1-2. (a) Jehova ke mo a bolabodisana le batho byang? (b) Re nyoko tšhuta ka ying ga hlogotaba yowa?

JEHOVA o di nyaka ka matla go bolabola le rune. Ku botala o berekisiye baporofeta, mangeloyi le Morwayi wage Kreste Jeso gore batho ba tšibe so a se nyakang. (Amosi 3:7; Magal. 3:19; Kut. 1:1) Lekgono, o bolabola le rune a berekisa Lentsu lage Baebele. O re neyye Baebele gore re mo tšibe gabutši le go kwisisa melawo yage.

² Ka nakotsela Jeso a le ho lefaseng, Jehova o bolabodiye a le ku legedimong. Tla re boneneng gore Jehova o yitseri king nakotsela a bolabola gararo, re ka tšhuta ying ga mantsu ya a ma bolabodiyeng le gore re ka rufega byang ga so a se bolabodiyeng.

3. Mo re bala Mareka 1:9-11, Jehova o yitseri king ka nakotsela Jeso a kolobetsiwa, fote mantsu yane ma yye ma šihlela dinnete difeng?

³ Mareka 1:9-11 yi bolabola ka nako ya mathomo ya mo Jehova a bolabola a le ku legedimong. (Bala.) O yitseri: “Ke wene Morwayi waka, ye ke mo nyakang ka matla; Ke go yamogele.” O fo nagana nje gore sone se yye sa tikisa pelo ya Jeso byang ho a kwa Papage a bolabola ka mokgo a mo nyakang ka matla ka gona! Mantsu ya Jehova ma yye ma šihlela dilo ka diraro ka Jeso. Sa mathomo, Jeso ke Morwayi ke wage. Sa bobedi, Jehova o mo nyaka ka matla Morwayi wage. Sa boraro, Jehova o yamogele ga Morwayi wage. Tla re boneneng dinnete tso ka diraro.

4. Ke senghana sefeng sa nyuwane so Jeso a biyeng naso le Modimo ka nakotsela a kolobetsiwa?

⁴ “Ke wene Morwayi waka.” Mantsu yane ma šupetsa gore  Jeso o krayye senghana sa nyuwane le Jehova. Ka nakotsela Jeso a le ku legedimong, ke mo go le morwayi wa Modimo wa moya. Mo a fetsa go kolobetsiwa o yye a tlotsiwa ka moya wa go hlawolega. Ka nako yonone Modimo o yye a hlawola Jeso gore yi be Morwayi wage wa moya, sosone se šupetsa gore Jeso o nyoko boyela legedimong gore a ye a be Kgoši le Mophrista ye Mogolo. (Luk 1:31-33; Maheb. 1:8, 9; 2:17) Byalo di ya kwisisega gore ka nakotsela Jeso a kolobetsiwa ke ntaba Papage a yye a re: “Ke wene Morwayi waka.”—Luka 3:22.

5. Ka mokgo Jehova a šupetsiyeng lerato le gore wa yamogelana re ka mo kopisela byang?

⁵ “Ke go nyaka . . . ka matla.” Ka mokgo Jehova a šupetsiyeng lerato le go yamogelana ka gona di re gopotsa gore le rune re tiyise ye mongwana le ye mongwana mo go thulega lešuba. (Joh 5:20) Mo motho ye a re nyakang ka matla a re šupetsa gore wa hlopega ka rune le go re thanaka ka dilo tse dibutši tso re di makang re ya hlohlotela. Go fo tshwana le magageru ka ho phutegong kela le bo ba leng ka mutšing ga rune ba di nyaka gore re ba nyake re boye re ba tiyise. Mo re thanaka ba bangwana, re ya ba tiyisa fote re ba gelepa gore ba ye mahlong ba kene ba berekela Jehova ba sa tene. Ka matlamatla babelegi ba tshwanele ba tiyise bana ba bona. Mo babelegi ba tlatsa go thanaka bana ba bona le go ba šupetsa gore ba ba nyaka ka matla sone se ba maka gore ba hlohlotele.

