1. Ke mekgwa yifeng ye mengwana yo yi re jabodisang ka Jeso? Hlatolla.

MOKGWA wo mongwana wa go jabodisa wa gore Jeso o nawo ke wa go kwisisa mathata ya gore rune batho ba go sa yenela re gahlana nawo. Nakwela Jeso a le ho lefaseng, o yye a “jabola le bo ba jabodiyeng” fote “a lla le bo ba llang.” (Maroma 12:15) Mo re beyisa, nakwela 70 ya malata ya Jeso ma fetsiye mmereko wo a ma neyyeng wona wa go tšhomayela, ke mo ma jabodiye ka matla, Jeso le yene o yye “a jabola tsa go sa hlayisege ka taba la moya wa go hlawolega.” (Luk. 10:17-21) Ye nngwana taba ke yowa, mo Jeso a di bona tsa gore likgu la Lazaro le babiye ka matla ga batho bo ne ba mo nyaka ka matla, o yye “a kwa go baba ka ku teng, a thomisa go hlakahlakana.”—Joh. 11:33.

2. Jeso o makiye king gore a kwele batho?

² Jeso ke mo a yenele mara o yye a ba kwela go baba batho ba gore ke mo ba sa yenela, a ba gelepa a boya a berekisana nabo gabutši, mara o thušiye king gore a make tsotsone? Sa mathomo ke gore Jeso ke mo a nyaka batho ka matla. Ga hlogotaba ya go fela, go bolabodiwwe gore ke mo “a kwana ka matla le bana ba batho.” (Diy. 8:31) Ke mo a ba nyaka ka matla la go šinya a kwa di mo tšhofa gore a nyake go kwisisa gore ba nagana byang. Johane wa lepostola o hlatolla gore: “Ke mo a di tšiba gore motho o byang.” (Joh 2:25) Jeso ke mo a kwela ba bangwana. Sosone se yye sa maka gore batho ba di bone tsa gore Jeso o ba nyaka ka matla, ke mokane ba kwa ba nabela go theetsela molayetsa wa Mmušo. Le rune mo re ka tseya batho ka mokgo ne a ba tseya ka gona, re nyoko ba le maphomela ya gabutši ka matla ku tšhomong.—2 Thim. 4:5.

3-4. (a) Go kwela ba bangwana go baba go nyoko maka gore re yi tseye byang tšhomo? (b) Ga hlogotaba yowa re nyoko bolabola ka ying?

³ Pawulo wa lepostola ke mo a di tšiba gabutši gore o tshwanele a tšhomayele, le rune re ya di tšiba gore re tshwanele re make ka mokgonone. (1 Makor. 9:16) Mara, mo re kwelana go baba, re ka sa ye tšhomong re fo makela moyano. Re nyoko šupetsa gore re hlopega ka bona fote re nyaka le go ba gelepa. Re ya di tšiba gore  “ye a neyang o jabola go feta ye a yageletsang.” (Meber 20:35) Mo re ka fo dula re nagana taba yone mo re kene re tšhomayela, tšhomo yi nyoko re natefela.

⁴ Ga hlogotaba yowa, re nyoko tšhuta ka mokgo re ka šupetsang batho ba ku tšhomong gore re ya ba kwela. Sa mathomo, re nyoko bona so re ka se tšhutang ga mokgwa wa Jeso wa go kwela batho. Ke mokane re nyoko tšhuta ka dilo tse dingwana ka dine tso re ka ga di kopisang gage.—1 Pet. 2:21.

5-6. (a) Jeso o yye a kwela bomang go baba? (b) Ke ntaba Jeso a yye a ba kwela go baba batho bo ne a ba tšhomayelela?

