1. King so se makang gore re sa kamake gore re phela ‘mong mafelelofelelong’?

AYITSANO le wene o belegiwwe ka nthago ga 1914? Mo nkare go sone, di ra gore o phidiye ga ‘dinako tsa mafelelo’ ya masipidiselo ya dilo. (2 Thim. 3:1) Ka mokana ga rune re kwile ka dilo tso Jeso a bolabodiyeng ka tsona gore di nyoko makega. Ga dilo tsone go kena dintwa, go gayela ga tsa go ja, go tekateka ga lefase, malwele ya go tshosa, molawo wa go fo sinyega wo sinyegiye le go hlorisiwa ga batho ba Jehova. (Mat. 24:3, 7-9, 12; Luka 21:10-12) Fote re bonne le so Pawulo wa lepostola a se bolabodiyeng ka maphelelo ya batho. (Lebelela lebhokisi la gore “ Maphelelo ya Batho Gana Byalo.”) Rune malata ya Jehova a re kamake gore re phela ga dinako tsa ‘mong mafelelofelelong.’—Mika 4:1.

2. Re nyaka diphetolo tsa diputsiso difeng?

² Go tlugisela ka 1914 go segela gana byalo, ke nako ya go lefa ka matla, byalo di fo ba lekgwaying gore re phela mong mafelelofelelong ya ‘dinako tsa mafelelo.’ Akere masipidiselo yawa ya dilo ma thina le go fela, byalo di nyaka re kraya diphetolo tsa diputsiso tse dingwana ke tsowa: Ke dilo difeng tso di nyoko makegang mafelelong ya ‘dinako tsa mafelelo’? Jehova o nyaka re make ying mo re kene re yemele dilo tsone gore di segele?

3. Seporofeto so se leng ga 1 Mathesalonika 5:1-3, se re ditšhaba di nyoko tšibisa ying?

³ Bala 1 Mathesalonika 5:1-3. Pawulo o bolabola ka “letšatši la Jehova.” Ga lengwalo lowa, letšatši la Jehova le rela nako ya mo go hlasediwa “Bhabhilona ye Mogolo” yene mong wa dikereke tsa matsaka ke mokane gwa feleletsa ka Aremaghedoni. (Kut.  16:14, 16; 17:5) Mo go soko segela “letšatši” lone, ditšhaba di nyoko ba di tšibisa gore “go bebiye fote go tšhireletsegiye!” Ka dinako tse dingwana, bo ba go lawola lefase ba fela ba bolabola ka mokgonone mo ba kene ba tiyisa senghana sa bona le dinaga tse dingwana. * Mara, go ka sa tshwane le tšibiso yo Baebele yi yi hlayang ya gore “go bebiye fote go tšhireletsegiye.” Ke ntaba? Ka taba la gore mo dilo tsone di makega, batho ba ka fo nagana gore bo ba go lawola lefase ba di kgonne go maka gore lefase le tšhireletsege. Mara nnete ke gore go nyoko thomisa “motšhatšhamelo wo mogolo” ba sa nagana.—Mat. 24:21.

4. (a) Mo ba kene ba tšibisa gore “go bebiye fote go tšhireletsegiye,” king so re ko bang re se yemele? (b) Re šele re tšiba ying ka tšibiso yone?

⁴ Nnete ke gore go na le dilo tso re di tšibang ka taba yowa ya go tšibisa gore “go bebiye fote go tšhireletsegiye.” Mara go na le tse dingwana tsa gore a re di tšibi. A re tšibi so se nyoko tšhofang bo ba go lawola gore ba thomise taba yone ya go tšibisa, le gore ba nyoko yi tšibisa byang. Fote a re di tšibi gore ba nyoko tšibisa ga ggoši kela ba nyoko tšibisa ba sa fetse. A go na taba gore ba nyoko di makamaka byang tsotsone, mara so re se tšibang ke gore: Re ka sa fokole ke taba ya gore bo ba lawolang lefase ba ka di kgona go maka gore ho lefaseng go bebe. Tsone di kwala ka matla ka taba la gore Baebele yi hlayye botala gore dilo tsone di nyoko makega. Di fo ba lekgwaying gore mo go makega dilo tsone “letšatši la Jehova” le nyoko thomisa byalo!

