1. Adamip Eval­lu suna an­naavaat, qanorlu kinguneqar­pa?

SUUT ajun­ngitsuuneran­nik suul­lu ajor­tuuneran­nik kina najoq­qutas­sior­tus­saasoraajuk? Adami Evalu paar­namik or­pim­mit ajun­ngitsumik ajor­tumil­lu ilisimalersitsisumit nerigamik paatsuugas­saan­ngitsumik ersersitsip­put: Jehova tatigin­ngilaat najoq­qutas­siaalu tutsuiginagit. Nam­min­neq suut ajor­tuuneran­nik suul­lu ajun­ngitsuuneran­nik najoq­qutas­sior­niarlutik aalajanger­put. (1 Mos 3:22) An­naasaal­lu eq­qarsaatigeriaruk. Jehovamik ikin­nguteqar­ner­tik an­naavaat. Aam­ma naas­saan­ngitsumik inuunis­saraluar­tik an­naavaat ajor­ti toqulu kinguaamin­nut ingerlateq­qil­lugit. (Rom 5:12) Adamip Eval­lu aalajangigaat ajor­torujus­suarmik kinguneqar­poq.

2-3. (a) Kun­ngip atorfilit­taa Filipimit oqaluus­sif­figineqarami sua? (b) Kuisik­kut­ta suut pil­luaq­qus­sutisiaris­savavut, apeq­qutil­lu suut sam­mis­savavut?

² Adamip Eval­lu iliuuseqar­nerat kun­ngip atorfilit­taata Filipimit oqaluus­sif­figineqar­tup iliuuseqar­neranut naleq­qiuguk. Jehovap Jiisusil­lu iliuusiinut qujamasungaarami kun­ngip atorfilit­taa ingerlaan­naq kuisip­poq. (ApS 8:34-38) Guutimut tun­niul­luin­narut­ta kun­ngil­lu atorfilit­taa as­sigalugu kuisik­kut­ta ersersis­savar­put Jehovap Jiisusil­lu uagut pil­luta iliuuserisaan­nut qujamasul­luta. Aam­ma ersersis­savar­put Jehova tatigalutigu taas­sumalu kisimi suut ajor­tuuneran­nik suul­lu ajun­ngitsuuneran­nik najoq­qutas­sior­tus­saanera akueralugu.

³ Jehovamut kif­far­tor­nitsin­ni pil­luaq­qus­sutit pisar­tak­kavut eq­qarsaatigik­kit! Adamip Eval­lu an­naasaat tamaasa, naas­saan­ngitsumik inuunis­samik periarfis­saq ilan­ngul­lugu, pil­luaq­qus­sutisiarisin­naavavut. Jiisusi Kristusi up­perigatsigu Jehovap  ajor­tuliatsin­nik isumak­keerfigisar­paatigut ilerasuuteqan­ngin­nis­sar­pul­lu ajor­narun­naarsil­lugu. (Matt 20:28; ApS 10:43) Aam­ma Jehovap ilaqutariis­sor­taanut kif­faminut akuerisaasunut ilaaler­pugut nuan­ningaar­tumik siunis­saqalerluta. (Joh 10:14-16; Rom 8:20, 21) Iluaqutis­sat taak­ku ersarik­kaluar­tut Jehovamik ilisarisiman­nilersimasut ilaat kun­ngip atorfilit­taata maligas­siaata malin­nis­saanut nangaas­suteqar­tar­put. Kuisin­nis­samin­nut suut akor­nutigisin­naavaat? Akor­nutigisatil­lu qanoq qaangersin­naavaat?

4-5. Avery aam­ma Hannah qanoq unam­miniagaqar­pat?

⁴ Ajukkunneq. Angutip inuusut­tup Averymik atil­lip angajoq­qaavi Jehovamik Nalunaajaasuup­put. Ataataa ataataal­luar­tutut utoq­qaaner­taal­luar­tutul­lu ilisimaneqar­poq. Averyli kuisin­nis­saminut tunuarsimaar­poq. Sooq? Ima oqar­poq: “Ataatat­tut pitsaatigiler­nis­sara ilimagin­ngilara.” Avery aam­ma siunis­sami akisus­saaf­figilersin­naasaminut ajuk­kup­poq. “Kik­kut tamaasa tusaatil­lugit qinunis­samut, oqalugiar­nis­samut imaluun­niit oqaluus­sisar­toqatigiin­nik siulersuinis­samut aperineqar­nis­sara er­numas­sutigaara.”