⁵ Bona gore Jeso o šupetsiye byang gore o kwelana go baba. Tšatši le lengwana, Jeso le malata yage ke mo ba tinnwe ka taba la gore ke mo ba kene ba tšhomayela ditaba tsa go bafala ba sa khutsi. Ke mo ba se na le mong “nako ya go ja.” Byalo Jeso a ya le bo ba mo latelelang “polekeng ya ka thoko gore ba thogo ba ntoši” ke mokane ba “khutse ka go nyana.” Mara, mogoba wo yye wa bhukulela ka le lengwana wa tšhanghwela Jeso le malata yage. Mo Jeso a segela ga poleke yone ke mokane a ba bona, o yye a maka byang? O “yye a ba kwela go baba * ka gore ke mo ba tshwana le dinku tsa gore a di na wa go di disa. Ke mokane a thomisa go ba tšhutisa tsa go tlala.”—Mareka 6:30-34.

⁶ Bona gore ke ntaba Jeso a yye a kwela batho bowa go baba. O di bonne tsa gore batho bone “ba tshwana le dinku tsa gore a di na wa go di disa.” Jeso a ka fo ba a di bonne gore ba bangwana baa tihlopegela, fote ba bereka le šinya le kgwalala, ba šikilela ba mitši ya bona. Nakwenngwana ba bangwana ke mo ba kwisiwwe go baba ke gore ba hlokofalele ke mašaga. Mo nkare go ka mokgonone, di ra gore Jeso ke mo a kwisisa seyemo sa bona. Go tshwana le ka mokgonola re hlayyeng ga hlogotaba ya go fela, Jeso a ka fo ba a yye a gahlana le tsa go tshwana le tsotsone. Jeso o yye a kgomoletsa batho ka molayetsa wa Mmušo ka taba la gore ke mo a ba kwela go baba.—Bala Jesaya 61:1, 2.

7. Re ka mo yekisela byang ga Jeso?

 ⁷ Re tšhuta ying mo ga taba ya Jeso? Le rune re tshwana naye ga Jeso, re phela le batho ba go tshwana le “dinku tsa gore a di na wa go di disa?” Ba na le tsa go tlala tsa go ba kgahleletsa. Rune re na le so se ka ba gelepang—molayetsa wa Mmušo. (Kut. 14:6) Le rune re tshwana le Mong wa rune, re tšhomayela ditaba tsa go bafala ka taba la gore “re kwela ba gore ba kgongwele le bo ba go tihlopegela.” (Pis. 72:13) Re kwela batho go baba, fote re nyaka go maka se sengwana gore re ba gelepe.

8. King se sengwana so re ka ga se makang go šupetsa gore batho ba ku tšhomong re ba kwela go baba? Beyisa.

⁸ Re ka gelepa king gore re šupetse bo re ba tšhomayelelang gore re ba kwela go baba? Re tshwanele re tipeye seyemong sa bo re hlakanang nabo tšhomong ke mokane re ba tshware ka mokgo le rune ne re ka nyaka go tshwariwa ka gona. * (Mat. 7:12) Tla re boneneng mekgwa ka mene yo yi ka re gelepang ga tsotsone. Sa mathomo, nagana ka so motho ye mongwana le ye mongwana a se hlokang. Mo re tšhomayela ditaba tsa go bafala, so re se makang se fo yelana kwatla le tso dogotela yi di makang. Dogotela ya go tšiba ditaba tsa yona yi nagana ka tso molwele ye mongwana le ye mongwana a di hlokang. Ke mokane yi butsisa molwele diputsiso fote yi theetsela gabutši mo a kene a hlatolla gore o tikwa byang. Dogotela ya go tseya gabutši a yi jagele go neya motho dihlare yi sokobane yi mo pombhola gabutši, kela go lesetsa gore go fete nako yi kene yi mo lebelela gore o hlopa king gore yi thogo mo neya dihlare tsa go lebana le bolwele byage. Le rune a re berekisi mokgwa wa go tshwana mo re tšhomayelela batho tšhomong. Re tseyela hlogong seyemo sa motho ye mongwana le ye mongwana le ka mokgo a tseyang dilo ka gona.

