ALATIKE AKO 44
Ke Tou Maʼu He ʼu Kaumeʼa Moʼoni ʼi Muʼa ʼo Te Fakaʼosi
“E ofa te kaumea i te temi fuli.”—TAAG. 17:17.
KATIKO 101 Tou Gaue ʼi Te Logo Tahi
TE ʼU MANATU FAKANOUNOU *
1-2. Ka tou lau ia 1 Petelo 4:7, 8, kotea ʼae ka tokoni mai ke tou ʼutakiʼi te ʼu temi faigataʼaʼia?
KUA tou fakaovi nei ki “te ʼu ʼaho fakamuli.” Koia ʼae ʼe feala ai ke tou tau mo he ʼu fihifihia faigataʼa. (2 Tim. 3:1) Ohage la, neʼe fetauʼaki te hahaʼi hili te vote neʼe fai ʼi he fenua ʼi te potu uesite ʼo Afelika. Lolotoga mahina ʼe ono, neʼe faigataʼa te feoloʼaki ʼa te ʼu tehina mo tuagaʼane ʼuhi ko te fetauʼaki ʼa te hahaʼi ʼi ʼonatou tafaʼaki. Kotea ʼae neʼe tokoni kia natou ke natou lava tauʼi te ʼu fihifihia ʼaia? Neʼe feala ke nonofo ʼihi ʼi te ʼu ʼapi ʼo ʼonatou tehina mo tuagaʼane ʼae neʼe maʼuʼuli ʼi he koga meʼa ʼe mole fakatupu tuʼutamaki. Neʼe ui fenei e te tehina: “ ʼI te aluʼaga ʼaia, neʼe au fiafia he neʼe ʼi ai ʼoku kaumeʼa. Neʼe feala ai ke matou fefakalotomalohiʼaki.”
2 ʼE tou fiafia anai mo kapau ʼe tou maʼu hotatou ʼu kaumeʼa ʼe ʼoʼofa ia tatou moka kamata “te toe mamahi lahi.” (Fkha. 7:14) Koia ʼae ʼe maʼuhiga ai ke tou fakamalohiʼi ʼi te temi nei ʼatatou fakakaumeʼa. (Lau ia 1 Petelo 4:7, 8.) ʼE lahi te ʼu ako ʼe feala ke tou taʼofi mai ia Selemia. Neʼe feala ke hao lolotoga te temi pe ʼae ʼi muʼa ʼo te maumauʼi ʼo Selusalemi, he neʼe tokoni kia ia ʼona kaumeʼa. * ʼE tou faʼifaʼitakiʼi feafeaʼi ia Selemia?
TOU AKO MAI TE FAʼIFAʼITAKI ʼO SELEMIA
3. (1) Kotea ʼae neʼe feala ke ina uga ia Selemia ke fia nofo tokotahi? (2) Kotea ʼae neʼe fakaha e Selemia ki tana sikalaipe ko Paluke? Pea kotea tona fua?
3 Lolotoga teitei taʼu ʼe 40, neʼe maʼuli ia Selemia ʼi te lotolotoiga ʼo he hahaʼi neʼe mole nonofo agatonu ki te ʼAtua. Neʼe kau ai ʼona vahaʼa fale pea neʼe lagi toe kau ai mo ʼona kaiga mai te kolo ko Anatote, Sel. 11:21; 12:6) Kae neʼe mole faiga ia ke nofo tokotahi. Neʼe ina fakaha ʼana manatu ki tana sikalaipe agatonu ko Paluke. Pea ʼe tou toe iloʼi te meʼa ʼae neʼe ina logoʼi, koteʼuhi kua tou maʼu ʼana manatu ʼi tana tohi. (Sel. 8:21; 9:1; 20:14-18; 45:1) Neʼe kamata feʼofaʼofani ia Paluke mo Selemia pea mo nā fefakaʼapaʼapaʼaki ʼi te temi ʼae neʼe tohi ai e Paluke te ʼu aluʼaga ʼo te maʼuli ʼo Selemia.—Sel. 20:1, 2; 26:7-11.
