1. Sooq qularin­ngilar­put ‘ul­luni kingul­ler­ni’ inuul­luta?

IL­LIT 1914-ip kingor­na inun­ngor­pit? Taamaap­pat inuunerit tamaat pis­sutsit aaq­qis­suus­saanerata matuma ‘ul­luini kingul­ler­ni’ inuuvutit. (2 Tim 3:1) Nalitsin­ni pisus­sat Jiisusip siulit­tuutigisimasai tamat­ta tusarsimavavut. Taak­kunun­nga ilaap­put sorsun­nerit, kaan­nersuaqar­neq, nunap sajut­tar­neri, nap­paas­suit, inatsisinik ataq­qin­nin­ngitsut amerliar­tor­neri Jehoval­lu in­nut­taasa malersor­neqar­nerat. (Matt 24:3, 7-9, 12; Luk 21:10-12) Aam­ma apustilip Paulusip siulit­tuutigisimasaatut inuit pis­susilersor­nerat takusimavar­put. (Ungalusaq “ Nalitsin­ni inuit tas­saasar­put” takuuk). Jehovamik pal­lorfigin­nit­tuugat­ta nalun­ngilar­put ‘ul­luni kingul­ler­ni’ inuul­luta. – Mika 4:1.

2. Apeq­qutit suut akis­sutis­sarsisariaqar­pavut?

² 1914-imiil­li pif­fis­saq an­ner­tooq ingerlareersimam­mat maan­na ul­luni kingullerpaani inuusimas­saagut. Naggatis­saq taama qanitsigim­mat apeq­qutit pingaarutil­lit uku akis­sutis­sarsisariaqar­pavut: ‘Ul­lus­sat kingul­liit’ naaler­neran­ni susoqas­sava? Tamak­kulu pitin­nagit sunis­sar­put Jehovap piumasaraa?

3. Siulit­tuut Thes­salonikamiunut al­lak­kat siul­liit 5:1-3 al­las­simasoq naaper­torlugu naalagaaf­fiit qanoq nalunaaruteqas­sap­pat?

³ 1 Thessalonikamiut 5:1-3 atuakkit. “Naalak­kap [Jehovap,  NW] ul­lus­saa” Paulusip eq­qaavaa. Tamatumani pineqar­poq pif­fis­saq ‘Babylonersuup’, tas­sa up­perisarsior­nerit eq­qun­ngitsut tamarmik, saas­sun­neqar­neraniit Harmagedonip tungaanut. (Saqq 16:14, 16; 17:5) ‘Ul­lus­sap’ tamatuma aal­lar­tin­ngitsiar­nerani naalagaaf­fiit ima nalunaaruteqas­sap­put: “Sumil­luun­niit aarlerinar­toqan­ngilaq!” (Aam­ma ima nutser­neqar­tar­poq: “Eq­qis­sineq isuman­naas­suserlu”). Naalagaaf­fiit akor­nan­ni isumaqatigiin­niar­nermut tun­ngatil­lugu nunarsuarmi naalak­kersuisut oqaatsit tamak­kunun­nga as­singusut ator­tar­paat. * ‘Aarlerinar­toqan­ngin­neranil­li’ nalunaarut Biibilimi al­laatigineqar­toq al­laanerus­saaq. Sooq? Taman­na pip­pat inup­pas­suit eq­qarsalis­sam­mata silarsuarmi siut­tut nunarsuarmi eq­qis­sineqalersitsil­lutil­lu isuman­naas­suseqalersitsisimasut. Taamaan­ngilarli, ‘naal­liun­nar­toqangaar­nis­saq’ aal­lar­tip­pat ‘perlus­saq tas­san­ngaan­naq’ tikiutis­saaq. – Matt 24:21.

4. (a) ‘Aarlerinar­toqan­ngin­neraanis­saq’ pil­lugu suut suli ilisiman­ngilavut? (b) Suut ilisimavavut?

⁴ ‘Aarlerinar­toqan­ngin­neraanis­saq’ pil­lugu ilisimasaqaraluarluta pisus­sanik arlalin­nik ilisimasaqan­ngilagut. As­sersuutigalugu naluar­put sooq silarsuarmi siut­tut taama nalunaaruteqas­sanersut imaluun­niit qanoq nalunaarutigineqas­sasoq. Aam­ma naluar­put ataasiaan­narluni imaluun­niit arlaleriarluni nalunaarutigineqas­sanersoq. Uagul­li uukapaatin­neqar­navian­ngilagut, nalun­ngilar­pum­mi silarsuarmi siut­tut nunarsuaq tamak­kerlugu eq­qis­sineqar­titsisin­naan­ngitsut. ‘Jehovap ul­lus­saata’ aal­lar­tingajaler­neranut kalerrisaarutaas­sam­mat peq­quneqar­pugut nalunaarut taman­na eq­qumaf­figis­sagip­put.

