ATUAQQISSAAGASSAQ 28
Suliatta inerteqqutaanerani Jehova kiffartorfigiuaruk
“Eqqartunngitsoorsinnaanngilavut takusimasavut tusarsimasavullu.” – APS 4:19, 20.
ERINARSUUT 126 Eqqumasa
QILANAARTUUT *
1-2. (a) Jehovamik pallorfiginninnerput oqartussaasunit inerteqqutaalissappat sooq tupaallassanngilagut? (b) Allaaserisami suut sammissavavut?
2018-IMI oqaluussisartut 223.000-nit amerlanerusut nunani suliatsinnik inerteqqutaaffiusuni killilersugaaffiusuniluunniit najugaqarput. Tamanna tupaallannanngilaq. Soorlu allaaserisap siuliani sammigipput kristumiut ilumoortut malersugaasussaapput. (2 Tim 3:12) Sumiikkaluaruttaluunniit oqartussaasut Jehovamik, Guutitsinnik asannittumik, pallorfiginninnerput inerteqqutigileriataarsinnaavaat.
2 Illit najugaqarfigisanni oqartussaasut Jehovamik pallorfiginninneq inerteqqutigilissappassuk immaqa eqqarsarsinnaavutit: ‘Guutimit iluarisaajunnaaratta malersugaalerpugut? Suliarput inerteqqutaalermat Guutimut kiffartorunnaassaagut? Nunamut inerteqqutaaffiunngitsumut nuussaanga?’ Apeqqutit taakku allaaserisami sammissavavut. Aamma suliarput inerteqqutaaleraluarpat Jehova qanoq kiffartorfigiuarsinnaagipput suullu mianersuutigisariaqarivut sammineqassapput.
GUUTIMIT ILUARISAAJUNNAARATTA MALERSUGAALERPUGUT?
3. Korinthimiunut allakkat aappaat 11:23-27 naapertorlugit apustili Paulusi qanoq malersugaava, misigisaanillu suna paasivarput?
3 Pallorfiginninnerput oqartussaasunit inerteqqutigineqalerpat kukkusumik isummersinnaavugut Guutip iluariunnaarsimagaatigut. Eqqaamassavarpulli malersugaaneq isumaqanngimmat Jehovap soqutiginngikkaatigut. Apustili Paulusi eqqarsaatigiuk. Guutimit iluarineqarnera qularnanngilaq. Allagai 14-it Kristumiut Allagaataannut Grækerisuunut ilanngunneqarnerat 2 Korinthimiut 11:23-27 atuakkit). Paulusip misigisaanit paasivarput Jehovap kiffani aalajaatsut malersugaanissaat akuerisaraa.
immikkut pisinnaatitaaffigaa. Aamma Guutimik nalusunut apustiliuvoq. Taamaattorli ingasattumik malersugaavoq. (4. Sooq silarsuarmit uumissorneqarpugut?
4 Jiisusip nassuiarpaa sooq malersugaajumaartugut. Oqarpoq silarsuarmut ilaannginnatta uumissorneqarumaartugut. (Joh 15:18, 19) Malersugaanerput Jehovamit iluarisaajunnaarnitsinnik ersiutaanngilaq, eqqortumilli iliornitsinnik ersiutaavoq.
SULIARPUT INERTEQQUTAALERPAT GUUTIMUT KIFFARTORUNNAASSAAGUT?
5. Jehovamik pallorfiginninnerput inunnit unitsinneqarsinnaava? Nassuiaruk.
5 Inuit akerlilersuisut Jehovamik Ajugaqanngitsumik pallorfiginninnerput unitsivissinnaanngilaat. Amerlasuut misiliinikuupput, iluatsinnatilli. Sorsunnersuarmi kingullermi pisut eqqarsaatigikkit. Guutip innuttai nunani amerlasuuni sakkortuumik malersorneqarput. Jehovap Nalunaajaasuisa suliaat Tysklandimi nazistinit aamma Australiami, Canadami nunanilu allani oqartussaasunit inerteqqutigineqarpoq. Qanorli pisoqarpa? 1939-mi sorsunnersuaq aallartimmat nunarsuaq tamakkerlugu oqaluussisartut 72.475-iupput. 1945-mili sorsunnersuup naalernerani oqaluussisartut 156.299-iupput. Jehovap pilluaqqusineratigut oqaluussisartut marloriaat sinnerlugu amerlisimapput!