ʼae neʼe tupu ai. (4. Kotea ʼae neʼe kole e Sehova kia Selemia ke ina fai? Pea neʼe malohi feafeaʼi ʼanā felogoi ʼaki te gaue ʼaia?
4 Lolotoga he ʼu taʼu, neʼe fakatokaga e Selemia ʼaki he lototoʼa te kau Iselaele ki te aluʼaga ʼae ka hoko ki Selusalemi. (Sel. 25:3) ʼI te tahi fakalotomalohiʼi e Sehova ʼana kaugana ke natou fakahemala, neʼe ina kole kia Selemia ke ina tohi ʼAna fakatokaga ki he takaiga tohi. (Sel. 36:1-4) Neʼe lagi gaue fakatahi ia Selemia mo Paluke lolotoga he ʼu mahina moʼo fakahoko te gaue ʼae neʼe foaki age e te ʼAtua. Pea ʼe mahino papau ia, neʼe lelei ʼanā felogoi pea neʼe malohi ai tanā tui.
5. ʼE tou iloʼi feafeaʼi ko Paluke neʼe ko he kaumeʼa lelei ʼo Selemia?
5 Kua hoko mai leva te temi ʼae ke fakaha ai te logo ʼae ʼe tuʼu ʼi te takaiga tohi. Kae neʼe tonu ke falala ia Selemia ki tona kaumeʼa ko Paluke moʼo fakaha te logo ʼaia ki te hahaʼi. (Sel. 36:5, 6) Neʼe feala pe ke fakatupu tuʼutamaki te gaue ʼaia. Kae neʼe fakahoko e Paluke te gaue ʼaia ʼaki he lototoʼa. ʼE mahino ia, neʼe fiameʼameʼa ia Selemia ʼi te temi ʼae neʼe alu ai Paluke ki te malaʼe ʼo te fale lotu ʼo lau te takaiga tohi ki te hahaʼi. (Sel. 36:8-10) Neʼe iloʼi leva e te kau tama ʼaliki ʼo Suta te meʼa ʼae neʼe fai e Paluke. Pea neʼe natou fakatotonu kia ia ke ina lau leʼo lahi age te takaiga tohi. (Sel. 36:14, 15) Neʼe natou fakatotonu ai leva ke natou fakaha ki te Hau ko Sosakimi te ʼu palalau ʼa Selemia. ʼI te ʼoʼofa ʼa te kau tama ʼaliki kia Paluke, neʼe natou ui fenei ki ai: “Alu, o nono, ia koe mo Selemia, pea ke aua naa iloi e he tahi te kogamea ae e kolua nonofo ai.” (Sel. 36:16-19) Neʼe ko he tokoni lelei ʼaia.
6. Kotea ʼae neʼe fai e Selemia mo Paluke ʼi tanā tau mo te fakafeagai?
6 ʼI te logo leva ʼae ʼa te Hau ko Sosakimi ki te ʼu palalau ʼae neʼe tohi e Selemia, neʼe lahi ai tona ita. Neʼe ina fakatotonu ai ke tutu ia te takaiga tohi pea ke puke ia Selemia mo Paluke. Kae neʼe mole mataku pe la ia Selemia. Neʼe ina fakatoʼo kia Paluke te tahi takaiga tohi. Pea neʼe lau age leva e Selemia te logo ʼa Sehova, ʼo tohi ai e Paluke “te u folafola fuli o te tohi ae nee tutu e Sosakimi, hau o Suta.”—7. Kotea ʼae neʼe hoko ʼi te gaue fakatahi ʼa Selemia mo Paluke?