6. Ke ntaba re tshwanele re tshepele ga Jeso Kreste?

⁶ “Ke go yamogele.” Mantsu yawa ma fo šupetsa gabutši gore Jehova ke mo a tshepela ga Jeso gore o nyoko maka tso Yene a di nyakang. Go fo tshwana le Jehova le rune re ka tshepela ga Jeso gore o nyoko maka dilo ka mokana ga tsona tso Jehova a di tshepisiyeng.  (2 Makor. 1:20) Mo re naganisisa ka tso Jeso a di makiye re kwa re tšhofega gore re tšhute gage re boye re latelele mo a gatiyeng gona. Jehovah wa tshepa gore rune malata yage re nyoko ya mahlong re kene re tšhuta ga Morwayi wage.—1 Pet. 2:21.

7. Go ya ka Matewu 17:1-5, ke mo go ro makega byang mo Jehova bolabola a le ku legedimong, fote o yitseri king?

⁷ Bala Matewu 17:1-5. Mo Jehova a bolabola la bobedi a le ku legedimong, ke nakotsela Jeso a “tšhentšhiye a biye a gadimela” a na le Petro, Jakobo le Johane ba le ku thabeng. Mo ba sa le gana hone ba bonne mmono wa go makatsa. Sefahlego sa Jeso le dikobo tsage ke mo di gadima tsa go sa hlayisege. Mo ga mmono wone go yye gwa bonala Moše le Eliya ba bolabola le Jeso ka tso di nyoko makegang ka likgu le go tsosiwa gage. Le mo mapostola yawa ka mararo ke mo ma “hlasele ke boroko ka matla,” mo ba bona mmono wone wa go makatsa ba yye ba gobologa. (Luk 9:29-32) Ka nthago ga hone, ba kogela ke liru la go gadima ka matla ke mokane gwa kwala lentsu la Modimo hone lirung! Go fo tshwana le nakwela Jeso a kolobetsiwa, Jehova o yye a bolabola ka mokgo a tikwang le ka mokgo a nyakang Morwayi wage ka matla ka gona, mo a re: “Yewa ke Morwayi waka, ye ke mo nyakang ka matla, le ye ke mo yamogeleng.” Jehovah o yye a tokegela ka gore: “Mo theetseleneng.”

8. Mmono wola o kgwatiye Jeso le malata yage go segela kaye?

⁸ Mmono wowa ke mo o fo ba lekisa ka gonyana ka taba ya gore Jeso go nyoko ba Kgoši ya Mmušo wa Modimo dinakong tsa ka motshwana. A re kamake gore Jeso o yye a tiyisiwa tabeng ya gore o nyoko kgwisa lešidi. Mmono wo wo yye wa ba tiyisa ka matla fote o ba gelepiye gore ba thogo lebana le tsa go ba ghula tso di leng ka mahlong le ga mmereko wo ba tshwaneleng ba wo make. Ka nthago ga gana mola ga bo 30 ya mengwana, Petro wa lepostola ke mo a bolabola ka mmono wola wa mo Jeso a tšhentšha a biye a gadimela, sosone se šupetsa gore ke mo a sa lebala ka mmono wola.—2 Pet. 1:16-18.

9. Jeso o yye a yeletsa malata yage gore ma make ying?

⁹ “Mo theetseleneng.” Jehova o yi beyye lekgwaying taba ya gore re tshwanele re theetsele so Morwayi wage a se bolabolang. Anthe Jeso o yitseri king nakwela a le ho lefaseng? O bolabodiye dilo tsa go tlala tsa gore di nyaka re di tseyela hlogong! Mo re beyisa, o tšhutisiye bo ba mo latelelang ka mokgo ba tshwaneleng ba sabalatse ditaba tsa go bafala ka gona, a boya a šihlela taba ya gore ba sa kobole. (Mat. 24:42; 28:19, 20) Fote o yye a ba botsa gore ba sa šepise, a boya a ba kutšetsela gore ba sa tene. (Luk. 13:24) Jeso o šihlele taba ya gore bo ba mo latelelang ba tshwanele ba nyakanane, ba dule ba le ngata ka yyoši, fote ba theetsele melawo yage. (Joh. 15:10, 12, 13) Taba yo Jeso a yi butsiyeng malata yage yi gabutši ka matla, fote yi sa bereka le lekgono go fo tshwana le ka nako tsela Jeso a sa yi bolabola.

10-11. Re ka šupetsa byang gore re theetsela Jeso?

