KA MOKANA ga rune re nyaka gore batho ba re tšibe re lukiye. Mara ga lefase lo re phelang ga lona a di lola go loka. Tsotsone di maka ke gore batho ba go tlala “a ba kwane le tsa go loka.” (2 Thim. 3:3) Ba ka fo latelela tso bona ba bonang di lukiye ga bona, gabutšibutši ba re “sa go loka, a se ya loka ke mokane sa go sa loka ba re se lukiye.” (Jes. 5:20) A go lola gore motho a ka loka, ka taba la gore go na le dilo tso a ka fo bang a di makiye ku nthago tsa gore di mo maka gore a sa hlakarele, fote ye nngwana ke gore a ra yenela mo mmeleng. Le rune re ka tikwa go tshwana le Anne, * wa gore o berekele Jehova ka mongwagangwaga, o re: “Di ya roba gore ke nape ke tshepa gore le nna nka ba motho wa go loka.”

Sa go jabodisa ke gore ka mokana ga rune re ka di kgona go maka tsa go loka! Go loka ke se sengwana sa seyengwa sa moya wa Modimo wa go hlawolega, moya wone wo feta dindhodhoma tsa mathatha tso re ka hlakanang natso, tsa go bonala le tsa go sa bonale. Tla re nyakolleneng mokgwa wowa wa go loka, re boneneng gore nje re ka sa tšhuti go loka ka matla nyana.

Mo re fo yi beya, mo motho a lukiye ke wa go fo ba gabutši nje. O titshwara gabutši ka matla, aa na tsa go befa kela tsa go ranya ho gage. Motho wa go loka o fo dula a ramele mo go thulega lešuba, gore a thogo gelepa batho ba bangwana. O fo kwa a nabela go ba makela dilo tsa gabutši.

O ka fo ba o ba bonne batho ba gore ba fo dula ba ramele go makela mašaga le banghana ba bona dilo tsa gabutši, mara nje motho di nyaka a kgere gana hone mo a re o maka tsa gore di lukiye? Nnete ke gore re ka sa nape re kgona go maka dilo tsa go loka ka go felegelela, ka taba la gore Baebele yi re “aa šiyo wa go loka ho lefaseng wa gore yene o fo dula a maka tsa go loka fote a sa sinyi.” (Mmo. 7:20) Pawulo wa lepostola o bolabodiye di mmaba gore: “Nna yene ke ya di tšiba gore ho gaka, ke ra ho nameng yaka, le ka ssoši sa go loka a se šiyo.” (Maroma 7:18) Byalo di fo ba lekgwaying gore mo re nyaka go ba batho ba go loka, di nyaka re tšhute ga ye go leng mong yona Tšhiko ya go loka.

Jehova Modimo ke yene a bolabolang gore sa go loka ke sefeng. Re bala ka yene gore: “O lukiye fote le tso o di makang di lukiye. Ntšhutise melawo yago.” (Pis. 119:68) Gana byalo tla re bolaboleneng ka dilo ka dipedi tso di bolabodiwweng ga temanyana yowa tsa go šupetsa gore Jehova o lukiye.

Jehova o lukiye. A di makege gore Jehova a yahlogane le go loka. O fo nagana nje ka so Jehova a se butsiyeng Moše, o yitseri: “Ke nyoko maka gore go loka gaka o go bone. Mo Moše a bona go loka ga Jehova le go gadima gage, o yye a kwa mantsu yawa ya gore: “Jehova, Jehova, Modimo wa go kwelana go baba, wa go thušana, wa go tseya nako go kwata, wa go tlala ka lerato le nnete, wa go nyaka batho bage ka matla, wa go tshwarelana mo motho a makiye tsa go befa le dibe, mara wa go maka tsa go befa yene a ka sa mo lesetse.” (Ek. 33:19; 34:6, 7) Sowa se šupetsa gabutši gore Jehova o lukiye ka dinako ka moka. Le mo Jeso ne a lukiye nakwela go le motho wa nama le madi, o yye a hlaya gore: “Aa šiyo wa go loka, mo go se Modimo a ntoši.”—Luka 18:19.