7 Ko te hahaʼi ʼae ʼe natou ʼutakiʼi fakatahi he ʼahiʼahi, ʼe natou maʼu tuʼumaʼu he ʼu felogoi lelei. Neʼe gaue fakatahi ia Selemia mo Paluke moʼo fetogi te takaiga tohi ʼae neʼe maumauʼi e te Hau agakovi ko Sosakimi. Pea ʼe mahino ia, neʼe nā feiloʼiʼaki lelei pea mo kaumeʼa lelei ʼi te temi ʼaia. ʼE tokoni feafeaʼi mai kia tatou te faʼifaʼitaki ʼo Selemia pea mo Paluke?
HE ʼU FELOGOI LELEI
8. Kotea ʼae ʼe feala ke faigataʼa ai tatatou maʼu he ʼu kaumeʼa lelei? Pea he koʼe ʼe mole tonu ke tou manatu ʼe mole feala te faʼahi ʼaia?
8 ʼE feala pe ke faigataʼa hatatou fakaha ki he tahi te ʼu meʼa ʼae ʼe tou logoʼi mo kapau neʼe tou lotomamahi ʼuhi ko he tahi ʼi muʼa atu. (Taag. 18:19, 24) Peʼe feala ke tou manatu ʼe mole tou maʼu he temi mo he malohi feʼauga ke tou kaumeʼa lelei ai mo niʼihi. Kae ʼe mole tonu ke tou manatu ʼe mole feala te faʼahi ʼaia. ʼE ʼaoga ʼi te temi nei ke tou fakamalohiʼi ʼatatou felogoi fakakaumeʼa mo ʼotatou tehina mo tuagaʼane mo kapau ʼe tou loto ke natou tokoni mai ʼi te ʼu temi faigataʼa. Koia ʼe maʼuhiga ai ke tou falala kia natou ʼo tou fakaha age ʼatatou manatu mo te ʼu meʼa ʼae ʼe tou logoʼi.—1 Pet. 1:22.
9. (1) Neʼe fakaha feafeaʼi e Sesu ʼe falala ki ʼona kaumeʼa? (2) Kotea ʼae ʼe feala ke hoko moka tou fakaha ʼatatou manatu mo te ʼu meʼa ʼae ʼe tou logoʼi? Tuku mai he faʼifaʼitaki.
9 Neʼe falala ia Sesu ki ʼona kaumeʼa he neʼe ina fakaha kia natou ia meʼa fuli. (Soa. 15:15) ʼE feala pe ke tou faʼifaʼitakiʼi ia ia, ʼo tou fakaha ki ʼotatou kaumeʼa te ʼu meʼa ʼae ʼe tou fiafia ai, mo lotomamahi ai pea mo ʼotatou tuʼania. Tou fagono lelei moka palalau mai he tahi, he ʼe tou iloʼi ai ʼe lagi tatau ʼatatou manatu, mo te ʼu meʼa ʼae ʼe tou logoʼi pea mo ʼatatou fakatuʼutuʼu. Tou vakaʼi te faʼifaʼitaki ʼo te tuagaʼane ʼe higoa ko Cindy ʼe taʼu 29. Neʼe kaumeʼa lelei mo te tuagaʼane ʼe higoa ko Marie-Louise. ʼE pionie te tuagaʼane ʼaia pea ʼe taʼu 67. ʼE faifakamafola ia Cindy mo Marie-Louise ʼi te ʼu Felianima uhu fuli. Pea ʼe nā faipalalau faʼifaʼitaliha ki he ʼu manatu kehekehe. ʼE ui fenei e Cindy: “ ʼE au leleiʼia taku faipalalau mo ʼoku kaumeʼa ki he ʼu manatu maʼuhiga, koteʼuhi ʼe toe lahi age ai taku mahino pea mo taku iloʼi ia natou.” Ka tou fakaha ʼatatou manatu mo te ʼu meʼa ʼae tou logoʼi ki ʼotatou kaumeʼa pea moka tou fagono lelei kia natou, ʼe ʼaʼasili malohi ai ʼatatou fakakaumeʼa. Pea ohage pe ko Cindy, ʼe mahino papau ia mo kapau ʼe tou fai he ʼu faiga ʼi ʼatatou felogoi mo ʼihi, ʼe tuputupu anai tatatou fakakaumeʼa mo natou.—Taag. 27:9.
