1. Jiisusip pis­susiini kil­lin­neqaatiginer­paasat­ta ilaat suua? Nas­suiaruk.

JIISUSIP pis­susiini kil­lin­neqaatiginer­paasat­ta ilagaat naam­mal­luin­nan­ngitsutut nalaas­sin­naasatsin­nik paasin­nis­sin­naanera. Nunamiik­kal­larami ‘nuan­naar­tut nuan­naaqatigisin­naasar­pai qiasul­lu qiaqatigalugit’. (Rom 12:15) As­sersuutigalugu ajoqersuk­kat 70-it * angusaqarluar­tumik oqaluus­sereerlutik nuan­naarlutik uteramik ‘Jiisusi anersaamit il­ler­nar­tumit sun­nigaal­luni qiim­mat­tar­poq’. (Luk 10:17-21) Aam­ma Lazarusimik asan­nit­tut taas­suma toqunera pil­lugu aliasungaar­tut takugamigit Jiisusi anersaarulul­lunilu “qamuuna nimaar­poq”. – Joh 11:33, NW.

2. Sooq Jiisusi inun­nik misigin­neqataasin­naava?

² Sooq Jiisusi, angut naam­mal­luin­nar­toq, inun­nik ajor­tiliusunik iliuutsimigut taama naak­kin­nitsigalunilu misigin­neqataatigisin­naava? Pingaar­ner­tut, Jiisusip inuit asagamigit. Al­laaserisap siuliani eq­qaaneqareersutut Jiisusip ingam­mik ‘inuit nuan­naarutigai’. (Uss 8:31) Asan­nin­nini tun­ngavigalugu inuit qanoq eq­qarsar­tar­nersut paasil­luarusuler­paa. Apustili Johan­nesi ima al­lap­poq: ‘Inuup ilumiugisai nam­mineq nalun­ngilai.’ (Joh 2:25) Jiisusi misigin­neqataangaar­tuuvoq. Inuit ilaat paasil­lugu Jiisusimit asaneqarlutik Naalagaaf­fik pil­lugu tusarlius­saq kil­lin­neqaatigisar­paat. Uagut­taaq inoqatitsin­nut asan­nin­ner­put ineriar­tor­tik­kutsigu oqaluus­sinitsin­ni taak­ku sun­niuteqarluar­nerusumik ikiorsin­naas­savavut. – 2 Tim 4:5.

3-4. (a) Misigin­neqataasarut­ta oqaluus­siner­put qanoq isigin­nit­taaseqarfigis­savar­put? (b) Al­laaserisami suut sam­mis­savavut?

³ Uagut Paulusitut misigivugut, taas­sumami oqaluus­sinis­samut pisus­saanini nalun­ngilaa. (1 Kor 9:16) Misigin­neqataasarut­tali  oqaluus­siner­put pisus­saaf­fiin­nar­tut isiginavian­ngilar­put. Inuit soqutigalugil­lu ikiorusul­lugit ersersik­kusus­savar­put. Ilisimavar­put ‘tunisineq pil­luar­nar­nerusoq tigusinermit’. (ApS 20:35) Inuit ikiorusul­lugit oqaluus­sigaangat­ta oqaluus­siner­put nuan­naarutiginerusar­par­put.

⁴ Oqaluus­sinitsin­ni qanoq misigin­neqataasin­naanerluta al­laaserisami eq­qar­tus­savar­put. Siul­lermik, Jiisusip inun­nut misigis­susii ilin­niarfigis­savavut. Taava sutigut sisamatigut ilaarsin­naanerip­put sam­mis­savar­put. – 1 Petr 2:21.

5-6. (a) Jiisusip kik­kut misigin­neqatigai? (b) Esaja 61:1, 2-milu siulit­tuutigineqarsimaneratut sooq Jiisusip oqaluus­sif­figisani nal­ligai?

