1-2. Sooq Mosesimik al­lak­kat pingajui kristumiunut soqutiginar­pat?

APUSTILIP Paulusip ikin­ngutini inuusut­toq Timotheusi eq­qaasip­paa ‘Al­lak­kat Il­ler­nar­tut tamarmik Guutimit isumas­sarsiarititaal­lutil­lu iluaqutaasut’. (2 Tim 3:16, NW) Taak­kua ilagaat Mosesimik al­lak­kat pingajui. Biibilip atuagar­taa taan­na qanoq isumaqarfigaajuk? Inuit ilaat isumaqar­put inatsisinik atorun­naarsimasunik imaqarami atorsin­naan­ngitsoq, kristumiul­li al­latut isumaqar­put.

² Mosesimik al­lak­kat pingajui ukiut 3.500-t sin­nerlugit matuma sior­na al­lataap­put, uagutsin­nul­li ‘ilin­niutis­saam­mata’ Jehovap piujuar­tis­simavai. (Rom 15:4) Mosesimik al­lak­kat pingajui Jehovap eq­qarsar­taasianik ersersitsim­mata misis­sor­nis­saat soqutigisariaqar­par­put. Biibilip atuagar­taa taan­na arlalitsigut ilin­niarfigisin­naavar­put. Taak­kunani ilaat sisamat sam­meriar­tigit.

3. Sooq ul­lormi saam­maan­nar­titsivim­mi ukiumoor­tumi pil­liisoqar­tar­pa?

³ Ilin­niagas­saq siul­leq: Pil­liutigisavut akuerineqas­sap­pata Jehovamit iluarisaasariaqar­pugut. Ul­lormi saam­maan­nar­titsivim­mi ukiumoor­tumi Israelik­kut katersuuk­kaangata uumasut pil­liutigineqar­tar­put. Pil­liutit tamak­ku Israelik­kut ajor­taajar­neqar­tariaqar­neran­nik eq­qaasitsis­sutaap­put. Palasiunerli Israelik­kut ajor­tuliaan­nik isumak­keerfigineqaq­qul­lugit ul­lormi tamatumani uumasut aavan­nik nas­sarluni Il­ler­nar­ner­paamut isin­ngin­nermini pingaar­nerusumik iliuuseqaq­qaar­tariaqar­poq.

4. Mosesimik al­lak­kat pingajui 16:12, 13-imilu al­las­simasutut ul­lormi saam­maan­nar­titsivim­mi palasiuneq Il­ler­nar­ner­paamut siul­lermeerluni iseraangami susar­pa? (Saq­qaani as­siliaq takuuk).

 ⁴ Mosesimik allakkat pingajui 16:12, 13 atuakkit. Takorlooruk ul­lormi saam­maan­nar­titsivim­mi susoqar­tar­nersoq: Palasiuneq il­ler­nar­tuum­mut, tas­sa Tupermut Naapeqatigiit­tarfim­mut, iser­poq. Ul­lormi tas­sani Il­ler­nar­ner­paamut pingasoriarluni iser­tus­saavoq, maan­nalu siul­lermeerluni iser­nialerluni. Tipigis­saatinik tigumiagaqar­poq aam­ma puugutaasar­taq aamaasivik kuultiusoq aamarsuar­nik aamaar­tunik imalik paaralugu. Saagorsuit Il­ler­nar­ner­paamut as­siaqutaasut saavan­ni unikaal­lap­poq. Ataq­qin­ningaarluni Il­ler­nar­ner­paamut iser­poq angerutsil­lu il­lerfiata saavanut inis­sil­luni, soorlulusooq Jehovamut sas­sarluni. Maan­na palasiunerup tipigis­saatil­liis­sut il­ler­nar­toq aamarsuar­nut kuivaa ini tamarmi tipigis­sun­ngorlugu. * Kingor­na Il­ler­nar­ner­paamut iseq­qis­saaq pil­liutit ajor­taaruteq­qus­sutit aavan­nik nas­sarluni. Maluginiaruk aam­mik sas­saas­sin­ngin­ner­mini tipigis­saatil­liisoq.

