1. According to 1 Peter 3:8, why we de like to dey around people wey care about how things de go for us and how we de feel?

WHEN we dey around people wey care about how things de go for us and how we de feel, we de enjoy-am. Them de try to understand wetin dey our mind and how we de feel. Them de notice wetin we need, and sometimes, them de help us even before we tell them. We dey happy to get people wey them “de feel for one another.” * And we de value them when they show us this character.​—Read 1 Peter 3:8.

2. Why e fit no dey easy to show people say we care about the way them de feel?

² As disciples of Jesus, e good make all of us show say we de feel the pain of other people, or we care about how people de feel. But this one no de always dey easy. Why? One reason be say, they born us with sin. (Rom. 3:23) Because of this one, na ourself we de think about pass any other person. So we need to work hard to think about other people. Another reason be say, some of us de struggle to show say we feel for people because of how we grow or wetin don happen to us for life. The last reason be say, the way other people around us de think fit affect us. For this last days, plenty people no de care about how other people de feel. Instead, they “love only theirself.” (2 Tim. 3:1, 2) Wetin fit help us handle this problems wey de make-am hard for us to show say we care about how people de feel?

3. (a) How we fit de show more-more say we de feel for each other? (b) Wetin we go talk about for this topic?

³ We go fit de show more-more say we de feel for people  when we imitate Jehovah and e Son, Jesus Christ. Jehovah na God of love, and e show the best example of how to care about other people. (1 John 4:8) Jesus imitate the character of e Father finish. (John 14:9) When e dey this earth, e show how human being fit show other people pity. For this topic, we go first talk about how Jehovah and Jesus don show say them care about how other people de feel. Then we go talk about how we fit imitate their example.

4. How Isaiah 63:7-9 show say Jehovah de care about how e servants de feel?

⁴ Bible show say Jehovah care about the way e servants de feel. For example, see how Jehovah feel when Israel people for Bible time suffer different-different things. Bible talk say: “For all the time wey them dey for problem, e de feel their pain.” (Read Isaiah 63:7-9.) After, Jehovah use prophet Zechariah talk say when other people de suffer e people, e de do Jehovah like say na him them de suffer. Jehovah tell e servants say: “Anybody wey e de touch wuna de touch inside my eye.” (Zech. 2:8) This one na really powerful example to show the way Jehovah de care about e people!

5. Give example to show how Jehovah do something to help e servants wey de suffer.

⁵ Jehovah de do pass just to feel pity for e servants wey de suffer. E de do something to help them. For example, when Israel people de suffer as slave for Egypt, Jehovah understand their pain and e want help them. Jehovah tell Moses say: “True-true, I don see say my people de suffer well-well . . . , and I don hear their cry . . . I really know the pains wey them de suffer. I go go down go save them from the hand of Egypt people.” (Ex. 3:7, 8) Because Jehovah feel pity for e people, e free them from the suffer wey them dey as slave. Many years after that time, when them dey the Promise Land, their enemies come attack them. Wetin Jehovah do? Bible talk say “their cry for help, because of people wey de oppress them and wey de treat them anyhow, move Jehovah to pity for them.” So, Jehovah still feel pity for e people and e do something to help them again. God send judges to save Israel people from their enemies.​—Judg. 2:16, 18.

6. Give example to show say Jehovah care about how person de feel, even if sense no dey the way the person de think.

 ⁶ Jehovah de show say e care about how e people de feel, even though say no be everytime sense dey the way them de think. Make we take Jonah as example. God send this prophet make e preach message of judgement to Nineveh people. But this people repent, so God no destroy them. This thing wey God do no make Jonah happy. “E temper begin hot” because the thing wey e talk about Nineveh, say God go destroy-am, no happen. But Jehovah dey patient with Jonah, and e help Jonah to think for the right way. (Jonah 3:10–4:11) As time de go, Jonah understand wetin God want make e learn. And Jehovah even use Jonah to write this story for Bible so that we go benefit.​—Rom. 15:4. *

7. The way Jehovah do things with e servants make us dey sure of wetin?

⁷ The way Jehovah do things with e people make us dey sure say e de feel the pain of e servants. E know the pain and suffer wey each of us de face. Jehovah “really know the heart of people.” (2 Chron. 6:30) E understand everything wey dey our mind, how we de feel, and where our power reach. And “e no go allow the temptation pass [our] power.” (1 Cor. 10:13) That promise really de give us comfort!

8-10. Which things go don help Jesus to care about other people?

⁸ When Jesus dey for this earth, e care about the way people de feel. At least three things go don make Jesus to care about how people de feel. Number one, as we talk before, Jesus imitate e Father for heaven finish. Like Jehovah, Jesus love people. Na true say Jesus get joy from everything wey e make with Jehovah. But “the thing wey really make [Jesus] happy pass na the people.” (Prov. 8:31) Na love move Jesus to care about how people de feel.

⁹ Number two, like Jehovah, Jesus know wetin dey the heart of people. E know the reason why people de do things and the way them de feel. (Matt. 9:4; John 13:10, 11) So when Jesus see say people no happy at all, e make their mind come down because e care about them.​—Isa. 61:1, 2; Luke 4:17-21.