⁵ Jiisusip misigin­neqataaneranik as­sersuuteqariar­ta. Ilaan­ni Jiisusi ajoqersuk­kanilu nutaarsias­samik nuan­nersumik qasuersaaratik oqaluus­sisimagamik qasungaaler­put. ‘Al­laat nerinis­samut pif­fis­saqarsiman­ngil­lat.’ Taamaat­tumik Jiisusip ajoqersuk­kani ‘inoqan­ngitsumukaqatigai kisimiik­kumal­lutik’ tas­sani ‘qasuersaatsiar­nias­sagamik’. Inup­pas­suil­li “or­nigaan­nukarrap­put taak­kunan­ngalu siul­liul­lutik apuul­lutik”. Jiisusi apuul­luni inuit takugamigit qanoq qisuariar­pa? ‘Nal­ligingaaler­pai * savatut paarsisoqan­ngitsutut im­mata amerlasuunil­lu ajoqersulerlugit.’ – Mark 6:30-34.

⁶ Sooq Jiisusip inuit taak­ku misigin­neqatigalugit nal­ligai? Maluginiaramiuk ‘savatut paarsisoqan­ngitsutut it­tut’. Jiisusip paasisimagunar­paa ilai piitsuusut ilaqut­tamin­nil­lu pilersuiniar­nermin­ni suleruloor­tariaqar­tut. Im­maqalu al­lat asasamin­nik toqusoorsimap­put. Taamaas­simas­sap­pat Jiisusip pis­sutsit atugaat paasisin­naavai. Al­laaserisap siuliani eq­qaaneqar­tutut unam­miniar­nar­tut taama it­tut nam­mineq nalaas­simagunar­pai. Al­lat misigis­susiinik soqutigin­nit­tuugami tup­pal­lersarusup­pai. – Esaja 61:1, 2 atuakkit.

7. Jiisusi qanoq ilaarsin­naavar­put?

 ⁷ Jiisusip maligas­siuineranit suna ilik­kar­par­put? Aam­ma nalitsin­ni inuit ‘savatut paarsisoqan­ngitsutut ip­put’. As­sigiin­ngitsor­pas­suar­nik ajor­nar­torsiuteqar­put. Taak­kualu Naalagaaf­fik pil­lugu tusarlius­saq pisariaqar­tip­paat. (Saqq 14:6) Taamaat­tumik Maligas­siuisorsuar­put ilaarlugu “san­ngiitsut piitsul­lu” nal­ligigatsigit nutaarsias­saq nuan­nersoq oqaluus­sis­sutigisar­par­put. (Tuss 72:13) Inuit misigin­neqatigigatsigit ikior­niarlugit iliuuseqarusup­pugut.

8. Oqaluus­sinermi qanoq misigin­neqataanermik ersersitsisin­naavugut? As­sersuusiorlutit nas­suiaruk.

⁸ Inun­nik oqaluus­sif­figisatsin­nik misigin­neqataanermik ersersitsinis­samut suut iluaqutigisin­naavavut? Takorloor­niar­tariaqar­par­put naapitavut qanoq eq­qarsar­nersut qanorlu misiginersut, taavalu pineqarusun­nitsitut pil­lugit. * (Matt 7:12) Iliuuserisin­naasavut sisamat sam­meriar­tigit. Siul­ler­tut, naapitavit pisariaqar­titai eq­qar­saatigik­kit. Nutaarsias­sap nuan­nersup oqaluus­sis­sutiginera nakorsap suliaanut as­sersuun­neqarsin­naavoq. Nap­parsimasup pisariaqar­titai nakorsaal­luar­tup eq­qarsaatigisar­pai. Apersor­tarlunilu nap­parsimasoq qanoq misiginerminik nas­suiaasoq tusar­naarluar­tar­paa. Katsorsaariaaseq eq­qaasani siul­leq katsorsaatiginagu qanoq pitsaaner­paamik katsorsarsin­naanerlugu paasiumal­lugu nap­parsimasoq misis­soq­qis­saar­tar­paa. Uagut­taaq oqaluus­sinermi oqaloqateqaleraangat­ta inun­nut naapitatsin­nut as­sigiim­mik aal­lar­niiniar­tas­san­ngilavut. Inuit ataasiak­kaatut isumaat atugaal­lu paasiniar­tariaqar­pavut.

