NHLOKOMHAKA YA DJONDZO 25
Tshemba Yehovha Loko U Li Kukarhatekeni
“Ni . . . lweyi karhatekeke mbilwini.”— 1 SAM. 1:15.
LISIMU 91 Tatana, Xikwembu Xa Mina Ni Mungana Wa Mina
LESWI HINGATASWI DJONDZA *
1. Hi mhaka muni hi fanele hi yingisa xitsundzuxu xa Yesu?
LOKO a vulavula hi masiku ya magamu, Yesu a te: ‘Tivoneleni leswaku timbilu ta n’wina tingatikeliwi hi . . . kuvilela hi swa vutomi lebyi,’ kumbe kuvilela hi swilo swa siku ni siku. (Luk. 21:34) Hi fanele hi yingisa xitsundzuxo lexi. Hi mhaka muni? Hi mhaka hi kumana ni swikarhatu swinyingi swa kufana ni leswi vanhu hinkwavu va kumanaka na swona.
2. Hi swihi swikarhatu leswi hetaka ntamu leswi vamakwerhu va kumanaka naswona?
2 Minkama yin’wana hi kumana ni swikarhatu swinyingi leswihi hetaka ntamu. Ahi voneni swikombiso swokarhi. Makwerhu mun’wana lweyi hingatamu vitanaka João, * a xanisiwaka hi mavabyi ya misiha lama vitaniwaka Esclerose múltipla, a tsemeke nhlana loko nsati wa yena amu tshika na vani 19 wa malembe va chadile. Ndzhaku ka leswo, vana va yena vambirhi va tintombhi va tshike kugandzela Yehovha. Bobi na Olinda i nuna na nsanti lava na vona va kumaneke ni swikarhatu swokarhi. Hi vambirhi ka vona va lahlekeliwe hi mintirho ya vona, va gama va lahlekeliwa hi munti wa vona. Handle ka swikarhatu leswo, Olinda a byeliwe hi vadotori leswaku a ani mavabyi ya mbilu lama dlayaka, naswona kutlhele kutsumbuliwa leswaku a ani mavabyi man’wana lama hlaselaka fambiselo la ngati.
3. Hi kuya hi Vafilipiya 4:6, 7, hinga tiyiseka hi yini?
3 Hinga tiyiseka hi leswaku Yehovha Muvumbi wa hina lweyi anga ni lirhandzu, waswi tiva leswi hiswi twaka loko hi kumana ni swikarhatu, naswona a lava kuhi pfuna leswaku hi kota kutiyisela. (Lerha Vafilipiya 4:6, 7.) Rito la Xikwembu li kombisa swilo swotala leswi vatirheli va xona vaswi tiyiseleleke. Li tlhela li hlamusela nakambe leswaku Yehovha ava pfunise kuyini kulangutana ni swikarhatu leswo leswi hetaka ntamu. Ahi buleni hi swikombiso swingali swingani.
“ELIYA AALI MUNHU KUFANA NA HINA”
4. Eliya a kumane ni swikarhatu swihi naswona Yehovha amu pfunise kuyini?
4 Eliya a tirhele Yehovha hi nkama wa kukarhata naswona a kumane ni swikarhatu swinyingi. Hosi Akabo lweyi na yena aveke hosi ya Israyele yokala yinga tshembekanga, a chade na Yezabele mugandzeli wa Bali. Hi vambirhi ka vona va tate tiko hi wugandzeli la Bali naswona va dlayetele vaprofeta va Yehovha. Eliya aswi kotile kubaleka. Hi kutshemba Yehovha, apone ka ndlala yikulu leyi veke kona. (1 Tiho. 17:2-4, 14-16) Handle ka leswo, Eliya a atshemba Yehovha loko aya kumana ni vaprofeta va Bali swin’we ni vagandzeli va kona. A kombele Vaisrayele leswaku va gandzela Yehovha. (1 Tiho. 18:21-24, 36-38) Eliya a aswi vona leswaku minkama hinkwayu Yehovha a amu seketela loko a kumana ni swikarhatu.
Yehovha a rhumele ntsumi leswaku yi pfuna Eliya kutlhela a kuma ntamu (Vona maparagrafu 5-6) *
5-6. Hikuya hi 1 Tihosi 19:1-4, Eliya a titwise kuyini naswona Yehovha aswi kombisise kuyini leswaku a amu rhandza?