⁵ Hannahp 18-inik ukiul­lip im­minut tatigin­ngin­nini ajor­nar­torsiutigaa. Angajoq­qaaminit Jehovamut kif­far­tor­tuusunit perorsar­neqaraluarluni qularutigaa Jehovap najoq­qutas­siai malis­sin­naanerlugit. Sooq? Han­nah naleqan­ngitsutut misigilersimagami. Ilaan­nik­kut ima ajor­tigisar­poq al­laat atuk­kaminik ajor­nerulersitsiin­nar­tumik im­minut ajoquser­talerluni. Ima oqar­poq: “Im­minut ajor­tumik pisar­nera pil­lugu kimul­luun­niit, al­laat angajoq­qaan­nut, oqar­nikuun­ngilanga. Eq­qarsaatigisar­paralu im­minut ajor­tumik pisar­nera pis­sutigalugu Jehovap kif­famisut akuerinavian­ngik­kaanga.”

6. Vanessap kuisin­nis­saminut suna tunuarsimaarutigaa?

⁶ Ikin­ngutinit sun­ner­neqar­neq. Vanessa 22-nik ukiulik ikin­ngutin­naaqar­poq ilisarisimal­luak­kaminik. Kuisin­nis­saminul­li anguniagaqar­nera ikin­ngutaata tapersersun­ngilaa. Taman­na Vanessap aliasuutigaa imalu oqarluni: “Al­lanik ikin­ngutitaar­nis­sara saper­nar­tip­para, ikin­ngutigiin­ner­pul­lu kipitis­saguk­ku qanimut ikin­ngutitaaq­qis­sanerlunga er­numas­sutigalugu.”

7. Makaylap suna er­numas­sutigaa, aam­ma sooq?

⁷ Eqqun­ngit­sulior­nis­samik er­numas­suteqar­neq. Makayla tal­limanik ukioqarluni ania ilaajun­naarsitaavoq. Peroriar­tor­nermini animi iliuuserisai angajoq­qaami qanoq aliasuutigitigineraat takuaa. Ima oqar­poq: “Kuisis­saguma kingor­nalu ilaajun­naarsitaanis­sara  er­numas­sutigaara, taamalu angajoq­qaak­ka suli an­nermik aliasutsilerlugit.”

8. Milesip suna an­nilaangas­sutigaa?

⁸ Akerliler­sor­neqar­nis­samik an­nilaanganeq. Milesip angajoq­qaavi avin­nikuup­put. Ataataa taas­sumalu nulia Jehovamut kif­faap­put, anaanaali Nalunaajaasuun­ngilaq. Miles oqar­poq: “Ukiuni 18-ini anaanan­ni najugaqar­punga, kuisik­kusun­nin­nil­lu oqarfiginis­saa an­nilaangas­sutigaara. Ataataga Nalunaajaasun­ngormat anaanaga qanoq qisuariar­toq takusimavara. An­nilaangas­sutigaara uan­nut ajor­nar­torsior­titsiler­nis­saa.”