9. Qanoq eq­qarsar­naveersaas­saagut? Nas­suiaruk.

⁹ Oqaluus­sinermi naapitaqaraangavit eq­qarsas­san­ngilatit pis­sutsit atugai, suna up­perineraa aam­ma sooq taama up­perisaqar­toq nalun­ngereerlugit. (Uss 18:13) Ataq­qin­nil­lutil­li oqaaseqarusulersitsisumik apeq­quteqar­tarit. (Uss 20:5) Kulturin­ni pis­susis­samisoor­pat sulif­fia, ilaqutai, tunuliaqutaa isigin­nit­taasiilu pil­lugit aperisaruk. Aperisar­nerisigut naapitavut oqalut­tuar­tit­tar­pavul­lusooq nutaarsias­saq nuan­nersoq sooq pisariaqar­tin­neraat. Taman­na paasigaangatsigu misigin­neqataal­luta pisariaqar­titaan­nik ikiorsin­naavavut, soorlu Jiisusi taamaalior­tarsimasoq. – 1 Korinthimiut 9:19-23 naleq­qiuk­kit.

10-11. Korinthimiunut al­lak­kat aap­paat 4:7, 8 eq­qarsaatigalugit oqaluus­sinermi qanoq al­latigut misigin­neqataanermik ersersitsisin­naavugut? As­sersuuteqarit.

¹⁰ Aap­paat­tut, takor­loor­niar­sariuk inuunerat qanoq in­ner­soq. Tamat­ta naam­mal­luin­nan­ngitsuugat­ta aam­ma ajor­nar­torsiuteqar­tarat­ta pis­sutsit atugaat sutigut arlaatigut paasisin­naasar­pavut. (1 Kor 10:13) Silarsuarmi  matumani inuuniar­neq ajor­narsin­naasoq nalun­ngilar­put. Uagul­lu Jehovap ikiuineratiguin­naq piner­tusaarsin­naavugut. (2 Korinthimiut 4:7, 8 atuakkit). Inuil­li silarsuarmi matumani Jehovamik qanimut ikin­nguteqaratik ilungersor­tut eq­qarsaatigik­kit. Jiisusitut taak­ku nal­ligaavut ‘pitsaanerusul­lu pil­lugit nutaarsias­sanik nuan­nersunik’ oqaluus­sif­figerusul­lugit. – Es 52:7, NW.

¹¹ Qatan­ngutip angutip Sergejimik atil­lip misigisaa eq­qarsaatigiuk. Sal­lusuis­sut ilik­kan­ngik­kal­laramiuk Sergej tunuarsimaar­tuuvoq inun­nil­lu oqaloqateqar­nis­sani saper­nar­til­lugu. Biibilimil­li atuaq­qis­saaqatigineqar­taler­poq. Ima oqalut­tuar­poq: “Biibilimik atuaq­qis­saar­til­lunga paasiler­para kristumiut up­per­ner­tik pil­lugu oqaluus­sinis­samin­nut pisus­saaf­feqar­tut. Isumaqaraluar­punga taamaaliorsin­naanaviar­nanga.” Sal­lusuis­sum­mil­li tusarsiman­ngitsut eq­qarsaatigileramigit paasiler­paa Jehova nalugamik­ku inuunerat ar­tor­narsimas­sasoq. Ima nangip­poq: “Ilik­kak­kak­ka pil­luangaalis­sutigaak­ka qaman­ngalu pisumik eq­qis­sis­sutigalugit, paasivaralu aam­ma al­lat sal­lusuis­sutsinik taak­kunin­nga pisariaqar­titsisut.” Sergej misigin­neqataaneruleriar­tor­til­lugu oqaluus­sinis­saminut sapiin­neruleriar­tor­poq. Ima oqar­poq: “Ilimagin­ngisaraluan­nik Biibili pil­lugu al­lanik oqaloqateqar­tar­nera im­minut tatiginerulis­sutigaara up­per­nik­kul­lu nakus­satsis­sutigalugu.” *

12-13. Sooq oqaluus­sinitsin­ni ilin­niar­tit­tak­kavut erinitsajuif­figisariaqar­pavut? As­sersuusiorlutit nas­suiaruk.