TOU GAUE FAKATAHI
10. Ka tou lau ia Hepeleo 10:24, kotea ʼae ʼe feala ke hoko moka ʼe tou gaue fakatahi mo ʼihi tehina mo tuagaʼane?
10 Ohage pe ko Selemia mo Paluke, ka tou gaue fakatahi mo ʼihi tehina mo tuagaʼane mo tou tokagaʼi ʼonatou kalitate, ʼe tou ako mai ia natou pea mo tou fakaovi kia natou. (Lau ia Hepeleo 10:24.) Ohage la ʼi te faifakamafola, kotea ʼae ʼe tou logoʼi moka fakamahino ʼaki he lototoʼa e totatou kaumeʼa te ʼu akonaki ʼae ʼe tui ki ai? Peʼe kotea ʼae ʼe tou logoʼi moka tou sio ki tana tui ʼi tana palalau ʼo ʼuhiga mo Sehova pea mo ʼana fakatuʼutuʼu? ʼE mahino papau ia, ʼe toe lahi age anai totatou ʼofa ʼae kia ia.
11-12. Tuku mai he faʼifaʼitaki ʼe fakaha ai ko te faifakamafola fakatahi ʼe ina fakamalohiʼi ʼatatou fakakaumeʼa.
11 Tou vakaʼi te ʼu faʼifaʼitaki ʼe lua ʼe fakaha ai ko te faifakamafola fakatahi, ʼe tokoni mai ke tou feʼofaʼofani. Ko Adeline, ko he tuagaʼane ʼe taʼu 23. Neʼe ina kole ki hona kaumeʼa ʼe higoa ko Candice, ke nā olo ʼo faifakamafola ʼi he koga meʼa ʼe tahitahiga tona fai. ʼE ui fenei e Adeline: “Neʼe ma loto ke ma faʼafai ʼi te faifakamafola pea ke toe lahi age tamā leleiʼia te faifakamafola. Neʼe ʼaoga kia maua he fakalotomalohi ke hoko atu tamā foaki te ʼu meʼa ʼae ʼe lelei tukupau kia Sehova.” Kotea te ʼu fua lelei neʼe nā maʼu ʼi tanā gaue fakatahi? ʼE ui fenei e Adeline: “ ʼI te afiafi fuli, ʼe ma faipalalau ki te ʼu meʼa ʼae neʼe ma logoʼi ʼo ʼuhiga mo te ʼu aluʼaga fakalotomalohi ʼae neʼe hoko ʼi ʼama faipalalau mo te hahaʼi. ʼO toe feia mo tamā logoʼi te faʼahiga takitaki ʼo maua e Sehova ʼi te faifakamafola. Neʼe ma leleiʼia ʼama faipalalau ʼaia koteʼuhi neʼe ma feiloʼiʼaki lelei ai.”
12 Ko Laïla mo Marianne, ko he ʼu tuagaʼane selipatea mai Falani. Neʼe nā olo ʼo faifakamafola ia vahaʼa ʼe nima ʼi Bangui, te kolo muʼa ʼi Centrafrique. ʼE manatuʼi fenei e Laïla: “Ko au mo Marianne, neʼe ma tau mo he ʼu fihifihia. Kae neʼe toe malohi age tamā fakakaumeʼa koteʼuhi neʼe ma felogoi lelei pea mo feʼofaʼofani moʼoni. Neʼe au sio ki te fealagia ʼae neʼe maʼu e Marianne ke
fakamamahani ki he ʼu aluʼaga foʼou, mo tona ʼofa ki te hahaʼi ʼo te fenua pea mo tana faʼafai ʼi te faifakamafola. Koia neʼe toe lahi age ai taku fakaʼapaʼapa ʼae kia ia.” ʼE mole ʼaoga leva ke tou olo ki he fenua matapule ke tou maʼu ai te ʼu fua lelei ʼaia. ʼE feala ke tou feiloʼiʼaki lelei pea mo fakamalohiʼi ʼatatou fakakaumeʼa ʼi te temi fuli pe ʼae ʼe tou faifakamafola ai mo he tehina peʼe mo he tuagaʼane ʼi totatou telituale.TOU TOKAGAʼI TAFITO TE ʼU KALITATE MO TOU LOTOFAKAMOLEMOLE