5. ‘Jehovap ul­lus­saanut’ piareersar­nitsin­nut Thes­salonikamiunut al­lak­kat siul­liit 5:4-6 qanoq iluaqutigaavut?

⁵ 1 Thessalonikamiut 5:4-6 atuakkit. Paulusip kajumis­saarutaa iluaqutigalugu ‘Jehovap ul­lus­saanut’ piareersimanerluta qulak­keersin­naavar­put. ‘Inuit al­lat ileq­quat­tut sinin­nata eq­qumaniar­tariaqar­pugut.’ As­sersuutigalugu silarsuarmi politik­kimut tun­ngasunut akuliutin­ngin­nis­sar­put eq­qumaf­figisariaqar­par­put, akuliutis­sagaluarut­tami ‘silarsuarmut ilaalis­sagat­ta’. (Joh 15:19, NW) Guutip naalagaaf­fiata nunarsuaq tamak­kerlugu eq­qis­sineqar­titsisin­naasutuaanera nalun­ngilar­put.

6. Inuit sunis­samut ikiorusup­pavut, aam­ma sooq?

⁶ Nam­mineq eq­qumaniar­nit­ta saniatigut nunarsuarmi pisus­sat Biibilimi siulit­tuutigineqar­tut pil­lugit ilin­niar­titsinik­kut al­lat anersaak­kut iter­nis­saan­nut ikiorusup­pavut. Eq­qaamasariaqar­par­put an­nikil­lior­nar­tus­sarsuaq aal­lar­tip­pat inuit Jehovamut saan­nis­samin­nut periarfis­saarutis­sasut. Taamaat­tumik maan­na oqaluus­siner­put pingaaruteqangaar­poq! *

7. Jehovap maan­na sus­sasugut piumasaraa?

⁷ ‘Jehovap ul­lus­saa’ nal­liutingajaler­poq, taamaat­tumik piumasaraa oqaluus­sinermi ulap­puteqar­tuas­sasugut. Qulak­keer­tariaqar­par­put ‘tamaviaarluta Naalagaq kif­far­tuul­lugu’. (1 Kor 15:58) Qanoq taamaalius­sasugut Jiisusip siulit­tuutigaa. Ul­lus­sani kingul­ler­ni pisus­sat im­mik­kuul­laris­sut eq­qar­tor­neran­ni ima oqar­poq: “Siul­lermik iivangkiiliu oqaluus­sis­sutigineqas­saaq inuiaqatigiin­nut tamanut.” (Mark 13:4, 8, 10; Matt 24:14) Una eq­qarsaatigiuk: Oqaluus­sigaangavit Biibilimi siulit­tuum­mik eq­quutsitseqataasar­putit!

8. Oqaluus­sinerup ingerlal­luar­nera sumit erser­pa?

⁸ Oqaluus­sineq qanoq ingerlal­luar­tigaa? Ukiut tamaasa suliaq siumukar­tuar­poq. As­sersuutigalugu ‘ul­luni kingul­ler­ni’ oqaluus­sisar­tut amerlatsis­simanerat eq­qarsaatigiuk. 1914-imi nunani 43-ni oqaluus­sisar­tut 5.155-iup­put. Maan­na 8,5 mil­lionit mis­saan­niip­put nunanilu 240-ni oqaluus­sil­lutik! Suliar­pul­li suli naam­mas­sin­ngilaq. Inuit ajor­nar­torsiutaan­nut Guutip naalagaaf­fiata aaq­qiisin­naasutuaanera oqaluus­sis­sutigiuar­tariaqar­par­put. – Tuss 145:11-13.

9. Sooq oqaluus­siuas­saagut?

⁹ Jehovap oqaluus­siun­naaq­qusinis­saata tungaanut oqaluus­sis­saagut. Jehovamik Jiisusimil­lu ilin­niar­titsinis­samut pif­fis­saq sin­nerut­toq qanoq an­nikitsigiva? (Joh 17:3) Naluar­put. Nalun­ngilar­pul­li “eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut tamarmik” sal­lusuis­sum­mik akuersinis­samin­nut suli periarfis­saqar­tut. (ApS 13:48, NW) An­nikil­lior­nar­tus­sarsuaq aal­lar­tip­pat inuit periarfis­saarutis­sam­mata maan­na qanoq ikiorsin­naavavut?

