10-زەرتتەۋ ماقالاسى
شومىلدىرۋ راسىمىنەن وتۋىمە قانداي كەدەرگى بار؟
«ەكەۋى سۋعا ٴتۇسىپ، ٴفىلىپ ونى شومىلدىرۋ راسىمىنەن وتكىزدى» (ەل. ٸس. 8:38).
52-ٵن ەحوباعا باعىشتالۋ
اڭداتپا *
1. ادام مەن حاۋا نەنى جوعالتتى جانە مۇنىڭ ناتيجەسى قانداي بولدى؟
جاقسىلىق پەن جاماندىققا قاتىستى نورمالاردى كىم ورناتۋ كەرەك دەپ ويلايسىز؟ ادام مەن حاۋا جاقسىلىق پەن جاماندىقتى تانىتاتىن اعاشتىڭ جەمىسىن جەگەندە، مىنا جايتتى ايقىن ەتتى: ولار ەحوباعا جانە ونىڭ نورمالارىنا سەنىم ارتقىسى كەلمەدى. سونداي-اق جاقسىلىق پەن جاماندىققا قاتىستى نورمالاردى ٶزىمىز ورناتامىز دەپ شەشتى (مۇس. 1-ج. 3:22). ٴبىراق ولار نەدەن قۇر قالعانىن ويلاپ كورىڭىزشى. ەحوبامەن دوستىقتارىن جوعالتتى، ماڭگى ٶمىر ٴسۇرۋ مۇمكىندىگىنەن ايىرىلدى. ال بالالارىنا كۇنا مەن ٶلىمدى قالدىردى (ريم. 5:12). العاشقى جۇپتىڭ تاڭداۋى وسىنداي قاسىرەت اكەلدى.
يساعا سەنگەننەن كەيىن ەفيوپيالىق قىزمەتكەر تەز ارادا شومىلدىرۋ راسىمىنەن وتكىسى كەلدى (2، 3-ابزاستى قاراڭىز)
2، 3. ا) فىلىپتىڭ ۋاعىزىن تىڭداعان ەفيوپيالىق قىزمەتكەر نە ىستەدى؟ ٵ) شومىلدىرۋ راسىمىنەن وتكەندەر قانداي باتالارعا كەنەلەدى جانە ٴبىز قانداي سۇراقتاردى تالقىلايمىز؟
2 ٴبىرىنشى عاسىرداعى ەفيوپيالىق قىزمەتكەر ادام مەن حاۋادان مۇلدەم باسقاشا ارەكەت ەتتى. ول فىلىپتىڭ ۋاعىزىن تىڭداپ، ەحوبا مەن يسانىڭ ول ٷشىن قانداي يگى ٸس جاساعانىن بىلگەندە، بىردەن شومىلدىرۋ راسىمىنەن ٶتتى (ەل. ٸس. 8:34—38). قۇدايعا ٶمىرىمىزدى باعىشتاپ، سول كىسى سياقتى شومىلدىرۋ راسىمىنەن وتكەندە، ٴبىز دە ٴبىر جايتتى ايقىن ەتەمىز: ەحوبا مەن يساعا جاساعان جاقسىلىقتارى ٷشىن وتە ريزا ەكەنىمىزدى كورسەتەمىز. سونىمەن قاتار ەحوباعا سەنىم ارتاتىنىمىزدى ٵرى جاقسىلىق پەن جاماندىققا قاتىستى نورمالاردى تەك سول عانا ورناتۋ كەرەك ەكەنىن مويىندايتىنىمىزدى كورسەتەمىز.
