CHIIYO 34
Mbutukonzya Kuzibila Nitwachincha Mulimu Mumbunga
“Leza tali Leza uutaluleme pe uunga waluba milimo yanu alimwi aluyando ndomwakatondezya kuzina lyakwe.”—HEB. 6:10.
LWIIMBO 38 Uyoomuyumya
ZITAYIIGWE *
1-3. Niinzi zipa kuti bamwi bali mumulimu wachiindi choonse basiye milimu yabo?
ROBERT A-MARY JO bakati: “Nitwakaba aaminyaka iili 21 katuli mamishinali bazyali besu boonse bakali bachembaala. Twakasala kuti tukakkale aambabo. Nikuba boobo, kwakali kutuyumina kusiya busena mbutwakali twazibila.”
2 William aTerrie bakati: “Twakalila nitwakabona kuti tatukonzyi kujokela nkutwakali kubelekela akaambo kakuchiswa. Twakachili kuyanda kubelekela Jehova katuli kuliimwi nyika pesi teetwakachili kukonzya pe.”
3 Aleksey wakati: “Twakalizi kuti mfulumende yakali kuyanda kujala wofesi yamutabi nkundakali kubelekela. Pesi nizyakachitika, zyakatugambya alubo twakeelede kuzwa aaBbeteli.”
4. Njiili mibuzyo njitutalange-lange muchiiyo eechi?
4 Bakwesu abachizi biingi bali mumulimu wachiindi choonse kuswaanizya ababo bali kuBbeteli bakapegwa imwi milimu mipya. * Bakwesu abachizi aaba basyomeka, kulakonzya kubayumina kusiya milimu njibakali kuyandisya loko. Niinzi chikonzya kubagwasya kuti balisimye muzyiimo zipya? Nga ulabagwasya biyeni? Kuziba nsandulo zyamibuzyo eeyi kulakonzya kutugwasya toonse kuti tulisimye chiindi zyiimo nizyachincha mubuumi.
MBUTUKONZYA KULISIMYA ZYIIMO NIZYACHINCHA
Nkamboonzi kuchinchwa mulimu nikukonzya kweeta buyumu-yumu kubantu bali mumulimu wachiindi choonse? (Langa fuka 5) *
5. Mbuyumu-yumuunzi mbutukonzya kuswaana chiindi nitwachincha mulimu?
5 Tulakonzya kuyanda bantu naakuti ndawu nkutubelekela nikuba kuti tuli kuBbeteli naakuti tubeleka umwi mulimu wachiindi choonse. Tulakonzya kukataazikana kuti kwayandikana kuti tuzwe kundawu nkutwali kubelekela. Ngatwabayeeya loko bakwesu abachizi mbitunga twasiya alubo tulakataazikana atala ambabo kapati kuti twazwa akaambo kakupenzegwa. (Mt. 10:23; 2 Kor. 11:28, 29) Kusaanguna umwi mulimu naakuti kujokela kung’anda kulakonzya kweeta buyumu-yumu nkaambo kuyandikana kuti uzibile maponeno mapya. Robert aMary Jo bakati: “Twakali twaaluba maponeno akulindiswe nikuba kukambawuka mumulaka wesu. Twakali kulimvwa mbuuli kuti tuli beenzu.” Bamwi balakonzya kuba apenzi lyamali chiindi nibachinchwa. Balakonzya kukataazikana mumoyo. Niinzi chinga chilabagwasya?
Tweelede kuswena afwiifwi aJehova akumusyoma (Langa fuka 6-7) *
6. Tweelede kuchitaanzi kuti tukkale katuli afwiifwi aJehova?
6 Kkala kuli aafwiifwi aJehova. (Jak. 4:8) Nga tulazichita biyeni? Tweelede kumusyoma nkaambo nguwe ‘Uuswiilila mipailo.’ (Int. 65:2) Intembauzyo 65:2 itusungwaazya kuti: “Amumwaambile zyoonse zili mumyoyo yanu.” Jehova utuchitila “zintu zinji kapati kwiinda aali zyeezyo nzyotumulomba naa nzyotuyeeyela.” (Ef. 3:20) Jehova utupa zyiinda nzitumukumbila munkombyo alubo ulatugwasya kwiinda mbutuyeeyela chiindi nituli mubuyumu-yumu.
7. (a) Niinzi chitoomugwasya kuti tukkale katuli munsi aJehova? (b) Kweendelana amajwi aali muli Bahebrayo 6:10-12 nimpinduunzi nzituyoojana akaambo kakubelekela Jehova?