5. Mathesalonika wa Mathomo 5:4-6 yi re gelepa byang gore re dule re yemele “letšatši la Jehova”?

⁵ Bala 1 Mathesalonika 5:4-6. Pawulo o re botsa so re tshwaneleng re se make go šupetsa gore “letšatši la Jehova” re le yemele. “Re sa kobole go fo tshwana le ba bangwana” mo ba kobola. “Re dule re yitse phagaphaga.” Mo re beyisa, di nyaka re sa tilebale wa kraya re šele re kenakena ga tsa dipolotiki. Mo re ka fo yi lahla, re nyoko tikraya re šele re le “ba lefase lowa.” (Joh. 15:19) Re di tšiba gabutši gore Mmušo wa Modimo ke wona wo ntoši wo nyoko makang gore ho lefaseng go bebe.

6. King so re nyakang go gelepa batho gore ba se make fote ke ntaba?

⁶ Tsa gore go nyoko makega ying ho lefaseng a re nyake di fo tšiba ke rune re ntoši, mara re nyaka le gore le batho ba bangwana ba di tšibe. Re sa lebale gore mo motšhatšhamelo wo mogolo wo ka fo thomisa, di ka sa be lula gore batho ba thomise ka nako yonone go berekela Jehova. Byalo di gabutši ka matla gore re tšhomayele di re baba! *

7. King so Jehova a nyakang re se maka gana byalo?

⁷ Le mo go šele nako ye nyana ya gore “letšatši” la Jehova le segele, Jehova o nyaka gore re  sa lesetse mmereko wa rune wa go tšhomayela. Re nyaka go tipona ‘re na le tsa go tlala tso re di makelang Morena.’ (1 Makor. 15:58) Jeso o bolabodiye ka so re ko bang re se maka. Mo a bolabola ka dilo ka mokana ga tsona tso di nyoko tlang di makega ga dinako tsa mafelelo, o yye a tokegela ka gore: ‘Ga ditšhaba ka mokana ga tsona, di nyaka go thomisiwe ka go tšhomayela ditaba tsa go bafala.’ (Mar. 13:4, 8, 10; Mat. 24:14) O fo nagana nje, gore mo o kene o sa lesetse go ya tšhomong, le wene o maka gore seporofeto sa Baebele se makege!

8. Mmereko wa rune wa go tšhomayela wo šupetsa wo ya mahlong byang?

⁸ Mmereko wa rune wa go tšhomayela wo šupetsa wo ya mahlong byang? Mongwaga wo mongwana le wo mongwana di šupetsa gabutši gore mmereko wa go tšhomayela wo ya mahlong. Mo re beyisa, nagana ka mokgo batšhomayedi ba Mmušo ba yeketsegang ka gona lefaseng ka mokana ga lona, ka dinako tso tsa mafelelo. Ka 1914, ke mo go na le 5 155 ya batšhomayedi ga 43 ya dinaga. Re bolabola re yitsa, go na le 8.5 ya dimiliyoni tsa batšhomayedi ga 240 ya dinaga! Le mo go le ka mokgonone, mmereko wa rune a wo soko fela. Di nyaka re ye mahlong re kene re botsa batho gore Mmušo wa Modimo ke wona wo ntoši wo nyoko tlang wo fetsa ka tso di hlupang batho ho lefaseng.—Pis. 145:11-13.