5. Ul­lormi saam­maan­nar­titsivim­mi tipigis­saatil­liineq qanoq ilin­niarfigisin­naavar­put?

⁵ Ul­lormi saam­maan­nar­titsivim­mi tipigis­saatil­liineq qanoq ilin­niarfigisin­naavar­put? Jehovamik pal­lorfigin­nit­tut aalajaatsut qin­nutaat akuerineqarsin­naasut Biibilimi tipigis­saatil­liiner­tut as­sersuusiarineqar­put. (Tuss 141:2; Saqq 5:8) Eq­qaamajuk palasiuneq Jehovamut sas­sarluni tipigis­saatil­liigaangami ataq­qin­ningaar­tar­toq. Taamatut­taaq uagut ataq­qin­ningaarluta qinunik­kut Jehovamut sas­sar­tar­pugut. Qujamasungaar­pugut sunik tamanik Pin­ngor­titsisup akuerim­magu sas­sarfigisin­naagitsin­ni qanimul­lu at­taveqarfigalugu, soorlu meeraq ataataminut taamaat­tar­toq. (Jaak 4:8) Jehovam­mi ikin­ngutigiumavaatigut! Taman­na pingaar­tingaaratsigu qanorluun­niit pakatsisik­kusun­ngilar­put.

6. Palasiunerup uumasut aavan­nik nas­sarluni isinnginnermini tipigis­saatil­liisar­nera qanoq ilin­niarfigaar­put?

⁶ Soorlu eq­qaaneqareersoq, palasiuneq uumasut aavan­nik nas­sarluni isin­ngin­ner­mini tipigis­saatil­leeq­qaar­tariaqar­poq. Taamaasil­luni qulak­keer­tar­paa Guutimit iluarisaal­luni. Taman­na qanoq ilin­niarfigisin­naavar­put? Jiisusi nunarsuarmiik­kal­larami inuit an­naan­neqaatis­saat­tut inuunerminik pil­liuteqan­ngin­nermini pingaar­nerusumik iliuuseqaq­qaar­tariaqar­poq. Pil­liutini Jehovamit akuerineqas­sap­pat taan­na ilumoorfigalugu nunarsuarmi inuunini tamaat naalat­tariaqar­paa. Taamaasil­luni Jiisusip up­per­narsivaa Jehovap piumasaatut ilior­neq eq­qor­tulior­nerusoq. Ataatami kisimi oqar­tus­saanerata eq­qor­tuul­lunilu naaper­tuil­luar­tuuneranik Jiisusi up­per­narsaavoq.

7. Sooq Jiisusip nunarsuarmi inuunera tamaat Jehovap iluaraa?

⁷ Nunarsuarmi inuunermini Jiisusip sutigut tamatigut Jehova naalal­luin­nar­paa. Qanorluun­niit us­ser­niar­neqarlunilu misilin­niar­neqaraluar­toq, al­laat nalun­ngik­kaluarlugu naal­liun­nar­tumik toqutaasus­saal­luni, Ataatami naalak­kersueriaasiata il­lersor­nis­saa aalajangiusimajuar­paa. (Fil 2:8) Misilin­neqaraangami Jiisusi “nil­lingaarluni qul­lilil­lunilu” qinusar­poq. (Hebr 5:7) Qaman­nga pisumik qinugaangami Jehovamut ilumoorfigin­nit­tuunini ersersit­tar­paa naalat­tuar­nis­sanilu aalajangiusimaneruler­tarlugu. Jiisusip qin­nutai Jehovamut tipigis­saatitut naamajuminar­tutut ip­put. Jiisusip inuunermini sutigut tamatigut Ataatani nuan­naar­tit­tar­paa  taas­sumalu kisimi oqar­tus­saanerata eq­qor­tuunera up­per­narsar­tarlugu.

8. Jiisusi qanoq ilaarsin­naavar­put?

⁸ Sapin­ngisatsin­nik Jehovamut naalan­nitsigut ilumoorfigin­nin­nitsigul­lu Jiisusi ilaarsin­naavar­put. Jehova nuan­naar­tik­kusuk­katsigu misilin­neqar­nitsin­ni ikioq­qul­luta qaman­nga pisumik qin­nuigisar­par­put. Taamaalior­nik­kut Jehovap naalak­kersueriaasia tapersersorlugu ersersit­tar­par­put. Nalun­ngilar­put Jehovap uumigisaanik iliorut­ta qin­nutivut taas­suman­nga akuerineqar­navian­ngitsut. Qularutigin­ngil­luin­nar­par­pul­li nuan­narisai naaper­torlugit inuugut­ta qin­nutivut Jehovamut tipigis­saatitut naamajuminar­tutut is­sasut. Aam­ma qularin­ngis­sin­naavar­put naalan­ner­put ilumoorfigin­nin­ner­pul­lu Ataatatsin­nut qilam­miusumut nuan­naarutaasut. – Uss 27:11.