¹² Pingajuat­tut, ilin­niar­titatit erinit­sajuif­figik­kit. Eq­qaamajuk sal­lusuis­sutit Biibilimeersut nalun­ngil­luak­kavut imaas­sin­naasoq eq­qarsaatiginikuun­ngik­kaat. Inup­pas­suil­lu up­perisar­tik pingaar­tingaarlugulu up­peril­luin­nar­paat. Imaas­sin­naavoq misigisut ilaqut­tamin­nut, kulturimin­nut inuiaqatigiin­nul­lu ataqatigiisitsisuusoq pingaarutilik. Inuit taak­ku qanoq ikiorsin­naavavut?

¹³ As­sersuusioriar­ta: Ikaar­tarfitoqaq aserfal­las­simasoq taarser­neqar­tus­san­ngor­pat qanoq  ilior­toqas­sava? Imaas­sin­naavoq suli ator­til­lugu ikaar­tarfit­taaq sananeqar­toq aatsaal­lu naam­mas­sip­pat ikaar­tarfitoqaq ingutser­neqar­toq. Taamatut­taaq ilin­niar­titat­ta “up­perisatoq­qamik” pingaar­titamik taamaatitsinis­saat kis­saatigigutsigu sal­lusuis­sutinik “nutaanik” – Biibilimi ajoqersuus­sutinik aal­laq­qaam­mut ilisimanikuun­ngisaan­nik – pingaar­titseq­qul­lugit ikioq­qaar­tariaqas­savavut. Aatsaat taamaalior­nik­kut up­perisatoq­qamik taamaatitsinis­saan­nut piareersimasutut misigilis­sap­put. Taamatut al­lan­nguinis­samin­nut inun­nik ikiuiniar­ner­put sivisusin­naavoq. – Rom 12:2.

14-15. Nunarsuarmi paratiisiusumi naas­saan­ngitsumik inuunis­samik neriuum­mik ilisiman­nin­ngitsut qanoq ikiorsin­naavavut? As­sersuuteqarit.

¹⁴ Inuit oqaluus­sif­figisavut erinitsajuif­figigutsigit Biibilimi sal­lusuis­sutit tusaan­narlugit ingerlaan­naq paasin­nis­sasut akuerin­nis­sasul­lu ilimagis­san­ngilar­put. Misigin­neqataagut­tali Biibilimi qanoq al­las­simasoqar­neranik eq­qarsaatigin­neq­qis­saar­nis­saan­nut erinitsajuil­luta ikius­savavut. As­sersuutigalugu nunami paratiisiusumi naas­saan­ngitsumik inuulersin­naanermik neriuut qanoq tun­ngavilersorsin­naagip­put eq­qarsaatigiuk. Inup­pas­suit taman­na ilisimaval­laan­ngilaat tusar­nikuun­ngisaan­narluguluun­niit. Imaas­sin­naavoq isumaqar­tut toqusimasut inooq­qis­sin­naan­ngitsut, imaluun­niit inuit ajun­ngitsut tamarmik qilalias­sasut. Inuit taak­ku qanoq ikiorsin­naavavut?

¹⁵ Qatan­ngutip angutip periuseq sun­niuteqarluar­toq oqalut­tuaraa. Siul­ler­tut Mosesimik al­lak­kat siul­liit 1:28 atuar­tar­paa. Taava pulaak­kani ima aperisar­paa: “Guutip inuit sumi pis­sutsinilu qanoq it­tuni inuunis­saat siuner­taraa?” Amerlanerit akisar­put: “Nunarsuarmi, pis­sutsini nuan­nersuni.” Taava Esaja 55:11 atuar­tar­paa aperalunilu Guutip siuner­taa al­lan­ngorsimanersoq. Pulaak­kal­lu naaggaar­tar­put. Naggasiul­lugu Tus­siaat 37:10, 11 atuar­tar­pai aperalunilu inuit siunis­saat pil­lugu qanoq al­las­simasoqar­toq. Biibili atorlugu taama tun­ngavilersuinermini inup­pas­suit paasitis­simavai Guutip inuit ajun­ngitsut nunarsuarmi paratiisiusumi naas­saan­ngitsumik inuunis­saat suli kis­saatigigaa.

16-17. Us­satit 3:27 eq­qarsaatigalugu misigin­neqataaner­put iliuutsik­kut qanoq ersersis­sin­naavar­put? As­sersuuteqarit.