9. Ke ntaba di nyaka re sa lesetse go tšhomayela ka molayetsa wa Mmušo?

⁹ Mmereko wa rune wa go tšhomayela wo nyoko fo ya mahlong go segela mo Jehova a re re fetsiye. Mara go šele nako ya go segela kaye gore batho ba tšibe ka Jehova le Jeso Kreste? (Joh. 17:3) Aritši. Mara re ya di tšiba gore mo go soko thomisa motšhatšhamelo wo mogolo, batho ba gore “ba tlalele ga tsa gabutši tsa lephelo la go ya go yye” ba ka yamogela ditaba tsa go bafala ke mokane ba berekela Jehova. (Meber. 13:48) Byalo, re ka ba gelepa byang batho bowa nako yi sa le gona?

10. Jehova o re gelepa byang gore re thogo tšhutisa batho nnete?

¹⁰ Jehova o berekisa mokgahlo wage gore o re neye dithuluse tso re ka di berekisang mo re tšhutisa batho nnete. Mo re beyisa, re tšhutisiwa beke ye nngwana le ye nngwana ga megahlano ya gare ga beke. Mogahlano wone, wo re gelepa gore re tšibe gore re ka bolabola byang mo re ya la mathomo le mo re boyela. Fote re tšhutisiwa gore re ka tšhuta le batho Baebele byang. Mokgahlo wa Jehova wo makiye gore re kraye  tsa go tšhutisa ka tsona ga Lebhokisi la go Tšhutisa. Dilo tsone di re gelepa gore . . .

• re thogo thoma ditaba le batho,

• re make batho gore ba nabele go theetsela molayetsa wa rune,

• re gelepe batho gore ba nyake go tšhuta tsa go tlala ka ho Baebeleng,

• re tšhutise bo re balang nabo nnete, fote

• re meme bo ba di jabolelang gore ba kene ga wepsayete ya rune fote ba tle Diholong tsa rune tsa Mmušo.

Go fo ba le dithuluse tsowa di le ntoši a gwa yenela. Re tshwanele re di berekise. * Mo re beyisa, mo o fetsa go bolabola le motho wa go jabolela ditaba tsowa, mo neye sephephane kela makazini gore a thogo ya mahlong a tipalela go segela mo o boyela gage. Byalo di nyaka rune beng re sa lesetse go dula re tšhomayela kgwedi ye nngwana le ye nngwana.

11. Ke ntaba dilo tsowa tsa go tšhuta Baebele mo ga inthanete di makiwwe?

¹¹ Mokgwa wo mongwana wo Jehova a wo berekisang go gelepa batho gore ba tšhute nnete ke wa go berekisa Online Bible Study Lessons ga jw.org^®. Ke ntaba dilo tsowa di makiwwe? Ka taba la gore kgwedi ye nngwana le ye nngwana, batho ba go tlala lefaseng ka mokana ga lona ba kena inthaneteng gore ba tšhute Baebele. Tso di tšhutiwang ga wepsayete ya rune di ka gelepa batho gore ba tšhute nnete yo yi leng ga Lentsu la Modimo. Di ka makega gore batho ba bangwana ba fo jikajika mo o re o nyaka go tšhuta nabo Baebele. Mo nkare go sone, ba šupetse dilo tso ba ka di tšhutang ga wepsayete ya rune kela o ba romele linki ya go ba yisa ga yona. *

12. Motho a ka tšhuta ying ga Online Bible Study?

¹² Mokgwa wowa wa go tšhutisa Baebele wo ba reng ke Online Bible Study wo tshwere ditaba tsa go tshwana le tso: “Baebele le ye a yi Ngwadiyeng,” “Bo go Bolabodiwang ka Bona ka Matla ka ho Baebeleng,” le “Molayetsa wa Baebele wa go Maka Gore re be le Tshepo.” Mo motho a kene a tšhuta dilo tsone, o nyoko ba a tšhuta:

• Ka mokgo Baebele yi ka mo gelepang

• Gore Jehova, Jeso le mangeloyi ke bomang

• Gore ke ntaba Modimo a makiye batho

• Gore ke ntaba go na le mehlupego le bokgohlane

Tso re di tšhutang gana hone di šupetsa gore Jehova o nyoko maka byang . . . 

