1. Sooq Jiisusip mianersoq­qus­sutaa pimoorut­tariaqar­par­put?

JIISUSI ul­lus­sat kingul­liit pil­lugit siulit­tuigami ima oqar­poq: ‘Mianersoritsi uum­matisi malus­sarlersitaaq­qunagit inuunerup matuma piinik isumakuluutinit.’ (Luk 21:34) Mianersoq­qus­sutaa pimoorut­tariaqar­par­put. Sooq? Nalitsin­ni al­lat nalaat­tagaasut erloqinar­tunik ajor­nar­torsiuteqar­tarat­ta.

2. Qatan­ngutit­ta ilaat erloqis­sutit suut nalaat­tar­paat?

² Ilaan­nik­kut erloqinar­tor­pas­suit ataatsik­kut nalaat­tar­pavut. Uku eq­qarsaatigik­kit. Nalunaajaasoq Johnimik atilik * skleroser­toq ukiut 19-it aap­pareereerlutik nuliaminit qiman­neqarami sus­saajun­naar­poq. Aam­ma panii marluk Jehovamut kif­far­torun­naar­put. Aap­pariit Bob aam­ma Linda al­latut ajor­nar­torsior­put. Marluul­lutik soraarsitaap­put angerlarsimaf­feerul­lutil­lu. Ajor­nar­torsiutit taak­kua saniatigut Linda nakorsamit oqarfigineqar­poq toqus­sutaasin­naasumik uum­mam­migut nap­paateqalersimal­luni. Aam­ma timaata nap­paatinut akiuus­sutis­saanik ajoqusiisumik al­lamik nap­paateqaler­poq.

3. Filip­pimiut 4:6, 7 naaper­torlugit suna qularutigis­san­ngilar­put?

³ Naner­tuuteqar­nitsin­ni qanoq misiginersugut Pin­ngor­titsisit­ta Ataatat­talu qilam­miusup, Jehovap, nalun­ngik­kaa qularutigis­san­ngilar­put. Aam­ma ikiorusup­paatigut. (Filippimiut 4:6, 7 atuakkit). Guutip kif­faasa amerlasuut ajor­nar­torsior­nerat Biibilimi al­laatigineqar­poq. Aam­ma naner­tuuteqar­neran­ni Jehova taak­kunin­nga qanoq ikiuisimanersoq oqalut­tuarineqar­poq. Ilaan­nik as­sersuuteqariar­ta.

4. Unam­miniar­nar­tunik Elia qanoq nalaataqar­pa, Jehovalu pil­lugu qanoq misigiva?

⁴ Pif­fis­sami erloqinar­tumi Elia Jehovamut kif­far­tor­poq unam­miniar­nar­tunil­lu nalaataqarluni. Kun­ngip Akabip, Israelip oqalut­tuarisaanerani kun­ngit ilumoorfigin­nin­ngitsut ilaasa, Ba’alimik pal­lorfigin­nit­toq ajor­toq, Jezabeli, katip­paa. Marluul­lutik Israelimi Ba’alisior­neq nalingin­naatiler­paat Jehoval­lu pruf­fiitiisa ilar­pas­sui toqutaatil­lugit. Eliali qimaagami aniguivoq. Kaan­nersuaqar­til­lugu Jehova tatigigamiuk inuus­sutis­saqar­poq. (1 Kng 17:2-4, 14-16) Tamatuma saniatigut Ba’alip pruf­fiitii taas­sumin­ngalu pal­lorfigin­nit­tut unam­mil­leramigit Eliap Jehova tatigaa. Israelik­kut Jehovamik pal­lorfigin­neq­qul­lugit kajumis­saar­pai. (1 Kng 18:21-24, 36-38) Pif­fis­sami erloqinar­torsiorfiusumi Eliap misigisimavaa Jehovap qanoq il­lersoraani ikioraanilu.

5-6. Kun­nginik al­lak­kat siul­liit 19:1-4 naaper­torlugit Elia qanoq misigiva, Jehoval­lu asan­nin­nini qanoq ersersip­paa?