6. Akerlilersorneqarnerput siooralissutiginagu qanoq sunniuteqarluarsinnaava? Assersuuteqarit.
6 Akerlilersorneqarnerput siooralissutiginagu Jehovamut kiffartornissamut aalajangiusimanerulissutigisinnaavarput. Assersuuteqariarta. Aappariit nukangasumik ernillit suliatsinnik inerteqqutaaffiulersumi najugaqarput. Siooranertik aporfiginagu aalajangerput pionerinngorniarlutik. Allaat nuliaasoq akissarsiagissaaraluarluni suliffimminit soraarpoq. Uiusoq oqaluttuarpoq suliatsinnik inerteqqutiginninneq soqutiginninnerulersitsiinnartoq. Tamatuma kingunerisaanik misigivoq Biibilimik atuaqqissaaqatitaarnissaq ajornannginnerulersoq. Suliatta inerteqqutaalernera aamma allanut sunniuteqarluarpoq. Utoqqaanertaq nunami tassaniittoq oqarpoq amerlasuut Jehovamik pallorfiginninnerminni unittoorsimasut ataatsimiigiaqqittalerlutillu oqaluusseqqittalersut.
7. (a) Mosesimik allakkat pingajui 26:36, 37-milu suna ilikkarparput? (b) Suliarput inerteqqutaalerpat qanoq iliussavit?
Mosesimik allakkat pingajui 26:36, 37-milu allaatigineqartut assigerusunngilavut. (Atuakkit). Siooraneq pissutigalugu Jehovamut kiffartornerput annikillisinnagulu unitsikkusunngilarput. Jehova tatigilluinnaratsigu paatsiveerunnavianngilagut. (Es 28:16) Qinunikkut Jehovamut siulersoqqusarpugut. Nalunngilarput Guuti tapersersortigigatsigu nunarsuarmi oqartussaasuni pissaaneqarnerpaalluunniit aalajaalluta pallorfiginninnitsinnik unitsitsinavianngitsut. – Hebr 13:6.
7 Akerlilersuisut pallorfiginninnitta inerteqqutigilerneratigut kissaatigisarpaat siooranermik Jehova kiffartorfigiunnaassagipput. Suliarput inerteqqutigiinnarnagu sallunik siammarterisinnaapput. Aamma oqartussaasut angerlarsimaffitsinnut ujajaajartortitsisinnaapput, eqqartuussivikkut suliassanngortilluta allaallu ilavut parnaarullugit. Ikittunnguit parnaarunnerisigut tamatta siooranermik soriarsinnaajunnaarnissarput neriuutigaat. Tamakku siooralissutigigutsigit Jehovamut kiffartornerput uagut nammineq “inerteqqutaalersittoorsinnaavarput”.NUNAMUT ALLAMUT NUUSSAANGA?
8-9. (a) Kristumiu nammineq imaluunniit ilaqutariinni ittuusoq qanoq aalajangiisariaqarpa? (b) Qanoq silatusaartumik aalajangiisinnaavugut?
8 Illit nunagisanni suliarput inerteqqutigineqalissappat eqqarsaatigissagunarpat nunamut allamut inerteqqutaaffiunngitsumut nuussanerlutit. Tamanna nammineq aalajangertussaavat – allat aalajangiissussinnaanngilaatsit. Ilaasa aalajangiinnginnerminni kristumiut siulliit malersugaanerat pillugu atuaqqissaarnertik iluaqutigissavaat. Stefanusip akerlilersuisunit ujaqqanik milloorneqarluni toqutaanerata kingorna Jerusalemimi ajoqersukkat Judæamut Samariamullu, ilaallu allaat Fønikiamut, Cypernimut Antiokiamullu, siammarterput. (Matt 10:23; ApS 8:1; 11:19) Atuaqqissaarnerminni allat maluginiassagunarpaat piffissami allami kristumiut siulliit malersugaaqqilermata apustili Paulusi qanoq iliorsimasoq. Taanna oqaluussinermik akerlilersorfiusunit nuunniarnani aalajangerpoq. Navianartorsioraluarluni nutaarsiassaq nuannersoq oqaluussissutigaa qatanngutillu illoqarfinni sakkortuumik malersugaaffiusuniittut nakussatsillugit. – ApS 14:19-23.
