1. Sooq malersugaanis­samut piareersar­tariaqar­pugut?

TOQUS­SI aqagut­toq Jiisusi oqar­poq im­minut ajoqersugan­ngor­toq kinaluun­niit uumis­sor­neqarumaar­toq. (Joh 17:14) Ul­loq man­na tikil­lugu kristumiut aalajaatsut pal­lorfigin­nin­nermik minguitsumik akerlilersuisunit malersugaasar­put. (2 Tim 3:12) Pis­sutsit aaq­qis­suus­saanerata matuma naggatis­saata qanil­liar­tor­til­lugu naatsorsuutigaar­put uatsin­nut akeraasut sak­kor­tunerusumik akerlilersuis­sasut. – Matt 24:9.

2-3. (a) Siooraneq pil­lugu suna ilisimasariaqar­par­put? (b) Al­laaserisami suut sam­mis­savavut?

² Malersugaanis­samut maan­na qanoq piareersarsin­naavugut? Ajor­tut nalaas­sin­naasat­ta suuneri isumakuluutigisariaqan­ngilavut. Taamaaliorut­ta imaas­sin­naavoq an­nilaanganermik soriarsin­naajun­naar­tugut suliluun­niil­lu ajor­nar­torsiuler­nata Jehova kif­far­torfigiun­naarlugu. (Uss 12:25; 17:22) ‘Akerar­tor­tit­ta Diaavulup’ siooraneq iluatsil­luar­tumik sak­korisar­paa. (1 Petr 5:8, 9) Malersugaanermi piner­tusaar­nis­samut qanoq maan­na piareersarsin­naavugut?

³ Jehovamut at­taveqar­nit­ta nakus­satsin­nis­saa taman­nalu maan­na iliuuseqarfiginis­saata pingaaruteqas­susia al­laaserisami sam­mineqas­saaq. Aam­ma qanoq sapiin­nerulersin­naal­luta eq­qar­tus­savar­put kiisalu inun­nit uumis­sor­neqar­nitsin­ni iliuuserisin­naasavut paasil­lugit.

4. Hebræerit 13:5, 6 naaper­torlugit suna up­peril­luin­nar­tariaqar­par­put, aam­ma sooq?

⁴ Jehovap asagaatit qiman­ngisaan­nas­sagaatil­lu up­peril­luin­naruk. (Hebræerit 13:5, 6 atuakkit). Ukior­pas­suit matuma  sior­na Vagttårnet-imi ima al­las­simasoqar­poq: “Guutimik ilisarisiman­nil­luar­tup malersor­neqaleruni Guuti tatigingaas­savaa.” Taman­na ilumuungaarami! Malersugaanermi piner­tusaarumal­luta Jehova asal­lugulu tatigil­luin­nar­tariaqar­par­put, uatsin­nik asan­nin­nera qularutigin­ngisaan­narlugu. – Matt 22:36-38; Jaak 5:11.

5. Jehovap asagaatit paasiumal­lugu susin­naavit?

⁵ Jehova­mut ajun­ngin­nerusumik at­taveqalerumal­lutit ul­lut tamaasa Biibili atuar­taruk. (Jaak 4:8) Atuar­nin­ni Jehovap pis­susii nuan­nersut maluginiar­tak­kit. Taas­suma asan­nin­nera oqaasiini iliuusaanilu qanoq erser­nersoq malugiuk. (2 Mos 34:6) Inuit ilaasa asan­nin­nermik ersersitsivigineqar­nikuun­ngin­namik Guutimit asaneqar­ner­tik im­maqa up­periuminaatsit­tar­paat. Taamatut misigiguit misilil­lugu Jehovap ilin­nik nal­lit­tuinerminik ajun­ngisaar­nerminil­lu qanoq ersersitsisimaneri ul­lut tamaasa al­lat­tor­tak­kit. (Tuss 78:38, 39; Rom 8:32) Misigisimasatit Guutil­lu oqaasiani atuarsimasatit eq­qarsaatigeq­qis­saar­til­lugit il­lit pil­lutit Jehovap iliuuserisimasar­pas­sui eq­qaas­sajun­narsivatit. Jehovap iliuuserisimasai qujamasuutigingaaruk­kit taas­sumun­nga at­taveqarluas­saatit. – Tuss 116:1, 2.