9. Sooq Israelik­kut pil­liutinik nereqatigiis­sutis­sanik pil­liisar­pat?

⁹ Ilin­niagas­sat aap­paat: Jehovamut qujamasuk­kat­ta kif­far­tor­figaar­put. Israelik­kut pil­liutinik nereqatigiis­sutis­sanik pil­liisar­nerat misis­sorutsigu ilin­niagas­saq taan­na paasis­savar­put. * Mosesimik al­lak­kat pingajuini eq­qaaneqar­poq Israelik­kuusup pil­liut nereqatigiis­sutis­saq “qujaniutitut” pil­liutigisin­naagaa. (3 Mos 7:11-13, 16-18) Nam­mineq piumagami pil­liisar­poq, imaan­ngitsoq inatsisitigut peq­quneqarami. Tas­sa Jehova asagamiuk nam­mineq kajumis­sutsiminik taamatut pil­liisar­poq. Pil­liuteqar­toq, ilaqutai palasil­lu uumasumik  pil­liutigineqar­tumik nereqatigiit­tar­put. Uumasul­li ilumiuisa ilaat im­mik­koor­til­lugit Jehovamut pil­liutigineqar­tar­put. Taak­ku suup­pat?

10. Pil­liutit nereqatigiis­sutis­sat Mosesimik al­lak­kat pingajui 3:6, 12, 14-16 al­laatigineqar­tut aam­ma Jiisusip Jehovamut kif­far­tor­nera qanoq as­sigiis­suteqar­pat?

¹⁰ Ilin­niagas­sat pingajuat: Jehova asagatsigu pitsaaner­paaq tun­niut­tar­par­put. Uumasut pil­liutigineqar­neran­ni tun­noq pitsaaner­paasutut Jehovap isigaa. Aam­ma ilumiui aalajangersimasut, soorlu tar­tui, im­mik­kut pingaar­tip­pai. (3 Mosesi 3:6, 12, 14-16 atuakkit). Taamaat­tumik Israelik­kuusoq kajumil­luni taak­kunin­nga pil­liuteqaraangat Jehovap iluaringaar­tar­paa. Israelik­kuusup taamatut pil­liinermigut Guutimut pitsaaner­paamik tunis­suteqarusun­nini ersersit­tar­paa. Tamatumun­nga as­singusumik Jiisusip Jehova asagamiuk kif­far­tor­nermini sapin­ngisamik ilior­nermigut kajumil­luni pitsaaner­paaq pil­liutigaa. (Joh 14:31) Guutip piumasaa malil­lugu ilior­nis­sani Jiisusip kajungerisaraa, Guutim­mi inatsisai nuan­naringaar­pai. (Tuss 40:9) Jehovap Jiisusimit kajumit­tumik kif­far­torfigineqar­nini iluaringaarsimas­savaa!

11. Kif­far­tor­ner­put qanoq pil­liutitut nereqatigiis­sutis­satut pil­liutigineqar­tar­tutut ip­pa, taman­nalu sooq tup­pal­lersaatigisin­naavar­put?

¹¹ Jehovamut kif­far­tor­ner­put pil­liutitut nereqatigiis­sutis­satut pil­liutigineqar­tar­tutul­lusooq ip­poq, kif­far­tor­nitsigum­mi kajumil­luta Jehova pil­lugu qanoq misiginitsin­nik ersersitsisar­pugut. Jehova uum­matik­kut iluun­ngarluta asagatsigu pitsaaner­paaq taas­sumun­nga tun­niut­tar­par­put. Jehovap nuan­naarutigingaar­tarsimas­savaa inuit mil­lionilik­kuutaat asan­nin­neq kajumis­sis­sutigalugu pal­lorfigin­nitsini takugaangamigit. Iliuutsivut taamaal­laat pin­nagit aam­mali pis­sutiginiagar­put takusin­naal­lugulu pingaar­tik­kaa nalunagu tup­pal­ler­nar­poq. As­sersuutigalugu utoq­qalisimaguit kis­saatigisat­tul­lu iliuuseqar­tigisin­naajun­naarlutit qularin­ngis­sin­naavat Jehovap taman­na paasisin­naagaa. Imaas­sin­naavoq misigisutit Jehovamut tun­nius­saqar­piarsin­naanak, Jehoval­li qaman­nga pisumik asan­nin­nerit sapin­ngisamik ilior­nis­san­nut kajumis­sis­sutigisat takusin­naavaa. Pitsaaner­paamik tunis­suteqar­nerit akueralugulu iluaraa.