9 Taakkunannga suna ilikkarparput? Ilaqutariinni ittuusoq ilaquttanilu nuussanerlutik aalajangiisariaqarpoq. Aalajangiinnginnermini qinunikkut eqqarsaatigeqqissaartariaqarpaa nuunnertik ilaquttaminut ajunngitsumik ajortumillu qanoq sunniuteqassanersoq. Tamatumunnga tunngatillugu kristumiup kialuunniit “nammagassani nammineq nammassavaa”. (Gal 6:5) Allat aalajangiinerat pillugu eqqartuutissanngilavut.
SULIATTA INERTEQQUTAANERANI QANOQ KIFFARTUSSAAGUT?
10. Immikkoortortaqarfik utoqqaanertallu qanoq siulersuissappat?
10 Suliatta inerteqqutaanerani Jehova qanoq kiffartorfigiuarsinnaaviuk? Ilagiinni ilaaffigisanni utoqqaanertat immikkoortortaqarfimminngaanniit qanoq anersaakkut inuussutissatsinnik pisarnissamut, qanoq ataatsimiittarnissamut qanorlu oqaluussisarnissamut tunngatillugu ilitsersorneqarlutillu siunnersorneqassapput. Immikkoortortaqarfimmiit attavigineqarsinnaanngikkunik illit ilagiinniittullu allat Jehovamik pallorfiginnittuarniassagassi utoqqaanertat ikiorumaarpaasi. Biibili Biibililersaarutillu najoqqutaralugit siulersussavaasi. – Matt 28:19, 20; ApS 5:29; Hebr 10:24, 25.
11. Anersaakkut inuussutissaqartuarnissat sooq qularutiginngiliuk, taakkulu annaajumanagit qanoq iliuuseqarsinnaavit?
Es 65:13, 14; Luk 12:42-44) Taamaattumik qularinngissinnaavat illit aalajaattuarniassagavit anersaakkut ittunik pisariaqartitannik taassuma peqatigiissortaanit isumagineqarumaarlutit. Namminerli aamma iliuuseqarsinnaavutit. Suliamik inerteqqutaaffiusumi inuuguit Biibili Biibililersaarutillu toqqorfissarsikkit. Naqitigaagaluarpata elektroniskiugaluarpataluunniit nassaarineqariaannaasumut inissinnissaat mianersuutigiuk. Tamatta anersaakkut nukittuujuaqqulluta iliuuseqartariaqarpugut.
11 Jehova neriorsuisimavoq kiffani anersaakkut naammattunik inuussutissaqarumaartut. (Jehova ikiortigalugu siooranata ataatsimiissinnaavugut (Immikkoortoq 12 takuuk) *
12. Akerlilersuisunut saqquminngitsumik ataatsimiittarnissamik utoqqaanertat qanoq aaqqissuussissappat?
12 Ataatsimiittarnivummi? Akerlilersuisunut saqquminngitsumik ataatsimiittarnissamik utoqqaanertat aaqqissuussissapput. Imaassinnaavoq ikittunnguakkuutaarluta katersuutsittassagaatigut. Aamma qaqugu sumilu ataatsimiittassasugut allanngorartissinnaavaat. Ataatsimiigiaraangavit ataatsimeereeraangavillu nipaatsumik oqalukkuit qatanngutitit navianartorsiortissanngilatit. Aamma imaassinnaavoq ulluinnarsiutaasunik atisaqartariaqartutit.