6. Tus­siaat 94:17-19 naaper­torlugit qaman­nga pisumik qinuneq qanoq iluaqutigisin­naaviuk?

⁶ Guutimut qinusarit. Nukap­piaran­nguaq ataataminit eqitaar­neqar­toq takorlooruk. Toq­qis­sisimangaarami ul­lormi misigisani ajun­ngitsut ajor­tul­lu ataataminut iser­tuarani oqalut­tuarai. Il­lit­taaq ul­lut tamaasa qaman­nga pisumik Jehovamut qinusaruit taas­sumun­nga qanimut at­taveqalersin­naavutit. (Tussiaat 94:17-19 atuakkit). Jehovamut qinunin­ni “uum­mam­miugisatit aniatik­kit imer­tut” er­numas­sutigisatil­lu tamaasa Ataatan­nut asan­nit­tumut oqalut­tuaralugit. (Upp 2:19) Qanoq kinguneqas­sava? ‘Taava eq­qis­sineq Guutimit pisoq siuneqas­suser­nit tamanit an­nerungaar­toq’ misigis­savat. (Fil 4:6, 7) Taamatut qinusar­neruler­til­lutit Jehovamut qanin­nerusutut misigilis­saatit. – Rom 8:38, 39.

7. Guutip neriorsuutaasa eq­quuk­kumaar­nerat sooq up­peril­luin­nar­tariaqar­piuk?

⁷ Guutip naalagaaf­fiata pil­luaq­qus­sutisias­sar­taasa eq­quuk­kumaar­nerat up­peril­luin­naruk. (4 Mos 23:19) Guutip neriorsuutaasa eq­quuk­kumaar­nerat qulariguk­ku Saatanip taas­suman­ngalu aqun­neqar­tut siooralerseriaan­naas­savaatsit. (Uss 24:10; Hebr 2:15) Guutip naalagaaf­fianik tatigin­nin­nerit qanoq nakus­satsis­sin­naaviuk? Guutip naalagaaf­fim­minik neriorsuutai misis­sor­tak­kit. Aam­ma sooq eq­quuk­kumaar­nerat up­perisin­naanerlugu paasiniar­taruk. Qanoq iluaqutaasin­naava? Stanley Jonesip, up­per­nini pil­lugu ukiuni arfineq-marlun­ni par­naarus­saasimasup, misigisaa eq­qarsaatigiuk. * Sooq aalajaal­luni  piner­tusaarsin­naasimava? Ima oqar­poq: “Guutip naalagaaf­fia tamatumalu naam­mas­sisas­sai ilisimagak­kit qular­nanga up­perluar­punga. Taamaat­tumik Jehovamut aalajaan­nera kial­luun­niit kipitis­sin­naan­ngilaa.” Guutip neriorsuutai up­peril­luin­naruk­kit Jehovamut qanin­nerulis­saatit siooranerlu taas­sumun­nga kif­far­torun­naas­sutiginagu. – Uss 3:25, 26.

8. Ataatsimiin­ner­nik pingaar­titsiner­put sumik ersersitsiva? Nas­suiaruk.

⁸ Ataatsimiin­nerit najuuf­figiuak­kit. Ataatsimiin­nerit iluaqutigalugit Jehovamut qanin­neruler­tar­pugut. Ataatsimiigiar­tar­nitsin­nik pingaar­titsiner­put siunis­sami malersugaalerut­ta qanoq piner­tusaar­tiginis­satsin­nik ersersitsivoq. (Hebr 10:24, 25) Qanoq? Suminin­nguit pis­sutigalugit maan­na ataatsimiigian­ngitsoor­tarut­ta siunis­sami navianar­torsioraluarluta qatan­ngutivut naapeqatigeriaan­naas­savavut? Maan­nali ataatsimiigiar­tar­nis­sar­put aalajangiusimal­luin­narutsigu akerlilersuisunit unitsin­niar­neqaraluarut­taluun­niit ataatsimiigiar­tar­nis­sar­put aalajangiusimal­luin­nas­savar­put. Ataatsimiin­nit­ta pingaar­tin­nis­saat maan­na ineriar­tor­tit­tariaqar­par­put. Taava qanorluun­niit akerlilersor­neqaraluarut­ta, al­laat ataatsimiin­nivut oqar­tus­saasunit iner­teq­qutaaleraluar­pata, Guuti inun­nit naalak­kusun­nerus­savar­put. – ApS 5:29.

