လေ့လာရန် ဆောင်းပါး ၁၂
တခြားသူတွေရဲ့ ခံစားချက်ကို နားလည်ပေးပါ
‘ခင်ဗျားတို့အားလုံး ကိုယ်ချင်းစာကြပါ။’ —၁ ပေ. ၃:၈။
သီချင်း ၉၀ အချင်းချင်း အားပေးကြ
အကြိုသုံးသပ်ချက် *
၁။ ၁ ပေတရု ၃:၈ အရ ကိုယ့်ခံစားချက်နဲ့ ကောင်းကျိုးကို လိုလားသူတွေအနားမှာ ဘာကြောင့် နေချင်ကြသလဲ။
ကိုယ့်ခံစားချက်နဲ့ ကောင်းကျိုးကို လိုလားသူတွေအနားမှာ ကျွန်တော်တို့ နေချင်ကြတယ်။ သူတို့က ကိုယ့်အတွေးနဲ့ ခံစားချက်ကို နားလည်ပေးတယ်။ လိုအပ်ချက်တွေကို သိပြီး တစ်ခါတလေ အကူအညီ မတောင်းခင်မှာတောင် ကူညီပေးတတ်ကြတယ်။ ကိုယ့်အပေါ် “ကိုယ်ချင်းစာ” * သူတွေကို ကျွန်တော်တို့ ကျေးဇူးတင်လေးမြတ်ကြတယ်။—၁ ပေတရု ၃:၈ ကိုဖတ်ပါ။
၂။ ကိုယ်ချင်းစာကြောင်း ပြဖို့ ဘာကြောင့် အမြဲ မလွယ်ကူသလဲ။
၂ ခရစ်ယာန်တွေအနေနဲ့ ကျွန်တော်တို့အားလုံး ကိုယ်ချင်းစာကြောင်း ပြချင်ကြတယ်။ အမြဲတော့ မလွယ်ဘူး။ ဘာကြောင့်လဲ။ တစ်ချက်ကတော့ မစုံလင်ကြလို့ပဲ။ (ရော. ၃:၂၃) ဒါကြောင့် ကိုယ့်အတွက်ပဲ စဉ်းစားတတ်တဲ့ မွေးရာပါသဘောထားကို တိုက်လှန်ရမယ်။ တချို့က ကြီးပြင်းလာပုံကြောင့်၊ ဘဝမှာ ကြုံခဲ့ရတာတွေကြောင့် ကိုယ်ချင်းစာဖို့ ခက်နေနိုင်တယ်။ ပတ်ဝန်းကျင်ရဲ့ ဩဇာလွှမ်းမိုးမှုကိုလည်း ခံရနိုင်တယ်။ ဒီနောက်ဆုံးကာလမှာ လူများစွာဟာ တခြားသူတွေရဲ့ ခံစားချက်ကို ထည့်မစဉ်းစားကြဘူး။ “ကိုယ့်ကိုယ်ကိုယ်ပဲ ချစ်” ကြတယ်။ (၂ တိ. ၃:၁၊ ၂) တခြားသူတွေရဲ့ ခံစားချက်ကို နားလည်ကြောင်းပြဖို့ ခက်စေတဲ့ အဲဒီစိန်ခေါ်ချက်တွေကို ဘယ်လို ကျော်လွှားနိုင်မလဲ။
၃။ (က) ကိုယ်ချင်းစာစိတ် ဘယ်လို တိုးများလာနိုင်သလဲ။ (ခ) ဒီဆောင်းပါးမှာ ဘာအကြောင်း ဆွေးနွေးကြမလဲ။