¹⁶ Sisamaat­tut, inuit soqutigalugit er­ser­sin­niar­lugu qanoq ilior­sin­naaner­lutit eq­qar­saatigiuk. As­sersuutigalugu agger­ner­put pulaak­katsin­nut pif­fis­saal­luan­ngila? Utoq­qatseriarluta pif­fis­saal­luar­nerusuk­kut uteq­qik­kumasin­naavugut. Pulaagarmi, im­maqa angerlarsimaan­nar­tuugami, ikiugas­saap­pat? Angerlarsimaf­fianiluun­niit sulias­saqalaar­pat? Imaas­sin­naavoq ikiuisin­naasugut. – Ussatit 3:27 atuaruk.

¹⁷ Qatan­ngutip ar­nap pingaaruteqar­pal­laar­pasin­ngitsumik iliuuseqar­nera kinguneqarluar­titsivoq. Ilaqutariin­nut naalungiarsuutimin­nik  an­naasaqarsimasunut misigin­neqataal­luni al­lak­kanik al­lap­poq. Al­lak­kamini Biibili najoq­qutaralugu tup­pal­lersaavoq. Ilaqutariin­nut taak­kunun­nga qanoq sun­niuteqar­pa? Anaanaasup aliasut­tup ima akivaa: “Ip­pas­saq ajorsuaar­punga. Ilisimagunan­ngilat al­lak­katit qanoq uagutsin­nut iluaqutaatiginersut. Naluaraluun­niit qanoq qujas­sanerlunga uagutsin­nul­lu pingaaruteqar­tiginera qanoq nas­suias­sanerlugu. Ip­pas­saq al­lak­katit min­ner­paamik 20-riarlunga atuarunar­pak­ka. Ajun­ngisaar­nerit isumas­suineril­lu al­lak­kan­ni erser­poq, taman­nalu tup­pal­ler­nangaar­poq. Qaman­nga pisumik qujanarujus­suaq!” Uagut­taaq naal­liut­tunik misigin­neqataagut­ta ikiuiniarlutalu iliuuseqarut­ta qular­nan­ngitsumik kinguneqarluar­nera misigis­savar­put.

18. Korinthimiunut al­lak­kat siul­liit 3:6, 7 eq­qarsaatigalugit oqaluus­sinitsin­nut tun­ngatil­lugu suna eq­qaamas­savar­put, aam­ma sooq?

¹⁸ Guuti pil­lugu ilin­niar­titsinermi ikiuutaangaarsin­naavugut, suliamili tamatumani pingaar­ner­paan­ngilagut. (1 Korinthimiut 3:6, 7 atuakkit). Jehovami inun­nik kajungilersitsisuuvoq. (Joh 6:44) Aam­ma inuit uum­mam­miui apeq­qutaal­lutik nutaarsias­saq nuan­nersoq akuerisar­paat akuerinaguluun­niit. (Matt 13:4-8) Eq­qaamajuk Jiisusi nunarsuarmi inuusimasuni ilin­niar­titsil­laq­qin­ner­paajugaluar­toq inuit amerlanersaasa taas­suma tusarlius­saa itigar­tim­mas­suk. Taamaat­tumik inuit ikiorusutat­ta ilar­pas­sui tusarlius­satsin­nik tusar­naarusun­ngik­kaluar­pata nikal­lus­san­ngilagut.

19. Oqaluus­sinermi misigin­neqataanermik ersersitsineq qanoq iluaqutis­sar­taqar­pa?

¹⁹ Oqaluus­sinermi misigin­neqataanermik ersersitsiner­put iluaqutaas­saaq. Oqaluus­siner­put nuan­naarutiginerulis­savar­put tunisinerul­lu pil­luar­nar­nerunera misigalugu. Aam­ma “eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut” nutaarsias­samik nuan­nersumik akuerin­nin­nis­saat ilimanar­nerus­saaq. (ApS 13:48, NW) “Taamaat­tumik pif­fis­saqaral­lar­til­luta tamanut ajun­ngitsulior­niar­ta.” (Gal 6:10) Taamaalil­luta Ataatat­ta qilam­miusup naalan­narsisin­nera nuan­naarutigis­savar­put. – Matt 5:16.