن ادامدارعا جاقسى شەشىم قابىلداۋعا قالاي كومەكتەسەدى؟ ال ولار ٶز كەزەگىندە نە ىستەۋ قاجەت؟
18 جاقسى شەشىمدەر قابىلداۋ ٷشىن. ومىردە ۇلكەن جولايرىقتا تۇرعان كەزدە ەحوبا بىزگە جاقسى شەشىمدەر قابىلداۋعا كومەكتەسەدى. ٴبىراق ول مۇنداي كومەكتى مومىن بولساق قانا بەرەدى. ەحوبا «مومىنداردىڭ جالبارىنعان ٷنىن ەستيتىنىن» ۋادە ەتەدى (ٴزاب. 10:17). ول جاي ەستىپ قانا قويمايدى. كيەلى كىتاپتا: «ول مومىنعا نەنىڭ دۇرىس ەكەنىن كورسەتەدى، مومىندارعا وزىنىڭ جولىمەن ٴجۇرۋدى ۇيرەتەدى»،— دەگەن ۋادە دە بار (ٴزاب. 25:9). بۇگىندە ەحوبا بىزگە كيەلى كىتاپ ارقىلى جانە ادال دا اقىلدى قۇل بەرىپ وتىرعان ادەبيەتتەر * مەن باعدارلامالار ارقىلى سول جولدى كورسەتۋدە (مات. 24:45—47). ال ٴبىز ٶز جاعىمىزدان ەحوبانىڭ كومەگىنە مۇقتاج ەكەنىمىزدى كىشىپەيىلدىلىكپەن مويىنداپ، بەرىپ وتىرعان مالىمەتتەرىن زەرتتەيمىز جانە بىلگەندەرىمىزدى دايىندىقپەن قولدانامىز.
19—21. مۇسا قادەشتە قانداي قاتەلىك جاسادى جانە بۇدان نە نارسەگە ۇيرەنەمىز؟
19 قاتەلىكتەر جاساماۋ ٷشىن. مۋسانىڭ جاعدايىنا ورالايىق. ونداعان جىلدار بويى ول مومىندىعىن ساقتاپ، ەحوبانىڭ كوڭىلىنەن شىعىپ ٴجۇردى. ٴبىراق ٴشول دالادا جۇرگەن 40 جىلدىق ۋاقىتتىڭ سوڭىنا تامان ول مومىندىعىن جوعالتىپ الدى. سول كەزدەرى ونىڭ اپكەسى ٴماريام دۇنيەدەن وزىپ، قادەشتە جەرلەندى (كەزىندە مىسىردا ٶمىرىن ساقتاپ مۇس. 4-ج. 20:1—5، 9—11).
قالعان وسى اپكەسى بولسا كەرەك). ٴبىر جاعىنان يسرايلدىكتەر دە جاعدايىمىز دۇرىس جاسالماي جاتىر دەپ قايتادان كۇڭكىلدەپ جاتتى. بۇل جولى ولار سۋسىز قالعاندارىن ايتىپ، مۇساعا ۇرىستى. ولار ەحوبانىڭ مۇسا ارقىلى كوپتەگەن كەرەمەتتەر جاساعانىن جانە مۋسانىڭ حالىقتى جىلدار بويى جانقيارلىقپەن جەتەلەپ جۇرگەنىن ۇمىتىپ كەتتى. ولار سۋدىڭ جوقتىعىنا عانا ەمەس، مۇساعا دا نارازى بولدى. مۇنىسىمەن ولار شولدەگەندەرىنە سول كىنالى دەگەندەي بولدى (20 وسى جاعدايدا مۇسا مومىندىقتان ايىرىلىپ، قاتتى اشۋلاندى. ەحوبا بۇيىرعانداي جارتاسقا سويلەۋدىڭ ورنىنا مۇسا حالىققا دورەكى سويلەپ، وزىنىڭ كەرەمەت جاساعالى جاتقانىن ايتتى. سوسىن جارتاستى ەكى رەت ۇرىپ ەدى، ودان سارقىراپ سۋ اقتى. وركوكىرەكتىك پەن اشۋدىڭ كەسىرىنەن ول ۇلكەن قاتەلىك جاسادى (ٴزاب. 106:32، 33). ٴبىر ساتكە مومىندىقتان اينىعانى ٷشىن مۇسا ۋادە ەتىلگەن جەرگە كىرە الماي قالدى (مۇس. 4-ج. 20:12).