10. Jehovap sal­lusuis­sum­mik ilin­niar­titsinermi iluaqutis­satsin­nik sunik tunivaatigut?

¹⁰ Siulersuisoqatigiit aq­qutigalugit sal­lusuis­sum­mik ilin­niar­titsinermi Jehovap pisariaqar­titatsin­nik tamanik pilersor­paatigut. As­sersuutigalugu sapaatit-akun­neri tamaasa ul­luin­nar­ni ataatsimiin­ner­ni ilin­niar­tin­neqar­tar­pugut. Pulaaq­qaar­nermi pulaaq­qiinermilu qanoq oqaaseqarsin­naasugut siun­nersuuteqar­tar­poq. Aam­ma qanoq Biibilimik atuaq­qis­saaqateqarsin­naasugut ilin­niar­titsis­sutigineqar­tar­poq. Tamatuma saniatigut Jehovap ilin­niar­titsiner­mi ator­tak­katsin­nik  tunisimavaatigut. Taak­kua iluaqutigisar­pavut ...

• oqaloqatigiin­nis­samut aal­lar­niinermut,

• soqutigin­nilersitsinermut,

• ilin­niar­nerunis­samut kajumis­saarinermut,

• Biibilimik atuaq­qis­saaqatigiin­nermi sal­lusuis­sum­mik ilin­niar­titsinermut aam­ma

• nit­tar­tagar­put alak­kaq­qul­lugu ataatsimiigiar­nis­samul­lu kajumis­saarinermut.

Soorunalimi ilin­niar­titsinermi ator­tak­kat­ta pigineri naam­man­ngilaq. Ator­tariaqar­pavut. * As­sersuutigalugu inuk soqutigin­nit­toq oqaloqatigereerlugu naqitaaq­qamik atuagas­siamil­luun­niit tuniguk­ku at­tavigeq­qin­nis­saata tungaanut an­ner­tunerusumik misis­suisin­naas­saaq. Qaam­matit tamaasa oqaluus­sinermi ulapit­tuar­nis­sar­put nam­mineq akisus­saaf­figaar­put.

11. Sooq Online Bible Study Lessons pilersin­neqar­pa?

¹¹ Sal­lusuis­sum­mik ilin­niar­nis­samut Jehovap inun­nik ikiueriaasia al­la tas­saavoq jw.org^®-imi Online Bible Study Lessons (inter­netik­kut Biibilimik atuaq­qis­saar­nermi ilin­niagas­sat). * Ilin­niagas­sat taak­ku sooq pilersin­neqarsimap­pat? Qaam­matit tamaasa nunarsuaq tamak­kerlugu inuit tuusintilik­kuutaat inter­netik­kut Biibilimit ilin­niagas­sanik ujarler­tar­put. Uagut nit­tar­tak­katsin­ni ilin­niagas­sat iluaqutigalugit inuit taak­ku Biibilimi sal­lusuis­sum­mik ilin­nialersin­naap­put. Imaas­sin­naavoq naapitavit ilaat Biibilimik atuaq­qis­saaqatigiin­nis­samut nangaasut. Taava ilin­niagas­sat jw.org-imiit­tut takutis­sin­naavatit nit­tar­tak­katsin­nul­luun­niit in­nersuus­sis­sut nas­siul­lugu.

12. Online Bible Study Lessons-imi suut sam­mineqar­pat?

¹² Biibili taas­sumin­ngalu atuak­kior­toq, kinaas­susil­lit Biibilimi eq­qaaneqar­tut pingaar­nerit aam­ma neriuut pil­lugu Biibilip oqariar­tuutaa Online Bible Study Lessons-imi sam­mineqar­put. Taak­kunan­nga misis­suisup ilik­kas­savai ...

• Biibili qanoq iluaqutigisin­naal­lugu,

• Jehova, Jiisusi in­ngilil­lu kik­kuusut,

• sooq Guutip inuit pin­ngor­tik­kai aam­ma

• sooq naal­liun­nar­toqarlunilu ajus­suseqar­toq.

Ilin­niagas­sani aam­ma sam­mineqar­poq Jehovap qanoq ...

• naal­liuutit toqulu atuuk­kun­naarsik­kumaarai,

• toqusimasut makitik­kumaarai aam­ma

• inuit naalak­kersuineri iluatsis­siman­ngitsut Guutip naalagaaf­fianik taarserumaarai.

