ITSAQ Israelik­kut kuus­suaq Jordani ikaangajaler­paat, nunamul­lu Guutip neriorsuutigisaanut isingajaler­nermin­ni tikeraar­toqariasaar­put. Tikeraat taak­ku tas­saap­put ar­nat takor­nar­tat angutinik nereqatigiin­nis­samut qaaq­qusisut. Taman­na periarfis­satsialaar­pasis­sin­naavoq. Ikin­ngutitaar­tor­neq, qit­tan­neq nerisas­sanil­lu mamar­tunik nerineq kajunger­nar­pasis­sin­naavoq. Ar­nat taak­ku Guutip inatsisaanut naaper­tuutin­ngitsunik ileq­qoqaraluar­tut Israelik­kut angutitaasa ilaat eq­qarsarsimasin­naap­put: ‘Sun­ner­tin­navian­ngilagut. Mianersorumaar­pugut.’

 Qanoq pisoqar­pa? Biibilimi ima al­las­simavoq: “Inuit Moabik­kut ar­nar­taat ar­nerif­figalugit kan­ngunar­tulior­taler­put.” Ilumoor­tumik oqas­sagaan­ni ar­nat taak­kua angutit Israelik­kuusut guutipilus­sior­taler­nis­saat siuner­taraat. Siuner­taal­lu iluatsip­poq! Paasinar­poq Jehovap ‘Israelik­kut kamaatingaalerai’. – 4 Mos 25:1-3.

Israelik­kut Guutip inatsisai marlutsigut unioq­qutip­paat: Guutipiluit pal­lorfigaat aam­ma kinguaas­siuutitigut as­suar­nar­tulior­put. Inuit tuusintil­lit naalan­ngin­ner­tik pis­sutigalugu toqup­put. (2 Mos 20:4, 5, 14; 5 Mos 13:7-10) Suna pis­sutigalugu taman­na alianarluin­nar­pa? Qaquguk­kut pinera. Angutit taak­ku Guutip inatsisaanik unioq­qutitsisiman­ngitsuup­pata Israelik­kut tuusintil­lit kuus­suaq Jordani ikaarlugu nunamut neriorsuutigisamut iseriaan­naas­sagaluar­put. – 4 Mos 25:5, 9.

Pisut taak­ku eq­qarsaatigalugit apustili Paulusi ima al­lap­poq: “Tamak­ku tamarmik taak­kunun­nga nal­liup­put mianersoq­qus­sutaal­lutik, al­las­simap­pul­lu uatsin­nut ul­lut naggatis­saan­nik angumerin­nit­tunut ilitsersuutaal­lutik.” (1 Kor 10:7-11) Israelik­kut ilaat ingasat­tumik ajor­tulior­nermut nak­kaan­narlutik nunamut neriorsuutigisamut iser­titaasin­naajun­naar­nerat Saatanip nuan­naarutigisimas­savaa. Silatusaas­saagut mianersoq­qus­sut taman­na eq­qumaf­figigutsigu, nalun­ngin­natsigumi Guutip silarsuar­taas­saanut isin­ngitsoor­nis­sar­put Saatanip anguniagaralugulu kis­saatigil­luin­naraa!

Saatanip kristumiut pisarerusup­pai. Periaatsit sungiusimasani inup­pas­suar­nut iluatsit­tumik atorsimasani ator­tar­pai. Soorlu eq­qaareerip­put Israelik­kun­nut tun­ngatil­lugu kinguaas­siuutitigut as­suar­nar­tulior­neq sak­koraa. Suli nalitsin­ni taman­na napiaaniutaavoq navianar­toq. Napitif­figisin­naasat­ta ilagaat por­nografii.

Nalitsin­ni inuit al­lat nalusaan­nik por­nografii isigin­naar­neqarsin­naavoq. Sior­natigut inuk por­nografiimik isigin­naarusut­toq filmeriar­tariaqar­poq imaluun­niit por­nografiimik tuniniaasut or­nit­tariaqarlugit. Takuneqar­nis­samil­lu kan­ngunarsaataanera pis­sutigalugu amerlasuut taamaalior­naveersaar­tar­put. Maan­nak­kul­li inuk inter­neteqaruni sulif­fim­mini imaluun­niit biilini unin­ngasuni por­nografiimik isigin­naariaan­naavoq. Nunanilu amerlasuuni angut ar­narluun­niit angerlarsimaf­fini qiman­nagu por­nografiimik isigin­naarsin­naavoq.

Mobilit tabletil­lu atorlugit por­nografiimik isigin­naar­nis­saq ajor­nangitsuararsuuvoq. Inuit pisutsil­lutik imaluun­niit bus­ser­til­lutik as­sit por­nografiimut tun­ngasut isigin­naarsin­naavaat.