13. Kotea ʼae ʼe feala ke hoko moka tou gaue fakatahi mo ʼotatou kaumeʼa?
13 ʼI ʼihi temi, ka tou gaue fakatahi mo ʼotatou kaumeʼa, ʼe tou tokagaʼi ai ʼonatou kalitate pea mo ʼonatou vaivaiʼaga. Kae kotea ʼae ʼe tokoni mai ke tou fakaovi tuʼumaʼu kia natou logo la te ʼu lakahala ʼae ʼe natou fai? Tou toe vakaʼi te faʼifaʼitaki ʼo Selemia. Kotea ʼae neʼe tokoni kia ia ke ina tokagaʼi te ʼu kalitate ʼo ʼona kaumeʼa pea mo fakamolemole ʼanatou lakahala?
14. Kotea ʼae neʼe ako e Selemia ʼo ʼuhiga mo Sehova? Pea neʼe tokoni feafeaʼi te faʼahi ʼaia kia ia?
14 Neʼe tohi e Selemia te tohi ʼae neʼe fakahigoa pe ki ai. Pea ʼe mahino ia, neʼe ina toe tohi mo te ʼu tohi Fakatohi-tapu ʼo ʼUluaki Hau mo Lua Hau. ʼI tana tohi te ʼu tohi Fakatohi-tapu ʼaia, neʼe lagi mahino tafito ai ʼe manavaʼofa ia Sehova ki te hahaʼi agahala. Ohage la ko te aluʼaga ʼae neʼe hoko ki te Hau ko Akapo. Neʼe fakahemala mai ʼana aga ʼae ʼe kovi, koia ʼae neʼe mole tuku ai e Sehova ke sio ki te pulihi ʼo tona famili katoa lolotoga tona temi maʼuli. (1 Hau 21:27-29) ʼO toe feia pe, neʼe iloʼi e Selemia neʼe fakamamahiʼi e Manase ia Sehova ʼo kovi age ia ia Akapo. Kae neʼe fakamolemole e Sehova kia Manase, koteʼuhi neʼe fakahemala. (2 Hau 21:16, 17; 2 Klk. 33:10-13) Neʼe lagi tokoni te ʼu fakamatala ʼaia kia Selemia ke ina faʼifaʼitakiʼi te kataki fualoa pea mo te manavaʼofa ʼo te ʼAtua ʼi ʼana felogoi mo ʼona kaumeʼa lelei.—Pes. 103:8, 9.
15. Neʼe faʼifaʼitakiʼi feafeaʼi e Selemia te kataki fualoa ʼa Sehova ʼi temi ʼae neʼe mole kei tokaga ai ia Paluke ki tana gaue?
15 Tou vakaʼi pe neʼe tokoni feafeaʼi ia Selemia kia Paluke ʼi te temi ʼae neʼe mole kei tokaga ai ki tana gaue. Neʼe mole manatu ia Selemia ke ina liʼaki atu aipe tona kaumeʼa. Kae neʼe tokoni kia Paluke ʼo ina fakaha age te logo ʼofa mo fakahagatonu ʼae mai te ʼAtua ʼo ʼuhiga mo ia. (Sel. 45:1-5) Kotea ʼae ʼe tou ako mai te fakamatala ʼaia?