21 بۇل وقيعادان ۇيرەنەرىمىز كوپ. بىرىنشىدەن، ٴبىز مومىندىق قاسيەتىن ٵردايىم شىڭداپ وتىرۋىمىز كەرەك. ايتپەسە وركوكىرەكتىك قىلاڭ ەتىپ، اقىماقتىقپەن سويلەپ نە ارەكەت ەتىپ قويۋىمىز مۇمكىن. ەكىنشىدەن، سترەسس كەزىندە مومىن بولىپ قالۋ وڭاي ەمەس. سوندىقتان ٴتىپتى قيىن شاقتاردا دا وسى قاسيەتتى تانىتۋعا تىرىسۋىمىز قاجەت.
22، 23. ا) نەلىكتەن مومىندىقتى ٵرى قاراي دا دامىتۋىمىز كەرەك؟ ٵ) سافونيا 2:3 تەگى سوزدەردى قالاي ٴتۇسىنۋىمىز كەرەك؟
22 قۇتقارىلۋىمىز ٷشىن. جۋىردا ەحوبا بارلىق زۇلىم ادامداردىڭ كوزىن قۇرتادى، سوندا جەر بەتىندە تەك مومىندار عانا قالادى. سودان كەيىن جەردە ناعىز تىنىشتىق ورنايدى (ٴزاب. 37:10، 11). سول موماقان جانداردىڭ اراسىندا ٴسىز دە بولاسىز با؟ ەحوبانىڭ سوفونيا پايعامبار ارقىلى ايتقان شاقىرۋىنا قۇلاق اسساڭىز مىندەتتى تۇردە بولاسىز! (سافونيا 2:3 وقىڭىز).
23 سافونيا 2:3 تە نەگە «بالكىم، امان قالارسىڭدار» دەلىنگەن؟ بۇل سوزدەر ەحوبا وزىنىڭ ىقىلاسىنا يە بولعان جانە جاقسى كورەتىن قىزمەتشىلەرىن قۇتقارىپ الۋعا كۇشى جەتپەيدى دەگەندى بىلدىرمەيدى. كەرىسىنشە، قۇتقارىلۋ ٷشىن ٶز تاراپىمىزدان ارەكەت قىلۋىمىز كەرەكتىگىن كورسەتەدى. قازىردەن باستاپ مومىندىقتى ىزدەپ، قۇدايدىڭ ىقىلاسىنا بولەنۋگە تىرىسساق، «ەحوبانىڭ قاھار كۇنى امان قالىپ»، ماڭگىلىك بويى ٶمىر سۇرەمىز.
120-ٵن ٴماسىح سياقتى جۇمساق بولىڭدار
^ 5-ابزاس ەشكىم مومىن بولىپ تۋىلمايدى. ونى ٶزىمىز دامىتۋىمىز كەرەك. جايما-شۋاق ادامداردىڭ قاسىندا مومىن بولۋ وڭاي شىعار، ٴبىراق تاكاپپار ادامدارمەن ۇشىراسقاندا مومىندىقتان اينىماۋ قيىنعا سوعىپ جاتادى. وسى ٴبىر كوركەم قاسيەتكە يە بولۋ ٷشىن قانداي قيىندىقتاردى جەڭۋ كەرەكتىگىن وسى ماقالادان بىلەمىز.
^ 3-ابزاس ٴسوز ٴمانى: مومىندىق. مومىن ادام وزگەلەرگە مەيىرىممەن قارايدى، بىرەۋلەر قيتىعىنا تيسە دە، جۇمساقتىعىن جوعالتپايدى. كىشىپەيىلدىلىك. كىشىپەيىل ادام وركوكىرەكتىك پەن وزىمشىلدىكتەن ادا، وزگەلەردى وزىنەن جوعارى قويادى. كىشىپەيىلدىلىك ەحوباعا قاتىستى ايتىلعاندا، ونىڭ وزىنەن تومەن تۇرعاندارعا سۇيىسپەنشىلىكپەن، مەيىرىممەن قارايتىنىن بىلدىرەدى.
^ 12-ابزاس بابىلدىقتار بۇل ٷش ەۆرەيگە شادىراق، ميساق، ابدىنەگو دەپ ات قويعان (دان. 1:7).
^ 18-ابزاس 15-ٴساۋىر 2011-جىلعى «كۇزەت مۇناراسىنىڭ» «قابىلداعان شەشىمدەرىڭ قۇدايعا ماداق اكەلسىن» (حانزۇشا) دەگەن ماقالاسىن قاراساڭىز بولادى.
^ 59-ابزاس سۋرەت سيپاتتاماسى: شاكىرتتەرى كىم ۇلى ەكەنىنە قاتىستى داۋلاسقاننان كەيىن، يسا ولاردى جۇمساقتىقپەن، سابىرمەن تۇزەتتى.