Jehoväqa kushishqam sientikun mañakurnin “amen” nishqa
JEHOVÄQA sirweqninkuna adorayänampaq rurayanqankunata rikëkanmi. Mañakuyanqanchö niyanqankuna mana precisaqnö kaptimpis, pëqa altantum këkan y llapantam wiyan (Mal. 3:16). ¿Kananyaqqa ëka kutinaraq amen nishqantsik? Itsa noqantsikqa yarpantsiknatsu. Peru Jehoväqa, ¿precisaqpaqku churan mañakurnin amen ninqantsikta? Awmi, pëpaqqa alläpam precisan. Imanir tsënö kanqanta musyanapaqqa, ima ninan kanqanta y Bibliachö imapaq yurinqanta rikärishun.
“LLAPANKUNAM ‘¡AMEN!’ NIYÄNAN KARQAN”
Amen palabraqa “tsënö katsun” o “rasumpa kaqchöqa” ninanmi. Y hebreu idiömachöqa, imapis “cumplikänampaq kaqta” o “markäkïpaq kanqantam” rikätsikun. Höraqa kë palabrata cortichömi utilizäyaq. Juk juiciuchö këkar “amen” niptinqa, parlanqan rasumpa kanqanta y ima pasakuptimpis cargutsakunqantam juk nuna rikätsikoq (Nüm. 5:22). Y imatapis änikur wakinkunapa puntakunachö “amen” nirqa, änikunqanta cumplinampaq kaqtam rikätsikoq (Neh. 5:13).
Amen palabrata imapaq utilizäyanqantaqa, Deuteronomiu librupa 27 kaq capïtulunchömi jukta tarintsik. Dios Änikunqan Patsaman yëkurirmi, Israel nunakunaqa Ebal jirkachö y Guerizim jirkachö juntakäyarqan, tsëchömi Diospa Leynin ima ninqanta wiyakuyarqan y cäsukuyänampaq änikuyarqan. Ley ninqanta mana cäsurqa mana allikunaman chäyänampaq kaqta wiyarirmi “amen” niyarqan (Deut. 27:15-26). Ollqukuna, warmikuna y wamrakuna tsënö nikäyanqanman pensari. Tsëqa ¡më kamayaqraq wiyakarqan! (Jos. 8:30-35). Tsë junaq änikuyanqantaqa cumpliyarqanmi. Y tsëtaqa musyantsik Biblia kënö ninqanchömi: “Israelïtakunaqa Jehovätam sirwikäyarqan Josuëpa llapan kawëninchö, y Josuë wanuriptimpis Israelpaq Jehovä llapan ruranqanta rikaq anciänukuna kawayanqan witsanyaqpis” (Jos. 24:31).
Niyanqan rasumpa kanqanta rikätsikunampaqmi, Jesuspis “amen” palabrata utilizaq, peru pëqa jukläyam utilizarqan. Pëqa manaraq imatapis nirmi “amen” neq, tsënöqa neq ninqankuna rasumpa kanqanta cläru rikätsikunampaqmi. Y manam pipis ninqankuna rasumpa kanqanta Mat. 5:18; Juan 1:51). Tsënö ishkë kuti nirqa, ninqankuna chipyëpa cumplikänampaq kaqtam rikätsikoq. Y Jesusqa tsënö nita puëdeqmi, porqui përëkurllam Diosnintsik llapan änikunqankuna cumplikanqa (2 Cor. 1:20; Rev. 3:14).