၃ ယေဟောဝါဘုရားနဲ့ သားတော် ယေရှုခရစ်ကို တုပမယ်ဆိုရင် ကိုယ်ချင်းစာစိတ် ၁ ယော. ၄:၈) ဖခင်ကို ယေရှု အပြည့်အဝ တုပတယ်။ (ယော. ၁၄:၉) လူတွေ ထောက်ထားစာနာမှု ပြနိုင်ကြောင်း မြေကြီးပေါ် ရှိတုန်း ပြခဲ့တယ်။ တခြားသူတွေရဲ့ ခံစားချက်ကို ယေဟောဝါနဲ့ ယေရှု ဘယ်လို နားလည်ပေးကြောင်း၊ သူတို့ရဲ့ ပုံသက်သေကို ဘယ်လို တုပနိုင်ကြောင်း ဒီဆောင်းပါးမှာ ဆွေးနွေးပါမယ်။
တိုးများလာပါလိမ့်မယ်။ ယေဟောဝါဟာ မေတ္တာရှင်ဖြစ်ပြီး တခြားသူတွေကို ထောက်ထားစာနာရာမှာ အကောင်းဆုံး ပုံသက်သေ ပြတယ်။ (တခြားသူတွေရဲ့ ခံစားချက်ကို နားလည်ပေးတဲ့ ယေဟောဝါရဲ့ ပုံသက်သေ
၄။ ကျေးကျွန်တွေရဲ့ ခံစားချက်ကို ယေဟောဝါ ဂရုစိုက်ကြောင်း ဟေရှာယ ၆၃:၇-၉ မှာ ဘယ်လို ဖော်ပြသလဲ။
၄ ကျေးကျွန်တွေရဲ့ ခံစားချက်ကို ယေဟောဝါ ဂရုစိုက်ကြောင်း ကျမ်းစာ ဖော်ပြတယ်။ ဥပမာ၊ ရှေးအစ္စရေးတွေ ဒုက္ခရောက်ချိန်မှာ ယေဟောဝါ ဘယ်လို ခံစားရကြောင်း စဉ်းစားကြည့်ပါ။ “သူတို့ဒုက္ခရောက်ချိန် တစ်လျှောက်လုံးမှာ ဘုရားလည်း နာကျင်ခံစားခဲ့ရတယ်” လို့ ကျမ်းစာ ပြောတယ်။ (ဟေရှာယ ၆၃:၇-၉ ကိုဖတ်ပါ။) နောက်ပိုင်း “မင်းတို့ကို ထိတဲ့သူဟာ ငါ့မျက်ဆန်ကို ထိတဲ့သူပဲ” ဆိုပြီး မိမိလူမျိုး မတရားခံရတဲ့အခါ ကိုယ်တိုင် ခံရသလိုဖြစ်ကြောင်း ပရောဖက် ဇာခရိကတစ်ဆင့် ပြောတယ်။ (ဇာ. ၂:၈) မိမိလူတွေကို ယေဟောဝါ ဂရုစိုက်ကြောင်း ထိထိမိမိ ဖော်ပြလိုက်တာပဲ။
အီဂျစ် ကျွန်ဘဝကနေ အစ္စရေးတွေကို ယေဟောဝါ သနားစာနာစွာ ကယ်လွှတ်ပေး (အပိုဒ် ၅ ကိုကြည့်ပါ)
၅။ ဒုက္ခရောက်နေတဲ့ ကျေးကျွန်တွေကို ယေဟောဝါ လက်တွေ့ကူညီကြောင်း ဥပမာပေးပါ။
၅ ယေဟောဝါဟာ ဒုက္ခရောက်နေတဲ့ ကျေးကျွန်တွေကို သနားစာနာရုံသာမက လက်တွေ့ကူညီပေးတယ်။ ဥပမာ၊ အစ္စရေးတွေ အီဂျစ်ပြည်မှာ ကျွန်အဖြစ် ဒုက္ခရောက်နေတဲ့အခါ သူတို့ ဝေဒနာကို နားလည်ပြီး သက်သာစေခဲ့တယ်။ “ငါ့လူတွေ ဒုက္ခရောက်နေတာကို ငါအသေအချာ မြင်တယ်။ . . . သူတို့အော်ဟစ်တာကိုလည်း