9. King sa gore a di nyake re se wela ka gedimo? Hlatolla.

⁹ Mo o gahlana le motho ku tšhomong, o sa fo tseya nkare wene o tšiba ditaba tsage kela o tšiba so a se dumelang le gore ke ntaba a se dumela. (Diy. 18:13) Mara, mmutsise diputsiso tsa gabutši gore o thogo mo tšiba. (Diy. 20:5) Mo nkare gwa dumelelega ka setšo la lune, mmutsise ka mmereko wo a wo berekang, mutši wage, mo a goleleng gona le gore o bona dilo byang. Mo re maka batho gore ba phutuluge, sosone se nyoko maka gore re thogo di bona gore ke ntaba ba nyaka ditaba tsa go bafala. Mo re šele re tšiba ditaba ka bona, sosone se nyoko re tšhofa gore re ba kwele go baba go fo tshwana le Jeso, re tšibe dilo tso di ba hlopang ke mokane re sa pumutsi mo re ba fetola.—Tshwanisa ka 1 Makorente 9:19-23.

10-11. Go ya ka 2 Makorente 4:7, 8, mokgwa wa bobedi wa go šupetsa gore re kwelana go baba ke wofeng? Beyisa.

¹⁰ Sa bobedi, leketsa go nagana gore maphelelo ya bona ma ka fo ba ma le byang. Go gongwana, re ka leketsa go kwisisa seyemo sa bona. Phela le rune go na le dilo tso di felang di re ghula ka taba la gore a ra yenela. (1 Makor.  10:13) Re ya di tšiba gore lephelo le ya re thathafela gana byalo. Re gelepa ke Jehova gore re thogo tiyisela. (Bala 2 Makorente 4:7, 8.) O fo nagana nje gore bo go seng banghana ba Jehova bona di ba phiriketsa go segela kaye. Go fo tshwana le Jeso, re ba kwela go baba fote sosone se re tšhofa gore re ba botse “ditaba tsa go bafala tsa se sengwana sa gore se kawone.”—Jes. 52:7.

¹¹ Tla re bolaboleneng ka taba ya mogageru ye mongwana ye ba reng ke Sergey. Mo a sokobane a tšhuta nnete, ke mo a na le dihlong ka matla fote a tikgomolelele. Gage go bolabola le batho ke mo go le morwalo. Mo go-ya-go-ya, o yye a dumela go tšhutisiwa Baebele. Sergey o re, “Mo nkene ke tšhuta Baebele, ke yye ka di bona gore Makreste ma tshwanele go botsa batho ba bangwana ka so ma se dumelang. Ke mo ke tiputsiye gore tsone nka sa ro di kgona.” Mara o yye a nagana ka bo ba sokobaneng ba kwelela dinnete tsowa, a di bona gore lephelo di šupa nkare le thathafa ka matla ga batho bo ba sa mo tšibing ga Jehova. Sergey o re, “Dilo tsa nyuwane tso ne ke di tšhuta di njabodisiye ka matla, ka kwa pelo yaka yi yitseri kgehle. Ke mo ke di tšiba tsa gore ba bangwana le bona baa di nyaka go tšiba ka dinnete tsowa.” Mo Sergey a kene a tšhuta go kwela ba bangwana go baba, sosone se yye sa maka gore a be le lešiši la go ba tšhomayelela. Sergey o re, “So se yyeng sa mmakatsa ka matla ke gore le dihlong tsela di yye tsa pomega ka matla mo ke thomisa go bolabola le ba bangwana ka Baebele fote se makiye gore ka ho pelong yaka tumelo yaka yi tiyelele ka matla.” *

12-13. Ke ntaba di nyaka re lefise pelo mo re kene re tšhutisa batho ku tšhomong? Šupetsa.