9. Sooq al­las­simaf­fin­nik alan­ngaarsin­naaneq malersugaanis­samut piareersaataal­luar­pa?

⁹ Allas­simaf­fiit nuan­nariner­paasatit alan­ngaar­talik­kit. (Matt 13:52) Eq­qaamal­laq­qin­ngik­kaluaruil­luun­niit Jehovap anersaani il­ler­nar­toq sun­niisin­naas­suseqar­toq atorlugu al­las­simaf­fin­nik eq­qaasis­sin­naavaatit. (Joh 14:26) Qatan­ngutip angutip Tysklandimi Kangil­lermi par­naarus­sivim­mi im­mik­koor­tin­neqar­tup oqaasii maluginiak­kit: “Al­las­simaf­fiit hundredil­lit alan­ngaarsin­naalersimagak­kit qujamasoqaanga! Kisimiik­kaluarlunga Biibilimi sam­misat as­sigiin­ngitsut eq­qarsaatigeq­qis­saarsin­naavak­ka.” Al­las­simaf­fiit taak­ku iluaqutigalugit qatan­nguter­put Jehovamut qanimut at­taveqar­tuarsin­naal­lunilu piner­tusaar­tuarsin­naavoq.

10. Sooq erinarsuutit alan­ngaarsin­naasariaqar­pavut?

¹⁰ Erinar­suutit Jehova­mik un­ner­siutigin­nis­sutit alan­ngaar­taler­lugil­lu erinar­sor­tak­kit. Filip­pimi par­naarus­saaq­qatil­lutik Paulusi Silasilu Jehova un­nersiutigiumal­lugu alan­ngaarsin­naasatik erinarsor­paat. (ApS 16:25) Aam­ma Sovjetunionimi qatan­ngutivut Siberiamut nuutsitaagamik qanoq nakus­satseqatigiip­pat?  Qatan­ngut Marija Fedun ima oqalut­tuar­poq: “Erinarsuutitsin­ni alan­ngaarsin­naasavut tamaasa erinarsor­tar­pavut.” Oqar­poq taamaalior­tar­nermik­kut kaam­mat­toqatigiil­lutil­lu Jehovamut qanin­nerusutut misigiler­tar­tut. Erinarsuutit Jehovamut un­nersiutigin­nis­sutit nuan­nariner­paasatit erinarsoraangak­kit aam­ma il­lit nakus­satsit­tar­pit? Taamaap­pat erinarsuutit taak­ku alan­ngaar­talik­kit! – Ungalusaq “ Sapiil­lisin­nga” takuuk.

11-12. (a) Samuelimik al­lak­kat siul­liit 17:37, 45-47 naaper­torlugit sooq Daavi sapiis­suseqar­pa? (b) Daavip misigisaanit suna pingaarutilik ilik­kar­par­put?

¹¹ Malersugaanermi sapiis­suseqar­tariaqar­putit. Taman­nali ajor­nar­tik­kuk­ku qanoq iliorsin­naavit? Eq­qaamajuk ilumoor­tumik sapiis­suseqar­neq angis­sutsin­nut, nukin­nut pigin­naasan­nul­lu tun­ngas­suteqan­ngim­mat. Daavip inuusut­tuul­luni Goliatimik unam­mil­ler­nera eq­qarsaatigiuk. Inorujus­suarmut sanil­liul­lugu Daavi mikivoq, nakuip­poq akiuun­nis­saminul­lu sak­koqar­piarani. Al­laam­mi panaqan­ngilaq! Taamaat­torli sapiis­suseqangaar­poq. Daavip sapiil­luni inorujus­suaq makitasooq taan­na ar­pal­luni akioriar­tor­paa.