3 ەحوباعا قىزمەت ەتۋدىڭ باتالارى جايلى ويلاپ كورىڭىزشى! بىرىنشىدەن، ادام مەن حاۋا جوعالتقان بارلىق نارسەنى قايتا يەمدەنۋگە، ماڭگى ٶمىر سۇرۋگە ٷمىتىمىز بار. يسا ماسىحكە سەنگەندىكتەن، قۇداي كۇنا-قاتەلىكتەرىمىزدى كەشىپ، ار-ۇجدانىمىزدى تازارتادى (مات. 20:28؛ ەل. ٸس. 10:43). سونداي-اق ەحوبانىڭ ىقىلاسىنا بولەنگەن دۇنيەجۇزىلىك وتباسىنا قوسىلامىز. بۇل وتباسىن جارقىن بولاشاق كۇتىپ تۇرعانى تاعى بار (جوح. 10:14—16؛ ريم. 8:20، 21). وسى باتالار سوقىرعا تاياق ۇستاتقانداي ايقىن بولسا دا، كەيبىر ادامدار ەفيوپيالىق كىسى سياقتى باتىل قادام جاساي الماي جاتادى. شومىلدىرۋ راسىمىنەن وتۋگە ولارعا نە كەدەرگى؟ سول كەدەرگىلەردەن قالاي سۇرىنبەي وتسە بولادى؟
كەرى تارتاتىن كەدەرگىلەر
كەيبىرەۋلەر ٷشىن شومىلدىرۋ راسىمىنەن وتۋگە كەدەرگى جايتتار
ٶز-وزىنە سەنىمسىزدىك (4، 5-ابزاستى قاراڭىز) *
4، 5. ەۆەري مەن حاننا ەسىمدى جاستار قانداي كەدەرگىلەرگە كەزىكتى؟
4 ٶز-وزىنە سەنىمسىزدىك. ەۆەري ەسىمدى جىگىتتىڭ اتا-اناسى — ەحوبا كۋاگەرى. ونىڭ اكەسى — وتباسىنا وتە قامقور، قاۋىمدا دا تاماشا اقساقال. ٴبىراق ەۆەري شومىلدىرۋ راسىمىنەن وتۋدەن تارتىنىپ ٴجۇردى. نەگە؟ بۇل سۇراققا ٶزى جاۋاپ بەرسىن. «مەن اكەم سياقتى بولا المايمىن دەپ ويلادىم»،— دەيدى ول. سونداي-اق وعان بولاشاقتا بەرىلەتىن جاۋاپكەرشىلىكتەرىن اتقارا المايتىنداي كورىنەتىن. «مەنەن كوپشىلىك الدىندا دۇعا ايتۋدى سۇراسا، باياندامامەن شىعۋدى، ۋاعىزداۋ توبىنا جاۋاپتى بولۋدى تاپسىرسا قايتەمىن دەپ قورقاتىنمىن»،— دەيدى ەۆەري.
5 حاننا دەگەن 18 جاستاعى قىزعا ٶز-وزىنە دەگەن سەنىمدىلىك قاتتى جەتىسپەيتىن. ول ەحوباعا قىزمەت ەتەتىن وتباسىندا ٶستى. سويتسە دە ەحوبانىڭ نورمالارىمەن ٶمىر سۇرە المايمىن دەپ ويلاپتى. نەلىكتەن؟ ويتكەنى حاننانىڭ وزىنە ەشقاشان كوڭىلى تولمايتىن. كەيدە ونىڭ جامان سەزىمدەرگە تۇنشىعاتىنى سونشا — ٶز-ٶزىن ادەيى زاقىمدايتىن. ٴبىراق بۇدان ەشقانداي جەڭىلدىك سەزىنبەيتىن. ول بىلاي دەيدى: «مەن نە ىستەپ جۇرگەنىم جايىندا ەشكىمگە ٴتىس جارمادىم، مۇنى ٴتىپتى اتا-انام دا بىلمەدى. وزىمە ىستەگەن وسى نارسەدەن كەيىن ەحوبا قىزمەتشىسى بولعانىمدى ەش قالامايدى دەپ ويلادىم».
دوستاردىڭ ىقپالى (6-ابزاستى قاراڭىز) *
6. شومىلدىرۋ راسىمىنەن وتۋدەن ۆانەسسانى كەرى تارتقان نە؟
6 دوستاردىڭ ىقپالى. 22 جاسار ۆانەسسا: «كىشكەنتايىمنان بىلەتىن وتە جاقىن ٴبىر دوسىم بار ەدى»،— دەيدى. ٴبىراق ول ۆانەسسانىڭ شومىلدىرۋ راسىمىنەن وتەمىن دەگەن نيەتىن قولدامايتىن. بۇل ۆانەسسانىڭ جانىنا باتتى. ول بىلاي دەيدى: «ماعان بىرەۋمەن دوستاسىپ كەتۋ وتە قيىن. ەگەر دوستىعىمىز ۇزىلسە، ەشقاشان باسقا قۇربى تابا المايمىن دەپ ۋايىمدادىم».
