ALATIKE AKO 28
Tou Haga Tauhi Kia Sehova Moka Tapuʼi Tatatou Tauhi
“ ʼE mole feala ke ma tuku tamā palalau ki te ʼu meʼa ʼae neʼe ma sisio mo logo ki ai.”—GAUE 4:19, 20.
KATIKO 122 Tou Lotomalohi Mo Faʼa Kataki
TE ʼU MANATU FAKANOUNOU *
1-2. (1) He koʼe ʼe mole tonu ke tou punamaʼuli moka tapuʼi tatatou tauhi e te ʼu puleʼaga? (2) Kotea ʼae ka tou vakaʼi ʼi te alatike ʼaeni?
ʼI TE taʼu 2018, neʼe ko te toko 223 000 tupu kau Fakamoʼoni ʼa Sehova neʼe maʼuʼuli ʼi te ʼu fenua neʼe tapuʼi ai tatatou tauhi pea mo te faifakamafola. Kae ʼe mole tou punamaʼuli ki te faʼahi ʼaia. Ohage ko tatatou vakaʼi ʼi te alatike kua hili, neʼe iloʼi e te kau Kilisitiano moʼoni ʼe fakatagaʼi anai natou. (2 Tim. 3:12) Tatau aipe te fenua ʼae ʼe tou maʼuʼuli ai, ʼe feala pe ʼi he temi ke tapuʼi e te ʼu puleʼaga te tauhi ʼae ki totatou ʼAtua ʼofa ko Sehova.
2 Ka fakatotonu e te puleʼaga ʼo te fenua ʼae ʼe tou nonofo ai ke ina tapuʼi tatatou tauhi kia Sehova, ʼe feala pe ke tou fai te ʼu fehuʼi ʼaeni: ‘Ka fakatagaʼi anai tatou, ʼe fakaʼuhiga koa ʼe mole kei tapuakina tatou e te ʼAtua? ʼE tou tuku koa anai tatatou tauhi kia Sehova he ʼe tapuʼi mai e te puleʼaga? ʼE tonu koa ke au alu ki he tahi fenua ʼae ʼe feala ke au tauhi faʼifaʼitaliha ai ki te ʼAtua?’ ʼE tou tali anai ki te ʼu fehuʼi ʼaia ʼe tolu ʼi te alatike ʼaeni. ʼE tou toe vakaʼi anai pe ʼe feafeaʼi te hoko atu ʼo tatatou tauhi kia Sehova moka tapuʼi tatatou faifakamafola pea kotea te ʼu aluʼaga ʼe mole tonu ke tou fai.
KA FAKATAGAʼI TATOU ʼE FAKAʼUHIGA KOA ʼE MOLE KEI TAPUAKINA TATOU E TE ʼATUA?
3. Ka tou lau ia 2 Kolonito 11:23-27, kotea ʼae neʼe hoko ki te apositolo ko Paulo? Pea kotea ʼae ʼe tou ako mai te faʼifaʼitaki ʼo Paulo?
3 Ka tapuʼi tatatou tauhi e te puleʼaga, ʼe feala pe ke tou manatu ʼe mole kei tapuakina tatou e te ʼAtua. Kae kotou manatuʼi, ka fakatagaʼi tatou, ʼe mole fakaʼuhiga leva ʼe mamahi ia Sehova kia tatou. Tou vakaʼi te faʼifaʼitaki ʼo te apositolo ko Paulo. ʼE mahino 2 Kolonito 11:23-27.) Kotea te ako ʼe tou maʼu mai te aluʼaga ʼae neʼe hoko ki te apositolo ko Paulo? ʼE feala pe ke tuku e Sehova ʼana kaugana agatonu ke fakatagaʼi natou.
ia, neʼe ʼofa te ʼAtua kia ia. Neʼe ina maʼu te pilivilesio ʼae ko te tohi ʼo he ʼu tohi ʼe 14 ʼi te ʼu Koga Tohi-Tapu Fakakeleka. Pea neʼe ko te apositolo ʼaia neʼe fekauʼi ki te ʼu puleʼaga. Kae neʼe tau ia Paulo mo he ʼu fakataga lahi. (Lau ia4. He koʼe ʼe fehiʼaʼinaʼi tatou e te malama?