⁵ 1 Kunngit 19:1-4 atuakkit. Taamaat­torli dron­ningimit Jezabelimit toqumik sioorasaar­neqarami Elia an­nilaangaler­poq Be’ershebal­lu eq­qaanut qimaal­luni. Ima nikal­lor­tigaaq al­laat ‘toquin­narusul­luni’. Sooq taama misigiva? Elia angutaavoq naam­mal­luin­nan­ngitsoq “uatsitut misigis­susilik”. (Jaak 5:17, NW) Im­maqa eq­qis­siun­naarlunilu nukil­laaq­qavoq. Eq­qarsarsimasin­naavoq inun­nik minguitsumik pal­lorfigin­nin­nis­samut kajumis­saarinini asuliin­naasut, Israelimi pis­sutsit  pitsan­ngorsiman­ngitsut aam­ma Jehovamut kif­far­tor­tuni amiak­kutuaal­luni. (1 Kng 18:3, 4, 13; 19:10, 14) Pruf­fiitip aalajaatsup taas­suma taamatut misiginera tupaal­lan­narsin­naavoq, Jehoval­li Eliap misigis­susii paasivai.

⁶ Elia qanoq misiginerminik oqalut­tuarmat Jehovap naveer­nagu nakus­satsip­paa. (1 Kng 19:5-7) Kingor­na pis­saanerminik tupin­naqisumik ersersitsinermigut Jehovap asan­nit­tumik Eliap eq­qarsar­taasia naq­qip­paa. Taava paasitip­paa Israelimi suli 7.000-nik inoqar­toq Ba’alimik pal­lorfigin­nik­kusun­ngitsunik. (1 Kng 19:11-18) Taamaalior­nermigut Jehovap asan­nin­nini Eliamut ersersip­paa.

7. Jehovap Eliamik ikiuinera qanoq isumal­lualis­sutigaar­put?

⁷ Il­lim­mi, naner­tisimavit? Eliap misigis­susiinik Jehovap paasin­nin­nera tup­pal­lersaatigisin­naavat. Misigis­sutsik­kut ar­torsaativut paasisin­naagai nalunagu isumal­luar­nar­poq. Pisin­naasat­ta kil­leqar­neri nalun­ngilai, al­laam­mi eq­qarsaativut misigis­sutsivul­lu ilisimavai. (Tuss 103:14; 139:3, 4) Elia as­sigalugu Jehova tatigigutsigu ajor­nar­torsiutit naner­tuutigisavut naam­magalugit ator­nis­saanik ikiorumaar­paatigut. – Tuss 55:23.

8. Er­numanin­ni Jehovap qanoq ikius­savaatit?

⁸ Er­numagaangat­ta nikal­lor­nar­tunik eq­qarsalersin­naavugut. Nikal­lungaguit eq­qaamas­savat er­numanin­ni Jehovap ikiorsin­naam­matit. Qanoq? Isumakuluutitit pil­lugit oqaluutis­sagit kis­saatigaa, ikioq­qul­lutil­lu qin­nutitit akiumaar­pai. (Tuss 5:4; 1 Petr 5:7) Taamaat­tumik ajor­nar­torsiutitit pil­lugit Jehovamut akulikitsumik qinusarit. Eliamut pisimanermisut oqaluun­navian­ngilaatit. Oqaatsinili, Biibili, peqatigiis­sor­tanilu aq­qutigalugit oqaluutis­savaatil­lusooq. Biibilimi oqalut­tuat atuar­nerisigut tup­pal­lersar­neqarlutil­lu isumal­lualersin­naavutit. Aam­ma qatan­ngutivit qiim­mas­sarsin­naavaatsit. – Rom 15:4; Hebr 10:24, 25.

9. Ikin­ngutit tatigisat qanoq an­ner­toq­qutigisin­naaviuk?

⁹ Jehovap Elia peq­quaa akisus­saaf­fim­mi ilaa Elisamut tun­niutis­sagaa. Taamaalil­luni Eliap pisariaqar­til­luin­nagaanik Jehovap ikin­ngutitaar­tip­paa, taman­nalu qular­nan­ngitsumik Eliap nikal­lunganermini an­ner­toq­qutigaa. Uagut­taaq naner­tuuteqar­nitsin­ni ikin­nguter­put tatigalugu oqalut­tuuk­kaangatsigu an­ner­toq­qutigisin­naavar­put. (2 Kng 2:2; Uss 17:17) Am­masumik oqaloqatigisin­naasan­nik amingaateqar­tutut misigiguit Jehova qin­nuigiuk kristumiumik anersaak­kut inersimal­luar­tumik an­ner­toq­qusersuisin­naasumik tatigisaqaleq­qul­lutit.