اۋىر قاتەلىك جاساۋدان قورقۋ (7-ابزاستى قاراڭىز) *
7. ماكايلا دەگەن قىز نەدەن قورىقتى جانە نەگە؟
7 اۋىر قاتەلىك جاساۋدان قورقۋ. اعاسى قاۋىمنان شىعارىلعاندا، قارىنداسى ماكايلا بەس جاستا بولاتىن. ول اعاسىنىڭ قىلىقتارى اتا-اناسىنىڭ جۇرەگىن قالاي اۋىرتقانىن كورىپ ٶستى. «شومىلدىرۋ راسىمىنەن وتكەن سوڭ، قاتەلىك جاساپ قويسام، قاۋىمنان شىعارىلامىن، بۇل بولسا اتا-انامنىڭ سىزداعان جۇرەگىن ودان سايىن اۋىرتادى دەپ قورىقتىم»،— دەيدى ماكايلا.
قارسىلىقتان قورقۋ (8-ابزاستى قاراڭىز) *
8. مايلس دەگەن جىگىت نەدەن قورىقتى؟
8 قارسىلىقتان قورقۋ. مايلس ەسىمدى جىگىتتىڭ اتا-اناسى اجىراسىپ كەتكەن. ونىڭ اكەسى ەحوباعا قىزمەت ەتەدى. ٴبىراق اناسى كۋاگەر ەمەس. مايلس ٶز جاعدايىن بىلاي دەپ جەتكىزدى: «مەن اناممەن 18 جىل تۇردىم. وعان شومىلدىرۋ راسىمىنەن وتكىم كەلەتىنىن ايتۋعا باتىلىم بارمادى. ويتكەنى اكەم شىندىققا كەلگەندە، انامنىڭ قالاي قارسىلىق بىلدىرگەنىن كورگەن ەدىم. مەنىڭ دە ٶمىرىمدى سولاي قيىنداتا ما دەپ قورىقتىم».
كەدەرگىلەردەن سۇرىنبەي ٶتۋ
9. ەحوبانىڭ شىدامدىلىعى مەن سۇيىسپەنشىلىگى جايلى بىلگەنىڭىز نە نارسەگە قوزعاۋ بولۋى مۇمكىن؟
9 ادام مەن حاۋا ەحوباعا دەگەن سۇيىسپەنشىلىكتەرىن وسىرگەن جوق، سوندىقتان وعان قىزمەت ەتپەۋدى شەشتى. سويتسە دە ەحوبا ولارعا بالالى-شاعالى بولاتىنداي ۇزاق جاساۋعا، بالالارىن وزدەرى ورناتقان نورمالارى بويىنشا تاربيەلەۋگە كەدەرگى بولمادى. ەكەۋىنىڭ ەحوبادان تاۋەلسىز بولامىز دەگەن شەشىمدەرىنىڭ اقىماقتىق بولعانى كوپ ۇزاماي ايقىن كورىندى. تۇڭعىش ۇلدارى كىناسىز ٸنىسىن ٶلتىردى، تاسباۋىرلىق پەن وزىمشىلدىك كەيىن كۇللى ادامزات بالاسىن شىرماپ الدى (مۇس. 1-ج. 4:8؛ 6:11—13). وسىعان قاراماستان، ەحوبا وزىنە قىزمەت ەتكىسى كەلەتىن ادامداردى قۇتقارۋدىڭ جولىن تاپتى (جوح. 6:38—40، 57، 58). ەحوبانىڭ شىدامدىلىعى مەن سۇيىسپەنشىلىگى جايلى كوبىرەك بىلسەڭىز، ونى جاقسى كورە تۇسەسىز. بالكىم، سول كەزدە ادام مەن حاۋا تاڭداعان جولدان باس تارتىپ، ٶمىرىڭىزدى ەحوباعا ارناعىڭىز كەلەر.