• mo a fetsa ka mohlupego le likgu,

• mo a tsosa bo ba kgwileng le

• mo a tlosa memmušo ya batho ke mokane a leya Mmušo wa Wage

13. Nje go tšhuta Baebele inthaneteng di rela gore Dihlatse di sa sa tihlupa ka go tšhuta Baebele le batho? Hlatolla.

¹³ Taba ya gore batho ba ka tšhuta se sengwana mo inthaneteng, a yi re gore re lesetsa go tšhutisa batho Baebele. Jeso o re neyye mmereko wa mayemo ya gedimo wa go maka batho malata. Re tshepa gore bo ba jabolelang go tšhutisiwa mo ga inthanete ba nyoko kwana ka matla le tso ba di tšhutang, ke mokane ba nabela go ya mahlong ba kene ba tšhuta tsa go tlala. Mo nkare go sone, di ra gore ba ka jabolela go tšhuta Baebele. Mo taba ye nngwana le ye nngwana yi segela mafelelong, ye a yi balang o butsiwa gore a ka kgopela gore motho ye mongwana a tle a tšhute naye Baebele. Ka taba la wepsayete ya rune, re kraya batho ba go teya ka ku ga 230 lefaseng ka mokana ga lona, ba gore ba kgopela go tšhutisiwa Baebele letšatši le lengwana le lengwana! Go tšhutisa le lebeletsanne, go gabutši ka matla wa tšiba!

14. Tso Jeso a di bolabodiyeng mo ga Matewu 28:19, 20 di re tšhofa gore re make ying, fote ke ntaba?

¹⁴ Bala Matewu 28:19, 20. Mo re kene re tšhutisa batho Baebele, di nyaka re leketse ka matla go ba ‘maka malata . . . , le go ba tšhutisa go tseyela hlogong dilo ka mokana ga tsona tso Jeso a re butsiyeng tsona.’ Di nyaka re gelepe batho gore ba kwisise gore ke ntaba di nyaka gore ba hlawola go berekela Jehova le go yema le Mmušo wage. Tsotsone di ra gore di nyaka re gelepe batho gore ba berekise nnete yo ba yi tšhutang mo ba kene ba phela ke mokane ba tineyele ga Jehova, fote ba kolobetsiwe. Mo ba maka ka mokgonone, ba ko thogo phona mo go segela letšatši la Jehova.—1 Pet. 3:21.

15. A di nyake re sinya nako re maka ying, fote ke ntaba?

¹⁵ Re šele re bolabodiye gore nako yo yi šeleng ke ye nyana ka matla, ya gore go fele ka lefase lowa. Byalo a di nyake re sinya nako re tšhutisa batho ba gore a ba tišupi ba nyaka go ba malata ya Kreste. (1 Makor. 9:26) Phela a go sa na nako! Mara, go sa na le batho ba go tlala ba go nyaka go kwa molayetsa wa Mmušo nako yi soko bane yi fela.

16. Kutullo 18:2, 4, 5 le 8, yi re king so ka mokana ga rune re tshwaneleng go se maka? (Lebelela setwaba.)

¹⁶ Bala Kutullo 18:2, 4, 5 le 8. Ditemanyana tsowa di šupetsa gabutši gore king so Jehova a nyakang malata yage ma se maka. Makreste ka mokana ga wona ma tshwanele ma kganele kgole le dilo tsa gore di yelana le dikereke tsa matsaka. Di ka makega gore ye re tšhutang naye Baebele le yene ke mo a kena kereke mo a soko bane a tšhuta nnete. Fote di ka makega gore ke mo a sa šale merapelong le ga mebereko ye mengwana ya kereke. Kela le meneyelo ke mo a ro kgotolela ka masaka ku kerekeng. Mo ye re tšhutang naye Baebele a nyaka go ba motšhomayedi wa gore aa soko kolobetsiwa, di nyaka a ro napa a nyekula dilo ka mokana ga tsona tsa go yelana le dikereke tsa matsaka. Se sengwana ke gore o tshwanele a ro ngwalela kereke yo ne a kena ga yona borifi bya go layela, ba di tšibe gore ba ka sa sa mmona mone kerekeng. *