ငါကြားတယ်။ သူတို့ခံစားရတဲ့ ဝေဒနာတွေကို ငါကောင်းကောင်း သိတယ်။ သူတို့ကို အီဂျစ်တွေရဲ့ လက်ထဲကနေ ကယ်တင်ဖို့ . . . ငါဆင်းလာမယ်” လို့ မောရှေကို ပြောတယ်။ (ထွ. ၃:၇၊ ၈) သူတို့ကို သနားစာနာတဲ့အတွက် ကျွန်ဘဝကနေ လွတ်မြောက်စေတယ်။ ရာစုနှစ်တွေ ကုန်လွန်ပြီးနောက် ကတိထားရာပြည်မှာ အစ္စရေးတွေ ရန်သူ တိုက်ခိုက်မှု ခံရပြန်တယ်။ ယေဟောဝါ ဘယ်လို တုံ့ပြန်သလဲ။ “ဖိနှိပ်သူတွေ၊ မတရား ဆက်ဆံသူတွေကြောင့် သူတို့ညည်းတွားတော့ ယေဟောဝါ သနားသွားတယ်။” ကိုယ်ချင်းစာစိတ်ကြောင့် ယေဟောဝါ ကူညီပေးပြန်တယ်။ ရန်သူတွေလက်ကနေ ကယ်တင်ဖို့ တရားသူကြီးတွေ ပေါ်ထွန်းစေတယ်။—သူကြီး. ၂:၁၆၊ ၁၈။
၆။ တစ်ယောက်ယောက် အတွေးအခေါ် မှားနေတဲ့အခါမှာတောင် ယေဟောဝါ ထောက်ထားစာနာကြောင်း ဥပမာပေးပါ။
၆ ယေဟောဝါက မိမိလူမျိုးရဲ့ ခံစားချက်ကို ထောက်ထားစာနာပေးတယ်။ သူတို့ အတွေးအခေါ် မှားနေချိန်မှာတောင် စာနာပေးတယ်။ ယောနအဖြစ်ကို သုံးသပ်ကြည့်ပါ။ ဘုရားက နိနဝေမြို့သားတွေကို တရားစီရင်ချက်သတင်း ကြေညာဖို့ ယောနကို စေလွှတ်တယ်။ မြို့သားတွေ နောင်တယူတော့ အသက်ချမ်းသာပေးဖို့ ဆုံးဖြတ်တယ်။ ဒါကို ယောန မကျေနပ်ဘူး။ မိမိ ကြိုဟောတဲ့အတိုင်း ဖြစ်မလာလို့ “ဒေါသထွက်တယ်။” ဒါပေမဲ့ ယောနရဲ့ အတွေးအခေါ်ကို ယေဟောဝါ စိတ်ရှည်ရှည် ပြုပြင်တည့်မတ်ပေးတယ်။ (ယောန ၃:၁၀–၄:၁၁) နောက်ပိုင်း ယောန နားလည်သွားတယ်။ ကျွန်တော်တို့အကျိုးအတွက် ဒီမှတ်တမ်းကို ရေးဖို့တောင် ယောနကို ယေဟောဝါ သုံးခဲ့တယ်။—ရော. ၁၅:၄။ *
၇။ လူမျိုးတော်နဲ့ ယေဟောဝါ ဆက်ဆံပုံက ဘာကို စိတ်ချစေသလဲ။
၇ လူမျိုးတော်နဲ့ ဆက်ဆံပုံက ယေဟောဝါမှာ ကိုယ်ချင်းစာစိတ် ရှိကြောင်း စိတ်ချစေတယ်။ ကျွန်တော်တို့ တစ်ယောက်စီရဲ့ ဒုက္ခဝေဒနာကို ဘုရား သိတယ်။ ‘လူ့စိတ်နှလုံးကို အမှန်တကယ် သိတယ်။’ (၂ ရာ. ၆:၃၀) ကျွန်တော်တို့ရဲ့ အတွေး၊ ခံစားချက်၊ ကန့်သတ်ချက်တွေကို နားလည်တယ်။ “မခံနိုင်လောက်တဲ့ သွေးဆောင်ခြင်းကို ခွင့်ပြုမှာ မဟုတ်ဘူး။” (၁ ကော. ၁၀:၁၃) တကယ့်ကို အားရှိစရာပါပဲ။