كەدەرگىلەردەن سۇرىنبەي ٶتۋ جولدارى
(9، 10-ابزاستى قاراڭىز) *
10. ٴزابۇر 19:7 جايىندا وي جۇگىرتۋ ەحوباعا قىزمەت ەتۋگە قالاي كومەكتەسەدى؟
10 ەحوبا جايىندا ٴبىلىم الا بەرىڭىز. ەحوبا تۋرالى ٴبىلىمىڭىز مولايعان سايىن وعان قىزمەت ەتە الامىن دەگەن سەنىمىڭىز دە مولايا تۇسەدى. ەۆەري بىلاي دەيدى: «ٴزابۇر 19:7 دە (وقىڭىز) جازىلعان ۋادەنى وقىپ، وي جۇگىرتۋدىڭ ارقاسىندا وزىمە دەگەن سەنىمىم ٶستى». ەحوبا وسى ۋادەسىن ورىنداعاندا، ەۆەريدىڭ وعان دەگەن سۇيىسپەنشىلىگى كۇشەيە ٴتۇستى. مۇنداي سۇيىسپەنشىلىك بويىمىزعا سەنىمدىلىك ۇيالاتىپ قانا قويماي، ٴبىرىنشى كەزەكتە ەحوبا مەن ونىڭ قالاۋىن ويلاۋعا كومەكتەسەدى. ال حاننا بولسا: «كيەلى كىتاپتى وقىپ، جەكە زەرتتەي وتىرىپ، ٶزىمدى جاراقاتتاعاندا، ەحوبانى دا جاراقاتتايتىنىمدى ٴتۇسىندىم»،— دەپ وي ٴتۇيدى (پەت. 1-ح. 5:7). ول قۇداي ٴسوزىن «جۇزەگە اسىرۋشى بولدى» (جاق. 1:22). مۇنىڭ قانداي ناتيجە اكەلگەنىن ايتىپ: «ەحوباعا مويىنسۇنۋدىڭ يگىلىگىن كورگەندە، وعان دەگەن سۇيىسپەنشىلىگىم كۇشەيدى. ونىڭ كومەگىن قاجەت ەتكەن كەزىمنىڭ بارىندە مەنى جەتەلەپ جۇرەتىنىنە سەنىمدىمىن»،— دەدى. حاننا ٶزىن زاقىمدايتىن ادەتىن جەڭە الدى. ول ەحوباعا ٶزىن باعىشتاپ، شومىلدىرۋ راسىمىنەن ٶتتى.
(11-ابزاستى قاراڭىز) *
11. جاقسى دوستار تابۋ ٷشىن ۆانەسسا نە ىستەدى جانە ٴبىز بۇدان نە ۇيرەنەمىز؟
11 دوستاردى اقىلمەن تاڭداڭىز. ۆانەسسانىڭ قۇربىسى ونى ەحوباعا قىزمەت ەتۋدەن كەرى تارتتى. ول مۇنى تۇسىنگەندە، ونىمەن دوستىعىن ٷزدى. سودان كەيىن ول بار ەرىك-جىگەرىن جيناپ، قاۋىمنىڭ ىشىنەن دوس ىزدەدى. نۇحتىڭ وتباسىنان نە نارسە ۇيرەنگەنىن ايتىپ بىلاي دەدى: «بۇل وتباسى ەحوبانى سۇيمەيتىن قوعامدا ٶمىر ٴسۇردى. ٴبىراق ولار ٶزارا تىعىز قارىم-قاتىناستا ەدى». شومىلدىرۋ راسىمىنەن وتكەن سوڭ، ۆانەسسا ٸزاشارلىق قىزمەتتى باستادى. «بۇل قىزمەت ماعان ٶز قاۋىمىمدا عانا ەمەس، باسقا قاۋىمداردان دا جاقسى دوستار تابۋعا كومەكتەستى»،— دەپ قۋانىشىن ٴبىلدىردى ول. ەحوبا تاپسىرعان ىسكە بارىنشا اتسالىسا ٴجۇرىپ، ٴسىز دە ادال دوستار تابا الاسىز (مات. 24:14).