7 Chimwi chikonzya kupa kuti tukkale katuli afwiifwi aJehova, nkubala Bbayibbele buzuba abuzuba akuyeeyesesya. Umwi wakali mumishinali wakati: “Utaleki pe kuchita kukomba kwampuli akulibambila miswaangano mbuuli mbuwakali kuchita chiindi.” Alubo utaleki pe kutola lubazu mumulimu wakukambawuka mumbungano mubede lino. Bbayibbele litubuzya kuti Jehova tabalubi aabo bamubelekela chakusyomeka nikuba kabatachikonzyi kumubelekela mbuuli chiindi.—Bala Bahebrayo 6:10-12.
8. Majwi aali muli 1 Johane 2:15-17 akugwasya biyeni kuti ubikke zintu zyamubukombi mubusena bwakusaanguna?
8 Bikka zintu zyamubukombi mubusena bwakusaanguna. Utazumizyi mapenzi aali munyika yaSaatani kuti ‘asyanikizye’ zintu zyamubukombi. (Mt. 13:22) Utazumini kuti bantu bali munyika, beenzinyokwe ababbululu bakweene kuti uyanduule bunoti munyika yaSaatani. (Bala 1 Johane 2:15-17.) Syoma Jehova uutupa zintu nzituyanda “aciindi ceelede” mubukombi, kumubili alubo uupa kuti tukkalikane mumizeezo.—Heb. 4:16; 13:5, 6.
9. Kweendelana amajwi aali muli Tusimpi 22:3, 7 nkamboonzi nuteelede kulivuzizya zikwelete alubo niinzi chitakugwasye kuti usale chabusongo?
9 Utavuzyi zikwelete. (Bala Tusimpi 22:3, 7.) Kulongela kuli bumwi busena kulakonzya kupa kuti ube aazikwelete nkaambo kuyanda mali nyingi. Kuti utabi azikwelete zyiingi, toyelede kukweleta zintu zitayandikani loko. Muchikozyano, ulakonzya kukachilwa kuziba mali njuyelede kukweleta chiindi nuyanda kusilisya muntu uuchiswa. Kuti waswaana zyiimo zili boobo, yeeya kuti ‘mupailo akukombelezya’ zilakugwasya kuti usale chabusongo. Jehova ulakonzya kusandula nkombyo zyako kwiinda mukukupa luumuno ‘luyookwabilila moyo wako amizeezo yako,’ alubo ulakugwasya kuti usale kabotu.—Flp. 4:6, 7; 1 Pet. 5:7.
10. Nga tulabajana biyeni beenzuma bapya?
10 Liswaanizye aabantu bali amaboneno aali kabotu. Buzya beenzinyokwe mbulimvwa anzwaakaswaana kapati aabo bakaswaana chiimo chili mbuuli chako. Kuchita oobo kulakonzya kupa kuti ulisimye. (Muk. 4:9, 10) Bantu mbuwakasiya nkuwakali kubelekela bachili beenzinyokwe. Pesi lino yanduula beenzinyokwe kundawu nkubede. Kuti ujane beenzinyokwe, weelede kuba muntu uusikika. Weelede kuchita biyeni kuti ujane beenzinyokwe bapya? Babuzye zintu zibotu Jehova nzyaakakuchitila kuchitila kuti bamwi babone mbuwakali kubotelwa. Nikuba kuti bamwi mumbungano kabatamvwisisisyi kuti nkamboonzi nuuyanda mulimu wachiindi choonse pesi bamwi balayanda kuziba zyiingi atala anduwe mpawo ngababa beenzinyokwe. Chenjelela kuti utavuzyi kwaamba zintu nzuwakachita mumulimu waJehova alubo utaambi zintu zyakatali kukunoneezya mumulimu ooyu.
11. Nga mulakkala biyeni kamubotelwa mulukwatano?
11 Kuti mwasiya mulimu ngumwali kubeleka akaambo kakuti ngukwetenaawe wachiswa, utamusoli pe. Kuli lumwi lubazu, kuti kuchiswa toyelede kulipa mulandu pe, kuyeeya kuti wakachizya mweenzinyokwe kuchita zyiingi mumulimu waJehova. Utalubi kuti muli “mubili omwe” alubo mwakasyomezya kunembo lyaJehova kuti ziyume zitete munoolaamwi. (Mt. 19:5, 6) Kuti mwasiya mulimu wanu akaambo kakuti mwaba amwana kamutalibambilide, amumubuzye kuti uyandikana loko kwiinda mulimu ngumwakali kubeleka. Amukkale kamumubuzya kuti mumubona kali ‘lukono’ luzwa kuli Leza. (Int. 127:3-5) Alubo, amumubuzye atala azintu zibotu nzimwakajana nimwakali mumulimu wanu. Kuchita oobo kulakonzya kumusungwaazya kuti ayande kubelekela Jehova mubuumi bwakwe mbuuli mbumwakachita.