တခြားသူတွေရဲ့ ခံစားချက်ကို နားလည်ပေးတဲ့ ယေရှုရဲ့ ပုံသက်သေ
၈-၁၀။ ဘယ်အချက်တွေကြောင့် တခြားသူတွေကို ယေရှု ကိုယ်ချင်းစာတတ်တာလဲ။
၈ ယေရှုဟာ မြေကြီးပေါ် ရှိတုန်း တခြားသူတွေရဲ့ ခံစားချက်တွေကို နားလည်ပေးတယ်။ အနည်းဆုံး အချက်သုံးချက်ကြောင့် ဖြစ်တယ်။ ပထမ၊ ယေရှုဟာ ဖခင်ကို အပြည့်အဝ တုပတယ်။ ဖခင်လိုပဲ လူတွေကို ချစ်တယ်။ မိမိ ဝိုင်းကူခဲ့တဲ့ ယေဟောဝါရဲ့ ဖန်ဆင်းခြင်းလက်ရာ အားလုံးကို နှစ်သက်ပေမဲ့ အထူးသဖြင့် ‘လူသားတွေကို သိပ်ချစ်မြတ်နိုးတယ်။’ (ပညာ. ၈:၃၁) တခြားသူတွေရဲ့ ခံစားချက်ကို နားလည်ပေးဖို့ မေတ္တာက ယေရှုကို လှုံ့ဆော်ပေးတယ်။
၉ ဒုတိယ၊ ယေဟောဝါလိုပဲ ယေရှုဟာ လူတွေရဲ့ စိတ်နှလုံးကို သိနိုင်တယ်။ စိတ်ရင်း၊ ခံစားချက်တွေကို သိနိုင်တယ်။ (မ. ၉:၄။ ယော. ၁၃:၁၀၊ ၁၁) ဒါကြောင့် လူတွေ စိတ်ကြေကွဲနေတဲ့အခါ ကိုယ်ချင်းစာပြီး နှစ်သိမ့်ပေးတယ်။—ဟေရှာ. ၆၁:၁၊ ၂။ လု. ၄:၁၇-၂၁။
၁၀ တတိယ၊ လူတွေ ကြုံရတဲ့ အခက်အခဲတချို့ကို ယေရှုလည်း ကြုံခဲ့ရတယ်။ ဥပမာ၊ ဆင်းရဲတဲ့ မိသားစုမှာ ယေရှု ကြီးပြင်းလာတယ်။ မွေးစားဖခင် ယောသပ်နဲ့အတူ အလုပ်ကြမ်း လုပ်ခဲ့ရတယ်။ (မ. ၁၃:၅၅။ မာ. ၆:၃) ယေရှုရဲ့ အမှုဆောင်လုပ်ငန်း မစခင် တစ်ချိန်ချိန်မှာ ယောသပ် သေဆုံးသွားပုံရတယ်။ ဒါကြောင့် ချစ်ရသူ ဆုံးရှုံးရတဲ့ နာကျင်မှုကို ယေရှု သိတယ်။ ဘာသာရေးအမြင် မတူတဲ့ မိသားစုမှာ နေရတဲ့ အခက်အခဲကိုလည်း သိတယ်။ (ယော. ၇:၅) အဲဒီအချက်တွေက သာမန်လူတွေရဲ့ အခက်အခဲနဲ့ ခံစားချက်ကို နားလည်ဖို့ ယေရှုကို ကူညီပေးတယ်။
ယေရှုက နားမကြားသူကို ကုပေးဖို့ လူအုပ်ထဲက ခေါ်ထုတ်သွား (အပိုဒ် ၁၁ ကိုကြည့်ပါ)
