1-3. Pif­fis­saq tamaat kif­far­tor­tut suliaasa al­lan­ngor­tar­nerinut suut pis­sutaasin­naap­pat?

“UKIUT 21-t ajoqersuiar­tor­titatut nuan­neqisumik kif­far­toreerluta angajoq­qaavut tamarmik peq­qiil­liuler­put.” Rober­t aam­ma Mary Jo ima nangip­put: “Isumaginis­saat nuan­naarutigaar­put. Sumiif­fiul­li kif­far­torfit­ta angerlarsimaf­fit­tut isigilersimasat­ta qiman­nis­saa aliasuutigaar­put.”

² Wil­liam aam­ma Terrie ima oqalut­tuar­put: “Peq­qiil­liuler­ner­put pis­sutigalugu suliar­put uterfigisin­naanagu paasigatsigu qis­saser­pugut. Maan­na nunami al­lami Jehovamut kif­far­tor­ner­put nuan­nareqisar­put kis­saatigiuar­nikuusar­pul­lu taamaatit­tariaqaler­par­put.”

³ Aleksej ima oqalut­tuar­poq: “Im­mik­koor­tor­taqarfiup kif­far­torfigisama matuneqar­nis­saa akerlilersor­tit­ta anguniagarigaat nalun­ngik­kaluar­par­put. Taman­nali pim­mat Betelilu qimat­tariaqaleratsigu tupap­pugut.”

4. Apeq­qutit suut sam­mis­savavut?

⁴ Aam­ma pif­fis­saq tamaat kif­far­tor­tut al­lar­pas­suit, soorlu Betelimi kif­far­tor­tut, nutaamik sulias­sin­neqarsimap­put. * Qatan­ngutit aalajaatsut taak­kua suliamik nuan­narisamik qiman­nis­saat ajor­nakusoor­tis­sin­naavaat. Pis­sutsinut nutaanut atuk­kamin­nut qanoq naleq­qus­sarsin­naap­pat? Qanoq ikior­neqarsin­naap­pat? Apeq­qutit taak­kua akis­sutis­sarsineri atuk­kat­ta al­lan­ngor­nerini iluaqutigisin­naavavut.

5. Nutaamik sulias­sin­neqar­neq qanoq sun­niuteqarsin­naava?

⁵ Betelimi al­latul­luun­niit pif­fis­saq tamaat kif­far­toraluarut­ta inuit kif­far­torfigisatsin­niit­tut, al­laam­mi aam­ma sumiif­fik, nuan­narisarilersimasin­naavavut. Taamaat­tumik paasinar­poq taak­kua qimat­tariaqar­neri aliasuutigigip­put. Qatan­ngutit qimas­simasavut maqaasis­savavut isumakuluutigalugil­lu, ingam­mik malersugaaneq pis­sutigalugu aal­lar­tariaqarsimagut­ta. (Matt 10:23; 2 Kor 11:28, 29) Aam­ma sumiif­fim­mut al­lamut nuun­neq, al­laat nunagisatsin­nut uter­neq, ar­tor­narsin­naavoq kulturi al­la sungiut­tariaqaratsigu. Rober­t aam­ma Mary Jo taamatut misigisaqar­put: “Nam­mineq kulturer­put oqaatsivul­lu atorlugit oqaluus­sineq sungiusimajun­naarsimavar­put. Nunatsin­ni takor­nar­taasutut misigiler­pugut.” Nutaamik sulias­sin­neqar­tut ilaat ilimagin­ngisamik aningaasaqar­niar­nik­kut unam­miniar­nar­titaqalersin­naap­put. Isumakulul­lutil­lu nikal­lorsin­naap­put. Suut iluaqutigisin­naavaat?

