ATUAQQISSAAGASSAQ 7
Maniguunneq noqqaassutigisiuk Jehovamillu iluarisaallusi
“Naalagaq ujarsiuk nunami maniguuttusi tamassi, ... maniguunneq noqqaassutigisiuk.” – SEF 2:3.
ERINARSUUT 9 Jehova kunngigaarput!
QILANAARTUUT *
1-2. (a) Mosesi qanoq allaatigineqarpa, qanorlu iliorpa? (b) Maniguunnermik ineriartortitsinissamut pissutissaalluartoq suua?
BIIBILIMI allassimavoq Mosesi “inunnit nunarsuarmiittunit tamanit anneruniajuinnerpaasoq”. (4 Mos 12:3) Taamatut pissuseqarami sanngiitsuua, nakimasuua akerliliiumanngitsuullunilu? Immaqa ilaasa maniguuttoq taamatut pissuseqarnerassavaat. Tamannali ilumuunngilaq. Mosesi Guutimut kiffaavoq nukittullunilu nakimaallunilu sapiitsoq. Jehovamit ikiorneqarnermigut Egyptenip naalakkersuisua pissaasoq sassarfigisarpaa, inuit immaqa 3.000.000-t inoqajuitsukkut siulersorpai inuiaqatigiillu Israelikkut akeqqaminnut ajugaanissaannut ikiorlugit.
2 Mosesip unamminiarnartitai nalaannavianngilavut, ullulli tamaasa inuit pisulluunniit maniguunnissatsinnik sapernarnerulersitsisut naapillugilluunniit nalaattarpavut. Pissutsimilli tamatuminnga ineriartortitsinissamut pissutissaqarluarpugut. Jehova neriorsuivoq ‘qanilaartut nuna kingornutissagaat’. (Tuss 37:11) Illit maniguuttutut imminut oqaatigissavit? Allat taamatut pissuseqarnerassavaatsit? Apeqqutit pingaarutillit taakkua akinnginneranni maniguunneq qanoq paasisariaqarnersoq ilisimasariaqarparput.
MANIGUUNNEQ SUUA?
3-4. (a) Maniguunnerup suna assigaa? (b) Maniguukkumalluta pissuserineqartussat pingasut suut pisariaqartippavut, aamma sooq?
3 Maniguunnerup * qalipagaq kusanartoq assigaa. Qanoq? Eqqumiitsuliortup qalipaanermini qalipaatinik arlalinnik atuisarneratut maniguukkumalluta nuannersunik arlalinnik pissuseqartariaqarpugut. Naalanneq, qanilaarneq sapiinnerlu pissutsit taakkua ilagaat. Jehovamit iluarisaajumalluta sooq taamatut pissuseqartariaqarpugut?
4 Inuk maniguuttoq Guutip piumasaanut naalattarpoq. Qanilaartuunissarput Guutip piumasaata ilagaat. (Matt 5:5; Gal 5:23) Guutip piumasaatut ilioraangatta Saatani assut kamatsittarparput. Taamaattumik maniguukkaluarluta qanilaaraluarlutalu inuppassuarnit Saatanip silarsuaanut ilaasunit uumigineqartarpugut. (Joh 15:18, 19) Taamaattumik Saatani akerlilersorumallugu sapiittariaqarpugut.
5-6. (a) Sooq Saatanip inuit maniguuttut uumigai? (b) Apeqqutit suut akissutissarsissavavut?
5 Inuup maniguuttup akerleraa inuk makitasooq, imminut aqussinnaanngitsumik kamattartoq Jehovamullu naalanngitsoq. Saatani taamatorpiaq ittuuvoq. Maniguuttut uumigimmagit tupinnanngilaq. Maniguuttut pissuserinnermikkut Saatanip qanoq ajortiginera ersersittarpaat. Allaallu suli Saatanimut ajornerusumik sallutuujunera uppernarsartarpaat. Sooq? Qanorluunniit oqaraluaruni ilioraluarunilu inuit maniguuttut Jehovamut kiffartorunnaarsissinnaannginnamigit! – Job 2:3-5.
6 Maniguunnissaq qaqugukkut sapernartissinnaavarput? Aamma sooq maniguunnermik ineriartortitsisariaqarpugut? Apeqqutit taakku akiumallugit Mosesip, hebræerit pingasut Babylonimi aallarussaaqqasut Jiisusillu maligassiaat misissussavavut.