Suliarput inerteqqutaaleraluarpat oqaluussiuassaagut (Immikkoortoq 13 takuuk) *
13. Sovjetunioniusimasumi qatanngutivut qanoq ilinniarfigisinnaavavut?
13 Oqaluussinermut tunngatillugu pissutsit sumiiffimmiit sumiiffimmut assigiinngillat. Jehovali asavarput naalagaaffialu pillugu tusarliisarnerput nuannaralugu, taamaattumik oqaluussinissamut periarfissarsiortarumaarpugut. (Luk 8:1; ApS 4:29) Sovjetunioniusimasumi Jehovap Nalunaajaasuisa oqaluussisarnerat pillugu Emily B. Baran, oqaluttuarisaanermik ilisimatooq, ima allappoq: “Nalunaajaasut pisortatigut oqaluusseqqusaajunnaaramik eqqaamiutik, suleqatitik ikinngutitillu oqaloqatigisarpaat. Tamanna pillugu pillakkatut sulisitsivimmukaanneqaraangamik parnaarussaaqatitik oqaluussiffigisarpaat.” Suliarput inerteqqutaagaluartoq qatanngutivut Sovjetunioniusimasumi oqaluussiunnaarusunngillat. Qanortoq uaguttaaq najugaqarfigisatsinni suliarput inerteqqutaalissappat taama aalajangiusimalluinnarisa!
MIANERSUUTASSAT
Qaqugukkut nipangersimasassanerluta ilisimasariaqarparput (Immikkoortoq 14 takuuk) *
14. Tussiaat 39:2-mi qanoq mianersoqquneqarpugut?
14 Allanut suut oqaluttuarinerlugit mianersuutigiuk. Suliatta inerteqqutaanerani ilisimasariaqarparput qaqugukkut ‘nipangersimaffissaqarnersoq’. (Oqal 3:7) Paasissutissat isertuussassat, soorlu qatanngutitta aqqi, sumi ataatsimiittarnersugut aamma oqaluussineq qanoq ingerlanneqartarnersoq, mianersuutigisariaqarpavut. Tamakku oqartussaasunut ingerlateqqikkusunngilavut. Aamma ikinngutitsinnut ilaquttatsinnullu, nunami allami najugaqaraluarpataluunniit, ingerlateqqikkusunngilavut. Mianersunngikkuttami qatanngutivut navianartorsiortissavavut. – Tussiaat 39:2 atuaruk.
15. Saatani suniarsarissava, qanorlu mianersorsinnaavugut?
15 Annikitsunnguit avissaartuussutaatinnaveersaakkit. Saatanip nalunngilaa ilaqutariit imminnut akerlilersortut atasinnaanngitsut. (Mark 3:24, 25) Uatsinnik avissaartuutsitsiniartuassaaq, neriulluni taanna akiornagu immitsinnut akiulissasugut.
16. Gertrud Pötzinger qanoq maligassiuiva?
16 Allaat anersaakkut inersimalluartut avissaartuunnissaq mianersuutigisariaqarpaat. Qatanngutit arnat tanitat marluk, Gertrud Pötzingerip aamma Elfriede Löhrip, misigisaat eqqarsaatigikkit. Kristumioqatitillu arnat allat nazistinit tigusanut inissiarsuarmi parnaarussaapput. Elfriedep taakkununnga qiimmassaataasumik oqalugiartarnera pissutigalugu Gertrud sinngalerpoq. Kingorna Gertrud ilerasulluni Jehovamut ikioqqulluni kimigiiserpoq. Ima allappoq: “Allat piginnaasaqarnerunerat akisussaaffeqarnerunerallu akuerisinnaasariaqarparput.” Sinnganini qanoq qaangerpaa? Elfriedep pissusii nuannersut ilakkuminartuuneralu Gertrudip eqqarsaatigineruleramigit Elfriedemut ajunngitsumik attaveqaqqilerpoq. Marluullutik tigusanut inissiarsuarmiinnertik anigorpaat nunarsuarmilu inuunertik naallugu Jehovamut aalajaallutik kiffartorlutik. Qatanngutivullu akornatsinni ajornartorsiutivut ilungersorluta qaangerniarsarigutsigit avissaartuutissanngilagut. – Kol 3:13, 14.