9. Jehovap asan­nin­nera kamagit­tar­neralu pil­lugit ilin­niaruit qanoq kinguneqar­nis­saa ilimanar­pa?

⁹ Adami Evalu Jehovamut asan­nin­nermik ineriar­tor­titsin­ngin­namik aalajanger­put taan­na kif­far­torfiginiar­nagu. Taamaak­kaluar­toq meerar­taarsin­naanias­sam­mata inuuin­nar­nis­saat meeq­qamin­nil­lu qanoq perorsaaniarlutik nam­min­neq aalajangiinis­saat Jehovap akueraa. Sivitsun­ngitsoq erser­poq Adamip Eval­lu Jehovamit siulersor­neqarumanatik aalajanger­nerat sianiitsulior­nerusoq. Er­nerat angajul­leq nuk­kaminik pisuus­suteqan­ngitsumik toqutsivoq, pif­fis­sal­lu ingerlanerani inuit akor­nan­ni nakuuser­neq nam­minis­sarsior­nerlu atugaaler­put. (1 Mos 4:8; 6:11-13) Aal­laq­qaam­mul­li Adamip Eval­lu kinguaavinik im­minut kif­far­torusut­tunik an­naas­sinis­saminut Jehova aq­qutis­siuus­sivoq. (Joh 6:38-40, 57, 58) Jehovap kamagit­tar­nera asan­nin­neralu pil­lugit ilin­niar­nerujar­tor­til­lutit ilimanar­poq taas­sumun­nga asan­nin­nerujar­tus­sasutit. Adamip Eval­lu aalajangiinerat­tut aalajangiinavian­ngilatit, Jehovamul­li tun­niul­luin­narusus­saatit.

10. Sooq Tus­siaat 19:8-mik eq­qarsaatigin­neq­qis­saar­neq Jehovamut kif­fan­ngor­nis­san­nut iluaqutigisin­naaviuk?

¹⁰ Jehova pil­lugu ilin­niar­tuarit. Jehova pil­lugu ilin­niar­tuaruit qularutigis­san­ngilat taas­sumun­nga kif­far­tor­tutut iluatsil­luarsin­naasutit. Avery, siusin­nerusuk­kut eq­qaaneqar­toq, oqar­poq: “Tussiaat 19:8-mi neriorsuut misis­sorlugulu eq­qarsaatigeq­qis­saarak­ku ajuk­kuk­kun­naar­punga.” (Atuaruk). Averyp nam­mineq misigigamiuk Jehovap neriorsuut  taman­na eq­quutitik­kaa Guuti asaneruler­paa. Asan­nin­neq im­minut tatiginerulersitsil­lunilu Jehovap piumasaatut iliuuseqalersitsisar­poq. Hannah, siusin­nerusuk­kut eq­qaaneqar­toq, oqar­poq: “Nam­mineq Biibilimik atuaq­qis­saar­nera aq­qutigalugu paasivara im­minut ajor­tumik pigaangama Jehova aliasutsit­tarlugu.” (1 Petr 5:7) Hannah Guutip ‘oqaasianik maleruaasun­ngor­poq’. (Jaak 1:22) Qanoq kinguneqar­pa? Ima oqar­poq: “Jehovamut naalan­nera qanoq iluaqutigalugu paasigak­ku qaman­nga pisumik asaler­para. Maan­na qularutigin­ngilara Jehovap ikiuinera pisariaqar­tik­kaangak­ku sutigut tamatigut siulersor­tarumaaraanga.” Han­nahp im­minut ajor­tumik perusut­tar­nini anigor­paa. Jehovamut tun­niul­luin­nar­poq kuisil­lunilu.

11. Vanes­sa pitsaasunik ikin­ngutitaar­niarluni sua, taman­nalu qanoq ilin­niarfigisin­naavar­put?

¹¹ Ikinngutinik toq­qaaniar­nin­ni silatusaarit. Vanessap, siusin­nerusuk­kut eq­qaaneqar­tup, paasiler­paa Jehovamut kif­fan­ngor­nis­saminut ikin­ngutini akor­nutigisimal­lugu. Taamaat­tumik taan­na ikin­ngutigiun­naar­paa. Vanes­sali aam­ma al­lamik iliuuseqar­poq; sapin­ngisaminik ilagiin­ni ikin­ngutitaar­niarsarivoq. Noap ilaqutaasalu maligas­siaat iluaqutigisimanerar­paa. Ima oqar­poq: “Taak­ku inun­nik Jehovamik asan­nin­ngitsunik avatangiiseqar­put, im­min­nul­li peqatigiit­tar­ner­tik iluaqutigaat.” Kuisin­nermi kingor­na Vanes­sa pionerin­ngor­poq. Ima nangip­poq: “Uanga ilagiin­ni aam­ma ilagiin­nit al­laneersunit pitsaasunik ikin­ngutitaar­tor­nis­san­nut taman­na iluaqutigaara.” Aam­ma il­lit pitsaasunik ikin­ngutitaar­torsin­naavutit Jehovap sulias­siis­sutaanut sapin­ngisan­nik peqataasaruit. – Matt 24:14.