Por­nografiimik isigin­naar­neq ajor­nan­ngitsuararsuan­ngor­nikuum­mat inuul­lu isigin­naar­tar­nini iser­tuus­sin­naam­magu por­nografii nalitsin­ni sior­nagut naleq­qiul­lugu amerlanerusunik ajoqusiisar­poq. Por­nografiimik isigin­naar­tar­tor­pas­suit aap­pariin­ner­tik, nalun­ngeqatigin­nis­suter­tik im­minul­lu ataq­qiner­tik ajoquser­tar­paat. Ajor­nerusumil­li, Guutimik ikin­nguteqar­nermik an­naanis­saanut navianar­torsior­put. Qularutis­saan­ngilaq por­nografii isigin­naar­tar­tunik ajoqusiisar­toq. Amerlaner­tigul­lu misigis­sutsik­kut ikeqangaalersitsisar­poq. Ikit taak­ku arriitsumik aaq­qik­kiar­torsin­naap­put, sun­niutaali qilerun­nguus­sin­naap­pul­lusooq.

Jehovap napiaanium­mut Saatanimeersumut pisaritin­ngin­nias­sagat­ta il­lersorusup­paatigut. Jehovamit il­lersor­neqarusuk­kut­ta itsaq Israelik­kut angutitaasa iliuuserin­ngitsoorsimasaat iliuuserisariaqar­par­put – Jehova naalal­luin­nar­tariaqar­par­put. (2 Mos 19:5) Ilisimaarisariaqar­par­put Guutip por­nografii akuersaan­ngil­luin­naraa. Sooq taama oqarsin­naavugut?

Una eq­qarsaatigiuk: Guutip itsaq Israelik­kun­nut inatsisai im­mik­kuul­laris­suup­put. Qarmatut ip­put Israelik­kut inuian­nit avatangiiserisamin­nit  kan­ngunar­tuliorumatuunit avis­saar­titsisut. (5 Mos 4:6-8) Inatsisit taak­kua ilumoor­toq una erseq­qis­sar­paat: Jehovap kinguaas­siuutitigut as­suar­nar­tulior­neq uumigaa.

Inuiaat eq­qaamiuusut kangunar­tuliungaar­tar­nerat eq­qaagamiuk Jehovap Israelik­kut ima peq­quai: “Kana’anil­luun­niit nunap ilis­sin­nut najugas­san­ngor­titas­sama inuisa ilior­tar­nerat­tut ilius­san­ngilasi. ... Taak­kua nunaat mingut­tun­ngorsimavoq, ajor­tuliaal­lu pil­lugit pil­lar­para.” Israelip Guutianut il­ler­nar­tumut Kana’anik­kut inooriaasiat ima maajun­nar­tigaaq al­laat nuna inuuf­figisaat mingut­tuun­ngorsimal­luni. – 3 Mos 18:3, 25.

Jehovap Kana’anik­kut pil­laraluarai inuiaat al­lat kinguaas­siuutitigut kan­ngunar­tulior­tar­ner­tik ingerlatiin­nar­paat. Ukiut 1.500-t sin­nerlugit qaangiut­tut Paulusip inuit kristumiut nalaan­ni inuusut ima al­laatigai: ‘Sianigisaarul­lutik kan­ngunar­tulior­nermut tun­niup­put nalingin­nar­nik piumatuunermin­ni mingun­nar­tuliorumal­lutik.’ (Ef 4:17-19, tastamantitâĸ) Aam­ma nalitsin­ni inuit amerlasuut kan­ngusuutiginagu as­suar­nar­tulior­tar­put. Kristumiut ilumoor­tut silarsuarmi kinguaas­siuutitigut as­suar­nar­tulior­nermut tun­ngasut suul­luun­niit sapin­ngisar­tik tamaat ingalas­simasariaqar­paat.

Por­nografii Guutimut narrunarsaataal­luin­nar­poq. Inuit im­minut as­silil­luni ileq­qoris­saarsin­naas­suseqar­til­lugil­lu pin­ngor­tip­pai. Ilisimas­suseqarluni atoqatigiin­neq pil­lugu naleq­qut­tumik inatsisilior­poq. Aap­pariin­nut katis­simasunut nuan­naarutaas­sasoq kis­saatigaa. (1 Mos 1:26-28; Uss 5:18, 19) Por­nografiilior­tut por­nografiimil­lu siuarsaasut sup­pat? Guutip ileq­qus­satigut najoq­qutas­siai soqutigin­ngil­luin­nar­paat. Aap, inuit por­nografiimik siuarsaasut Jehova ataq­qin­ngil­luin­nar­paat. Kinguaas­siuutitigut as­suar­nar­tulior­nis­samik sananermik­kut siuarsaanermik­kul­luun­niit Guutip najoq­qutas­siaanik sumigin­naasut taas­suman­nga eq­qar­tuun­neqarumaar­put. – Rom 1:24-27.