 Tso Jehova a di makang di gabutši. Dilo ka mokana ga tsona tso a di makang di fo šupetsa gore o lukiye. “Jehova o tshwara batho ka mokana ga bona ka go loka, fote gore wa ba tshwarela mo ba sinnye, di bonala gabutši ga dilo ka mokana ga tsona tso a di makang.” (Pis. 145:9) Jehova aa yi ka gore motho ke mang ke mokane a thomisa go mo tshwara ka go loka, o neya batho ka mokana ga bona lephelo fote o ya mahlong a kene a le nabo. (Meber. 14:17) Fote gore o lukiye, re mmona ka go re tshwarela. Mopisalema o ngwadiye gore: “Wene Jehova o lukiye, fote o fo dula o re tshwarela.” (Pis. 86:5) Di nyaka re di tshepe tsa gore “Jehova a ka sa tsoge le ka letšatši la mohlolo a konne batho ba gore baa tshepega dilo tsa go bafala.”—Pis. 84:11.

Re makiwwe ka setshwano sa Modimo, byalo tsa go loka le tsa go kgona go maka tsa loka di fo ba mo mading. (Gen. 1:27) Mara Lentsu la Modimo le re malata ya Modimo ma tshwanele ma “tšhute go maka tsa go loka.” (Jes. 1:17) Byalo re ka tšhuta go loka ka mokgomang? Bona mekgwa ka meraro ke yowa ya gore yi nyoko re gelepa.

Sa mathomo ke gore Makreste ma ka rapela ma kgopela moya wa go hlawolega gore ma thogo ba le mokgwa wowa wa go loka ga mannete. (Magal. 5:22) Moya wa Modimo o ka re gelepa gore re kwane le dilo tsa go loka ke mokane re kganele kgole le tsa go befa. (Maroma 12:9) Gabutši, Baebele yi re Jehova a ka re “tiyisa ga dilo ka mokana ga tsona tsa gabutši tso re di makang kela re di bolabolang.”—2 Mathes. 2:16, 17.

Sa bobedi ke gore di nyaka re bale Lentsu la Modimo. Mo re maka ka mokgononeng, Jehova o nyoko re tšhutisa “mekgwa ka mokana ga yona ya go maka dilo tsa gabutši” le go re lukiselela “mmereko wo mongwana le wo mongwana wa gabutši.” (Diy. 2:9; 2 Thim. 3:17) Mo re bala re boya re ghayela ka tso re di balang, re tlatsa menagano ya rune le dipelo tsa rune ka dilo tsa Modimo le tso a di nyakang. Ka mokgonone go nyoko tshwana le nkare re tšhela tšheleta ka bhankeng ke mokane ra tla ra yi ntsha mo re yi nyaka.—Luka 6:45; Maef. 5:9.

Sa boraro ke gore re leketse ka matla go “kopisela tsa gabutši.” (3 Joh. 11) Re kraya batho ba go tlala bo re ka kopiselang ga bona ka ho Baebeleng. Ba bagolo ba gona ke Jehova le Jeso. Mara go na le ba bangwana fote ba gore re ka tšhuta ka bona. Ba bangwana ba bona ke Thabitha le Bharenabhase. (Meber. 9:36; 11:22-24) Di nyoko go berekela ditaba tsa bona, mo o ka fo bala wa kwa ka mokgo ne ba gelepa batho ba bangwana ka gona. Nagana ka so le wene o ka se makang gore o thuše ba bangwana, mašaga yago kela ba ka ho phutegong. Lebelela gore Thabitha le Bharenabhase ba rufiwwe byang ka taba la go loka ga bona. Le wene o ka rufiwa mo o ka fo ba kopisela.

Re ka nagana fote le ka batho ba dinakong tso re phelang ga tsona ba gore le bona ba maka dilo  tsa go bafala. Mo re beyisa, nagana ka bagolo gore baa karakara ka ho phutegong ba gore ba ‘kwana le tsa go loka.’ O sa lebale magageru ya basadi ya gore maa tshepega mo ma kene ma šupetsa gore ke ‘mathitšere ya go go tšhutisa dilo tsa go loka ka tso ma di bolabolang.’ (Tit. 1:8; 2:3) Mogageru ye mongwana wa mosadi ye ba reng ke Roslyn o re: “Monghanaka o leketsa ka matla gore a gelepe magageru ya ka phutegong le go ma tiyisa. O na le go ba naganela ke mokane a ba neya sela le sela. Nna ke bona a na le pelo ye butši wa tšiba.”