MANIGUUNNISSAQ QAQUGUKKUT UNAMMINIARNARTARPA?
7-8. Mosesi allanit ataqqineqannginnami qanoq iliorpa?
7 Oqartussaassusilerneqarnermi: Oqartussaassusilerneqartut, pingaartumik nakkutigisaminnit ataqqinninngitsumik pineqaraangamik aalajangiinerluttutulluunniit oqarfigineqaraangamik, maniguunnissartik sapernartissinnaavaat. Taamatut misigisaqarnikuuit? Taavami ilaquttannit taamatut pineqaruit? Qanoq iliussavit? Mosesi qanoq iliortoq eqqarsaatigiuk.
8 Jehovap Mosesi Israelikkunnut siulersuisunngortillugulu inuiaqatigiit inatsisissaannik 4 Mos 12:1-13) Sooq Mosesi taamaaliorpa?
allannissamik ataqqinaaserpaa. Jehovap Mosesimik tapersersuinera ersarilluinnarpoq. Taamaakkaluartoq Mosesi qatanngutiminit, Mirjamimit Aronimillu, akerlilerneqarlunilu nuliaminik toqqaanerminut tunngatillugu apeqquserneqarpoq. Allat Mosesitut inissisimaffillit taamatut pineqartuugunik immaqa kamalerlutillu akiniaarusulissagaluarput – Mosesili ajuallajasuunnginnami taamaaliunngilaq. Allaat Jehova qinnuigaa Mirjamimik pillaajunnaaqqullugu. (Mosesip Jehova qinnuigaa Mirjamimik pillaajunnaaqqullugu (Immikkoortoq 8 takuuk)
9-10. (a) Jehovap Mosesi sumik paasinninnissamut ikiorpaa? (b) Ilaqutariinni ittuusut utoqqaanertallu Mosesi qanoq ilinniarfigisinnaavaat?
9 Mosesip Jehovamit ilinniartinneqarnissani akueraa. Ukiut 40-t tamatuma siorna Egyptenimiut kunngikkormiuisa ilagigallarmanni Mosesi maniguunngilaq. Allaat kamajangaarami angut naapertuilluanngitsuliortutut nalilikkani toquppaa. Mosesi isummerpoq taamatut iliornini Jehovap akuerissagaa. Jehovap ukiut 40-t atorlugit Mosesi Israelikkunnik siulersuinermini sapiiginnarnani maniguuttariaqarneranik paasinninnissaanut ikiorpaa. Maniguukkumalluni qanilaartuusariaqarlunilu naalattariaqarlunilu saamasuusariaqarpoq. Tamanna ilinniarluaramiuk nakkutilliisunngorpoq pikkorissoq. – 2 Mos 2:11, 12; ApS 7:21-30, 36.
10 Ullumikkut ilaqutariinni ittuusut utoqqaanertallu Mosesi ilaartariaqarpaat. Ataqqinninngitsumik pineqaraangavit ajuallajavallaassanngilatit. Maniguullutit kukkusarnerit nassuerutigiuk. (Oqal 7:9, 20) Jehovap ajornartorsiutinik aaqqiisarnissamut ilitsersuussutai naalakkit. Tamatigullu sallaatsumik akisarit. (Uss 15:1) Ilaqutariinni ittuusut nakkutilliisullu Jehovap iluarisaatut iliortartut eqqisseqatigiissitsisarlutillu maniguunnermut tunngatillugu maligassaalluarput.
11-13. Hebræerit pingasut uagutsinnut qanoq maligassiuippat?
11 Malersorneqarnermi: Oqaluttuarisaanerup ingerlanerani inuit naalakkersuisut Jehovap innuttaanik malersuisarput. Assigiinngitsutigut “pinerluttuliortutut” unnerluutigisarpaatigut, kamannerannulli pissutaavoq taakku naalannagit Guutimut naalannerput. (ApS 5:29) Immaqa illaruaatigineqassaagut, parnaarussaassaagut allaallu timikkut persuttarneqassalluta. Jehovalli ikiuineratigut akiniaanata misilinneqarnermi saamajuassaagut.