BAMWI MBUBAKONZYA KUGWASILIZYA
12. (a) Nga tulabagwasya biyeni aabo bali mumulimu wachiindi choonse kuti bakkale kabachita milimu yabo? (b) Niinzi nzitweelede kuchita kuti kubawubile aabo balongela kubusena bwesu?
12 Mbungano zyiingi zilikugwasya aabo bali mumulimu wachiindi choonse kuti bayinkilile kunembo amulimu wabo. Bachita oobo kwiinda mukubasungwaazya, kubapa mali azimwi zintu zyakumubili akulangania bazyali babo bali kumuunzi. (Gal. 6:2) Chiindi aabo bali mumulimu wachiindi choonse nibachinchwa mulimu, mutabonaanga kuchincha ooku kutondeezya kuti kuli nzibakakachilwa kuchita naakuti ndulayo. * Pesi atubagwasye kuti kubawubile kulonga nkubakachita. Atubatambule kabotu alubo kuti kabatachikonzyi kuchita zyiingi akaambo kakuchiswa-chiswa, atubalumbayizye kumilimu njibakachita. Atubazibe kabotu. Atwiiye kuzwa kuluzibo lwabo azibotu zyakabachitikila chiindi.
13. Nga tulabagwasya biyeni bakombima banga bachinchwa mulimu?
13 Tweelede kugwasya bakombima banga bachinchwa mulimu kuti bajane aakukkala, zyakweenzya, kuyanduula milimu azimwi zintu ziyandikana. Alubo bayanda kuzibisigwa muzintu zili mbuuli kubbadala mutelo arent. Pesi chiyandikana loko nkubamvwisisisya kutali kubafwida luzyalo luzutu. Chimwi chiindi kulakonzya kuti balikuchiswa naakuti kuli umwi uulikuchiswa mumpuli. Balakonzya kuti balikulila akaambo kakufwidwa. * Kuyungizya waawo, balakonzya kuti ngabaluuside katutababwene akaambo kakuyeeya beenzinyina mbibakasiya. Zilakonzya kubatolela chiindi kuzibila kuzyiimo zili boobo.
14. Bakwesu abachizi bamumbungano bakamugwasya biyeni umwi muchizi?
14 Ulakonzya kugwasya bapya banga balongela kumbungano yanu kwiinda mukwiinkaabo kukukambawuka akubasungwaazya. Umwi muchizi wakabeleka kwaminyaka myiingi kuliimwi nyika wakati: “Nkundakali kubelekela ndakali kuchitisya zyiiyo zyaBbayibbele mazuba oonse. Pesi chiindi nindakaya kukubelekela kuliimwi ndawu, ndakali kukachilwa kubalila bantu Bbayibbele naakuti kubatondeezya vidiyo. Bamwi bakwesu abachizi bakanditamba kuti twiinke aamwi kuzyiiyo zyabo. Kubona bakwesu abachizi basungu kabali kuchitisya zyiiyo zizwidilila kwakandigwasya kuti ndibe aamaboneno aali kabotu atala andawu eeyi. Ndakasaanguna kukambawukila bantu muchilawu eechi alubo kuchita oobo kwakandigwasya kuti ndibotelwe lubo.”
UTALEKI PE KUBELEKA CHANGUZU!
Yanduula nzila zyakuyungizya mulimu wakukambawuka nkubelekela (Langa fuka 15-16) *
15. Nga ulachita biyeni kuti uzwidilile mumulimu wako mupya?
15 Ulakonzya kuzwidilila mumulimu mupya. Utabonaanga kuchinchwa mulimu kutondeezya kuti kuli zintu zibi nzwaakachita. Yeeya atala aJehova mbaali kukugwasya alubo utaleki pe kukambawuka. Tobelezya chikozyano chamaKristu bakusaanguna. MaKristu bakamwayika “bakainda koonse-koonse kabayaabwaambilizya makani mabotu aajwi lya Leza.” (Mil. 8:1, 4) Kuti wabeleka changuzu mumulimu wakukambawuka, uzoojana mpindu mbotu. Muchikozyano, mapayona bamwi bakatandwa mpawo bakaya kuli chimwi chisi chakali aafwiifwi ankubakali kubelekela nkaambo kwakali kuyanda basikupupulula biingi mumulaka wabo. Nikwakayinda myeezi, kwakaba tubunga tupya.