6. Qanoq Jehovamut qanimut at­taveqar­tuarsin­naavugut?

⁶ Jehovamut qanimut at­taveqar­tuarit. (Jaak 4:8) Qanoq taamaaliorsin­naavugut? ‘Qin­nutitsin­nik tusar­tar­tuunerata’ tatigineratigut. (Tuss 65:3) Tus­siaat 62:9-mi ima al­las­simavoq: “Uum­mam­miugisasi tamaasa taas­sumun­nga saq­qum­mius­sigit.” Jehova “qin­nutigisavut paasisin­naasavul­lu akimungaarlugit” iliorsin­naavoq. (Ef 3:20) Qin­nutigisavut sin­nerlugit isumagin­nit­tar­poq. Takorloorsin­naasavut akimorlugit ilimagin­ngisatsitut ajor­nar­torsiutivut aaq­qis­sin­naavai.

7. (a) Jehovamut qanimut at­taveqar­tuar­nis­samut suut iluaqutigis­savavut? (b) Hebræerit 6:10-12 naaper­torlugit aalajaal­luta Jehova kif­far­torfigiuarutsigu qanoq kinguneqas­sava?

⁷ Biibili ul­lut tamaasa atuarlugulu eq­qarsaatigeq­qis­saar­taruk­ku Jehovamut qanimut at­taveqar­tuarsin­naavutit. Ajoqersuiar­tor­titatut kif­far­torsimasoq ima oqar­poq: “Ilaqutariit­tut atuaq­qis­saaqatigiin­neq ataatsimiin­ner­nul­lu piareersar­neq aalajangersimasumik ingerlat­tak­kit, soorlu sulias­sin­neqar­nin­ni ileq­quliuus­simagit.” Aam­ma ilagiin­ni peqataaf­figilik­kan­ni sapin­ngisan­nik  oqaluus­seqataasarit. Aalajaal­lutik im­minut kif­far­tor­tut Jehovap eq­qaamavai, aam­ma siusin­nerusuk­kut pisin­naasamis­sut iliuuseqar­tigisin­naan­ngik­kaluar­pata. – Hebræerit 6:10-12 atuakkit.

8. Inuuner­pit pisariitsuutin­nis­saanut Johan­nesip al­lagai siul­liit 2:15-17 qanoq iluaqutigisin­naavigit?

⁸ Pisariitsumik inooriaaseqar­tuarit. Jehovamut kif­far­tor­nerit Saatanip silarsuaani isumakuluutinit ‘ipitin­neqar­teqinagu’. (Matt 13:22) Inuit Jehovamut kif­far­tor­tuun­ngitsut imaluun­niit ikin­ngutit ilaqut­tal­luun­niit ajun­ngitsumik isumaqarlutik oqar­pata atuk­katit pitsaanerulersik­kumal­lugit aningaasarsior­nerusariaqar­tutit tusar­naaqinagit. (1 Johannesi 2:15-17 atuakkit). Jehova tatigiuk, neriorsor­paatim­mi anersaak­kut, misigis­sutsik­kut al­latul­lu pisariaqar­titatit “pif­fis­saq eq­qorlugu” matus­suserumaarlugit. – Hebr 4:16; 13:5, 6.

9. Us­satit 22:3, 7-ilu naaper­torlugit sooq pisariaqan­ngitsumik akiitsoqan­ngin­nis­saq pingaaruteqar­pa, suul­lu silatusaarluta aalajangiinis­samut iluaqutigis­savavut?

⁹ Pisariaqan­ngitsumik akiitsoqaqinak. (Ussatit 22:3, 7 atuakkit). Nuun­neq akisoorujus­suusin­naam­mat akiitsoqaler­nis­saq ajor­nan­ngitsuararsuuvoq. Pisariaqar­tivin­ngisatit pisiariumal­lugit aningaasanik atoqinak. Misigis­sutsik­kut tatineqar­nitsin­ni, soorlu asasamik nap­parsimasumik isumagin­nin­nermi, aningaasanik qanoq an­ner­tutigisumik ator­nis­sar­put nalileruminaatsis­sin­naavar­put. Taamaat­toqar­til­lugu eq­qaamajuk ‘qinuneq torlulanerlu’ silatusaar­tumik aalajangiinis­samut iluaqutigisin­naagatsigit. Qin­nutivut akil­lugit ‘uum­mativut eq­qarsaativul­lu ser­nigiumal­lugit’ Jehovap eq­qis­sinermik tunis­savaatigut. Taava aalajangiil­luarsin­naas­saagut. – Fil 4:6, 7; 1 Petr 5:7.