¹² Sa boraro, lefisa pelo mo o kene o ba tšhutisa. Gopola taba ye nngwana ke yowa: Di ka makega gore dinnete tso rune re di tšibang gabutši a ba soko di kwelela le ka gonyana. Ba go tlala ba mamarele ga so ba se dumelang gana byalo fote ba kwana naso ka matla. Mo ba lebelele ba bona nkare so ba se dumelang se maka gore ba mamarelane le ba mutši wa bona, setšo sa bona le batho ba polekeng ya bona. Re ka ba gelepa byang mara?

¹³ Nagana ka mošupetso wo mongwana ke wowa: Mo lebhrogo la botala le hlagele ke mokane go nyaka go yagiwa la nyuwane, gale ba  maka byang? Ga go tlala ba thomisa ka go yaga lebhrogo la nyuwane ho thina, la botala le kene le sa berekisiwa. Mo ba šele ba fetsiye go yaga la nyuwane, ba ka pshyaya lela la botala. Le rune a re fo thomisa ka go botsa motho gore a lesetse dilo tsa “botala” tso a di dumelang, mara di ka fo nyaka re thomisa ka go mo gelepa gore a di kwisise gabutši dinnete tsowa tsa “nyuwane” le go kwana natso ka matla—dinnete tsa Baebele tsa gore ke mo ba sa di tšibi nakwela re sa thoma go tšhuta nabo. Mo di šele di ba yelela gabutši, ba ko thogo lesetsa dilo tso ne ba di tseya ka mokgwa wo mongwana. Go gelepa batho gore ba tšhentšhe so ba se dumelang di ka tseya nako.—Maroma 12:2.

14-15. Re ka ba gelepa byang bo ba tšibang ka go nyana kela bo ba sa tšibing selo ka tshepo ya rune ya lephelo la go ya go yye pharadeyising ho lefaseng? Beyisa.

¹⁴ Mo nkare re lefisela batho ba ku tšhomong pelo, re ka sa ba jage gore ba kwisise kela go yamogela dinnete tsa Baebele go sa le la mathomo ba di kwa. Mara, go kwelana go baba go re tšhofa gore re ba gelepe go kwisisa Mangwalo mo nako yi kene yi ya. Mo re beyisa, nagana ka mokgo o ka gelepang motho gore a kwisise tshepo yo re nang nayo ya lephelo la go ya go yye pharadeyising ho lefaseng. Ba go tlala taba yowa ba yi tšiba ka go nyana mara ba bangwana a ba yi tšibi le ka gonyana. Ba ka fo ba ba tseya gore mo motho a kgwile, ke moka ka yene. Kela ba ka fo tseya gore batho ka mokana ga bona ba go loka mo ba kgwile ba ya legedimong. Re ka ba gelepa byang mara?

¹⁵ Bona gore mogageru ye mongwana yene o gelepa batho byang gore ba kwisise taba yowa. O thomisa ka go bala Genesi 1:28. Ke mokane, o butsisa mong wa mutši gore Modimo ke mo a nyaka gore batho ba phele kaye fote ba phele lephelo la mošaga mang. Ba go tlala ba fetola ka gore, “Ke mo a nyaka ba phele ho lefaseng ba jabodiye.” Ke mokane mogageru yewa o bala Jesaya 55:11, mo a fetsa o butsisa gore nje so Modimo ke mo a nyaka go se maka se tšhentšhiye. Ga go tlala mong wa mutši o fetola ka gore awwa. Lengwalo la mafelelo lo a le balang ke la Pisalema 37:10, 11, ke mokane a butsisa gore lephelo la batho le nyoko ba byang ku mahlong. O gelepiye ba go tlala a berekisa Mangwalo ka mokgononeng gore ba di kwisise tsa gore Modimo o sa na a di nyaka gore batho ba tle ba phele go ya go yye lefaseng la Pharadeyisi.

16-17. Mo re nagana ka Diyema 3:27, ke mekgwa yifeng yo re ka šupetsang ka yona gore re kwelana go baba? Šupetsa.