Inuim­mi por­nografiimut tun­ngasunik atuarlutil­lu isigin­naar­tar­tut? Im­maqa ilaat eq­qarsar­put aliik­kutaan­naasut ajoqutaan­ngitsut. Taamaat­torli Jehovap najoq­qutas­siaanik sumigin­naasut tapersersor­paat. Por­nografiimik isigin­naar­taleramik im­maqa taman­na siuner­tarin­ngik­kaluar­paat. Guutimil­li ilumoor­tumik pal­lorfigin­nit­tut por­nografii  uumigil­luin­nas­sagaat Biibilimi erseq­qip­poq. Ima al­las­simavoq: “Ilis­si Naalak­kamik asan­nit­tusi ajor­toq uumigis­savarsi.” – Tuss 97:10.

Por­nografiimik isigin­naarusun­ngik­kaluar­tut taman­na ajor­nar­tis­sin­naavaat. Naam­mal­luin­nan­ngitsuugat­ta kinguaas­siuutitigut pileris­susipalaaqar­neq akior­tuar­tariaqarsin­naavar­put. Uum­matit­ta naam­mal­luin­nan­ngitsup im­maqa isumaqalersin­nias­savaatigut Guutip inatsisaata unioq­qutin­nis­saa ajor­tuun­ngitsoq. (Jer 17:9) Kristumiun­ngorsimasor­pas­suil­li tamatumin­nga akiuun­nermin­ni ajugaasimap­put. As­singusumik akiugaqaruit taman­na nalunagu tup­pal­lersaatigisin­naavat. Saatanip por­nografiimik napiaaniutaanik pisaritin­ngin­nias­sagavit Guutip oqaasia qanoq iluaqutigisin­naagit maluginiaruk.

Sam­mineqareersutut Israelik­kut amerlasuut ajor­tumik pileris­suseqar­ner­tik nak­kaan­narfigaat, taman­nalu ajor­torujus­suarmik kinguneqar­poq. Aam­ma nalitsin­ni taama pisoqarsin­naavoq. Jiisusip af­farmik qatan­ngutaata Jaakup navianar­toq taman­na ima al­laatigaa: “Kinaluun­niit us­ser­neqar­tar­poq nam­mineq pileris­sutsiminit nas­sataritil­luni kajumitsatsitaal­lunilu; pileris­sutsil­lu ilumileraangami ajor­ti er­niarisar­paa.” (Jaak 1:14, 15) Inuup uum­mam­mini pileris­susipalaaq ineriar­tor­tik­kuniuk ajor­tulior­nis­saa ilimanar­poq. Taamaat­tumik kinguaas­siuutitigut pileris­susipalaat eq­qarsaatitsin­nit peer­tariaqar­pavut.

Mingut­tuunik eq­qarsaq­qajaaguit ingerlaan­naq iliuuseqarit. Jiisusi ima oqar­poq: ‘As­sap­pit isik­kavil­luun­niit tam­mar­tip­patit kipiuk igil­lugulu. Isivil­lu tam­mar­tip­patit peeruk igil­lugulu.’ (Matt 18:8, 9) Jiisusi isumaqan­ngilaq timer­put ajoqusis­sagip­put. As­sersuusiorluni naak­kius­sutaasin­naasut ingerlaan­naq aalajangiusimal­luin­narluni peer­neqas­sasut pivaa. Siun­nersuutaa por­nografiimut tun­ngatil­lugu qanoq maleruarsin­naavar­put?

Por­nografiimut tun­ngasut takoriasaaruk­kit ima eq­qarsaqinak: ‘Sun­ner­tin­navian­ngilanga.’ Ingerlaannaq alarit. Fjer­nsyni qamipallaguk. Qarasaasiaq, tableti mobililuun­niit ingerlaannaq qamiguk. Minguitsumut saagit. Taamaalior­nik­kut eq­qarsaatitit nam­mineq aqus­savatit, pileris­susipalaanit aqun­neqar­nak.