16. Ohage ko tona fakaha ia Taaga Lea 17:9, kotea ʼae ʼe tonu ke tou fai moʼo taupau ʼatatou fakakaumeʼa?
16 ʼE mole feala ke tou fakamaʼua ki ʼotatou tehina mo tuagaʼane ke natou haohaoa. Koia ʼi te temi ʼae kua tou kaumeʼa lelei ai mo he tahi, ʼe ʼaoga ke tou faiga malohi ke tou taupau tatatou fakakaumeʼa mo ia. Ka lakahala ʼotatou kaumeʼa, ʼe ʼaoga ke tou foaki kia natou he ʼu tokoni mai te Folafola ʼa te ʼAtua ʼi te agalelei pea mo te fakahagatonu. (Pes. 141:5) Pea kapau ʼe tou lotomamahi ʼuhi ko natou, ʼe tonu ke tou maʼu te lotofakamolemole. ʼE mole tonu anai ke tou toe palalau ʼo ʼuhiga mo te aluʼaga ʼaia, koteʼuhi kua ʼosi tou fakamolemole kia natou. (Lau ia Taaga Lea 17:9.) ʼI te ʼu temi faigataʼa ʼaeni, ʼe maʼuhiga ʼaupito ke tou tokagaʼi tafito te ʼu kalitate ʼo ʼotatou tehina mo tuagaʼane kae mole ko ʼonatou vaivaiʼaga. Kapau ʼe tou fai feia, ʼe tou fakamalohiʼi anai tatatou fakakaumeʼa mo natou. ʼE maʼuhiga ke tou fai te faʼahi ʼaia ʼi te temi nei, koteʼuhi ʼe ʼaoga he ʼu kaumeʼa lelei kia tatou lolotoga te toe mamahi lahi.
TOU FAKAHA HE ʼOFA AGATONU
17. He koʼe ʼe feala ke tou ui ko Selemia neʼe ko he kaumeʼa moʼoni ʼi te ʼu temi mamahi?
17 Neʼe fakaha e te polofeta ko Selemia ʼaki ʼana gaue, neʼe ko he kaumeʼa moʼoni ʼi te ʼu temi mamahi. Ohage la ko Epeti-Meleke, ko te tagata neʼe gaue ʼi te fale hau. Neʼe ina haofaki ia Selemia mai te mate he neʼe li ki te foʼi tane neʼe fonu ko te pela. Kae neʼe tuʼania e Epeti-Meleke naʼa gaohi koviʼi ia ia e te kau tama ʼaliki. ʼI te iloʼi ʼae Sel. 38:7-13; 39:15-18.
e Selemia ia tana tuʼania, neʼe mole nofo fakalogologo ʼo ina ui ʼe katakiʼi tokotahi pe anai e tona kaumeʼa te aluʼaga ʼaia. Tatau aipe pe neʼe pilisoni ia Selemia, kae neʼe ina fai ia meʼa fuli moʼo fakalotomalohiʼi tona kaumeʼa ko Epeti-Meleke. Neʼe ina fakaha age kia Epeti-Meleke te fakapapau fakalotofimalie ʼae mai ia Sehova.—18. Ka tou lau ia Taaga Lea 17:17, kotea ʼae ʼe tonu ke tou fai moka felaveʼi hotatou kaumeʼa mo he faigataʼaʼia?