(12—15 ابزاستاردى قاراڭىز) *
12. ادام مەن حاۋاعا قانداي قورقىنىش جەتىسپەدى جانە مۇنىڭ سالدارى قانداي بولدى؟
12 دۇرىس قورقىنىش دامىتىڭىز. كەيبىر قورقىنىشتىڭ ٴجونى بولەك. مىسالى، ٴبىز قۇدايعا ۇنامسىز بولىپ قالۋدان قورقۋىمىز كەرەك (ٴزاب. 111:10). ادام مەن حاۋا وسىنداي قورقىنىشتى دامىتقاندا، قۇدايعا قارسى شىقپاس ەدى. الايدا ولار قارسى شىقتى. سودان كەيىن كوزدەرى اشىلدى، ياعني وزدەرىنىڭ كۇناكار ەكەندەرىن ٴتۇسىندى. ەندى بالالارىنا بار بەرە الاتىندارى كۇنا مەن ٶلىم ەدى. قانداي كۇيگە تۇسكەندەرىن تۇسىنگەندە، ولار وزدەرىنىڭ جالاڭاش ەكەنىنە ۇيالىپ، ۇستەرىن جاۋىپ الدى (مۇس. 1-ج. 3:7، 21).
13، 14. ا) پەتىردىڭ 1-حاتى 3:21 دى ەسكەرسەك، ولىمنەن نەگە قورىقپاۋىمىز كەرەك؟ ٵ) ەحوبانى جاقسى كورۋگە قانداي سەبەپتەر بار؟
13 ەحوباعا ۇنامسىز بولىپ قالۋدان قورىققانىمىز دۇرىس، ٴبىراق ولىمنەن قورقۋدىڭ قاجەتى جوق. ەحوبا ماڭگىلىك ومىرگە يە بولۋىمىز ٷشىن قام جاساعان. كۇنا جاساپ قويعاندا شىن وكىنسەك، ەحوبا ٴبىزدى كەشىرەدى. ويتكەنى ول ۇلىنىڭ تولەم قۇرباندىعىنا دەگەن سەنىمىمىزدى ەسكەرەدى. ال سەنىمىمىزدى كورسەتۋدىڭ ەڭ نەگىزگى جولى — قۇدايعا باعىشتالىپ، شومىلدىرۋ راسىمىنەن ٶتۋ (پەتىردىڭ 1-حاتى 3:21 وقىڭىز).
14 ەحوبانى جاقسى كورۋگە بىزدە سەبەپتەر كوپ. ول بىزگە ومىردىڭ ٵر كۇنىن قۋانىشقا تولتىراتىن نارسەلەردى بەرىپ قانا قويماي، ٶزى جايىندا، ماقساتتارى جايىندا شىندىقتى ۇيرەتەدى (جوح. 8:31، 32). ٴبىزدى جەتەلەپ، جەلەپ-جەبەپ وتىرۋ ٷشىن ماسىحشىلەر قاۋىمىن دا بەردى. قازىردىڭ وزىندە ەحوبا اۋىرتپالىعىمىزدى كوتەرىسەدى، ال بولاشاقتا ٴمىنسىز ورتادا ماڭگى ٶمىر سۇرۋگە ٷمىتىمىز بار (ٴزاب. 68:19؛ ايان 21:3، 4). ٴبىزدى قاتتى سۇيەتىنىن كورسەتۋ ٷشىن ەحوبانىڭ قانشاما نارسە جاساعانىن ويلاساق، ونى ودان بەتەر جاقسى كورىپ كەتەمىز. ەحوبانى جاقسى كورگەندە، بويىمىزدا دۇرىس قورقىنىش داميدى. سوندا جاقسى كورەتىن قۇدايىمىزدىڭ جۇرەگىن اۋىرتىپ الۋدان قورقاتىن بولامىز.
15. ماكايلا قاتەلىك جاساپ قويامىن دەگەن قورقىنىشىن قالاي جەڭدى؟
15 ماكايلا ەحوبانىڭ قانشالىقتى كەشىرىمشىل ەكەنىن تۇسىنگەندە، اۋىر قاتەلىك جاساپ قويامىن دەگەن قورقىنىشىن جەڭە الدى. «ٴبارىمىز دە كەمەلسىزبىز، قاتەلەسپەيتىن ادام جوق. ٴبىراق ەحوبا ٴبىزدى جاقسى كورەدى. ول تولەمدى نەگىزگە الىپ، ٴبىزدى كەشىرەدى»،— دەيدى ول. ەحوباعا دەگەن سۇيىسپەنشىلىگى قوزعاۋ بولعاندىقتان، ماكايلا وعان ٶمىرىن باعىشتاپ، شومىلدىرۋ راسىمىنەن ٶتتى.