12 Hebræerit pingasut aallarussaaqqasut – Hananjap, Mishaelip Azarjallu – maligassiaat eqqarsaatigiuk. * Babylonimi kunngip kuultimik inuusaliarujussuarmik pallorfiginneqquai. Taamaaliorusunnginnerminnut pissutaasoq kunngimut saamasumik nassuiarpaat. Aatsitsivimmi aamaannaasumi ikuallanneqarnissaminnik kunngip sioorasaaraluaraatik Guutimut naalattuarput. Jehovamit ingerlaannaq annaanneqaraluarlutik annaanneqarnissartik taamaattussaannartut isiginngilaat. Qanorluunniilli pisoqaraluarpat Jehovap pisut akuerisai atorumavaat. (Dan 3:1, 8-28) Inuit maniguuttut sapiitsuunerat uppernarsarpaat – kunngi kinaluunniit aamma sioorasaarut pillaassulluunniit sunaluunniit pissutigalugu Jehovamut taamaallaat tunniusimanitsinnik aalajangiusimanninnerput kipitinnavianngilarput. – 2 Mos 20:4, 5.
13 Guutimik ilumoorfiginninnerput misilinneqarpat hebræerit pingasut taakku qanoq ilaarsinnaavavut? Maniguulluta Jehovap isumagiumaaraatigut tatigisarparput. (Tuss 118:6, 7) Eqqunngitsuliortutut uagutsinnik unnerluussisut saamasumik ataqqinnittumillu akisarpavut. (1 Petr 3:15, 16) Aamma Ataatatsinnik asannittumik ikinnguteqarnitsinnut ajoqutaasinnaasumik sumilluunniit iliuuseqarusunngilluinnarpugut.
Allanit akerlilerneqaraangatta ataqqinnittumik akisarpugut (Immikkoortoq 13 takuuk)
14-15. (a) Nanertisimanermi qanoq pisoqarsinnaasarpa? (b) Esaja 53:7, 10-lu naapertorlugit Sooq oqarsinnaavugut Jiisusi nanertisimanermi maniguunnermut tunngatillugu maligassaalluarnerpaasoq?
14 Nanertisimanermi. Assigiinngitsut pissutigalugit tamatta nanertisimasarpugut. Immaqa atuarfimmi misilitsingajalernermi suliffimmiluunniit aalajangersimasumik suliaqarnermi taamatut misigisarpugut. Imaluunniit nakorsartissinnaanerput eqqarsaatigiinnarlugu nanertisimalertarpugut. Nanertisimanermi maniguunnissaq sapernartarpoq. Pisut isumakuluutigineq ajukkavut immaqa uumisulissutigisarpavut. Immaqa soqqusaatsumik oqalullutalu pissuseqalertarpugut. Nanertisimasutut misiginikuuguit Jiisusip maligassiaa eqqarsaatigiuk.
15 Jiisusip nunarsuarmi inuunermini qaammatini kingullerni nanertisimangaarpoq. Nalunngilaa toqutaasussaallunilu naalliungaartussaalluni. (Joh 3:14, 15; Gal 3:13) Toqunissani qaammatialuit sioqqullugit oqarpoq nanertisimalluni. (Luk 12:50) Toqunissani ullualuit sioqqullugit Jiisusi oqarpoq: ‘Tarniga siooravoq.’ Misigissutsini qinunikkut oqaatigimmagit maniguunnera Guutimullu naalannera ersarippoq: ‘Ataataq, nalliuttumit matumannga annaannga. Tamannali pillugu nalliuttoq tamanna tikippara. Ataataq, aqqit naalannarsisiguk.’ (Joh 12:27, 28, tastamantitâĸ) Piffissaq nalliummat Jiisusi sapiilluni Guutip akeraanut, naalliunnangaartumik kanngunarsaataasumillu toqutsisissaminut, imminut tunniuppoq. Jiisusi assut nanertisimangaaraluarluni naalliukkaluarlunilu maniguulluni Guutip piumasaatut iliorpoq. Qulanngilluinnarluta oqarsinnaavugut Jiisusi nanertisimanermi maniguunnermut tunngatillugu maligassaalluarnerpaasoq! – Esaja 53:7, 10 atuakkit.
Jiisusi maniguunnermut tunngatillugu maligassaalluarnerpaavoq (Immikkoortut 16-17 takukkit) *
16-17. (a) Jiisusip maniguunnera ikinngutaasa qanoq misilippaat? (b) Jiisusi qanoq ilaarsinnaavarput?