10. Qanoq ikin­ngutitaar­torsin­naavugut?

¹⁰ Ikin­ngutaal­luar­tut at­taveqarluarfigik­kit. Misigis­sutsitit aq­qusaak­katil­lu pil­lugit ikin­ngutigil­luak­kan­nut oqalut­tuar­tarit, ingam­mik ilit­tut atugaqar­nikuup­pata. Taamaalior­nerit oqilial­laataasin­naavoq. (Oqal 4:9, 10) Kif­far­torfigisimasan­ni ikin­ngutigilik­katit ikin­ngutigiuar­tus­saavatit. Maan­na nutaamik sulias­sin­neqar­nin­ni ikin­ngutitaar­tor­tariaqar­putit. Eq­qaamajuk ikin­nguteqarumaguit nam­mineq ikin­ngutaasariaqaravit. Qanoq ikin­ngutitaar­torsin­naavit? Jehovamut kif­far­tor­nin­ni misigisimasatit nuan­nersut oqalut­tuarisak­kit nuan­naar­neril­lu ersersil­lugu. Imaas­sin­naavoq ilagiin­niit­tut ilaasa pif­fis­saq tamaat kif­far­tor­nerit sooq taama nuan­naritigigit paasin­ngik­kaat, al­lal­li paasisaqar­nerorusus­sin­naap­put ikin­ngutaal­lualerlutil­lu. Mianersuutigiul­li im­minut pil­lutit kif­far­tor­nin­nilu angusimasan­nik naleq­qutin­ngitsumik eq­qar­tuinis­sat, misigis­sutsil­lu ajor­tut pival­laaqinagit.

11. Qanoq aap­pariil­luar­tuarsin­naavisi?

 ¹¹ Aap­pavit peq­qik­kun­naar­nera pis­sutigalugu suliarsi taamaatit­tariaqarus­siuk pisuuteqinagu. As­singusumik nam­mineq peq­qik­kun­naar­nerit pis­sutaap­pat im­minut pisuuteqinak eq­qarsarlutit aap­pat pakatsisil­lugu. Eq­qaamajuk ‘uiniul­lusi ataaseq’, katik­kas­silu Jehova neriorsor­parsi pis­sutsini qanoq ik­kaluar­tuniluun­niit isumas­soqatigiik­kumaarlusi. (Matt 19:5, 6) Pilersaarutaan­ngitsumik naar­tuler­neq pis­sutigalugu suliarsi taamaatit­tariaqarsimagus­siuk qitor­narsi ilisimatis­siuk taan­na sior­natigut sulias­sin­nit pingaar­nerutik­kis­si. Paasitit­tarsiuk ‘Jehovamit tunis­sutaasutut’ isigigis­si. (Tuss 127:3-5) Aam­ma kif­far­tor­nis­sin­ni misigisimasasi nuan­nersut oqalut­tuarisarsigit. Taamaalior­nik­kut qitor­narsi pif­fis­saq tamaat Jehovamut kif­far­tor­nis­samut kajumis­sisis­sin­naavarsi.

12. (a) Pif­fis­saq tamaat kif­far­tor­tut suliamin­ni kif­far­tor­tuaq­qul­lugit qanoq ikiorsin­naavavut? (b) Nutaamik sulias­sin­neqar­neran­ni qanoq oqilisaaqataasin­naavugut?