4 Neʼe fakamahino e Sesu pe ʼe koʼe ʼe fakatagaʼi anai tatou. Neʼe ina ui ʼe fehiʼaʼinaʼi anai tatou koteʼuhi ʼe mole tou kau ʼi te malama. (Soa. 15:18, 19) Ka fakatagaʼi tatou, ʼe mole fakaʼuhiga ʼe mole kei tapuakina tatou e Sehova. Kailoa ia, kae ʼe fakaʼuhiga ʼe tou fai te meʼa ʼae ʼe totonu.
ʼE TOU TUKU ANAI KOA TATATOU TAUHI KIA SEHOVA ʼUHI KO TONA TAPUʼI?
5. ʼE feala koa ki he tagata ke ina taʼofi tatatou tauhi kia Sehova? Tuku mai he ʼu faʼifaʼitaki.
5 ʼE mole feala ki he tagata ke ina taʼofi tatatou tauhi ki te ʼAtua mafimafi ko Sehova. Neʼe to noa te ʼu faiga ʼa ʼihi ke natou taʼofi tatatou tauhi. Ohage la tou vakaʼi te aluʼaga ʼae neʼe hoko lolotoga te Lua Tau Fakamalamanei. ʼI te temi ʼaia, neʼe lahi te ʼu puleʼaga neʼe natou fakatagaʼi te hahaʼi ʼa te ʼAtua. Neʼe tapuʼi e te kau Nasi ʼi Siamani te gaue ʼa te Kau Fakamoʼoni ʼa Sehova, kae neʼe toe kau ki ai mo te ʼu puleʼaga ʼo ʼOsitalalia, mo Kanata pea mo ʼihi atu fenua. Kae tou vakaʼi muʼa ia te aluʼaga ʼae neʼe hoko. ʼI te kamata ʼo te tau ʼo te taʼu 1939, neʼe ko te toko 72 475 kau Fakamoʼoni ʼa Sehova ʼi te malamanei katoa. ʼI te hili leva ʼo te tau ʼi te taʼu 1945, neʼe ko te toko 156 299 kau faifakamafola ʼi te malamanei. ʼE fakaha ʼaki ai neʼe tapuakina e Sehova tana hahaʼi. Koia neʼe kua kaugā malie age te kau Fakamoʼoni ʼa Sehova.
6. Kotea ʼae ʼe hoko moka fakatagaʼi tatou? Tuku mai he faʼifaʼitaki.
6 Ka tou tau mo te fakataga, ʼe feala ke ʼekenaki ai tatou ke tou haga tauhi kia Sehova kae ke mole tou matataku. Ohage la, neʼe nonofo te taumatuʼa mo tanā kiʼi tama ʼi he fenua neʼe tapuʼi ai te tauhi kia Sehova. Neʼe mole nā matataku pea neʼe mole nā fakasiʼisiʼi tanā gaue kia Sehova. Kae neʼe nā fakatuʼutuʼu ke nā pionie katoa. Neʼe tuku e te tuagaʼane tana gaue ʼae neʼe lelei ai tona totogi. Pea neʼe ui e tona ʼohoana neʼe fia iloʼi e te hahaʼi pe ko ai te Kau Fakamoʼoni ʼa Sehova ʼuhi ko te tapuʼi ʼo tanatou gaue. Koia neʼe faigafua ai kia ia hana kamata he ʼu ako Tohi-Tapu. Kae neʼe ʼi ai te tahi fua lelei ʼo te tapuʼi ʼo te gaue. Neʼe ui e te tagata ʼafeā ʼo te
fenua, tokolahi ia natou ʼae neʼe mole kei ʼomai ki te ʼu fono kua toe liliu mai pea kua natou toe faifakamafola.7. (1) Kotea ʼae ʼe tou ako mai te ʼu vaega ʼo Levitiko 26:36, 37? (2) Kotea anai ka tou fai moka tapuʼi tatatou tauhi?