16 Jiisusip nunarsuarmi inuunerani unnummi kingullermi ikinngutiginerpaasaasa maniguunnera misilippaat. Unnummi tassani Jiisusi qanoq nanertisimatigisoq takorlooruk. Toqussi tikillugu aalajaattuassava? Taamaanngippat inuit milliardillit neriuutissaqassanngikkaluarput. (Rom 5:18, 19) Pingaarnertullu, iliuusii Ataatami tusaamaneqarneranut sunniuteqartussaapput. (Job 2:4) Ikinngutini qaniginerpaasani naggammik unnukkorsioqatigigamigit apustilit “kina arlartik ilaminit annerusutut naatsorsuunneqassanersoq” ‘oqqassutigilerpaat’. Tamanna pillugu Jiisusip ikinngutini arlaleriarluni, aamma unnummi tassani siusinnerusukkut, naqqippai. Qinngaritsaassinnginnera maluginiarnarpoq. Jiisusip maniguulluni aammaarluni qanoq isiginnittaaseqartariaqarnerat inussiarnersumik, aalajangersimarpaluttumilli, nassuiarpaa. Taamaalioreerami ikinngutini imminik ilumoorfiginninnerat pillugu nersualaarpai. – Luk 22:24-28; Joh 13:1-5, 12-15.
17 Illit tamatumunnga assingusumik nalaataqartuuguit qanoq iliorsimassagaluarpit? Jiisusi ilaarlugu nanertisimagaluarluta saamasumik pissuseqarsinnaavugut. ‘Kamageqatigiinnissamik’ Jehovap peqqussutaa kajumilluta naalassavarput. (Kol 3:13) Tamatta allat qinngarisaannik oqaaseqartarlutalu iliuuseqartarnerput eqqaamagutsigu peqqussut taanna maleruassavarput. (Uss 12:18; Jaak 3:2, 5) Allallu pissusii nuannersut pillugit nersualaarniartakkit. – Ef 4:29.
SOOQ MANIGUUTTUARTARIAQARPUGUT?
18. Jehovap inuit maniguuttut pitsaasumik aalajangeeqqullugit qanoq ikiortarpai, qanorlu iliortariaqarpugut?
18 Pitsaanerusumik aalajangiisalissaagut. Inuunermi sapernartunik aalajangigassaqalerutta Jehovap pitsaasumik aalajangiinissamut ikiussavaatigut – aatsaalli maniguukkutta. Neriorsuivoq “ikiortariallit”, tassa maniguuttut, tusarniarlugit. (Tuss 10:17) Qinnutivut tusaaginnarnagit iliuuseqassaaq. Biibilimi neriorsorneqarpugut: “Maniguuttut ingerlatittarpai naapertuilluarnikkut, ajoqersorlugillu aqqutigeqqusaminik.” (Tuss 25:9) Jehovap Biibili, Biibililersaarutit * ataatsimiinnerillu ‘inussiamit aalajaallunilu silatuumit’ aaqqissorneqartut aqqutigalugit siulersortarpaatigut. (Matt 24:45-47, NW) Maniguulluta ikiorneqartariaqarnitta nassuerutigineratigut, Jehovap tunniuttagaasa atuaqqissaartarnerisigut ilikkakkatsinnillu kajumilluta maleruaanikkut Jehovap ikiuinera akuerisariaqarparput.
19-21. Kadeshimi Mosesi qanoq kukkua, tamannalu qanoq ilinniutigisinnaavarput?
19 Kukkunissarput pinngitsoortissavarput. Mosesi eqqarsaatigeqqiguk. Ukiuni qulikkuutaani maniguuttuarlunilu Jehovamit iluarisaavoq. Israelikkulli ukiut 40-ngajaat inoqajuitsumi angalareertut Mosesi maniguutinngitsoorpoq. Aleqaa, Egyptenimi Mosesimik annaassigunartoq, toqoqqammerpoq Kadeshimilu ilisaaqqammerluni. Israelikkullu 4 Mos 20:1-5, 9-11.