¹² Ilagiit ilagiin­niit­tul­lu amerlasuut pif­fis­saq tamaat kif­far­tor­tut suliamin­ni kif­far­tor­tuaq­qul­lugit ikior­tar­paat. Taamaalior­tar­put suliamik ingerlatiin­nar­nis­saanut kajumis­saarinermik­kut, aningaasatigut pigisatigul­luun­niit pisariaqar­titaan­nik tapersiisar­nermik­kut imaluun­niit ilaqutaan­nik najugaqarfigisamin­niit­tunik isumas­suinermik­kut. (Gal 6:2) Pif­fis­saq tamaat kif­far­tor­tut il­lit ilagiin­nut nuutsin­neqar­pata eq­qarsaqinak suliamin­ni iluatsis­siman­ngin­namik ajor­tuliorsimagamil­luun­niit nuutsin­neqar­tut. * Nuun­neral­li ajor­naal­lisar­niarlugu ikiuk­kit. Asan­nit­tumik tikil­luaq­quk­kit suliaan­nil­lu nersualaarlugit – aam­ma  peq­qiil­lior­ner­tik pis­sutigalugu maan­na pisin­naasaat kil­leqaraluar­pata. Ilisarisimal­lualik­kit. Ilisimasaat, ilin­niar­tin­neqarsimanerat misilit­tagaqarluar­neral­lu ilin­niarfigik­kit.

13. Nutaamik sulias­sin­neqar­tut qanoq ikiorsin­naavavut?

¹³ Nutaamik sulias­sin­neqar­tut aal­laq­qaam­mut ilin­nit ikior­neqar­nis­sar­tik pisariaqar­tis­sin­naavaat – soorlu inis­sarsior­nermut, angal­lan­nermut tun­ngasunut, sulif­fis­sarsior­nermut al­lanul­lu tun­ngatil­lugu. Aam­ma sumiif­fin­ni nalingin­naasut pil­lugit, soorlu akileraar­tar­nermut tun­ngatil­lugu, paasis­sutis­sin­neqar­tariaqarsin­naap­put. Paasineqar­nis­sar­til­li pisariaqar­tin­ner­paavaat. Imaas­sin­naavoq nam­min­neq peq­qiil­liulersut ilaqut­tamin­niluun­niit peq­qiil­lior­toqalersimasoq. Im­maqa asasamin­nik toquk­kut an­naasaqar­ner­tik aliasuutigaat. * Aam­ma imaas­sin­naavoq ikin­ngutimik sumiif­figisimasamin­niit­tut maqaasineri qamuuna aliasuutigigaat. Misigis­sutsit taamaat­tut al­lan­ngorarsin­naasut sulis­sutiginis­saat sivisusin­naavoq.

14. Nutaamik sulias­sin­neqar­nermini qatan­ngut ar­naq ilagiin­niit­tunit qanoq ikior­neqar­pa?

¹⁴ Pif­fis­saq tamaat kif­far­tor­tut oqaluus­seqatigiguk­kit maligas­siuil­luaruil­lu naleq­qus­sar­niar­neran­ni ikiorsin­naavatit. Qatan­ngut ar­naq ukior­pas­suar­ni nunami al­lami kif­far­torsimasoq ima oqalut­tuar­poq: “Siusin­nerusuk­kut kif­far­torfigisan­ni ul­lut tamaasa Biibilimik atuaq­qis­saaqateqar­tar­punga. Maan­nali oqaluus­sif­fin­ni Biibilip qup­per­nis­saa filmimil­lu takutitsinis­saq ajor­nakusoor­poq. Ilagiin­niit­tul­li pulaar­tak­kamin­nut atuaq­qis­saaqatigisar­tak­kamin­nul­lu ilaserisar­paan­nga. Qatan­ngutit aal­lus­sil­luar­tut sapiitsul­lu taak­kua Biibilimik atuaq­qis­saaqateqar­tar­nerat takul­lugu isumal­luar­neruler­punga. Oqaluus­sif­figisar­tagar­taan­ni oqaloqateqar­nermik aal­lar­niinis­sara ilik­kar­para. Tamak­ku tamaasa iluaqutigalugit nuan­naaq­qiler­punga.”