7 ʼE tapuʼi e ʼotatou fili tatatou tauhi, he ʼe natou loto ke tou matataku ʼi te tauhi kia Sehova. ʼE mole gata pe ki tanatou tapuʼi tatatou tauhi, kae ʼe natou toe fakamafola he ʼu loi ʼo ʼuhiga mo tatou. ʼE natou fekauʼi te kau polisi ke ʼomai ʼo hue ʼotatou ʼapi, peʼe natou ʼave fakakinau tatou ki te telepinale peʼe ki te pilisoni. ʼI tanatou manatu, ʼe tou matataku anai he ʼe feala hanatou pilisoniʼi ʼihi ia tatou. Kapau ʼe tou matataku ia natou, ʼe feala pe ke tou fakasiʼisiʼi peʼe ke tou tuku ʼosi tatatou tauhi kia Sehova. ʼE mole tonu ke tou hage ko natou ʼae ʼe palalau ki ai ia Levitiko 26:36, 37. (Lau.) ʼE mole tou fakasiʼisiʼi anai tatatou tauhi kia Sehova peʼe tou tuku leva tatatou gaue koteʼuhi ʼe tou matataku. Kapau ʼe tou falala katoa kia Sehova pea ʼe mole tou matataku anai. (Esaia 28:16) Tou faikole kia Sehova ke ina takitaki tatou. ʼE tou iloʼi ʼe tokoni mai ia Sehova, koia ʼae ʼe feala ai tatatou tauhi agatonu ki totatou ʼAtua tatau aipe pe ʼe faigaʼi e he puleʼaga malohi ke ina tapuʼi tatatou gaue.—Hep. 13:6.
ʼE TONU KOA KE AU ALU KI HE TAHI FENUA?
8-9. (1) Kotea te tonu ʼae ʼe ʼaoga ke toʼo e te pule famili peʼe ko te Kilisitiano takitokotahi? (2) Kotea ʼae ʼe feala ke tokoni ki he tahi ke ina toʼo he tonu ʼe fakapotopoto?
8 Kapau ʼe tapuʼi tatatou tauhi e te puleʼaga ʼo totatou fenua, ʼe feala pe ke tou feʼekeʼaki pe ʼe tonu ke tou olo ki he tahi age fenua ʼe feala ai hatatou tauhi faʼifaʼitaliha kia Sehova. ʼE ʼa tatou pe takitokotahi te toʼo ʼo te tonu ʼaia. Kae ia muʼa ʼo tau toʼo he tonu, ʼe lelei age ke ke vakaʼi pe ʼe kotea ʼae neʼe fai e te kau ʼuluaki Kilisitiano ʼi tonatou fakatagaʼi. Hili te taumakaʼi ʼae ʼo Setefano e ʼona fili, neʼe mavetevete ai te kau tisipulo ʼo Selusalemi ʼi Sutea pea mo Samalia. Pea neʼe natou toe kaku ki Fenisia, mo Sipele pea mo Atiokia. (Mat. 10:23; Gaue 8:1; 11:19) Kae ko ʼihi ʼe natou fakakaukauʼi anai te faʼifaʼitaki ʼo te apositolo ko Paulo. Logo la neʼe tau te kau ʼuluaki Kilisitiano mo te tahi ʼu fakataga, kae neʼe fakatotonu e te apositolo ko Paulo ke nofo ʼi te ʼu koga meʼa ʼae neʼe ʼi ai te ʼu fakafeagai ki te faifakamafola. Neʼe mole mataku, koteʼuhi neʼe fia faifakamafola pea mo fakalotomalohiʼi te ʼu tehina mo tuagaʼane ʼi te ʼu kolo ʼaia neʼe lahi ai te ʼu fakataga.—Gaue 14:19-23.
9 Kotea ʼae ʼe tou taʼofi ʼi te ʼu fakamatala ʼaeni? ʼE tonu ke tahi toʼo e te pule famili te tonu ʼae pe ʼe natou olo anai ki he tahi fenua peʼe kailoa. Kae ʼi muʼa ʼo te fai ʼo te faʼahi ʼaia, ʼe tonu anai ke faikole te pule famili pea mo fakakaukauʼi lelei te ʼu aluʼaga ʼo tonatou maʼuli. ʼO toe feia ki te ʼu fua lelei peʼe ko te ʼu fua kovi ʼae ka natou maʼu mai te tonu ʼaia. ʼE “tahi ʼamo pe anai e te tagata tana ʼamoga.” (Kal. 6:5) Kae ʼe mole tou fakamauʼi anai he tahi ʼuhi ko te tonu ʼae ʼe ina toʼo.