iluamik isumassorneqannginnerarlutik naammagittaallioqqilerput. Maanna imissaaleqinertik pillugu “Mosesi saqitsaatilerpaat”. Mosesi aqqutigalugu Jehova arlaleriarluni tupinnartuliortaraluartoq Mosesilu ukiorpassuarni namminissarsiorani siulersuigaluartoq inuiaqatigiit naammagittaalliulerput. Imissaaleqinertik piinnarnagu aamma Mosesi, qilannerminnut pisuutillugu, naammagittaalliuutigilerpaat. –20 Mosesi kamangaarami saamasumik pissuseqarunnaarpoq. Upperluni qaarsumut oqalunnissamik Jehovamit peqquneqaraluarluni Mosesi narrutsaqqalluni inuit oqarfigai tupinnartuliorniarluni. Taava qaarsoq marloriarluni anaammagu imeq tissalulerpoq. Makitalerami kamalerlunilu ingasattumik ajortuliorpoq. (Tuss 106:32, 33) Maniguukkunnaatallannini pillugu Mosesi nunamut neriorsuutigisamut iseqqusaajunnaarpoq. – 4 Mos 20:12.
21 Pisoq taanna pingaarutilimmik ilinniarfigaarput. Siullertut, maniguuttumik isiginnittaaseqartuarnissarput sulissutigiuartariaqarparput. Maniguukkunnaarutta makitalerlutalu sianiitsorpallattumik oqalulersinnaallutalu iliuuseqalersinnaavugut. Aappaattut, nanertisimanerput sanngiillissutigisinnaagatsigu, allaat tatineqarnermi, maniguunniartariaqarpugut.
22-23. (a) Sooq maniguunneq noqqaassutigiuartariaqarparput? (b) Sefania 2:3-mi allassimasut sumik ersersitsippat?
22 Illersorneqassaagut. Jehovap qanittukkut inuit ajortut tamaasa nunarsuarmit piissavai, maniguuttullu kisimik nunarsuarmiilissapput. Taava nunarsuaq eqqissineqangaarfiussaaq. (Tuss 37:10, 11) Illit maniguuttunut taakkununnga ilaassavit? Aap, pruffiiti Sefania aqqutigalugu Jehovap kajumissaarutaa malikkukku. – Sefania 2:3 atuaruk.
23 Sooq Sefania 2:3-mi allassimava: “Immaqa taava qimarnguissarsiumaarpusi”? Imaanngilaq Jehovap imminik nuannaartitserusuttut asannittullu annaassinnaanngikkai. Tamatumanngali ersersinneqarpoq illersorneqarumalluta iliuuseqartariaqartugut. Maniguunnissarput Jehovamillu iluarisaanissarput noqqaassutigigutsigit ‘ullormi Jehovap kamaffissaani’ aniguinissamut naassanngitsumillu inuuneqalernissamut periarfissaqalissaagut.
ERINARSUUT 15 Jehovap angajulliliaa nersoruk!
^ imm. 5 Maniguunneq inunnguuserinnginnatsigu ineriartortittariaqarparput. Inuit eqqissisimasut maniguuffiginissaat immaqa ajornartinngilarput, inuilli makitasuut maniguuffiginissaat sapernartissinnaavarput. Allaaserisami matumani pissutsimik nuannersumik maniguunnermik ineriartortitsiumalluta unamminiarnartut qaangerniartariaqakkatta ilaat sammissavavut.
^ imm. 3 NASSUIAAT: Maniguunneq. Inuk maniguuttoq allanut inussiarnersuuvoq. Kamassaarneqaraluarluni eqqissisimasarpoq. Inuk maniguuttoq aamma pingaakujuttuunngilaq. Allat imminit pingaarnerutittarpai. Jehova aamma maniguunnermik ersersitsisarpoq. Uagut inuit naammalluinnanngitsuusugut asannittumik nallittuisumillu pisarpaatigut.
^ imm. 12 Hebræerit pingasut taakku Babylonimiunit Shadrakimik, Meshakimik Abed-Negomillu atserneqarput. – Dan 1:7.
^ imm. 18 Assersuutigalugu takuuk Napasuliaq Alapernaarsuiffik maajip aallaqqaataat 2011-moortumi allaaserisaq “Guutimut ataqqinaataasumik aalajangiisarit”.
^ imm. 59 ASSIMI MALUGISASSAT: Ajoqersukkat kina arlartik annerunersoq oqqassutigereeraat Jiisusip saamalluni eqqissisimallunilu naqqippai.