16. Nga ulabotelwa biyeni mumulimu wako mupya?
16 “Lukkomano lwa Jehova ninguzu zyanu.” (Neh. 8:10, makani aamunsi.) Kubotelwa takuzwi mumulimu nguubeleka pe pesi kuzwa kubweenzuma bulikabotu aaJehova. Kuti katuyanda kubotelwa, tweelede kukkala katuli munsi aJehova alubo katumusyoma. Yeeya kuti chakapa kuti uyande mulimu ngwaakali kubeleka nkuyanda bantu bankuko. Yanda mulimu wako mupya alubo bona Jehova mbalikukugwasya kuti uuyande.—Muk. 7:10.
17. Niinzi nzitweelede kuyeeya atala amulimu ngutuli kubeleka?
17 Tweelede kuyeeya kuti tunoobelekela Jehova mane kukabe kutamani pesi milimu njitubeleka lino njachiindi chifwiifwi. Munyika mpya toonse tuyoopegwa milimu mipya. Aleksey waambwa kumasaangunino waamba kuti zilikumuchitikila lino zili kumugwasya kulibambila zili kunembo. Wakati: “Ndakalizi kuti Jehova mpali akuti nyika mpya izoosika pesi chimwi chiindi ndakali kuyeeya kuti Jehova uli kule andime akuti nyika mpya tayizoobi pe. Pesi lino ndibona kuti Jehova ulikunembo lyangu akuti nyika mpya ilaafwiifwi.” (Mil. 2:25) Kufumbwa mulimu ngutubeleka, atukkale katuli munsi aJehova. Takatusiyi pe, uyootugwasya kuti tubotelwe mumulimu wakwe.—Is. 41:13.
LWIIMBO 90 Amukulwaizyanye
^ par 5 Chimwi chiindi bakwesu abachizi bali mumulimu wachiindi choonse balakonzya kuchinchwa milimu njibakali kubeleka naakuti kupegwa imwi. Muchiiyo eechi tulalanga-langa buyumu-yumu mbubaswaana azikonzya kubagwasya kuti bazibile zyiimo zyabo zipya. Alubo tulalanga-langa bamwi mbubakonzya kubasungwaazya akubagwasya, akuti malayilile aazwa muBbayibbele nga alatugwasya biyeni kuti tulisimye zyiimo nizyachincha.
^ par 4 Makani aaya alabeleka kubakwesu babeleka imwi milimu mumbunga nibasisya aali imwi minyaka ngabasiila bakwesu bachili baniini milimu njibakali kubeleka. Langa chiiyo chiti “Nibakwesu Bakomena—Jehova Ulabotelwa Akusyomeka Kwanu” chijanika muNgaziyakulinda yamuSeptember 2018 achiti “Kkala Kuli Aluumuno Mumoyo Nikuba Zyiimo Nizyachincha” chijanika muNgaziyakulinda yamuOctober 2018.
^ par 12 Baalu bamumbungano njaakali kunjila beelede kufwambaana kulemba lugwalo luya kumbungano njayakunjila kuchitila kuti ayinkilile kunembo kabeleka kali payona, mwaalu naakuti mubelesi uubelekela.
^ par 13 Langa Amubuke! No. 3 yamu2018 ilaamutwe uti “Zikonzya Kugwasya Bantu Bali Mubuumba.”
^ par 57 BUPANDULUZI BWAZIFANIKISYO: Mukwesu amukayintu wakwe basiya mulimu wabumishinali kunyika nkubakali kubelekela balikuvalalisya mbungano njibakali kunjilaayo.
^ par 59 BUPANDULUZI BWAZIFANIKISYO: Mpuli yakali mumulimu wabumishinali balikukumbila kuli Jehova kuti balisimye kumapenzi ngibali kuswaana kabali kulimbabo.
^ par 61 BUPANDULUZI BWAZIFANIKISYO: Jehova wagwasya mukwesu amukayintu wakwe kuti banjile lubo mumulimu wachiindi choonse. Balikubelesya mulaka ngubakayiya kabali mamishinali kukambawukila bantu bazwa kuli zimwi zisi mundawu mubakambawukila.