ʼE FEAFEAʼI ANAI HATATOU TAUHI KIA SEHOVA LOLOTOGA TONA TAPUʼI?
10. Kotea te ʼu fakatotonu ʼe feala ke foaki mai e te Petele pea mo te kau tagata ʼafea?
10 ʼE feafeaʼi anai he hoko atu ʼo tatatou tauhi kia Sehova lolotoga te fakataga? ʼE foaki anai e te Petele he ʼu fakatotonu pea mo he ʼu tokoni ʼaoga ki te kau tagata ʼafeā ʼo te kokelekasio. ʼE natou fakamahino mai anai pe ʼe feafeaʼi hatatou maʼu te meʼa kai fakalaumalie, pe ʼe feafeaʼi hatatou fakatahitahi ki ʼatatou fono peʼe ko te faifakamafola. Kapau ʼe mole feala te felogoi ʼa te Petele mo te kau tagata ʼafeā, pea ʼe tokoni mai anai te kau tagata ʼafeā kia tatou pea mo te kokelekasio katoa ke hoko atu tatatou tauhi kia Sehova. ʼE natou takitaki anai tatou ʼo mulimuli pe ki te Tohi-Tapu pea mo ʼatatou tohi.—Mat. 28:19, 20; Gaue 5:29; Hep. 10:24, 25.
11. He koʼe ʼe tou tui papau ʼe tou maʼu anai te meʼa kai fakalaumalie? Pea kotea ʼae ʼe feala ke tou fai moʼo puipui tatatou Tohi-Tapu mo ʼatatou tohi?
Esa. 65:13, 14; Luka 12:42-44) Ko te tupuʼaga la ʼaia ʼo tatatou tui papau ʼe foaki mai anai e tana kautahi ia meʼa fuli ʼe ʼaoga ke tou nonofo agatonu ai. Kae kotea ʼae ʼe feala ke tou fai? Moka tapuʼi tatatou tauhi, tou kumi he faʼahi ʼe lelei ke tou fufu ki ai tatatou Tohi-Tapu, mo ʼatatou tohi peʼe ko tatatou kiʼi masini toʼotoʼo. Pea tou tokakaga naʼa maʼu e he tahi. ʼE tonu kia tatou fuli ke tou faiga ʼo taupau tuʼumaʼu ke malohi tatatou tui.
11 Neʼe fakapapauʼi e Sehova ki ʼana kaugana, ʼe ina foaki anai kia natou te ʼu meʼa ʼae ʼe ʼaoga ke natou taupau he tui ʼe malohi. (ʼE mole tou matataku ʼi te fakatahitahi koteʼuhi ʼe tokoni mai ia Sehova (Vakaʼi te palakalafe 12) *
12. ʼE fakatuʼutuʼu feafeaʼi anai e te kau tagata ʼafeā te ʼu fono ke mole tokagaʼi e he tahi?
12 Kae ʼe feafeaʼi ki ʼatatou fono? ʼE fakatuʼutuʼu anai e te kau tagata ʼafeā ʼatatou fono ke mole tokagaʼi e te kau fakafeagai. ʼE natou kole mai anai ke tou fakatahitahi fakakutuga, peʼe lagi natou fetogi tuʼumaʼu anai te ʼu hola pea mo te koga meʼa ʼae ʼe tonu ke tou fono ai. ʼE tou faiga anai ke ʼaua naʼa tou palalau leʼo lahi moka tou ʼomai peʼe ka tou mavae hili ʼatatou fono. Ko he faʼahiga puipui ʼaia ʼo ʼotatou tehina mo tuagaʼane. Pea ʼe lagi tonu anai ke tou tokakaga ki ʼotatou teu ke mole tokagaʼi ai tatou.