5 Lerha 1 Tihosi 19:1-4. Hambi leswo, Eliya a chavile ankama anga tiva leswaku Hosi ya xisati Yezabele ayi lava kumu dlaya. Kutani a balekile aya aBera-xeba naswona a ahele ntamu lakakuva a “akombela kufa”. Hi mhaka muni a titwise xileswi? Eliya a ali munhu wokala anga hetisekanga. Yena “aali munhu kufana na hina”. (Yak. 5:17) Swingayendleka a akarhatekile amoyeni wa yena naswona a akarhalile swinene. Switikomba ingi Eliya a apimisa leswaku minzamu ya yena hinkwayu ya kupfuna vanhu leswaku va gandzela Yehovha ayili nyuku wa mbyana. Hi mavonelo ya yena a tikweni la Israyele akunga cincanga nchumu naswona akova yena yexe lweyi a atama a gandzela Yehovha. (1 Tiho. 18:3, 4, 13; 19:10, 14) Hingaha hlamalisiwa hi leswi muprofeta lweyi wotshembeka anga titwisa xiswona. Kambe Yehova a amu twisisa.
6 Yehovha angamu kwatelanga Eliya hi leswi a vuleke leswi a atitwisa xiswona. Kambe amu tiyise nhlana. (1 Tiho. 19:5-7) Hi nkama wun’wana, hi ndlela ya lirhandzu Yehovha amu pfunile Eliya kululamisa mapimiselo ya yena, hi kumu komba matimba ya yena lamakulu. Yehovha a yendle Eliya a twisisa leswaku a kahani 7.000 wa vanhu atikweni la Israyele lava avangamu gandzeli Bali. (1 Tiho. 19:11-18) Hi kutirhisa swikombiso leswi, Yehovha a kombe Eliya leswaku ahamu rhandza.
LESWI YEHOVHA AHI PFUNISAKA XISWONA
7. Ndlela leyi Yehovha a pfuneke Eliya ha yona yihi kholwisa yini?
7 U kumana ni swilo swokarhi leswiku hetaka ntamu? Kunene swa chavelela kutiva leswaku Yehovha a aswi twisisa leswi Eliya a atitwisa xiswona. Leswo swihi kholwisa leswaku Yehovha wa kutwisisa kukarhateka loku hingana kona ambilwini. Yena waswi tiva leswaku kuni swilo leswi hingaswi kotaka kuswi maha ni leswingahi tsandzaka, naswona ativa leswi hi swi pimisaka ni leswi hi titwisaka xiswona. (Pis. 103:14; 139:3, 4) Loko hi lwela kufana na Eliya hi kutshemba Yehovha, Yena atahi pfuna loko hi kumana ni swikarhatu leswi hetaka ntamu. — Pis. 55:22.
8. Yehovha angaku pfunisa kuyini loko ukarhatekile amoyeni?
8 Loko hi karhatekile amoyeni, hingahatshuka hi pimisa leswaku swikarhatu swa hina aswinge tshuki swi helile, hi tlhela hi hela matimba. Loko swoleswo swi maheka, khumbuka leswaku Yehovha angaku pfuna leswaku u langutana ni kukarhateka koloko. A ngaku pfunisa kuyini? Yena aku rhamba leswaku umu byela swikarhatu swa wena ni leswi u titwisaka xiswona. Hakunene ata kuhlamula kurila ka wena. (Pis. 5:3; 1 Pet. 5:7) Kutani khongela nkama ni nkama hi swikarhatu swa wena. I ntiyiso leswaku angata vulavula na wena hi kukongoma kufana ni leswi angaswi yendlisa xiswona ka Eliya, kambe ata vulavula na wena hi kutirhisa Rito la yena kunga Bibele ni hi kutirhisa nhlengeletanu ya yena. Marungula lawa manga ka Bibele mangaku chavelela ni kuku nyika ntshembo. Handle ka leswo, vamakwerhu na vona vangaku khutaza. — Rhom. 15:4; Hev. 10:24, 25.
9. Vanghanu va kutshembeka vangaku pfunisa kuyini?
9 Yehovha a byele Eliya leswaku a nyika Elixa yin’wana ya mintirho ya yena. Hi ndlela leyi, Yehovha a nyike Eliya munghanu lwenene lweyi a atamu pfuna loko a hela ntamu. Hilaha kufanaka, loko hi byela munghanu wa hina lweyi himu tshembaka leswi hi titwisaka xiswona, angaswi kota kuhi pfuna kulangutana ni kukarhateka ka hina. (2 Tiho. 2:2; Swi. 17:17) Loko kuli leswaku akuna munhu lweyi ungati phofulaka ka yena, khongela ka Yehovha leswaku aku pfuna kukuma Mukreste lweyi a wupfeke lweyi angataku khutaza ni kukutiyisa.