၁၁။ ဘယ်အချိန်မှာ ယေရှုရဲ့ ကိုယ်ချင်းစာစိတ် အထူးထင်ရှားသလဲ။ ရှင်းပြပါ။ (မျက်နှာဖုံးပုံကို ကြည့်ပါ။)
၁၁ အံ့ဖွယ်အမှုတွေ လုပ်တဲ့အခါ ယေရှုရဲ့ ကိုယ်ချင်းစာစိတ် ပိုထင်ရှားတယ်။ တာဝန်အရလောက်သာ မဟုတ်ဘဲ မ. ၂၀:၂၉-၃၄။ မာ. ၁:၄၀-၄၂) ဥပမာ၊ နားမကြားသူကို လူအုပ်ထဲကနေ သီးသန့်ခေါ်ထုတ်သွားပြီး ကုပေးချိန်၊ မုဆိုးမရဲ့ တစ်ဦးတည်းသောသားကို ထမြောက်ပေးချိန်မှာ ယေရှု ဘယ်လို ခံစားရမယ်ဆိုတာ စဉ်းစားကြည့်ပါ။ (မာ. ၇:၃၂-၃၅။ လု. ၇:၁၂-၁၅) အဲဒီလူတွေကို ယေရှု ကိုယ်ချင်းစာပြီး ကူညီပေးချင်တယ်။
ဒုက္ခရောက်နေသူတွေကို “သနား” လို့ လုပ်ပေးတာဖြစ်တယ်။ (၁၂။ ယောဟန် ၁၁:၃၂-၃၅ က မာသနဲ့ မာရိကို ယေရှု ကိုယ်ချင်းစာကြောင်း ဘယ်လို ဖော်ပြသလဲ။
၁၂ မာသနဲ့ မာရိကို ယေရှု ကိုယ်ချင်းစာကြောင်း ပြခဲ့တယ်။ မောင်ဖြစ်သူ လာဇရု သေဆုံးလို့ သူတို့ ဝမ်းနည်းနေတာကို မြင်တဲ့အခါ “ယေရှု မျက်ရည်ကျ” တယ်။ (ယောဟန် ၁၁:၃၂-၃၅ ကိုဖတ်ပါ။) ရင်းနှီးတဲ့မိတ်ဆွေ ဆုံးရှုံးလို့သာ မျက်ရည်ကျတာ မဟုတ်ဘူး။ မကြာခင် လာဇရုကို သူ ထမြောက်ပေးတော့မယ်ဆိုတာ သိပေမဲ့ မိတ်ဆွေတွေ ဘယ်လောက် ဝမ်းနည်းကြေကွဲနေမှန်း နားလည်ပြီး စိတ်ထိခိုက်လို့ မျက်ရည်ကျတာ ဖြစ်တယ်။
၁၃။ ယေရှုရဲ့ ကိုယ်ချင်းစာစိတ်ကို သိရခြင်းက ဘယ်လို အားရှိစေသလဲ။
၁၃ ယေရှုရဲ့ ကိုယ်ချင်းစာစိတ်ကို လေ့လာခြင်းကနေ အကျိုးရနိုင်ပါတယ်။ တခြားသူတွေကို ယေရှု ကိုယ်ချင်းစာလို့ ယေရှုကို ကျွန်တော်တို့ ချစ်ကြတယ်။ (၁ ပေ. ၁:၈) အခု ဘုရားနိုင်ငံတော်မှာ ဘုရင်အဖြစ် ယေရှု အုပ်ချုပ်နေကြောင်း သိရလို့ အားရှိစရာပဲ။ မကြာခင် ဆင်းရဲဒုက္ခအားလုံးကို ဖယ်ရှားပေးတော့မယ်။ လူသားဖြစ်ခဲ့ဖူးတဲ့ ယေရှုဟာ စာတန့်အုပ်ချုပ်မှုရဲ့ ဒဏ်ရာဒဏ်ချက်တွေကို သက်သာအောင် လုပ်ပေးနိုင်တဲ့ အကောင်းဆုံး အနေအထားမှာ ရှိတယ်။ ‘အားနည်းချက်တွေကို စာနာနိုင်တဲ့’ ဘုရင်ကို ရထားတာ ကောင်းချီးပါပဲ။—ဟီ. ၂:၁၇၊ ၁၈။ ၄:၁၅၊ ၁၆။