17. Sooq mianersuaalliussanngilagut?
17 Mianersuaallioqinak. Qatanngutit akisussaaffillit siulersuinerat maleruaraangatsigit ajornartorsiutit pinngitsoortittarpavut. (1 Petr 5:5) Assersuutigalugu nunami suliatsinnik inerteqquteqarfiusumi qatanngutit akisussaatitaasut peqqusipput oqaluussisartut oqaluussinerminni Biibililersaarutinik agguaassissanngitsut. Taamaattorli qatanngut angut pioneriusoq naalannani agguaassivoq. Qanoq kinguneqarpa? Allallu oqaluussereernermik kinguninngua politiinit apersorneqarput. Oqartussaasut ilaannit nakkutigineqarsimapput taakkulu Biibililersaarutinik agguaassimasaannik arsaarinnissimallutik. Tamanna qanoq ilinniutigaarput? Isumaqataanngikkaluaruttaluunniit ilitsersuutit maleruartariaqarpavut. Jehovap angutit siulersuisussatut toqqarsimasaasa suleqatigineri pilluaqqusaanermik kinguneqartuaannarpoq. – Hebr 13:7, 17.
18. Sooq pisariaqanngitsumik malittarisassiussanngilagut?
18 Pisariaqanngitsumik malittarisassioqinak. Utoqqaanertat pisariaqanngitsumik malittarisassiorpata allanut nanertuutaaginnassaaq. Tjekkoslovakiaasimasumi suliatsinnik inerteqquteqartillugu qatanngut angut, Juraj Kaminský, pisimasunik misigisalikkersaarpoq: “Utoqqaanertat amerlasuut parnaarussaammata ilagiinni ilageeqatigiinnilu siuttut kinguleruttut oqaluussisartunut qanoq iliornissaannik qanorlu iliunnginnissaannik malittarisassiorput.” Qatanngutitsinnut malittarisassiornissamut Jehovap pisinnaatinngilaatigut. Pisariaqanngitsumik malittarisassiortup qatanngutini illersunngilai – uppernerannulli naalagaaniarsarivoq. –JEHOVA KIFFARTORFIGIUARUK
19. Nalunaarsuutit aappaat 32:7, 8 naapertorlugit Saatani ilungersoraluartoq sooq sapiissuseqarsinnaavugut?
19 Uagutsinnut akeraanerpaasup, Saatanip Diaavulup, Jehovap kiffaanik aalajaatsunik malersuinini unitsinnavianngilaa. (1 Petr 5:8; Saqq 2:10) Saatanip taassumanngalu aqunneqartut Jehovamik kiffartornerput inerteqqutaalersinniassavaat. Siooraleraluaruttaluunniilli Jehova kiffartorfigiunnaarnavianngilarput! (5 Mos 7:21) Jehovap najorpaatigut, allaat suliatta inerteqqutaanerani tapersersortuarumaarpaatigut. – 2 Nalunaarsuutit 32:7, 8 atuakkit.
20. Suna aalajangiusimalluinnarpiuk?
20 Kristumiut siulliit ilaarlugit tamatta aalajangiusimannilluinnarisa! Taakkumi naliminni naalakkersuisunut ima oqarput: “Nammineq aalajangersiuk Guutimut eqqortuliornerunersoq ilissi taassumannga annerusumik naalanneqassagussi; uagulli eqqartunngitsoorsinnaanngilavut takusimasavut tusarsimasavullu.” – ApS 4:19, 20.
ERINARSUUT 73 Nakimaassuseqalersitsigut
^ imm. 5 Jehovamik pallorfiginninnerput oqartussaasunit inerteqqutaaleraluarpat sussaagut? Guuti kiffartorfigiuarumallugu iliuuserisinnaasatsinnik mianersuutigisassatsinnillu allaaserisami siunnersuuteqarpoq.
^ imm. 59 ASSIMI MALUGISASSAT: Assit tamarmik Nalunaajaasunik nunani suliatsinnik killilersugaaffiusuniittunik ersersitsipput. Assimi matumani qatanngutit ikittunnguullutik qatanngutip pissamaasiviani ataatsimiipput.
^ imm. 61 ASSIMI MALUGISASSAT: Qatanngut arnaq (saamerleq) arnamik oqaloqateqarnermini anersaakkut ittunik eqqartuinissaminut periarfissarsiortoq.
^ imm. 63 ASSIMI MALUGISASSAT: Qatanngut angut politiinit killisiorneqartoq ilagiinnut tunngasunik oqaluttuarusunngitsoq.