ʼE tatau aipe pe ʼe tapuʼi e te puleʼaga tatatou gaue, kae ʼe mole tuku anai tatatou faifakamafola (Vakaʼi te palakalafe 13) *
13. Kotea te ako ʼe tou taʼofi mai ʼotatou tehina mo tuagaʼane ʼo Lusia ʼafeā?
13 ʼE fakalogo anai tatatou faifakamafola ki te koga meʼa ʼae ʼe tou nonofo ai. Kae ʼe tou ʼoʼofa ia Sehova pea ʼe tou fia palalau ki te hahaʼi ʼo ʼuhiga mo tona Puleʼaga. Koia la ʼae ʼe tou kumi anai he faʼahiga fai ʼo tatatou faifakamafola. (Luka 8:1; Gaue 4:29) Neʼe fakamahino e te fafine faihisitolia ko Emily B. Baran, ia te gaue faifakamafola ʼa te Kau Fakamoʼoni ʼa Sehova ʼi te Lusia ʼafeā. Neʼe ina ui fenei: “ ʼI te temi ʼae neʼe tapuʼi ai e te puleʼaga te faifakamafola ʼa te kau Fakamoʼoni ʼa Sehova, neʼe natou kamata palalau [mo] ʼonatou vahaʼa fale, mo ʼonatou kaugā gaue pea mo ʼonatou kaumeʼa. Pea ʼi tonatou ʼave leva ʼae ki te ʼu lotoʼa fakamamahi ʼuhi ko tanatou faifakamafola, neʼe hoko atu pe tanatou faifakamafola ki te kau pilisoni.” ʼE tatau aipe pe neʼe tapuʼi tanatou gaue ʼi Lusia ʼafeā, kae neʼe mole natou tuku tanatou faifakamafola. Kapau ʼe tapuʼi ʼi he ʼaho te faifakamafola ʼi te fenua ʼae ʼe tou maʼuʼuli ai, ʼe tou faʼifaʼitakiʼi anai natou ʼo tou nonofo agatonu.
HE ʼU HELE ʼE TONU KE TOU TEKEʼI
ʼE tonu ke tou iloʼi te temi ʼae ʼe tonu ai ke tou fakalogologo ai (Vakaʼi te palakalafe 14) *
14. Kotea te fakatokaga ʼae ʼe tou maʼu ia Pesalemo 39:2?
14 Tou tokakaga ki ʼatatou palalau. Ka tapuʼi e te puleʼaga tatatou gaue, ʼe tonu ke tou mahino ʼe ʼi ai te temi ke tou “fakalologo ai.” (Ekl. 3:7) ʼE ʼi ai te ʼu faʼahi ʼe mole tonu ke tou fakaha ohage la ko te ʼu higoa ʼo ʼotatou tehina mo tuagaʼane, te ʼu koga meʼa ʼae ʼe fai ai ʼatatou fono, mo tatatou faʼahiga faifakamafola pea ʼe feafeaʼi te maʼu ʼo tatatou meʼa kai fakalaumalie. ʼE mole tonu ke tou fakaha te ʼu faʼahi ʼaia ki te hahaʼi ʼae ʼe gaue maʼa te puleʼaga, peʼe ko ʼotatou kaumeʼa, peʼe ko ʼotatou famili ʼae ʼe maʼuli ʼi totatou fenua peʼe ʼi he tahi age fenua. Koteʼuhi kapau ʼe tou to ki te hele ʼaia, pea ʼe feala ke tuʼutamaki ai ʼotatou tehina mo tuagaʼane.—Lau ia Pesalemo 39:2.
15. Kotea ʼae ʼe faigaʼi anai e Satana ke ina fai, kae kotea ʼae ʼe tonu ke tou fai?
15 ʼAua naʼa tou tuku te ʼu fihifihia liliki ke natou vaeluaʼi tatou. ʼE iloʼi e Satana, ka vaelua he famili ʼe mole malohi. (Mko. 3:24, 25) ʼE ina faigaʼi tuʼumaʼu ke ina vaeluaʼi tatou. ʼI tana fai te faʼahi ʼaia, ʼe ina loto ke tou fetauʼaki kae ke mole tou tauʼi ia ia.