ယေဟောဝါနဲ့ ယေရှုရဲ့ ပုံသက်သေကို တုပပါ
၁၄။ ဧဖက် ၅:၁၊ ၂ အရ ကျွန်တော်တို့ ဘာလုပ်ဖို့ လှုံ့ဆော်ခံရသလဲ။
၁၄ ယေဟောဝါနဲ့ ယေရှုရဲ့ ပုံသက်သေကို စဉ်းစားတဲ့အခါ ကျွန်တော်တို့လည်း ကိုယ်ချင်းစာစိတ် ပိုပြဖို့ လှုံ့ဆော်ခံရတယ်။ (ဧဖက် ၅:၁၊ ၂ ကိုဖတ်ပါ။) ယေဟောဝါနဲ့ ယေရှုက လူ့စိတ်နှလုံးကို သိနိုင်တယ်။ ကျွန်တော်တို့ကတော့ မသိနိုင်ပေမဲ့ တခြားသူတွေရဲ့ ခံစားချက်နဲ့ လိုအပ်ချက်ကို နားလည်ဖို့ ကြိုးစားနိုင်တယ်။ (၂ ကော. ၁၁:၂၉) တစ်ကိုယ်ကောင်းဆန်တဲ့ လောကမှာ နေရပေမဲ့ ‘ကိုယ့်အကျိုးကိုပဲ အာရုံမစိုက်ဘဲ သူတစ်ပါးအကျိုးကိုလည်း ထည့်စဉ်းစားပေး’ ဖို့ ကြိုးစားကြတယ်။—ဖိ. ၂:၄။
(အပိုဒ် ၁၅-၁၉ ကိုကြည့်ပါ) *
၁၅။ အထူးသဖြင့် ဘယ်သူတွေ ကိုယ်ချင်းစာစိတ် ရှိဖို့ လိုသလဲ။
၁၅ အထူးသဖြင့် အသင်းတော် အကြီးအကဲတွေဟာ ကိုယ်ချင်းစာစိတ် ရှိသင့်တယ်။ သူတို့ကြည့်ရှုပေးရတဲ့ သိုးတွေကို ဆက်ဆံပုံအတွက် ယေဟောဝါနဲ့ စာရင်းရှင်းရမယ်ဆိုတာ သိကြတယ်။ (ဟီ. ၁၃:၁၇) ယုံကြည်သူချင်းတွေကို ကူညီဖို့ အကြီးအကဲတွေမှာ ကိုယ်ချင်းစာစိတ် ရှိဖို့ လိုတယ်။ ကိုယ်ချင်းစာကြောင်း ဘယ်လို ပြနိုင်သလဲ။
၁၆။ ကိုယ်ချင်းစာတတ်တဲ့ အကြီးအကဲ ဘာလုပ်သလဲ။ အဲဒီလိုလုပ်ဖို့ ဘာကြောင့် အရေးကြီးသလဲ။
၁၆ ကိုယ်ချင်းစာတတ်တဲ့ အကြီးအကဲဟာ ညီအစ်ကို/မတွေကို အချိန်ပေးတယ်။ မေးခွန်းတွေ မေးပြီး စိတ်ရှည်ရှည် အာရုံစိုက် နားထောင်ပေးတယ်။ အထူးသဖြင့် တစ်ယောက်ယောက်က ရင်ဖွင့်ချင်ပေမဲ့ ထုတ်ပြောဖို့ ခက်နေတဲ့အခါမျိုးမှာ ဖြစ်တယ်။ (ပညာ. ၂၀:၅) လိုလိုလားလား အချိန်ပေးခြင်းအားဖြင့် ယုံကြည်မှု၊ ခင်မင်မှု၊ မေတ္တာနှောင်ကြိုး ခိုင်မြဲလာမယ်။—တ. ၂၀:၃၇။