Taavami por­nografiimik isigin­naar­tarun­naarsimaguit pif­fis­sal­li ingerlanerani eq­qarsaatigiler­toor­tarlugit? Inuup as­sit eq­qarsaatil­luun­niit por­nografiimut tun­ngasut puigoruminaatsis­sin­naavai eq­qarsaatigeriataarlugil­lu. Taama pisoqar­pat mingut­tuumik iliorusulersin­naavutit, soorlu im­minut iner­til­lutit. Taamaat­tumik eq­qarsaatit taamaat­tut tak­kuteriataarsin­naanerat ilisimajuk, akior­nis­saan­nul­lu piareersimagit.

Guutip piumasaatut eq­qarsar­nis­sat ilior­nis­sal­lu aalajangiusimal­luin­naruk. Apustili Paulusi ilaaruk, taas­suma ‘timini peq­qar­niisaarfigalugu naalatsip­paa’. (1 Kor 9:27) Pileris­sutsinit mingut­tuunit aqun­neqaqinak. ‘Eq­qarsar­taatsivit nutaan­ngor­tin­neratigut al­lan­ngorit Guutip piumasaa ajun­ngitsoq naam­mal­luin­nar­torlu akuerisaalu paasil­luaq­qul­lugit.’ (Rom 12:2, NW) Eq­qaamajuk: Pileris­susipalaanit aqun­neqar­nak Guutip piumasaanut naaper­tuut­tumik eq­qarsaruit nalerisimaar­nerus­saatit.

Al­las­simaf­fiit aalajangersimasut alan­ngaar­niar­tak­kit. Taava eq­qarsaatipiluit tak­kuk­kaangata im­minut piumaf­figalutit al­las­simaf­fiit taak­ku eq­qarsaatigisak­kit. As­sersuutigalugu Jobi 31:1, Esaja 52:11, Mat­thæusi 5:28, Efesosimiut 5:3, Kolos­semiut 3:5 aam­ma Thes­salonikamiunut al­lak­kat siul­liit 4:5-8 iluaqutigalugit por­nografiimut tun­ngatil­lugu Jehovatut isigin­nit­taaseqarsin­naavutit taas­sumalu qanoq piumaf­figineraatit paasil­lugu.

Taavami ilaan­nik­kut kinguaas­siuutitigut kan­ngunar­tulior­nerit isigin­naar­nis­saat imaluun­niit eq­qarsaatiginis­saat akioruminaatsileruk­kit? Maligas­siuiser­put, Jiisusi, ilaaq­qis­saaruk. (1 Petr 2:21) Saatanip Jiisusi kuisereer­toq us­ser­niar­tuar­paa. Jiisusi qanoq ilior­pa? Akior­tuar­paa. Al­las­simaf­fiit arlal­lit atorlugit Saatanip us­siiniar­neri tamaasa itigar­tip­pai. Ima oqar­poq: “Nigorit, Saatani!” Saatanil­lu qimap­paa. Jiisusip pisimaneratut Diaavulu akior­tuaruk. (Matt 4:1-11) Saatanip silarsuaatalu kinguaas­siuutitigut as­suar­nar­tulior­ner­nik eq­qarsalersin­niar­tuas­savaatsit, tun­niutiin­naqinal­li. Por­nografiimut akiuun­nin­ni ajugaasin­naavutit. Jehovap ikiuineratigut akeq­qat ajugaaf­figisin­naavat.

Jehova ikioq­qul­lutit qin­nuigisaruk. Paulusi ima al­lap­poq: “[Kis­saatigisasi] qanoq it­tuk­kul­luun­niit Guutimut saq­qum­miut­tarsigit. ... Taava eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai Kristusi-Jiisusimi.” (Fil 4:6, 7) Eq­qis­sineq Guutimit pisoq iluaqutigalugu ajor­tuliorusun­nerit akiorsin­naavat. Jehova qanil­liguk­ku ‘taava taan­na ilin­nut qanil­lis­saaq’. – Jaak 4:8.

Navianaataasin­naasumut sumul­luun­niit il­lersuutigisin­naasar­put pitsaaner­paaq tas­saavoq qilam­mi nunamilu Qutsin­nerus­saar­tumut qanimut at­taveqar­neq. Saatani pil­lugu Jiisusi ima oqar­poq: “Silarsuup naalagaanera [aggiler­poq]; taas­sumalu uanga susin­naan­ngilaanga.” (Joh 14:30) Sooq Jiisusi qularani taama oqarsin­naava? Siusin­nerusuk­kut ima oqar­poq: ‘Uan­nik aal­lar­titsisup najor­paanga; kiser­ngorutitin­ngilaanga tamatigut iluarisaanik ilior­tarama.’ (Joh 8:29) Jehovap iluarisaatut ilioruit taas­suma qiman­navian­ngilaatit. Por­nografiimik napiaaniut ingalas­simajuk, taava Saatanip pisaris­san­ngilaatit.