¹⁰ Jeso yitseri: “Go šupetsa gore motho o nneteng o theetsela lentsu laka.” (Joh. 18:37) Re nyoko ba re theetsela lentsu lage mo re ya mahlong re “tiyiselana re boya re tshwarelana mahala.” (Makol. 3:13; Luk. 17:3, 4) Fote re foya mahlong re kene re tšhomayela ditaba tsa go bafala “ga dinako tsa go temeka le tsa go baba ka matla” go šupetsa gore re theetsela lentsu lage.—2 Thim. 4:2.

¹¹ Jeso o yitseri: “Dinku tsaka di theetsela lentsu laka.” (Joh. 10:27) Bo ba latelelang Kreste ba theetsela lentsu lage fote ba boya  ba maka ka mokgo Kreste a bolabolang ka gona. Go “šekela ka tsa lephelo” a go make gore ba keketlele. (Luk. 21:34) Taba ya go theetsela Jeso ba yi yetisa mahlong le mo ba kene ba gahlana le tsa go ba ghula. Magageru ya go tlala ma tiyisela tsa go tlala tsa go sasamela tsa go tshwana le go hlorisiwa, go hlopega tsa go babisa pelo le dikotsi tsa hlago. Le mo go bifiye ba yye ba fo dula ba tshepegela Jehova ba sa tekateki. Jeso o ba tshepisiye gore: “Ye mongwana le ye mongwana ye a theetselang melawo yaka a boya a yi latelela, yenene o nnyaka ka matla. Ka mokgonone, ye a nnyakang o nyoko maka gore Papa a mo nyake.”—Joh. 14:21.

12. Wo mongwana mokgwa ke wofeng wa go šupetsa gore ga Jeso re ya mo theetsela?

¹² Wo mongwana mokgwa wa go šupetsa gore re theetsela Jeso ke wowa: Wa go berekisana le bo ba hlawodiwweng gore ba re yete mahlong. (Maheb. 13:7, 17) Mengwaga ya go sa tšwa go fela, mokgahlo wa Modimo o tšhentšiye dilo tsa go tlala nyana, tsa go tshwana le dithulusu tso re di berekisang tšhomong, ka mokgo sepukwane sa rune sa mogahlano wa gare ga beke se makiwweng ka gona le ka mokgo re yagang Diholo tsa Mmušo ka gona, go di lukisa le go di pasopa. Re leboga ka matla ka mokgo re yetetsiwang ka gona! Fote a re kanakane gore Jehova o nyoko re rufa mo re theetsela dilo ka mokana ga tsona tso mokgahlo wage wo re botsang tsona.

13. Re nyoko rufega byang mo re theetsela Jeso?

¹³ Re rufega ka matla mo re theetsela dilo ka mokana ga tsona tso Jeso a re tšhutisiyeng tsona. Jeso o tshepisiye malata yage gore tso a ba tšhutisang tsona di nyoko ba gelepa. “O yitseri: “Ke nyoko le yimulla, ka gore le lejoko laka le gabutši, fote morwalo waka wa fefoga.” (Mat. 11:28-30) Lentsu la Modimo la gore le ga Diebangedi ka dine tsa go bolabola ka dinako tsa mo Jeso a le mo lefaseng a tšhomayela, di ya re yimulla, tsa boya tsa re tiyisa ka mo ga tso tsa Modimo le go re hlalefisa. (Pis. 19:7; 23:3) Jeso o yitseri: “Go jabola bo ba kwang lentsu la Modimo ke mokane ba le berekisa!”—Luk. 11:28.

14-15. (a) Ke nako yifeng ya boraro yo go bolabodiwang ka yona ga John 12:27, 28 ya gore Jehova o bolabodiye a le legedimong? (b) Mantsu ya Jehova ma ka fo ba ma mo tiyisiye byang ga Jeso?

¹⁴ Bala Johane 12:27, 28. Ebangedi ya Johane yi bolabola ka nako ya mo Jehova a bolabola la boraro a le ku legedimong. Matšatšinyana ya mo Jeso a soko kgwa, ke mo  a le Jerusalema a le monyanyeng wage wa mafelelo wa paseka. O yitseri: “Ke hlopega ka matla.” Ke mokane a rapela a re: “Papa, gadimisa lebitso lago.” Ke mokane a fo kwa Papage a fetola a le legedimong a re: “Ke Ie gadimisiye fote ke sa nyoko le gadimisa.”