၁၇။ အကြီးအကဲတွေရဲ့ ဘယ်အရည်အသွေးကို ညီအစ်ကို/မများစွာ ကြိုက်ကြသလဲ။ ဥပမာပေးပါ။
၁၇ အကြီးအကဲတွေမှာ အကြိုက်ဆုံး အရည်အသွေးတစ်ခုက ကိုယ်ချင်းစာစိတ်ဖြစ်တယ်လို့ ညီအစ်ကို/မများစွာ ပြောကြတယ်။ ဘာကြောင့်လဲ။ “ကိုယ့်ကို နားလည်မှန်း သိလို့ စကားပြောရတာ လွယ်တယ်။ ကိုယ့်ကို နားလည်ပေးကြောင်း သူတို့ရဲ့ တုံ့ပြန်ပုံကနေ သိနိုင်တယ်” လို့ ရော. ၁၂:၁၅။
ညီအစ်မ အယ်ဒလိတ် ပြောတယ်။ ညီအစ်ကိုတစ်ယောက်ကလည်း “ကျွန်တော်ပြောတာကို နားထောင်ရင်း အကြီးအကဲတစ်ယောက် မျက်ရည်လည်လာတယ်။ အဲဒီပုံရိပ်ကို ကျွန်တော် ဘယ်တော့မှ မမေ့ဘူး” လို့ ပြောတယ်။—၁၈။ တခြားသူတွေကို ကိုယ်ချင်းစာကြောင်း ဘယ်လို ပြနိုင်သလဲ။
၁၈ အကြီးအကဲတွေပဲ ကိုယ်ချင်းစာဖို့ လိုတာ မဟုတ်ဘူး။ ကျွန်တော်တို့အားလုံး ဒီအရည်အသွေးကို မွေးမြူနိုင်ပါတယ်။ ဘယ်လိုနည်းနဲ့လဲ။ မိသားစုဝင်တွေ၊ ယုံကြည်သူချင်းတွေ ကြုံနေရတာကို နားလည်ဖို့ ကြိုးစားပါ။ အသင်းတော်မှာ ဆယ်ကျော်သက်တွေ၊ မကျန်းမာသူတွေ၊ အသက်ကြီးသူတွေ၊ ချစ်ရသူ သေဆုံးလို့ ဝမ်းနည်းနေသူတွေကို စိတ်ဝင်စားမှု ပြပါ။ သာကြောင်းမာကြောင်း မေးပါ။ သူတို့ပြောလာတဲ့အခါ ကောင်းကောင်း နားထောင်ပေးပါ။ သူတို့ရဲ့ အခြေအနေကို တကယ်နားလည်ကြောင်း သိစေပါ။ တတ်နိုင်သလောက် ကူညီပေးပါ။ ဒီနည်းအားဖြင့် မေတ္တာစစ်ကို လုပ်ရပ်နဲ့ ပြနိုင်ပါတယ်။—၁ ယော. ၃:၁၈။
၁၉။ တခြားသူတွေကို ကူညီတဲ့အခါ ဘာကြောင့် အကျိုးသင့်အကြောင်းသင့် ရှိဖို့ လိုသလဲ။
၁၉ တခြားသူတွေကို ကူညီတဲ့အခါ အကျိုးသင့်အကြောင်းသင့် ရှိဖို့ လိုတယ်။ ဘာကြောင့်လဲ။ လူတွေဟာ အခက်အခဲ ကြုံတဲ့အခါ နည်းအမျိုးမျိုးနဲ့ တုံ့ပြန်ကြတယ်။ တချို့က ထုတ်ပြောချင်ပေမဲ့ တချို့ကတော့ မပြောချင်ကြဘူး။ ဒါကြောင့် ကူညီပေးတဲ့အခါ အတွင်းရေးတွေကို