¹⁰ Number three, Jesus face some of the problems wey people face. For example, e fit be say the family wey Jesus come from dey poor. As Jesus work with Joseph, e learn how to do hard work. (Matt. 13:55; Mark 6:3) And maybe Joseph die before Jesus start the work wey e come do for earth. So we fit talk say Jesus feel the pain wey somebody de feel when e person die. And Jesus know wetin e mean to get family members wey get different belief. (John 7:5) This conditions and other things go don help Jesus understand the problems of ordinary people and the way them de feel.

11. Which time Jesus especially show say e care about the way people de feel? Explain. (Check picture for front cover.)

¹¹ Jesus show say e really care about how people de feel when e do miracles. Jesus no do miracle just because e want do-am. Bible talk say e “feel pity for” people wey de suffer. (Matt. 20:29-34; Mark 1:40-42) For example, imagine how Jesus feel as e take one deaf man from the crowd and heal the man, or as e resurrect the only son wey one widow get. (Mark 7:32-35; Luke 7:12-15) Jesus feel for this people and e want help them.

12. How John 11:32-35 show say Jesus feel for Martha and Mary?

 ¹² Jesus show say e care about how Martha and Mary de feel. When e see their pain because of Lazarus their brother wey die, Bible tell us say Jesus begin cry. (Read John 11:32-35.) Jesus no cry just because e go miss this e tight friend. After all, e know say e go resurrect Lazarus. But, e understand the pain wey e dear friends de suffer and e feel for them as Lazarus don die. Na this one make Jesus cry.

13. Why e de encourage us to know say Jesus de feel for people?

¹³ We don learn say Jesus de feel for people, and this one de encourage us well-well. Na true say we no dey perfect like Jesus. But we love Jesus because of the way e treat people. (1 Pet. 1:8) Because we know say e don de rule as King of God’s Kingdom, this one de encourage us. Small time e go remove all kind of suffer. Na Jesus be the best person to help us remove all the pain and suffer wey the rule of Satan don cause. Why? Because Jesus don live for this earth as human being before. True-true, na big blessing for us to get King wey fit “pity us for our mistake.”​—Heb. 2:17, 18; 4:15, 16.

14. With wetin dey for Ephesians 5:1, 2, which thing our heart go move us to do?

¹⁴ When we think about the example wey Jehovah and Jesus show us, e de move us more to care about the way people de feel. (Read Ephesians 5:1, 2.) We no go fit know wetin dey people heart like Jehovah and Jesus. But even with that one, we fit try to understand how people de feel and wetin they need. (2 Cor. 11:29) People for this world wey we dey, de think about only theirself. But no be so we be. We “no just de look for wetin go benefit only [ourself],” but we still de think about “wetin go benefit other people.”​—Phil. 2:4.

15. Which people especially need to feel for other people?

¹⁵ Na good thing for congregation elders to show say them de feel for people. They know say they go tell Jehovah about how they treat e sheep wey them de care for. (Heb. 13:17) For elders to fit help their brothers and sisters, they go need to show say they understand how them de feel. How elders go fit show-am?

16. Wetin elder wey de feel for other people de do, and why this one dey important?

¹⁶ Elder wey care about how e brothers and sisters de feel need to spend time with them. The elder go ask questions, dey patient and listen well-well as them de talk. This one dey important, especially if one of this dear sheep want talk about how e de feel and everything wey dey e mind, but e no know how e go put-am. (Prov. 20:5) When elder dey ready to spend time with the brothers and sisters, more trust go dey, their friendship go tight pass before, and their love go strong more.​—Acts 20:37.

17. Which character many brothers and sisters talk say they like pass make elder get? Give one example.

¹⁷ Many brothers and sisters talk say the character wey they like make elders get pass, na for them to de care about how people de feel. Why? Adelaide na one sister, and she talk say: “When you know say they go understand you, this one de make-am dey easy to talk to them.” She still talk say: “You fit know say them care about you with the way them de answer you when you de talk with them.” One brother really happy for the way the elders show say they care for the way e de feel. E talk say: “I see as the eyes of one elder full with tears as I de tell the elder  my condition. That thing wey happen go always dey my mind.”​—Rom. 12:15.

18. How we fit show say we care about how other people de feel?

¹⁸ The truth be say, no be only elders need to show say them de feel for people. All of us fit get this character. How? Try to understand wetin family members and people for congregation de face. Make you show say you care about the young ones for congregation, even sick people, old people, and people wey their person die. Ask them how them dey. Make you sofri listen to them well as them de tell you how them de feel. Help them see say you really understand their condition. Let them know say you ready to help them for any way wey you fit. When we do this one, we de show say our love for them dey real.​—1 John 3:18.

19. When we de try to help people, why e good make we sabi change the style wey we de use?

¹⁹ When we de try to help people, we need to sabi change the style wey we de use. Why? Because no be the same way people de feel when them de suffer. Some ready to talk about their problems, but other people no like to talk-am. So na true say we want help them, but make we no ask question wey go make them shame. (1 Thess. 4:11) Even when other people want talk, we fit see say we no go always agree with wetin they talk. But no forget say na the way them de feel be that. We want dey ready to listen, but we no want quick talk.​—Matt. 7:1; Jas. 1:19.

20. Wetin we go talk about for the next topic?

²⁰ Na fine thing to show our brothers and sisters say we care about the way them de feel. But na still good thing to show say we get this fine character for our preaching work. How we fit show say we de feel for people when we de help them to become disciples of Jesus? We go answer that question for the next topic.