10. Ntokoto wa Eliya wuhi kholwisisa kuyini leswaku hingaswi kota kutiyisela naswona xitshembiso xinga ka Esaya 40:28, 29, xingahi pfunisa kuyini?
10 Yehovha amu pfunile Eliya leswaku a kota kulangutana ni kukarhateka ka yena ni kuva amu tirhela malembe ya manyingi. A ntokoto wa Eliya wuhi nyika ntshembo. Minkama yin’wana hingaha karhateka swinene ambilwini lakakuva hi titwa hi karhalile amuzimbeni ni le mintlhavekweni. Kambe loko himu tshemba Yehovha, atahi nyika ntamu lowu hiwu lavaka leswaku hi tama himu tirhela. — Lerha Esaya 40:28, 29.
HANA, DAVHIDA NI MUPISALEMA VA TSHEMBE YEHOVHA
11-13. Hi kwihi kukarhateka amoyeni loku malandza manharhu ya Xikwembu ma kumaneke na kona?
11 Kuni swikombiso swin’wana aBibeleni swa vanhu lava kumaneke ni kukarhateka ka kukulu amoyeni. Hi xikombiso Hana leswi a anga psali, nkatikuloni wa yena a tshamela kumu dlisa khayikhayi. (1 Sam. 1:2, 6) Kukarhateka ka yena a kuli kukulu lakakuva a atshamela kurila hi xiviti naswona swakudla a aswingaha yehli. — 1 Sam. 1:7, 10.
12 Minkama yin’wani, Hosi Davhida akumane ni kurhateka ka kukulu amoyeni. Pimisa hi swikarhatu swingali swingani leswi akumaneke na swona. Yena hi yexe a alwisana ni kutitwa nandzu ka swihoxo leswi yena aswi maheke. (Pis. 40:12) N’wana wakwe lweyi a amurhandza ngopfu Absalomu amu xandzukelile ni kutlhela afa hi mhaka ya kuxandzuka kakwe. (2 Sam. 15:13, 14; 18:33) Naswona munghanu wakwe lweyi a amu rhandza ngopfu agame amu djikela. (2 Sam. 16:23–17:2; Pis. 55:12-14) Tipisalema ta kutala leti Davhida a titsaleke tikombisa ndlela leyi a ahele ntamu ha yona ni leswi a atiyise xiswona ka Yehovha anga tsekatseki. — Pis. 38:5-10; 94:17-19.
I mpsini leswi pfuneke mupisalema leswaku a tlhela a tirhela Yehovha na a tsakile? (Vona maparagrafu 13-15) *
13 Hi kufamba ka nkama, mupisalema mun’wani a sungule kunavela wutomi la vanhu va kubiha. Yena aali n’wana wa Asafa lweyi a ali mulevhi a atirhela tempeleni a Yerusalema. Mupisalema lweyi a akarhatekile amoyeni naswona a atshama na anga tsakanga. Leswo swiyendle apimisa leswaku minkateko leyi a ayi kuma hi kutirhela Xikwembu ayinga nyawuli.
14-15. Swikombiso swinharhu swa le Bibeleni leswi hiswi voneke swihi djondzisa yini hi kukombela kupfuniwa hi Yehovha?
14 Vagandzeli va Yehovha va vanharhu lava hi gamaka kubula hi vona va tsutsumele ka Yehovha leswaku ava pfuna. Ava khongela ka yena vamu byela leswi aswiva karhata. Ava titwa va tlhantlhekile leswaku vamu byela swivangelo swa kuva va karhatekile amoyeni, naswona ava godolanga kuya gandzela Yehovha andlwini ya yena. — 1 Sam. 1:9, 10; Pis. 55:22; 73:17; 122:1.
15 Hi ntwelawusiwana, Yehovha a hlamule mun’wana ni mun’wana wa vona. Hana a pepile amoyeni. (1 Sam. 1:18) Davhida a tsale leswi: “Makhombo ya lweyi wolulama manyingi, kambe Yehovha wamu ponisa ka wona hinkwawu.” (Pis. 34:19) Naswona mupisalema hi kufamba ka nkama a titwe ingi hi loko ‘Yehovha a khome voko la yena la xinene’, amu fambisa ni kumu laya hi lirhandzu. A yimbelele a ku: “Kambe loko kuli mina, kutshinela kusuhi na Yehovha i swinene ka mina. Niyendle Yehovha Hosi Leyilawulaka ava wutumbelo la mina”. (Pis. 73:23, 24, 28) Hinga djondza yini ka swikombiso leswi? Minkama yin’wana hi kumana ni swikarhatu swa swikulu, leswingahi yendlaka hi karhateka amoyeni. Kambe hingaswi kota kulangutana na swona hi kuyanakanyisisa hi leswi Yehovha ava pfuniseke xiswona van’wana. Xin’wana lexingahi pfunaka i kutiphofula ka yena hi xikhongelo ni kumu yingisa hi kuyendla leswi a lavaka leswaku hiswi yendla. — Pis. 143:1, 4-8.