10. Eliap misigisaa qanoq neriuuteqalis­sutigaar­put, neriorsuul­lu Esaja 40:28, 29-milu al­las­simasoq qanoq iluaqutigaar­put?

¹⁰ Jehovap Elia naner­tisimasoq piner­tusaar­nis­saanut ukior­pas­suar­nilu aalajaal­luni kif­far­tor­nis­saanut ikior­paa. Eliap misigisaa neriuuteqalis­sutigaar­put. Ilaan­nik­kut nukeerus­sutigisatsin­nik misigis­sutsik­kul­lu an­niaatigisatsin­nik ar­torsaateqangaarsin­naavugut. Jehovali tatigigutsigu kif­far­tor­tuar­nis­samut pisariaqar­titatsin­nik nakus­satsis­savaatigut. – Esaja 40:28, 29 atuakkit.

11-13. Itsaq Guutip kif­faasa pingasut naner­tisimaner­tik qanoq sun­ner­neqaatigaat?

¹¹ Inuit Biibilimi oqalut­tuarineqar­tut al­lat aam­ma naner­tisimangaar­put. As­sersuutigalugu Hanna er­nisuitsuunermi nikanarsaataanerata saniatigut aviliaminik asis­sugaavoq. (1 Sam 1:2, 6) Han­na isumatsaq­qangaarami  qiasar­poq nererusuk­kun­naarlunilu. – 1 Sam 1:7, 10.

¹² Kunngi Daavi ilaan­nik­kut naner­tisimangaar­tar­poq. Ajor­nar­torsiutai eq­qarsaatigik­kit. Kuk­kus­suter­pas­suani ilerasuutigingaar­tar­pai. (Tuss 40:13) Er­nera asasaa Absalomi pikitsitsivoq tamatumalu kingunerisaanik toqutaal­luni. (2 Sam 15:13, 14; 19:1) Ikin­ngutaatalu qaniginer­paasaata ilumuun­ngitsuliorfigaa. (2 Sam 16:23-17:2; Tuss 55:13-15) Daavip tus­siaasiar­pas­sui taas­suma naner­tisimaneranik Jehovamil­lu tatigin­nil­luin­nar­neranik ersersitsip­put. – Tuss 38:6-11; 94:17-19.

¹³ Kingusin­nerusuk­kut tus­siaasior­toq al­la inuit ajor­tut inooriaaserisaan­nik usoriler­pai. Taan­na Asafimit Levik­kuusumit kinguaajugunar­poq ‘Guutil­lu il­ler­nar­tuutaani’ kif­far­torluni. Tus­siaasior­toq misigis­sutsimigut naal­liup­poq, kingunerisaanil­lu nuan­naarun­naar­poq naam­magit­taal­lioq­qajaalerluni. Al­laat Guutimut kif­faanerup pil­luaq­qus­sutisias­sar­tai qulariler­pai. – Tuss 73:2-5, 7, 12-14, 16, 17, 21.

14-15. Jehovamut ikioq­qunermut tun­ngatil­lugu Guutip kif­fai pingasut qanoq ilin­niarfigaavut?

¹⁴ Jehovamut kif­faasut pingasut eq­qaaneqaq­qam­mersut tamarmik tatigaat Jehovamit ikior­neqarumaarlutik. Isumakuluutitik qinunik­kut taas­sumun­nga eq­qaasar­paat. Naner­tuutigisamin­nut pis­sutaasut tamaasa am­masumik taas­sumun­nga oqalut­tuarisar­paat. Aam­ma Jehovamik pal­lorfigin­nit­tarfim­mut or­nigut­tuar­put. – 1 Sam 1:9, 10; Tuss 55:23; 73:17; 122:1.