Jehova o hlohletsela batho bage gore ba “nyakane le go loka.” (Amo. 5:14) Sosone se nyoko re gelepa gore re kwane le so Jehova a reng se lukiye fote se nyoko re tšhofa gore re make tsa go loka.

A di re gore re tshwanele re neye batho dilo tsa go tura kela dilo tse dikgolo go šupetsa gore re lukiye. Mo re fo beyisa: O fo nagana nje ka motho wa go thalathala dithombhe, aa fo ba le bhraši ka yyoši kela ka dipedi. O berekisa tsa go tlala nyana mo a kene a tipentela sethombhe sage. Le rune, re šupetsa ka dilo tse dinyana tso re kgonang go gelepa ka tsona gore re lukiye.

Baebele yi re re dule re “tilukisiye” re “tikemisele” go maka tsa gabutši. (2 Thim. 2:21, Tit. 3:1) Mo re fela re lahlela lihlo ga tso di makegelang ba bangwana, re ko thogo bona ka mokgo ye mongwana le ye mongwana wa rune a ka gelepang moyagelani wage ka ‘tse dibutši gore a thogo mo yagisa.’ (Maroma 15:2) Sosone se rela go ba neya selo se sengwana so re ka bang re le naso. (Diy. 3:27) Re ka mema ba bangwana gore ba tle ba je le rune tsa go ja le mo di sa re selo kela ra tla ra bolabola nabo tsa go tiyisana. Mo re kwa gore ye mongwana aa titsose, re ka mo ngwalela sekhatane, ra mo vakašela kela ra mo fowunela. Tla re duleneng re ramele mašuba ya go tlala ya go bolabola “tsa go tiyisana mo go nyakegang, gore bo ba di kwang di thogo ba gelepa.”—Maef. 4:29.

Go fo tshwana le Jehova re nyaka go makela batho ka mokana ga bona tsa gabutši. A re hlawole motho. Mokgwa wo mongwana wa go šupetsa tsotsone ke ho re botsa batho ka mokana ga bona ditaba tsa go bafala tsa Mmušo wa Modimo. Go tshwana le ka mokgo Jeso a bolabodiyeng, re nyaka go maka dilo tsa go bafala le ga bo ba nkare baa re nyenya. (Luka 6:27) A yi molato go ba le pelo ye butši le gore re makele ba bangwana tse dibutši, fote “a go na molawo wa go phigisana le dilo tsa go tshwana le tsotsone.” (Magal. 5:22, 23) Mo re titshwara gabutši le mo re phigisiwa kela re ghula ke tse dingwana, re ka maka gore batho ba tšhentšhe monagano ba tle nneteng ke mokane ba gadimise Modimo.—1 Pet. 3:16, 17.

“Motho wa go loka wa rufega ga tso a di makang.” (Diy. 14:14) King tse dingwana tso a nyoko rufiwang ka tsona? Mo re tshwara ba bangwana gabutši, ga go tlala le bona ba nyoko re tshwara gabutši. (Diy. 14:22) Le mo ba bangwana ba sa re tshware tsona, rune re fo ya mahlong re ba makela tsa gabutši, ba ka šinya ba boya pateng.—Maroma 12:20.

Ba tlele bo ba di bonneng gore mo re maka tsa gabutši re lesetsa go maka tsa go befa, sosone le rune se re gelepa go gongwana. Tla re boneneng tso Nancy a yyeng a feta ga tsona. O re: “Mo ke sa gola ke mo ke tšindiye ka matla, ke šitega go titshwara fote ke dhelela. Mara mo nkene ke tšhuta melawo ya Modimo ya go loka, dilo di yye tsa thomisa go tšhentšha. Gana byalo ke ya hlompega fote ke hlompa lephelo laka.”

Taba ye kgolo yo yi makang gore re nape re kena fase re maka tsa go loka ke taba la gore Jehova wa jabola mo a bona re maka tsotsone. Le mo batho ba go tlala ba sa di bone tso re di makang, Jehova yene wa di bona. O bona selo se sengwana le se sengwana sa gabutši so re re makang le so re se naganang. (Maef. 6:7, 8) O nyoko re rufa byang? “Jehova o yamogela motho wa go loka.” (Diy. 12:2) Tla re sa lesetseneng go maka tsa go loka. Jehova o tshepisa “ye mongwana le ye mongwana ye a makang tsa go loka gore o nyoko gadimisiwa, a hlompege le go maka gore a bebe.”—Maroma 2:10.