(16-ابزاستى قاراڭىز) *
16. اناسىنان قورىققان مايلس قورقىنىشىن قالاي جەڭدى؟
16 شومىلدىرۋ راسىمىنەن وتۋىنە اناسى قارسى بولادى دەپ قورىققان مايلس اۋداندىق باقىلاۋشىعا اقىل سۇراپ بارادى. «ونىڭ دا اناسى كۋاگەر ەمەس ەدى. ول شومىلدىرۋ راسىمىنەن ٶتۋ اكەمنىڭ ەمەس، ٶز شەشىمىم ەكەنىن اناما قالاي تۇسىندىرۋگە بولاتىنىن ويلاستىرۋعا كومەكتەستى»،— دەيدى مايلس. اناسى ونىڭ شومىلدىرۋ راسىمىنەن وتەمىن دەگەن شەشىمىن قوشتاي قويمادى. اقىرىندا مايلسقا ۇيدەن كەتۋگە تۋرا كەلدى. ٴبىراق ول ٶز شەشىمىنەن تايمادى. «ەحوبانىڭ مەن ٷشىن جاساعان جاقسىلىقتارى تۋرالى بىلگەن سايىن، جۇرەگىم ريزاشىلىققا تولا بەردى. يسانىڭ تولەم قۇرباندىعى جايلى تەرەڭىنەن ويلانعاندا، ەحوبانىڭ مەنى قانشالىقتى جاقسى كورەتىنىن ٴتۇسىندىم. سونى سەزىنگەنىم ەحوباعا ٶمىرىمدى باعىشتاپ، شومىلدىرۋ راسىمىنەن وتۋگە تۇرتكى بولدى».
شەشىنگەن سۋدان تايىنباس
شومىلدىرۋ راسىمىنەن وتكەنىمىز — ەحوبانىڭ بار جاقسىلىعىن باعالايتىنىمىزدىڭ كورىنىسى (17-ابزاستى قاراڭىز)
17. ٴبارىمىز نەنى كورسەتە الامىز؟
17 ەدەم باعىنداعى اعاشتىڭ جەمىسىن جەپ، حاۋا اكەسىنەن تەرىس اينالدى. وعان ادام دا قوسىلىپ، ەحوبانىڭ ول ٷشىن جاساعان بار جاقسىلىعىن اياقاستى ەتتى. وسىلاي ريزالىقتان جۇرداي ەكەنىن كورسەتتى. ەكەۋىنىڭ وسى ىستەگەنىمەن كەلىسە المايتىنىمىزدى بۇگىندە ٴبارىمىز كورسەتە الامىز. قالايشا؟ شومىلدىرۋ راسىمىنەن وتكەندە، جاقسى مەن جامانعا قاتىستى نورمالاردى ەحوبا عانا ورناتۋ كەرەك دەپ سانايتىنىمىزدى كورسەتەمىز. ٵرى اكەمىزدى سۇيەتىنىمىزدى، وعان سەنىم ارتاتىنىمىزدى دالەلدەيمىز.
18. ەحوباعا قىزمەت ەتۋدە ورگە باسۋ ٷشىن نە ىستەي الاسىز؟
18 ٴبىز شومىلدىرۋ راسىمىنەن وتكەن سوڭ دا ەحوبانىڭ قالاۋىن ورىنداۋدى دوعارمايمىز. ٴبىز ٵر كۇنى وزىمىزدىڭ ەمەس، ەحوبانىڭ نورمالارى بويىنشا ٶمىر سۇرەمىز. ميلليونداعان ادام بۇگىندە سولاي ٶمىر كەشۋدە. قۇداي ٴسوزى — كيەلى كىتاپتى تەرەڭىنەن تۇسىنۋگە تىرىسساڭىز، باۋىرلاستارمەن ٴجيى ارالاسىپ تۇرساڭىز، ٴسىزدى جاقسى كورەتىن اكەڭىز جايىندا باسقالارعا زور ىنتامەن ايتساڭىز، ٴسىز دە سول ميلليونداعان جان سياقتى باقىتتى بولاسىز (ەۆر. 10:24، 25). شەشىم قابىلداردا ەحوبانىڭ ٴسوزى مەن ۇيىمى ارقىلى بەرىپ وتىرعان اقىل-كەڭەسىنە دەن قويىڭىز (يشايا 30:21). سوندا بارلىق ىسىڭىزدە تابىسقا جەتەسىز! (ناق. س. 16:3، 20).