13. Biibilimik atuaq­qis­saaqatigiin­neq taarser­neqarsimava? Nas­suiaruk.

¹³ Nit­tar­tak­katsigut atuaq­qis­saar­neq Biibilimik atuaq­qis­saaqatigiin­nermut taarsiutaan­ngilaq. Jiisusip ajoqersugan­ngor­titsior­toq­qul­luta pingaarutilim­mik suliak­ker­paatigut. Neriup­pugut soqutigin­nit­tut Online Bible Study Lessons atuareerunik­kit ilik­kak­katik nuan­naris­sagaat sulilu ilik­kagaqar­nerorusulerlutik. Taava im­maqa Biibilimik atuaq­qis­saaqatigineqar­nis­sar­tik akuererusulis­savaat. Ilin­niagas­sat naaneran­ni tamani atuar­tup im­mik­kut ilin­niar­titsisulerluni Biibilimik atuaq­qis­saar­nis­samut qin­nuteqaam­mik im­mersuinis­saa kajumis­saarutigineqar­tar­poq. Nunarsuaq tamak­kerlugu ul­lut tamaasa agguaqatigiis­sil­lugu 230-nit amerlanerusunik Biibilimik atuaq­qis­saaqatigiin­nis­samut nit­tar­tak­katsin­ni qin­nuteqar­toqar­tar­poq. Toq­qaan­nar­tumik atuaq­qis­saaqatigiin­neq pingaaruteqangaar­poq.

14. Mat­thæusi 28:19, 20-milu Jiisusip peq­qusineratut sapin­ngisamik susariaqar­pugut, aam­ma sooq?

¹⁴ Matthæusi 28:19, 20 atuakkit. Biibilimik atuaq­qis­saaqateqar­nitsin­ni sapin­ngisamik inuit ‘Jiisusip peq­qus­sutai tamaasa maleruar­nis­saan­nut ajoqersorlugit ajoqer­sugan­ngor­titsior­tor­tariaqar­pugut’. Paasisariaqar­paat Jehova pal­lorfiginiarlugu aalajanger­nis­sar­tik qanoq pingaaruteqar­tigisoq. Jehovamut tun­niul­luin­nar­nis­samut kuisin­nis­samul­lu kajumis­suseqaleq­qul­lugit ilik­kak­kamin­nik inuunermin­ni maleruaanis­saan­nut ikior­niar­tariaqar­pavut. Aatsaat taamaaliorunik Jehovap ul­lus­saani aniguis­sap­put. – 1 Petr 3:21.

15. Sunis­samut pif­fis­saqan­ngilagut, aam­ma sooq?

¹⁵ Soorlu eq­qaaneqareersoq, maan­namiit pis­sutsit aaq­qis­suus­saanerata matuma naggataanut pif­fis­saq an­nikitsuararsuuvoq. Taamaat­tumik Jiisusimut ajoqersugan­ngorusun­nermin­nik ersersitsin­ngitsunik Biibilimik atuaq­qis­saaqateqar­nis­samut pif­fis­saqan­ngilagut. (1 Kor 9:26) Suliar­put nukingin­nar­poq! Suli pif­fis­saqaral­lar­til­lugu inup­pas­suit Naalagaaf­fim­mik tusarlius­saq tusar­tariaqar­paat!

16. Saq­qum­mersitat 18:2, 4, 5, 8-lu naaper­torlugit tamat­ta susariaqar­pugut? (Aam­ma qup­per­nerup ataani ilan­ngus­saq takuuk).

¹⁶ Saqqummersitat 18:2, 4, 5, 8 atuakkit. Jehovap pal­lorfigin­nitsiminut piumasaqaataa al­la versini taak­kunani erser­poq. Kristumiu ilumoor­toq kinaluun­niit Babylonersuarmit avis­saarluin­nar­tariaqar­poq. Imaas­sin­naavoq Biibilimik atuaq­qis­saar­tar­toq sal­lusuis­sut ilin­nialin­ngik­kal­laramiuk up­perisarsioqatigiin­nut eq­qun­ngitsunut ilaasor­taasimasoq. Im­maqa naalagiar­tarsimavoq, up­perisarsioqatigiit sam­misaqar­titsineran­ni peqataasarluni aningaasatigul­luun­niit tapiisarluni. Biibilimik atuaq­qis­saar­tar­tup oqaluus­sisar­tun­ngor­nis­saa akuerineqas­sap­pat up­perisarsior­nermit eq­qun­ngitsumit avis­saarluin­nar­nis­saa piumasaqaataavoq. Up­perisarsioqatigiin­nut peqatigiif­fin­nul­lu up­perisarsior­nermut eq­qun­ngitsumut at­tuumas­suteqar­tunut ilaasor­taaf­figisimasaminut al­lak­katigut ilaasor­taajun­naar­tariaqar­poq. *