¹² Sooq Daavi taama sapiitsigisin­naava? Up­peril­luin­naramiuk Jehovap najoraani. (1 Samueli 17:37, 45-47 atuakkit). Daavip im­minut sanil­liul­luni Goliatip anginerungaar­nera eq­qarsaatigin­ngilaa, Goliatil­li Jehovamut sanil­liul­lugu qanoq mikitiginera eq­qarsaatigaa. Taman­na qanoq ilin­niarfigisin­naavar­put? Uagut­taaq up­peril­luin­narutsigu Jehovamit najor­neqarluta akerlilersuisul­lu Guutimut Ajugaqan­ngitsumut sanil­liul­lugit qanoq suun­ngitsiginersut eq­qarsaatigigutsigu sapiis­suseqarsin­naavugut. (2 Nal 20:15; Tuss 16:8) Maan­nali, malersugaanis­saq nal­ler­tin­nagu, qanoq sapiin­nerulersin­naavugut?

13. Qanoq sapiin­nerulersin­naavugut? Nas­suiaruk.

¹³ Guutip naalagaaf­fia pil­lugu nutaarsias­sap nuan­nersup inun­nut oqaluus­sis­sutigineratigut maan­na sapiin­nerulersin­naavugut. Sooq? Oqaluus­sinik­kut Jehovap tatiginis­saa aam­ma inun­nik qunugisaqan­ngin­nis­saq ilin­niar­taratsigit. (Uss 29:25) Soorlu timersoraangat­ta nukit­tuneruler­tar­tugut, taamatut­taaq il­lumiit il­lumut, tamanut, torrutiin­narlugu aam­ma sulif­feqarfin­ni oqaluus­sigaangat­ta sapiin­neruler­tar­pugut. Maan­na oqaluus­sinis­samut sapiis­suseqar­nerugut­ta suliar­put oqar­tus­saasunit iner­teq­qutaaleraluar­pal­luun­niit oqaluus­siuar­nis­samut piareersimas­saagut. – 1 Th 2:1, 2.

14-15. Nancy Yuen aam­ma Valentina Gar­novskaja qanoq ilin­niarfigaavut?

 ¹⁴ Qatan­ngutit ar­nat marluk aalajaatsut sapiis­suseqangaar­nerat ilin­niarfigil­luarsin­naavar­put. Nancy Yuen ar­naaran­nguugaluarluni 1,5 meterimik angitigisoq qunuler­titas­saan­ngilaq. * Guutip naalagaaf­fianik nutaarsias­saq nuan­nersoq pil­lugu oqaluus­siun­naarusun­ngilaq. Tamatuma kingunerisaanik ukiut 20-t sin­nerlugit Kinami par­naarus­saavoq. Oqar­tus­saasut kil­lisiuisut Nancy Yuen pil­lugu oqar­put taan­na nunamin­ni “uteriin­ner­paasoq”!

¹⁵ Aam­ma Valentina Gar­novskaja Ruslandimi pingasoriarluni, katil­lugit ukiuni 21-ni, par­naarus­saasimavoq. * Sooq? Oqaluus­siuar­nis­sani ima aalajangiusimatigaa al­laat “pinerlut­tutut navianar­torujus­suar­tut” naliler­neqarluni. Ar­nat taak­ku aalajaatsut sooq taama sapiitsigisin­naap­pat? Up­peril­luin­naramik­ku Jehovamit najor­neqarlutik.

16. Suna ilumoor­tumik sapiis­suseqalis­sutigaar­put?

¹⁶ Soorlu eq­qar­toreerip­put sapiis­suseqar­nerulerumal­luta nam­mineq nukivut pigin­naasavul­lu tutsuigisus­saan­ngilavut. Up­perisariaqar­par­put Jehovap najoraatigut taan­nalu uagut pil­luta sorsut­toq. (5 Mos 1:29, 30; Zak 4:6) Taman­na ilumoor­tumik sapiis­suseqalis­sutigaar­put.

17-18. Johan­nesi 15:18, 20, 21-milu al­las­simaneratut Jiisusi qanoq mianersoq­qusiva? Nas­suiaruk.

¹⁷ Al­lanit iluarineqar­ner­put nuan­narisar­par­put, inuil­li nuan­narin­ngip­patigut eq­qarsas­san­ngilagut naleqarata. Jiisusi ima oqar­poq: “Pil­luar­pusi inuit Inuup Er­nera pil­lugu uumis­sor­pasi, ajat­tor­pasi asis­sorlusilu atersilu sutut ajor­tutut maajugalugu.” (Luk 6:22) Sunaana Jiisusip pigaa?