12. Adamip Eval­lu suna ineriar­tor­tin­ngilaat, taman­nalu qanoq kinguneqar­pa?

¹² Annilaanganerit ajugaaf­figiuk. Guuti mianerigutsigu taas­suma iluarin­ngisaanik iliuuseqarusun­navian­ngilagut. (Tuss 111:10) Adami Evalu mianerin­nin­neq taman­na ineriar­tor­tis­simasuugunik­ku Jehovamut pikitsitsisimanavian­ngik­kaluar­put. Pikitsitsip­pul­li. Taamaalioreeramik isaat uisitaap­put, tas­sa ajor­tilin­ngorlutik paasiler­paat. Ajor­ti toqulu kinguaamin­nut ingerlateq­qit­tus­san­ngor­paat. Paasileramik­ku Guutip inatsisaanik unioq­qutitsisimal­lutik tamaqan­ngin­ner­tik  kan­ngugiler­paat pilutanil­lu as­siaquserlutik. – 1 Mos 3:7, 21.

13-14. (a) Petrusip al­lagai siul­liit 3:21 naaper­torlugu sooq toqunis­saq ingasat­tumik ersigisariaqan­ngilar­put? (b) Jehovap asanis­saanut sunik pis­sutis­saqar­pugut?

¹³ Toqunis­saq ingasat­tumik ersigisariaqan­ngilar­put. Jehova naas­saan­ngitsumik inuuler­nis­satsin­nut periarfis­samik pilersitsisimavoq. Ajor­tulioraluarut­ta ilumoorlutali peq­qis­simigut­ta Jehovap er­nermi pil­liutaanik up­perin­nin­ner­put pis­sutigalugu ajor­tuliatsin­nik isumak­keerfigis­savaatigut. Up­per­nitsin­nil­lu ersersitsisin­naaner­put pingaar­ner­paasa ilagaat Guutimut tun­niul­luin­nar­neq kuisin­nerlu. – 1 Petrusi 3:21 atuaruk.

¹⁴ Jehovap asanis­saanut pis­sutis­sar­pas­suaqar­pugut. Nuan­naarutigisin­naasatsin­nik ul­lut tamaasa pilersor­tarlutalu nam­mineq pil­luni siuner­tanilu pil­lugit sal­lusuis­sum­mik ilin­niar­tit­tar­paatigut. (Joh 8:31, 32) Ilagiit kristumiut pilersitai aq­qutigalugit ilitsersorlutalu tapersersor­tar­paatigut. Maan­nak­kut ajor­nar­torsiutitsin­nik ikior­tar­paatigut siunis­samilu pitsaal­luin­nar­tunik avatangiiseqarluta naas­saan­ngitsumik inuulersin­naanis­satsin­nik neriuuteqar­til­luta. (Tuss 68:20; Saqq 21:3, 4) Jehovap uagutsin­nik asan­nil­luni iliuuserisimasai eq­qarsaatigeq­qis­saaraangatsigit asaneruler­tar­par­put. Jehovalu asanerulerutsigu qaman­nga pisumik mianerilis­savar­put taas­sumalu iluarin­ngisaatut iliorusun­naviar­nata.

15. Makaylap er­numas­sutini qanoq qaanger­paa?

¹⁵ Makaylap, siusin­nerusuk­kut eq­qaaneqar­tup, paasigamiuk Jehova qanoq isumak­keerfigin­nik­kumatigisoq taas­sumun­nga kif­far­tor­tutut iluatsis­sin­naan­ngitsutut misiginini qaanger­paa. “Paasivara tamat­ta naam­mal­luin­nan­ngitsuugat­ta kuk­kusarumaarluta. Aam­mali paasiler­para Jehovap asagaatigut uter­titsis­sul­lu tun­ngavigalugu isumak­keerfigiumaaraatigut.” Jehovamut asan­nin­nini kil­lin­neqaatigalugu taas­sumun­nga tun­niul­luin­nar­poq kuisil­lunilu.