16. Kotea te faʼifaʼitaki lelei neʼe tuku mai e te tuagaʼane ko Gertrud Poetzinger?
16 ʼE toe tatau ki te kau Kilisitiano ʼae kua fotufotuʼa, ʼe tonu ke natou tokakaga naʼa natou to ki te hele ʼaia. Tou vakaʼi te faʼifaʼitaki ʼo te ʼu tuagaʼane fakanofo, ko Gertrud Poetzinger pea mo Elfriede Löhr. Neʼe pilisoniʼi naua fakatahi mo ʼihi tuagaʼane ʼi te lotoʼa fakamamahi Nasi. Neʼe maheka ia Gertrud kia Elfriede, koteʼuhi neʼe ina fai he ʼu kiʼi akonaki fakalotomalohi ia muʼa ʼo te ʼu tuagaʼane ʼae ʼi te lotoʼa fakamamahi. Ki muli age neʼe ufiufi ia Gertrud pea neʼe kole tokoni leva kia Sehova. ʼE ina ui fenei: “ ʼE tonu ke tou tali moka ʼe lahi age te ʼu fealagia peʼe ko te ʼu pilivilesio ʼae ʼe maʼu e ʼihi.” Neʼe feafeaʼi tana lava tauʼi tana maheka? Neʼe tokagaʼi tafito e Gertrud te ʼu kalitate ʼo Elfriede pea mo aga fakakaumeʼa lelei. ʼI tana fai te faʼahi ʼaia, neʼe nā toe maʼu he ʼu felogoi lelei mo Elfriede. Neʼe nā hao toko lua mai te lotoʼa fakamamahi pea neʼe nā nonofo agatonu ʼo kaku ki tonā mamate. Kapau ʼe tou faiga malohi ʼo tou tauʼi ʼotatou fihifihia mo ʼotatou tehina mo tuagaʼane, ʼe tou taupau anai te logo tahi.—Kol. 3:13, 14.
17. He koʼe ʼe tonu ke tou muliʼi tuʼumaʼu te ʼu fakatotonu ʼae ʼe foaki e te kautahi ʼa Sehova?
17 Tou muliʼi tuʼumaʼu te ʼu fakatotonu. Kapau ʼe tou muliʼi tuʼumaʼu te ʼu fakatotonu ʼae ʼe foaki mai e te ʼu tehina takitaki, pea ʼe tou hao anai mai he ʼu fihifihia. (1 Pet. 5:5) Ohage la, ʼi te fenua neʼe tapuʼi ai te faifakamafola, neʼe ui e te ʼu tehina takitaki ki te ʼu tehina mo tuagaʼane ke ʼaua naʼa natou tuku he ʼu tohi moka natou faifakamafola. Kae neʼe ʼi ai te tehina pionie neʼe mole mulimuli ki te fakatotonu ʼaia ʼo ina tufa ai te ʼu tohi. Kotea ʼae neʼe hoko? Hili pe tanatou faifakamafola faigamalie, ko ia pea mo ʼona tehina neʼe fakafehuʼi e te kau polisi. Lagi neʼe muliʼi natou e te kau polisi ʼo natou tae ai te ʼu tohi ʼae neʼe natou tufa. Kotea te ako maʼa tatou? ʼE tonu ke tou muliʼi tuʼumaʼu te ʼu fakatotonu ʼae ʼe foaki mai tatau aipe pe ʼe mole tou mahino ki te ʼu fakatotonu ʼaia. ʼE tapuakina tuʼumaʼu tatou e Sehova mo kapau ʼe tou gaue fakatahi mo ʼotatou tehina ʼae neʼe ina hinoʼi ke natou takitaki tatou.—Hep. 13:7, 17.