¹⁸ Kristumiut uumis­sor­neqar­nis­sar­tik nuan­naris­sagaat Jiisusip pin­ngilaa. Piviusorsiorlunili qanoq pisoqarumaar­neranik mianersoq­qusivoq:  Silarsuarmi ilaan­ngin­nat­ta, Jiisusip ajoqersuus­sutigisai maleruaratsigit aam­ma tusarlius­saa oqaluus­sis­sutigigatsigu silarsuarmit uumis­sor­neqarumaar­pugut. (Johannesi 15:18, 20, 21 atuakkit). Jehova nuan­naar­tik­kusup­par­put, Ataatatsin­nil­lu asan­nin­ner­put pis­sutigalugu inun­nit uumis­sor­neqar­ner­put uagut ajor­nar­torsiutigin­ngilar­put.

19. Apustilit qanoq ilaarsin­naavavut?

¹⁹ Inuin­naat oqaasii iliuusiilu piin­narlugit Jehovamik Nalunaajaasuunerit kan­ngusuutigin­ngisaan­naruk. (Mika 4:5) Jiisusip toqunerata kingunin­ngua apustilit Jerusalemimi maligas­siuinerat eq­qarsaatigigutsigu inun­nik qunugisaqar­ner­put qaangeruminar­nerulis­saaq. Taak­kua nalun­ngilaat juutinit up­perisarsior­nik­kut siut­tuusunit uumis­sor­neqarlutik. (ApS 5:17, 18, 27, 28) Ul­lul­li tamaasa oqaluus­sinermik­kut ersersit­tar­paat Jiisusimut ajoqersugaal­lutik. (ApS 5:42) Siooraneq unis­sutigin­ngilaat. Uagut­taaq sulif­fitsin­ni, atuarfitsin­ni najugaqarfitsin­nilu Jehovamik Nalunaajaasuunitsin­nik ilisimatitsisar­nik­kut inun­nik qunugisaqar­ner­put qaangersin­naavar­put. – ApS 4:29; Rom 1:16.

20. Apustilit uumis­sor­neqaraluarlutik sooq pil­luar­pat?

²⁰ Sooq apustilit pil­luarsin­naap­pat? Nalun­ngin­namik­ku sooq uumis­sor­neqarlutik aam­ma Jehovap piumasaanik ilior­ner­tik pis­sutigalugu ajor­tumik pineqar­ner­tik ataq­qinaatitut isigigamik­ku. (Luk 6:23; ApS 5:41) Apustili Petrusi ima al­lap­poq: ‘Iluar­neq [Naaper­tuil­luar­neq, NW] pis­sutigalugu atugarlior­titaas­sagaluarus­si pil­luar­pusi.’ (1 Petr 2:19-21; 3:14) Eq­qaamagutsigu ajun­ngitsulior­ner­put pis­sutigalugu uumis­sor­neqarluta taman­na Jehovamut kif­far­torun­naas­sutigis­san­ngilar­put.

21-22. (a) Malersugaanis­samut qanoq piareersarusup­pit? (b) Al­laaserisap tul­liani suut sam­mis­savavut?

²¹ Qaqugu malersugaalis­sanerluta imaluun­niit Jehovamik kif­far­tor­ner­put oqar­tus­saasunit qaqugu iner­teq­qutaalis­sanersoq naluar­put. Nalun­ngilar­pul­li maan­na Jehovamut at­taveqar­nit­ta nakus­satsin­neratigut, sapiin­neruler­nik­kut inun­nil­lu uumis­sor­neqar­nermi iliuuserisin­naasat­ta ilin­niar­nerisigut piareersarsin­naasugut. Taamaalior­neq siunis­sami aalajaat­tuar­nis­samut iluaqutigis­savar­put.

²² Suliar­pum­mi oqar­tus­saasunit iner­teq­qutigineqaler­pat? Iner­teq­quteqar­nermi Jehovamut kif­far­tor­tuar­nis­samut Biibilimi najoq­qutas­siat iluaqutigisin­naasavut al­laaserisap tul­liani sam­mis­savavut.