16. Milesip akerlilersor­neqar­nis­saminik an­nilaanganini qanoq qaanger­paa?

¹⁶ Miles, kuisin­nis­saminik aalajanger­nini pil­lugu anaanaminik akerlilersor­neqar­nis­saminik an­nilaangasoq, ilagiin­nik nak­kutil­liisumut ikioq­quvoq. Miles ima oqar­poq: “Aam­ma taas­suma anaanaa Nalunaajaasuun­ngilaq. Ataatan­nit kimigiiserfigineqar­nanga kuisik­kusun­nin­nik nam­mineq aalajangiinera pil­lugu anaanaga paasitik­kumal­lugu qanoq nas­suiaasin­naanin­nik ikior­paanga.” Milesip anaanaata taas­suma aalajanger­nera iluarin­ngilaa. Kuisin­nis­sani aalajangiusimal­lugu Miles angerlarsimaf­fim­mini pis­sutsit najum­mas­simanarsim­mata nuut­tariaqaler­poq. Ima oqar­poq: “Jehovap uanga pil­lunga nuan­nersunik iliuuseqarsimaneranik ilin­niar­nera kil­litsis­sutigaara. Jiisusip uter­titsis­sutitut pil­liutaa eq­qarsaatigeq­qis­saarak­ku paasiler­para Jehovap qanoq asatigigaanga. Taman­nalu Jehovamut tun­niul­luin­nar­nis­samut kuisin­nis­samul­lu kil­lin­neqaatigaara.”

17. Tamat­ta sumik ersersitsisin­naavugut?

¹⁷ Edenimi or­piup nerif­figeq­qusaan­ngitsup paar­naanik nerigami Evap Ataatani pikitsitsif­figaa. Adamip nuliani pikitsitseqatigigamiuk im­minut pil­luni Jehovap ajun­ngitsuliar­pas­suinik qujamasun­ngin­nini ersersip­paa. Tamat­ta inut­tut ataasiak­kaatut Adami Evalu as­siginagit ersersitsisin­naavugut. Jehovap uagut pil­luta iliuuserisai tamaasa qujamasuutigingaar­pavut. Jehovap kisimi suut ajun­ngitsuuneran­nik suul­lu ajor­tuuneran­nik uagutsin­nut najoq­qutas­siorsin­naanera up­peralutigu kuisin­nik­kut ersersit­tar­par­put. Up­per­narsar­tar­par­put Ataatar­put asal­lugulu tatigigip­put.

18. Jehovamut kif­far­tor­nin­ni qanoq iluatsil­luarsin­naavit?

¹⁸ Kuisin­nit­ta kingor­na nam­mineq piumasatsitut ilior­nata Jehovap piumasaatut ilior­tuar­tariaqar­pugut. Guutip kif­fai mil­lionil­lit ul­lut tamaasa taamaalior­tar­put. Taak­kua iliuusaat ilaarsin­naavatit Biibilimik paasin­nin­neruler­niar­nik­kut, qatan­ngutinik peqateqar­tar­nik­kut aam­ma Ataatat asan­nit­toq pil­lugu ilik­kak­kan­nik aal­lus­sil­luarlutit avitseqateqar­nik­kut. (Hebr 10:24, 25) Aalajangiinialeraangavit Jehovap oqaatsini peqatigiis­sor­tanilu aq­qutigalugit siun­nersuutai tusaaniar­tak­kit. (Es 30:21) Taava iluatsil­luas­saatit. – Uss 16:3, 20.

19. Suna eq­qaamajuar­tariaqar­piuk, aam­ma sooq?

¹⁹ Jehovap siulersuinerata ilin­nut iluaqutaangaar­nera eq­qaamajuaruk­ku taan­na asanerulis­savat najoq­qutas­siaanil­lu pingaar­titsinerulerlutit. Taava Saatanip qanorluun­niit us­ser­niaraluar­patit Jehovamut kif­far­torun­naar­navian­ngilatit. Ukiut 1.000-t siumut eq­qarsaatigilaaruk. Eq­qarsaatigis­sagunar­pat kuisin­nis­samut aalajanger­nerit aalajangik­kan­nit tamanit pitsaaner­paasimasoq!