rikätsikunanllapaqtsu. Jesus parlanqanchöqa “rasuntam niyaq” nishpam “amen” palabraqa yurin. Y höraqa ishkë kutim “amen amen” nirqan (“LLAPANKUNAM ‘¡AMEN!’ NIYARQAN, Y JEHOVÄTAM ALABAYARQAN”
Jehoväman mañakur y alabarninmi, Israel nunakunapis “amen” niyarqan (Neh. 8:6; Sal. 41:13). Mañakur ushariyaptin “amen” nirqa, wiyëkaqkunapis tsënölla pensayanqantam rikätsikuyaq. Tsënö niyanqanqa, Diosta adorayanqan mas shumaq kanampaqmi yanapakoq. Y tsëmi pasakurqan Jehoväpa conträtu babulninta David Jerusalenman apanqan witsan. Manaraq aparninmi, Davidqa juk cancionta cantarqan y tsëqa shonqupita patsë Diosman mañakïmi karqan (1 Crön. 16:8-36). Y tsënö mañakushqa kaptinmi, “llapankuna ‘¡amen!’ niyarqan y Jehovätam alabayarqan”. Juknölla tsëta niyanqanqa, mas kushishqa sientikuyänampaqmi yanapakurqan.
Tsënöllam apostolkuna kawayanqan witsan cristiänukunapis, Jehoväta adorarnin “amen” niyaq. Jina Bibliata wakin escribeqkunapis atska kutim “amen” palabrata utilizäyarqan (Rom. 1:25; 16:27; 1 Pëd. 4:11). Revelacion libruchöqa willakun, ciëluchö këkaqkuna Jehoväta alabarnin kënö niyanqantam: “¡Tsënö katsun! ¡Jähta alabayë!” (Rev. 19:1, 4). Tsë witsan cristiänukunaqa, reunionkunachö mañakur usharirmi “amen” niyaq (1 Cor. 14:16). Peru tsëtaqa, manam costumbri kaptinllatsu kutin kutin niyaq.
¿IMANIRTAQ ALLÄPA PRECISAN “AMEN” NINANTSIK?
Kë yachakunqantsikchömi rikarquntsik, “amen” ninantsik imanir alläpa precisanqanta. Japallantsiklla mañakunqantsikchö “amen” nirqa, shonqupita patsë mañakïkanqantsiktam rikätsikuntsik. Y atskaq këkashqa wakinkuna wiyayänampaq
o kikintsikllachö “amen” nishqaqa, mañakayämunqannölla rurakänampaq kaqta munanqantsiktam rikätsikuntsik. Peru ¿imanir mastaq precisan “amen” ninantsik?Porqui tsënömi rikätsikuntsik Diosta adoranqantsikchö altantu këkanqantsikta y niyämunqanman pensëkanqantsikta. Jehovätaqa manam “amen” nirllatsu adorantsik, sinöqa mañakayämunqan höra altantulla këkarmi. “Amen” ninqantsik shonqupita patsë kanampaqqa, mañakunqantsik höram altantulla këkänantsik y alleq wiyakunantsik.
Porqui cristiänu mayintsikkunawan juknölla kanapaqmi yanapakun. Reunionkuna kanqan höra mañakayämunqanta shumaq wiyarninqa, juk mañakïllatam llapantsikpis wiyëkantsik (Hëch. 1:14; 12:5). Llapantsik juntu “amen” nishqaqa, juknölla kanapaqmi yanapakun. Llapankuna wiyayänampaq o kikintsikllachöpis “amen” nishqaqa, Jehoväqa mañakunqantsikta masmi contestamunqa.
“Amen” nirninqa Jehovätam alabëkantsik.
Porqui tsënömi Jehoväta alabëkantsik. Alabanapaq ruranqantsikkuna mana precisaqnö kaptimpis, Jehoväqa llapan rurëkanqantsiktam rikëkämun (Lüc. 21:2, 3). Pëqa shonquntsikchö ima kanqanta y imarëkur mañakïkanqantsiktam alli musyan. Y tsënöllam pasakun, telëfunupa reunionta wiyarnin “amen” nishqapis. Reunionnintsikkunachö “amen” ninqantsikwampis Jehovätam alabëkantsik.
Rikärinqantsiknömi, “amen” ninantsikqa alläpa precisan y manam ichikllapaqqa churanantsiktsu. Perspicacia libruchömi, kë palabraqa “markäkïpaq kanqanta, mañakayämunqannölla pensanqantsikta y cumplikänampaq kaqta següru këkanqantsikta” rikätsikun. Tsëmi Jehoväpa rikëninchö alli këta munarqa, imëpis “amen” ninantsik (Sal. 19:14).