18 Ia ʼaho nei, ʼe felaveʼi ʼotatou tehina mo tuagaʼane mo he ʼu faigataʼaʼia kehekehe. Ohage la, ko te tokolahi ʼe natou tau mo te ʼu tuʼutamaki fakanatula ohage ko te ʼu mafuike peʼe ko he ʼu aluʼaga ʼe fakatupu e te tagata ohage ko te ʼu tau. Ka hoko he ʼu aluʼaga feia, ʼe feala ke tou fakaʼapi ʼotatou tehina mo tuagaʼane ʼaia. ʼE lagi feala ke foaki e niʼihi he tokoni fakapaʼaga. Kae ʼe feala pe kia tatou fuli ke tou kole kia Sehova ke tokoni ki ʼotatou tehina mo tuagaʼane. Kapau ʼe tou iloʼi he tehina peʼe ko he tuagaʼane ʼe lotovaivai, ʼe lagi mole tou iloʼi pe ʼe kotea anai te meʼa ʼae ʼe ʼaoga ke tou fai. Kae ʼe feala kia tatou fuli ke tou foaki he tokoni. Ohage la, ʼe feala ke tou toʼo he temi ke tou nonofo ai mo totatou kaumeʼa. Tou fagono lelei moka palalau mai. Pea ʼe feala ke tou vaevae mo ia te ʼu vaega fakalotomalohi ʼae ʼe tou leleiʼia. (Esa. 50:4) Ko te faʼahi ʼae ʼe maʼuhiga ʼaupito, ko tatatou nonofo ia tafa ʼo ʼotatou kaumeʼa ʼi te temi ʼae ʼe ʼaoga ai kia natou.—Lau ia Taaga Lea 17:17.
19. He koʼe ʼe tonu ke tou fakamalohiʼi ʼatatou fakakaumeʼa ʼi te temi nei?
19 Tou fakatotonu ke tou fakamalohiʼi ʼatatou felogoi mo ʼotatou tehina mo tuagaʼane ʼi te temi nei. Kotea tona tupuʼaga? Koteʼuhi ʼe faigaʼi anai e ʼotatou fili ke natou fakamavetevete ia tatou ʼaki he ʼu loi. ʼE natou faigaʼi anai ke ʼaua tatatou toe falala ki ʼotatou tehina mo tuagaʼane pea ke mole tou lagolago kia natou. Kae ʼe to noa anai ʼanatou faiga. ʼE mole feala anai ke natou maumauʼi tatatou feʼofaʼofani. Pea ʼe mole anai he meʼa ʼe feala ke ina maumauʼi tatatou fakakaumeʼa mo ʼotatou tehina mo tuagaʼane. ʼI tona fakahagatonu, ʼe mole tou taupau pe anai ʼatatou felogoi ʼofa ki te fakaʼosi ʼo te malama ʼaeni, kae ki te heʼe gata.
KATIKO 24 Tou Hake Ki Te Moʼuga ʼo Sehova
^ pal. 5 ʼE maʼuhiga ke tou fakamalohiʼi ʼatatou felogoi mo ʼotatou tehina mo tuagaʼane, koteʼuhi kua ovi mai te fakaʼosi. ʼI te alatike ʼaeni, ʼe tou vakaʼi anai he ʼu ako mai te ʼu aluʼaga ʼae neʼe hoko kia Selemia. ʼE tou toe vakaʼi anai, ko te maʼu ʼo he ʼu kaumeʼa lelei ia ʼaho nei ʼe tokoni mai anai ʼi te ʼu temi faigataʼa.
^ pal. 2 Neʼe mole fakamatala te ʼu aluʼaga ʼae neʼe tohi ʼi te tohi ʼo Selemia ʼo mulimuli ki te temi ʼae neʼe hoko ai.
^ pal. 57 FAKAMATALA ʼO TE ʼU PĀKI: ʼE ha ʼi te pāki ʼaeni pe ʼe kotea ʼae ʼe feala ke hoko lolotoga “te toe mamahi lahi.” Ko he ʼu tehina mo tuagaʼane ʼe natou fenonoʼi ʼi te ʼapi ʼo he tehina. Pea ʼe feala ke natou fefakalotofimalieʼaki ʼi te ʼu temi faigataʼa ʼaia.Ko te ʼu tehina mo tuagaʼane ʼae ʼe fenonoʼi, neʼe natou fakamalohiʼi ʼanatou felogoi ʼi muʼa ʼo te kamata ʼo te mamahi lahi.