17. Kristumiu aningaasarsiutigalugu sumik suliaqar­navian­ngila, aam­ma sooq?

¹⁷ Kristumiup ilumoor­tup aningaasarsiutigalugu sulinermi Babylonersuarmut at­tuumas­suteqan­ngin­nera qulak­keer­tariaqar­paa. (2 Kor 6:14-17) As­sersuutigalugu oqaluf­fim­mi atorfeqar­navian­ngilaq. Aam­ma sulif­feqarfim­mi atorfeqaruni il­lumi up­perisarsior­nermit eq­qun­ngitsumit  pigineqar­tumi an­ner­tuumik suliaqarusun­navian­ngilaq. Nam­mineq sulif­feqarfiuteqaruni Babylonersuarmut at­tuumas­suteqar­tunut qanorluun­niit suliaqar­nis­samik isumaqatigiis­suteqar­navian­ngilaq. Sooq taama aalajangiusimal­luin­nar­tigaagut? Up­perisarsioqatigiit Guutip isaani mingut­tuusut suliaan­nut ajor­tuliaan­nul­lu peqataarusun­ngin­nat­ta. – Es 52:11. *

18. Qatan­ngutip angutip sulinermut tun­ngatil­lugu Biibilimi najoq­qutas­siat qanoq aalajangiusimavai?

¹⁸ Ukiualuit matuma sior­na utoq­qaaner­taq nam­mineq sulif­feqarfiutilik sanaar­tugas­sanik sulias­siisar­tumit il­loqarfim­min­ni oqaluf­fim­mi suliamik an­nikitsumik neqeroorfigineqar­poq. Qatan­nguter­put oqaluf­fim­mi suliaqarusun­ngisaan­nar­toq sulias­siisar­tup nalun­ngik­kaluar­paa. Maan­nali sanasumik pisariaqar­titsil­luin­nar­poq. Taamaak­kaluar­toq qatan­nguter­put Biibilimi najoq­qutas­siat aalajangiusimal­lugit naaggaar­poq. Sapaatip-akun­nera qaangium­mat sanasup al­lap oqaluf­fim­mi san­ningasulim­mik nivin­ngaasup as­singa aviisini takuneqarsin­naavoq. Qatan­nguter­put akuersiin­narsimasuup­pat taas­suma as­singa aviisiniis­sagaluar­poq. Taman­na pis­sutigalugu kristumioqatimi akor­nan­ni tusaamaneqarluar­nera in­narlis­sagaluar­poq. Takorloorul­lu Jehova qanoq misigis­sagaluar­toq.

19-20. (a) Suut ilik­kar­pavut? (b) Al­laaserisap tul­liani suut sam­mineqas­sap­pat?

¹⁹ Biibilimi siulit­tuutit naaper­torlugit pisus­saq pingaarutilik tul­liut­toq tas­saavoq silarsuarmi siut­tut ‘aarlerinar­toqan­ngin­neraanerat’. Jehovap ilin­niar­titsinera pis­sutigalugu nalun­ngilar­put naalagaaf­fiit nunarsuarmi piviusumik ataavar­tumil­lu eq­qis­sineqar­titsisin­naan­ngitsut. Pisus­sap tamatuma sioq­qul­lugu perlus­sal­lu tas­san­ngaan­naq tak­kut­tus­sap nal­liutin­ngin­nerani susariaqar­pugut? Oqaluus­sinermi ulap­puteqar­tuar­nis­sar­put sapin­ngisamil­lu ajoqersugan­ngor­titsior­tor­nis­sar­put Jehovap piumasaraa. Aam­ma up­perisarsior­ner­nit eq­qun­ngitsunit avis­saaq­qal­luin­nar­tariaqar­pugut. Tamatumun­nga ilaap­put ilaasor­taajun­naar­neq Babylonersuarmul­lu at­tuumas­suteqar­tumik atorfeqan­ngin­neq.

²⁰ Ul­luni kingul­ler­paani pisus­sat suli ilaqar­put. Aam­ma Jehova uagutsin­nut al­lanik piumasaqaateqar­poq. Taak­ku suup­pat, qanorlu ungasin­ngitsumi pisus­sanut piareersarsin­naavugut? Al­laaserisap tul­liani paasis­savar­put.