¹⁶ Sa bone, nagana ka so o ka se makelang batho go šupetsa gore o ba tseyela hlogong. Mo re beyisa, ayitsano nako yo re segeleng ka yona ke mo go le nako ya gore gana hone mutšing ke mo ba sa tshwaraganne ka se sengwana? Re ka fo re ke masopo ke mokane ra boya ka nako ya gabutši. Byalo re ka maka byang mo nkare mong wa mutši o nyaka go gelepiwa ka mmereko wo mongwana wo monyana? Kela re ka maka byang mo nkare ye mongwana wa gore aa kgone go tšwa ka gaye a nyaka re mo makela se sengwana, sa go tshwana le go rekediwa se sengwana setolo? Ga seyemo sa mošaga wonone, re ka mo gelepa.—Bala Diyema 3:27.

¹⁷ Mogageru ye mongwana wa mosadi o yye  a makela motho ye mongwana selo se senyana sa gabutši, ke mokane gwa ba le maphomela ya go jabodisa. Go kwelana go baba go makiye gore a ngwalele ba mutši wo mongwana borifi bya go ba tiyisa ka taba la gore ba hlokofalele ke ngwana. Ga borifi byone ke mo a ngwadiye le mangwalo ya go ba kgomeletsa ya ka ho Baebeleng. Mone mutšing ba yye ba tikisega byang? Mmane wa ngwanene o yitseri, “Wa tšiba malobana ke mo ke hlakahlakanne ka matla, a ke tshepe gore ke mo o di tšiba gore borifi byowa bo nyoko re kgomoletsa go segela kaye mo o kene o bo ngwala. Ke leboga ka matla borifi byowa o re ngwaleleng byona, bo re kgomeletsiye ka matla. Ke bo badiye ga tleletlele, go segela le ga 20 malobana fela. Wa tšiba borifi byowa ke mo bo kwagala gore o re kwela go baba, wa re kgomoletsa le go re tiyisa. Re leboga re sa fetse.” Mo re ka fo di kwisisa tsa gore batho ba bangwana ba goga go baba gore ba thogo phela ke mokane ra leketsa go ba gelepa, go nyoko ba gabutši ka matla.

18. Go ya ka 1 Makorente 3:6, 7, di nyaka re gopole ying mo re kene re tšhomayela, fote ke ntaba?

¹⁸ Di nyaka re di tšibe gore re ka sa kgone dilo ka mokana ga tsona ku tšhomong. Re thuša batho gore ba tšhute ka Modimo, mara a yi rune re makang mmereko wo mogolo. (Bala 1 Makorente 3:6, 7.) Jehova ke yene a gogang batho. (Joh 6:44) Gore motho wa theetsela kela awwa, di ya ka so se leng ka pelong yage. (Mat. 13:4-8) Jeso ke mo go le Thitšere ya go di phala ka moka—mara batho ba go tlala a baa wo yamogela molayetsa wage! Byalo, a di nyake di re kwisa go baba mo batho ba go tlala bo re leketsang go ba gepela ba sa re theetsele.

19. Mo re kwela batho ba ku tšhomong go baba, maphomela go nyoko ba ying?

¹⁹ Mo re kwela batho ba ku tšhomong go baba, re nyoko bona maphomela ya mabutši. Re ko kweng gore tšhomo yi natefa ka matla. Re ko thogo di bona gabutši gore go neya go leya go jabola. Sosone se nyoko maka gore go be lola ga bo ba “tlaleleng ka ho ga lephelo la go ya go yye” gore ba yamogele ditaba tsa go bafala. (Meber. 13:48) Byalo “mo re sa na re thulegele ke lešuba, tla re makeleneng batho ka mokana ga bona tsa gabutši.” (Magal. 6:10) Re nyoko jabola ka matla ka taba la gore re ko ba re gadimisa Papa wa rune wa ku legedimong.—Mat. 5:16.