¹⁵ So ne se hlopa Jeso ke gore ke mo a na le mmereko wa go tlala wa gore o tshwanele a berekele Jehova a tshepegiye. Ke mo a ditšiba gabutši gore o nyoko hlopegisiwa a boya a kgwisa lešidi. (Mat. 26:38) So ke mo a hlopegiye ka sona ka matla ke gore a gadimise lebitso la Papage. Jeso ba yye ba mmolabolela matsaka. Ke mo a kwa di mo kokona ka taba la gore sosone ne se nyoko tupetsanya lebitso la Modimo. Nnete ke gore mantsu ya Jehova ma yye ma mo tiyisa ka matla ga Jeso! Ke mo a ka tshepa gore lebitso la Jehova le nyoko gadimisiwa. Mantsu yane ya Papage ma yye ma mo kgomoletsa ga Jeso ma boya ma mo tiyisa le ga tso di sa ga tlang. Ka nako tsela Jehova a bolabola di ka makega gore go fo ba Jeso a ntoši ye ne a kwisisa tso Papage ke mo a di bolabola, Jehova o makiye gore mantsu yane ma ngwadiwwe gore le rune re tle re ma kraye.—Joh. 12:29, 30.

16. Ke ntaba ka dinako tse dingwana re kwa go baba mo ba sinya lebitso la Modimo?

¹⁶ Le rune re ka kwa di re baba mo lebitso la Modimo le tupetsiwa go fo tshwana le ka mokgo Jeso ne a tikwa ka gona. Nakwenngwana le rune re tshwariwa bošidi go tshwana le Jeso. Kela re ka fo ba re hlakahlakanya  ke ditaba tsa matsaka tso ba di bolabolang ka rune. Re ka fo hlopa ke gore ba sinya lebitso la Jehova le mokgahlo wage. Mantsu ya Modimo ma dula ma re kgomoletsa mo re tikwa ka mokgonone. A di nyake re šekela. we can be sure that “go beba ga Modimo ga gore gwa kwisisega go nyoko re gelepa gore re tšhireletse dipelo tsa [rune], le menagano ya [rune] ka Kreste Jeso.” (Mafil. 4:6,7) Jehova a ka sa šite ke go gadimisa lebitso lage, o nyoko berekisa Mmušo wage gore a solotse nyakanyaka ka mokana ga yona yo Sathane a yi leyyeng gedimo ga malata yage.—Pis. 94:22, 23; Jes. 65:17.

17. Go ya ka Jesaya 30:21, Jehova o bolabodisana le rune byang lekgono?

¹⁷ Jehova o sa fo bolabola le rune lekgono. (Bala Jesaya 30:21.) Nnete ke gore a re soko mo kwa a bolabola le rune a le ku legedimong. Mara o makiye gore Baebele yi ngwadiwe gore yi thogo re yetetsa. Go tokegela gana hone, Jehova o berekisa moya wa go hlawolega gore o tšhofe “lelata la go tshepega” gore le phakise tsa go ja tsa moya ka nako. (Luk. 12:42) A yi go tlala ga tsona tsa go ja tsa moya tso re di krayang tsa go gatisiwa, tsa inthanete, dividiyo le tsa go theetsela!

18. Lentsu la Jehova le go tiyisa byang le go go neya lešiši?

¹⁸ Tla re duleneng re nagana ka mantsu yala Jehova a ma bolabodiyeng ka nako tsela Morwayi wage a le ho lefaseng! Nkare mantsu yane ya Modimo ya gore ma ngwadiwwe ka Baebeleng ma ka re tiyisa ra boya ra tshepa gore Jehova ke yene a ntoši ye a ka makang gore dilo tso Sathane a di sinnyeng di boyele sekeng. Fote nkare re ka tikemisela ka matla gore re dule re theetsela lentsu la Jehova. Mo re ka fo maka ka mokgonone, re nyoko thogo tiyisela dilo tsa go re ghula tso re gahlanang natso tsa ganabyalo le tso di saga tlang. Baebele ya re gopotsa mo yire: “Di nyaka le tiyisele go maka tso Modimo a di nyakang, gore le thogo kraya tso le tshepisiwweng tsona.”—Maheb. 10:36.