TSHEMBA YEHOVHA KUTANI SWITAKU FAMBELA KAHLE
Kusunguleni makwerhu wa xisati a alava kutihambanisa ni van’wana. Kambe swilo swi sungule kumu yampsela loko a lava tindlela ta kupfuna van’wana (Vona maparagrafu 16-17)
16-17. a) Himhaka muni hinga fanelanga hi tihambanisa na Yehovha ni vamakwerhu? b) Hingawu kumisa kuyini ntamu?
16 Swikombiso leswinharhu swihi djondzisa nchumu wun’wana wa lisima. Swihi djondzisa leswaku ahi fanelanga hi tihambanisa na Yehovha swin’we ni vanhu va yena. (Swi. 18:1) Nancia, lweyi a karhatekeke swinene a moyeni loko a tshikiwe hi nuna wa yena a te: “Kuve ni masiku manyingi lawa aninga lavi kuva kusuhi ni munhu naswona aninga lavi kubula ni munhu. Kambe ni vone leswaku loko ni tihambanisa ni van’wana, leswo aswini yendla ni titwa ninga tsakanga.” Swilo swi cincile loko Nancia a sungula kulava tindlela ta kupfuna van’wana lava na vona ava kumana ni swikarhatu. Yena a li: “Ani yingiseta kahle loko van’wana vani byela hi swikarhatu swa vona. Ni tsumbule leswaku loko niva komba ntwelawusiwana, ani titwa ingi swikarhatu swa mina ahiswa nchumu.”
17 Kuva kona aminhlanganwini, swingahi pfuna leswaku hi kuma ntamu. Loko hili aminhlanganwini, hi nyika Yehovha mukhandlu lowu yengetelekeke wa leswaku ava “mupfuni wa hina ni muchaveleli wa hina.” (Pis. 86:17) Loko hi li minhlanganwi, Yehovha ahi tiyisa hi kutirhisa moya wokwetsima, Rito la yena ni hi kutirhisa vanhu va yena. Minhlanganu yihi nyika mukhandlu wa kuva “hitiyisana”. (Rhom. 1:11, 12) Makwerhu mun’wana lweyi hingatamu vitanaka Sofiya a te: “Yehovha ni vamakwerhu amisaveni hinkwayu vani pfunile leswaku ni kota kutiyisela. Minhlanganu ayili ya lisima swinene ka mina. Ni tsumbule leswaku loko ni tinyiketela ka ntirho wochumayela ni le bandleni, ni kuma ntamu wa kulangutana ni kukarhateka ka mina.”
18. Yehovha ahi pfunisa kuyini loko hi twitwa hi hele ntamu?
18 Loko hi titwa hi hele ntamu, ahi khumbukeni leswaku Yehovha angohi tshembisa ntsena leswaku ataswi helisela magamu swilo leswihi karhataka, kambe a tlhela ahi pfuna kulangutana naswona. Ahi yendla hi va ni ntamu atlhela ahi nyika ntsembo. — Filp. 2:13.
19. Varhoma 8:37-39, yihi tiyisekisa hi yini?
19 Lerha Varhoma 8:37-39. Mupostola Pawulo a tiyisekise leswaku axi kona lexingahi hambanisaka ni lirhandzu la Xikwembu. Hingava pfunisa kuyini vamakwerhu lava lwisanaka ni kukarhateka ambilwini? Djondzo leyi landzelaka yita kombisa leswaku hingamu tekelelisa kuyini Yehovha loko hi kombisa ntwelawusiwana ni kupfuna vamakwerhu lava karhatekeke ambilwini.
LISIMU 68 Xikhongelo Xa Munhu La Titsongahataka
^ ndz. 5 Loko hi heta nkama wa wunyingi nahi karhateka a moyeni, swingava ni vuyelo lobiha ka muzimba ni le ka matitwelo ya hina. Kambe Yehovha angahi pfuna. Ka djondzo leyi hita vona leswaku Yehovha amu pfunise kuyini Eliya leswaku a kota kulangutana ni kukarhateka kakwe. Nakambe hita djondza hi swikombiso swin’wana swa le Bibeleni leswaku hi tiva leswi hi faneleke hiswi yendla akuva Yehovha ahi pfuna loko hili kukarhatekeni.
^ ndz. 2 Ka nhlokomhaka leyi, mavito ma cinciwile.