¹⁵ Jehova misigin­neqatigin­nil­luni taak­kua tamarmik qin­nutaat akivai. Han­na qamuuna eq­qis­sivoq. (1 Sam 1:18) Daavi ima al­lap­poq: “Iluar­toq ajunaar­ner­nik amerlasuunik  eq­qor­neqar­tar­poq, Naalak­kal­li tamak­kunan­nga tamanit an­naat­tar­paa.” (Tuss 34:20) Aam­ma tus­siaasior­toq eq­qaaneqar­toq kingor­natigut misigivoq Jehovamit ‘taler­pim­migut tigum­mitil­luni’ asan­nit­tumik siun­nersor­neqarluni. Ima erinarsor­poq: “Guuti qanil­lugu inuuneq tas­sa pil­luar­nar­tora. Qimar­nguf­figaara Guuti Naalagaq.” (Tuss 73:23, 24, 28) Taak­ku qanoq ilin­niarfigaavut? Ilaan­nik­kut ajor­nar­torsiungaarsin­naavugut naner­tuutigisatsin­nik. Jehoval­li al­lanik ikiuisimanerata eq­qarsaatigeq­qis­saar­neratigut, qinunik­kut tatigineratigut peq­qus­sutaasalu naalan­nerisigut ajor­nar­torsiutit naam­magalugit atorsin­naavavut. – Tuss 143:1, 4-8.

16-17. (a) Sooq Jehovamit taas­sumalu kif­faanit im­mik­koor­nias­san­ngilagut? (b) Qanoq nakus­satsin­neqarsin­naavugut?

¹⁶ Jehovap kif­fai pingasut taak­ku al­lamik pingaarutilim­mik ilin­niarfigaavut. Jehovamit taas­sumalu kif­faanit im­mik­koor­nias­san­ngilagut. (Uss 18:1) Nancy, uiminit qiman­neqarami naner­tisimangaar­toq, ima oqar­poq: “Ul­luni amerlasuuni misigisar­punga inun­nik takusaqarusun­nanga oqaloqateqarusun­nangalu. Kisimiin­neruleraangamali aliasun­neruler­tar­punga.” Al­lanik ajor­nar­torsiutilin­nik ikiuinis­saminut Nancy periarfis­sarsiulerami taamatut  misigiun­naamivoq. Ima oqar­poq: “Al­lat ilungersuutitik pil­lugit oqalut­tuaraangata tusar­naar­tar­pak­ka. Misigaaralu misigin­neqataaneruleraangama im­minut nal­ligiun­naamisarlunga.”

¹⁷ Ilagiit ataatsimiin­nerini najuut­tar­nitsin­ni nakus­satsin­neqarsin­naavugut. Ataatsimeeqataagaangat­ta Jehova im­mik­kut periarfis­sit­tar­par­put uagutsin­nik ikiuinis­saanut tup­pal­lersaanis­saanul­lu. (Tuss 86:17) Ataatsimiin­ner­ni anersaani il­ler­nar­toq, oqaatsini in­nut­tanilu aq­qutigalugit nakus­satsit­tar­paatigut. Aam­ma ‘kajumis­saaqatigiis­sin­naavugut’. (Rom 1:11, 12) Qatan­ngut ar­naq Sophiamik atilik ima oqar­poq: “Jehovap qatan­ngutimalu piner­tusaar­tip­paan­nga. Ilagiit­tut ataatsimiit­tar­nivut uan­nut pingaar­ner­paap­put. Oqaluus­sinermi ilagiin­nilu pimoorus­sil­lunga peqataaneruleraangama naner­tuutigisak­ka er­numas­sutik­kalu naam­magalugit ator­neruler­tar­pak­ka.”

18. Nikal­lungagaangat­ta Jehovap qanoq ikiorsin­naavaatigut?

¹⁸ Nikal­lungagaangat­ta eq­qaamasas­savar­put Jehovap siunis­sami naner­tuutit peerluin­nar­nis­saan­nik neriorsuutimi saniatigut maan­nak­kut naner­tuutigisat naam­magalugit ator­nis­saanut ikiorusuk­kaatigut. Nikal­lungasutut neriuutaarut­tutul­lu misigis­sutsit ajugaaf­figinis­saanut nakus­satsit­tarlutalu ‘piumas­suseqar­tit­tar­paatigut’. – Fil 2:13.

19. Romamiut 8:37-39 sumik qularun­naarsin­neqar­pugut?

¹⁹ Romamiut 8:37-39 atuakkit. Apustilip Paulusip qularun­naarsip­paatigut suul­luun­niit Jehovap asan­nin­neranit avis­saar­tis­sin­naan­ngik­kaatigut. Qatan­ngutivut naner­tuuteqar­tut qanoq ikiorsin­naavavut? Misigin­neqataanik­kut qatan­ngutitsin­nil­lu tapersersuinitsigut Jehova qanoq ilaarsin­naanerip­put al­laaserisap tul­liani misis­sus­savar­put.