17. Ke wofeng mmereko wo Mokreste a ka sa wo makeng fote ke ntaba?

¹⁷ Mokreste wa mannete o tshwanele a bone gore mmereko wo a wo berekang a wo sipidisane le dikereke tsa matsaka. (2 Makor. 6:14-17) Mo re beyisa, Mokreste wa mannete a ka sa dumele go berekela kereke. Go tokegela gana hone, Mokreste wa gore o makela kontraka ye nngwana mmereko, a ka sa dumele go yi makela mmereko wo di nyakang gore a wo makele kereke. Fote mo nkare Mokreste yene o na le bhisinisi yage, a ka sa leketse go kraya mmereko wa go wo makela kereke. Ke ntaba re sa jikajike ga  taba yowa? Ka taba la gore a re nyake go tšhela letsogo ga dilo tsa go sipidisana le tso dikereke di di makang tsa gore a di ya yela ga Modimo.—Jes. 52:11. *

18. Mogageru ye mongwana wa monna o yye a berekisa ditšhiko tsa Baebele byang ga mmereko wage wa ka moka matšatši?

¹⁸ Mengwaga ya go fela, morene mongwana wa dikontraka o yye ya kgopela mogolo wa phutego wa go tšiba mmereko wa mapolanka, gore a ye a make mmereko wo mongwana kerekeng ya thina le mo mogageru yene wa mogolo a dulang gona. Yewa wa go lawola kontraka ke mo a di tšiba tsa gore mogageru yewa aa di nyake tsa go berekela dikereke. Mara gana byalo, yewa wa go lawola kontraka ke mo a se na motho ye a ka mo makelang mmereko wone. Le mo go le sone, mogageru yewa wo yye a ngangarela ga so a se dumelang ke mokane a gana go maka mmereko wone. Ga beke ya go latela, kuranta ya gana hone polekeng yone ke mo yi ntshiye senepe sa morene mongwana wa go tšiba go bereka ka mapolanka a kokotela sefapano mone kerekeng. Hala mogageru a dumele go maka mmereko wone, ne go ko ba go le yene a tseyiwweng senepe sone. O fo nagana nje, gore tsotsone nke di kwaletsiye magageru ya mangwana go segela kaye! Fote nagana le ka mokgo Jehova ne a nyoko tikwa ka gona.

19-20. (a) Re tšhutiye ying? (b) King tse dingwana tso re tshwaneleng re di tšhute?

¹⁹ Baebele yi re seporofeto sa gore go se botala se nyoko makega ke go tšibisiwa gore “go bebiye fote go tšhireletsegiye.” Ka taba la so Jehova a re tšhutisiyeng sona, re di tšiba gabutši gore ditšhaba di ka sa di kgone go maka gore go beba go be gona go ya go yye. Mara re ka maka ying mo go soko bane go segela nako yone le go kutulugela ke go psyitlanyiwa re sa nagana? Jehova o nyaka re sa lesetse go sabalatsa molayetsa wa Mmušo fote re leketse ka matla go maka batho malata. Di nyaka re kganele kgole le dikereke ka mokana ga tsona tsa matsaka. Sosone se rela go napa o ro lesetsa go ba ye mongwana wa bona kela go berekela dikereke tsone.

²⁰ Go na le dilo tse dingwana tsa gore di nyoko makega ga ‘dinako tso tsa mafelelo.’ Fote go na le tse dingwana tso Jehova a nyakang re di maka. King mara tsotsone fote rune re ka tilukiselela byang ga dilo ka mokana ga tsona tso di sa ga tlang? Re nyoko tikwisa ga hlogotaba ya go latela.