နှိုက်နှိုက်ချွတ်ချွတ် မမေးပါနဲ့။ (၁ သက်. ၄:၁၁) တခြားသူတွေ ရင်ဖွင့်လာတဲ့အခါ ကိုယ်နဲ့ အမြင်ချင်း တူချင်မှ တူမယ်။ ဒါပေမဲ့ သူတို့ရဲ့ ခံစားချက်ကို နားလည်ပေးပါ။ နားထောင်ဖို့ အမြဲ အသင့်ဖြစ်နေပါ။ မဆင်မခြင် မပြောပါနဲ့။—မ. ၇:၁။ ယာ. ၁:၁၉။
၂၀။ နောက်ဆောင်းပါးမှာ ဘာအကြောင်း ဆွေးနွေးကြမလဲ။
၂၀ အသင်းတော်အပြင် အမှုဆောင်လုပ်ငန်းမှာလည်း ကိုယ်ချင်းစာစိတ် ရှိဖို့ လိုတယ်။ ဒါကို ဘယ်လို ပြနိုင်မလဲ။ နောက်ဆောင်းပါးမှာ ဆွေးနွေးပါမယ်။
သီချင်း ၁၃၀ ခွင့်လွှတ်တတ်ကြပါ
^ အပိုဒ်၊ 5 ယေဟောဝါနဲ့ ယေရှုက တခြားသူတွေရဲ့ ခံစားချက်ကို နားလည်ပေးတယ်။ သူတို့ရဲ့ ပုံသက်သေကနေ ဘာသင်ယူနိုင်ကြောင်း ဒီဆောင်းပါးမှာ ဆွေးနွေးပါမယ်။ ကိုယ်ချင်းစာစိတ် ပြဖို့ ဘာကြောင့် လိုအပ်ကြောင်း၊ ဘယ်လို ပြနိုင်ကြောင်းလည်း ဆွေးနွေးကြပါမယ်။
^ အပိုဒ်၊ 1 စကားလုံး ရှင်းလင်းချက်– “ကိုယ်ချင်းစာတယ်” ဆိုတာ တခြားသူတွေရဲ့ ခံစားချက်ကို နားလည်ပေးတာ၊ ထပ်တူခံစားပေးတာကို ဆိုလိုတယ်။ (ရော. ၁၂:၁၅) ဒီဆောင်းပါးမှာပါတဲ့ “ကိုယ်ချင်းစာတယ်၊” “နားလည်ပေးတယ်” ဆိုတဲ့ စကားလုံးတွေဟာ အဓိပ္ပာယ်တူတယ်။
^ အပိုဒ်၊ 6 တခြားသစ္စာရှိသူတွေရဲ့ ပြင်းထန်တဲ့ ခံစားချက်တွေကိုလည်း ယေဟောဝါ ထောက်ထားစာနာပေးတယ်။ ဟန္န (၁ ရှ. ၁:၁၀-၂၀)၊ ဧလိယ (၁ ဘု. ၁၉:၁-၁၈)၊ ဧဗဒမေလက် (ယေ. ၃၈:၇-၁၃။ ၃၉:၁၅-၁၈) တို့အကြောင်း စဉ်းစားကြည့်ပါ။
^ အပိုဒ်၊ 65 ပုံအညွှန်း– အစည်းအဝေးတွေမှာ ကိုယ်ချင်းစာကြောင်း ပြဖို့ အခွင့်အရေးများစွာ ရှိတယ်။ (၁) လူငယ်ကြေညာသူနဲ့ မိခင်ကို အကြီးအကဲတစ်ယောက် ကြင်နာစွာ စကားပြောနေ။ (၂) အဖေနဲ့ သမီးက အသက်ကြီးတဲ့ ညီအစ်မကို ကားရှိရာ လိုက်ပို့နေ။ (၃) အကြံဉာဏ်တောင်းနေတဲ့ ညီအစ်မကို အကြီးအကဲနှစ်ယောက် အာရုံစိုက် နားထောင်ပေးနေ။