15. Nutaamik sulias­sin­neqar­nin­ni qanoq iluatsis­sin­naavit?

¹⁵ Nutaamik sulias­sin­neqar­nin­ni iluatsis­sin­naavutit.  Atuk­katit al­lan­ngormata eq­qarsas­san­ngilatit sulian­ni iluatsin­ngitsutit imaluun­niit naleqar­piarun­naar­tutit. Jehovap ilin­nik ikiuisar­nera eq­qumaf­figiuk, oqaluus­siuaril­lu. Kristumiut siul­liit aalajaatsut ilin­niarfigik­kit. Taak­ku sumiik­kaluaraangamil­luun­niit ‘angalaar­tar­put oqaaserlu nalunaajaatigisarlugu’. (ApS 8:1, 4) Oqaluus­sinin­ni piner­tusaaruit angusaqarluarsin­naavutit. Aap­pariit pioneriusut taman­na misigaat. Taak­ku nunamit aalajangersimasumit anisitaagamik nunamut ungasin­ngisaanut oqaluus­sisar­tunik nam­min­neq oqaaserisamin­nik pisariaqar­titsif­fiusumut nuup­put. Qaam­matialuit ingerlanerini nunami tamatumani oqaatsini atugaan­ni oqaluus­sisar­toqatigiit arlal­lit pilersin­neqar­put.

16. Nutaamik sulias­sin­neqar­nerit qanoq nuan­naarutigilersin­naaviuk?

¹⁶ ‘Jehovami nuan­naar­neq nakuus­sutigaat.’ (Neh 8:10) Suliar­put qanorluun­niit nuan­naritigigaluarutsigu Jehovamut at­taveqar­ner­put pingaar­ner­tut nuan­naarutigisariaqar­par­put. Taamaat­tumik Jehovamut qanimut at­taveqar­tuarit taas­suma ilisimas­susia, siulersuinera tapersersuineralu tutsuigalugit. Eq­qaamajuk sior­natigut kif­far­tor­nin­ni uum­matik­kut iluun­ngarlutit inun­nik ikiuiniaravit suliat nuan­narilerit. Aam­mat­taaq maan­na sulian­ni uum­matik­kut iluun­ngarlutit kif­far­torit misigalugulu nutaamik sulias­sin­neqar­ner­pit nuan­naarutigiler­nis­saanut Jehovap qanoq ikior­neraatit. – Oqal 7:10.

17. Maan­na suliavut pil­lugit suna eq­qaamasariaqar­par­put?

¹⁷ Eq­qaamasariaqar­par­put Jehovamut kif­far­tor­ner­put naas­saan­ngitsuum­mat suliavul­li utaq­qiisaagal­larlutik. Silarsuar­taas­sami tamat­ta nutaamik sulias­sin­neqas­sagunar­pugut. Aleksej, al­laaserisap aal­laq­qaataani eq­qaaneqar­toq, oqar­poq nutaamik sulias­sin­neqar­nini siunis­samut piareersaatigalugu. Ima oqar­poq: “Jehova silarsuar­taas­sarlu piviusuusut ilisimajuar­para, qanorli piner­poq ungasigilaar­tar­nikuul­lugit. Maan­na ‘Jehova tak­kun­niitit­tuaan­nar­para’ misigalungalu silarsuar­taas­saq tikiutiliivis­soq.” (ApS 2:25) Qanorluun­niit suliaqaraluarut­ta Jehovamut qanimut at­taveqar­tuarisa. Taas­suma qiman­navian­ngilaatigut. Sumiik­kaluarut­taluun­niit aam­ma qanorluun­niit sulias­sin­neqaraluarut­ta kif­far­tor­nit­ta nuan­naarutigiler­nis­saanut ikius­savaatigut. – Es 41:13.