19. نەنى ەستە ۇستاعانىڭىز ٴجون جانە نەلىكتەن؟
19 ەحوبانىڭ جەتەلەۋىمەن ٴجۇرۋ ٶزىڭىز ٷشىن قانشالىقتى يگىلىكتى ەكەنىن ٵردايىم ەستە ۇستاساڭىز، وعان دەگەن، ونىڭ نورمالارىنا دەگەن سۇيىسپەنشىلىگىڭىز جالىنداي بەرمەك. سوندا ەحوباعا قىزمەت ەتكىزبەس ٷشىن شايتان نە ۇسىنباسىن، ٴسىزدى ەش نارسە كەرى تارتا المايدى. ال ەندى مىڭ جىلدان كەيىنگى ۋاقىتتى ەلەستەتىپ كورىڭىزشى. سول كەزدە ٴسىز شومىلدىرۋ راسىمىنەن وتكەنىڭىزدى ەسكە الىپ، ومىردە ەڭ دۇرىس شەشىم قابىلداعانىڭىزعا ريزا بولارىڭىز ٴسوزسىز!
28-ٵن ەحوبانىڭ دوسى بولايىق
^ 5-ابزاس ومىردەگى ەڭ ماڭىزدى شەشىم — شومىلدىرۋ راسىمىنەن ٶتۋ-وتپەۋدى شەشۋ. بۇل نەلىكتەن ماڭىزدى؟ بۇل سۇراقتىڭ جاۋابىن وسى ماقالادان بىلەمىز. شومىلدىرۋ راسىمىنەن ٶتۋدى ويلاپ، ٴبىراق تارتىنشاقتاپ جۇرگەندەر دە ٶز كەدەرگىلەرىن قالاي جەڭە الاتىندارىن بىلەدى.
^ 56-ابزاس سۋرەت سيپاتتاماسى: سەنىمسىزدىك. جاس جىگىت تۇسىنىكتەمە بەرۋگە باتا المادى.
^ 58-ابزاس سۋرەت سيپاتتاماسى: دوستار. جامان ورتامەن ارالاسىپ جۇرگەن كۋاگەر قىز باسقا كۋاگەرلەردى كورگەندە قىسىلىپ-قىمتىرىلىپ قالدى.
^ 60-ابزاس سۋرەت سيپاتتاماسى: قاتەلەسۋدەن قورقۋ. اعاسى قاۋىمنان شىعارىلىپ، ۇيدەن كەتكەندە، قارىنداسى دا سونداي بولامىن دەپ قورىقتى.
^ 62-ابزاس سۋرەت سيپاتتاماسى: قارسىلىق. كۋاگەر ەمەس اناسى قاق الدىندا وتىرعاندا، جاس بالا دۇعا ايتۋعا باتا المادى.
^ 65-ابزاس سۋرەت سيپاتتاماسى: سەنىمسىزدىك. جاس جىگىت جەكە زەرتتەۋىن جاقسارتىپ جاتىر.
^ 67-ابزاس سۋرەت سيپاتتاماسى: دوستار. كۋاگەر قىز كۋاگەر ەكەنىن ماقتان تۇتۋدى ۇيرەنىپ ٴجۇر.
^ 69-ابزاس سۋرەت سيپاتتاماسى: قاتەلەسۋدەن قورقۋ. جاس قىز قۇدايمەن دوستىعىن نىعايتىپ، كەيىن شومىلدىرۋ راسىمىنەن ٶتتى.
^ 71-ابزاس سۋرەت سيپاتتاماسى: قارسىلىق. جاس بالا قايراتىن جيىپ، كۋاگەر ەمەس اناسىنا سەنىمىن ٴتۇسىندىرىپ بەردى.