18. He koʼe ʼe mole tonu ke tou fai he ʼu lekula ʼe mole hona ʼuhiga?
18 ʼAua naʼa tou fai he ʼu lekula ʼe mole hona ʼuhiga. Kapau ʼe fai e te kau tagata ʼafeā he ʼu lekula ʼe mole hona ʼuhiga, ʼe faigataʼa anai ki te ʼu tehina mo tuagaʼane tanatou fakalogo. Neʼe fakamanatu e te tehina ko Juraj Kaminský te aluʼaga neʼe hoko lolotoga te temi ʼae neʼe tapu ai te gaue ʼi Tchécoslovaquie ʼafeā. Neʼe ina ui fenei: “Neʼe hahaʼi te ʼu tehina takitaki pea mo te kau tagata ʼafeā ʼae neʼe puke e te kau polisi. Hili ia pea neʼe fai leva e ʼihi tehina ʼae neʼe mole puke he ʼu lekula maʼa te kau faifakamafola. Neʼe natou tohi ai te ʼu meʼa ʼae neʼe feala ke natou fai peʼe ko te ʼu meʼa ʼae neʼe tapuʼi.” Neʼe mole fakagafua mai e Sehova ke tou fai he ʼu lekula maʼa ʼotatou tehina mo tuagaʼane. Ko ʼae ʼe ina fai he ʼu lekula ʼe mole hona ʼuhiga, ʼe mole ina puipui tona tehina kae ʼe ina fia puleʼi tana tui.—ʼAUA NAʼA TOU TUKU ʼI HE TEMI TATATOU TAUHI KIA SEHOVA
19. Ka tou lau ia 2 Koloniko 32:7, 8, he koʼe ʼe feala ke tou lototoʼa logo la te ʼu faiga ʼa Satana?
19 Ko totatou fili ko Satana te Tevolo, ʼe ina kumi tuʼumaʼu ke fakatagaʼi te ʼu kaugana ʼa Sehova. (1 Pet. 5:8; Fkha. 2:10) ʼE faigaʼi anai e Satana mo ʼana kaugana ke natou taʼofi tatatou tauhi kia Sehova. Kae ʼe mole tonu ke tou matataku. (Tet. 7:21) Koteʼuhi ʼe nofo Sehova mo tatou, pea ʼe hoko atu pe anai tana tokoni kia tatou tatau aipe pe ʼe tapuʼi tatatou gaue.—Lau ia 2 Koloniko 32:7, 8.
20. Kotea ʼae ʼe tou fakatotonu malohi ke tou fai?
20 ʼOfa pe ke tou maʼu te lotomalohi ʼae neʼe maʼu e ʼotatou tehina ʼo te ʼuluaki sekulo. Koteʼuhi neʼe natou ui fenei ki te ʼu takitaki ʼo tonatou temi: “ ʼA koutou pe tona vakaʼi pe ʼe totonu ia muʼa ʼo te ʼAtua ke ma fakalogo atu, ʼi hamā fakalogo ki te ʼAtua. Kaʼe kia maua, ʼe mole feala ke ma tuku tamā palalau ki te ʼu meʼa ʼae neʼe ma sisio mo logo ki ai.”—Gaue 4:19, 20.
KATIKO 73 Ke Matou Lototoʼa
^ pal. 5 Kotea anai ka tou fai moka tapuʼi mai e te ʼu puleʼaga tatatou tauhi kia Sehova? ʼE tou vakaʼi anai ʼi te alatike ʼaeni he ʼu tokoni ʼaoga ke tou iloʼi ai pe ʼe kotea ʼae ʼe tonu ke tou fai, mo te ʼu meʼa ʼae ʼe tonu ke tou liʼaki mo kapau ʼe tou fia hoko atu tatatou tauhi ki totatou ʼAtua.
^ pal. 59 FAKAMATALA ʼO TE ʼU PĀKI: ʼE fakahaha ʼi te ʼu pāki fuli te kau Fakamoʼoni ʼe maʼuʼuli ʼi te ʼu fenua ʼe tapuʼi ai tatatou gaue. Ko he kiʼi kutuga ʼe fakatahitahi ʼi he fale tanaki meʼa gaue ʼa te tehina.
^ pal. 61 FAKAMATALA ʼO TE ʼU PĀKI: Ko te tuagaʼane (ʼi te faʼahi hema) ʼe palalau mo te tahi fafine ki te moʼoni.
^ pal. 63 FAKAMATALA ʼO TE ʼU PĀKI: ʼE fakafehuʼi e te kau polisi ia te tehina ʼo ʼuhiga mo tona kokelekasio