12. Pil­liutit nereqatigiis­sutis­sat Jehovap qanoq isumaqarfigai, taman­nalu qanoq qiim­maal­laatigaar­put?

¹² Pil­liutit nereqatigiis­sutis­satut pil­liutigineqar­tar­neri qanoq ilin­niarfigisin­naavavut? Uumasup pitsaaner­paar­tai ikual­latsil­lugit tik­ka naamajuminar­toq Jehovap iluarisar­paa. Aam­ma il­lit kajumil­lutit tar­nik­kul­lu iluun­ngarlutit kif­far­tor­nerit Jehovap iluarigaa qularutigis­san­ngilat. (Kol 3:23) Takorlooruk qanoq nuan­naar­titsiginerit. Apeq­qutaan­ngilaq qanoq an­ner­tutigisumik an­nikitsigisumil­luun­niit Jehovamut iliuuseqarsin­naanerit. Iliuutsitit tamaasa Jehovap pingaar­tingaar­pai naas­saan­ngitsumul­lu eq­qaamas­sal­lugit. – Matt 6:20; Hebr 6:10.

13. Mosesimik al­lak­kat pingajui 9:23, 24-lu naaper­torlugit Jehovap palaseqatigiin­nik iluarin­nin­nini qanoq ersersip­paa?

¹³ Ilin­niagas­sat sisamaat: Jehovap peqatigiis­sor­tami ilaat nunar­suar­miit­tut pil­luaq­qusar­pai. 1512-imi kr.in.si. il­ler­nar­tuut qaq­qap Sinajip kil­lingani nap­par­neqarmat susoqar­nersoq eq­qarsaatigiuk. (2 Mos 40:17) Aronip er­nerisalu palasin­ngor­tin­neqar­neran­nik nal­liut­torsior­nermik Mosesi ingerlatitsisuuvoq. Palasit siul­ler­paamik uumasunik pil­liuteqar­neran­nik Israelik­kut takun­nit­tuup­put. (3 Mos 9:1-5) Jehovap palaseqatigiit iver­tin­neqarlaat  iluaralugit qanoq ersersip­paa? Aroni Mosesilu Israelik­kun­nik pil­luaq­qusim­mata Jehovap pil­liivim­mi pil­liutigineqar­tut in­nermik ikik­kar­pai. – 3 Mosesi 9:23, 24 atuakkit.

14. Jehovap itsaq palaseqatigiin­nik iluarin­nin­nera uagutsin­nut sooq soqutiginar­pa?

¹⁴ Jehovap pil­liutinik ikik­kaanera sumik ersersitsiva? Taamaalior­nermigut ersersip­paa Aroni er­nerilu palasin­ngor­titani tapersersorluin­narlugit. Jehovap palaseqatigiin­nik tapersersuinera Israelik­kut takugamik­ku nam­min­neq tapersersuisariaqar­ner­tik paasisimas­savaat. Taman­na uagutsin­nut soqutiginar­pa? Aap! Israelik­kun­nimi palaseqatigiit palaseqatigiin­nut an­nerusunut tarraan­naap­put. Kristusi palasiuneruvoq an­neq, palaseqatigiil­lu kun­ngik­kormiuusut 144.000-t taan­na qilam­mi kif­far­toqatigis­savaat. – Hebr 4:14; 8:3-5; 10:1.

15-16. Jehovap ‘inus­siamik aalajaal­lunilu silatuumik’ iluarin­nin­nini qanoq ersersip­paa?

¹⁵ Jiisusip tanitat eqimat­tat amerlan­ngitsut 1919-imi ‘inus­siatut aalajaal­lunilu silatuutut’ qiner­pai. Inus­siaq nalitsin­ni oqaluus­sinermik siulersuivoq Jiisusil­lu ajoqersugai “pif­fis­saq eq­qorlugu nerisas­saan­nik” tunisarlugit. (Matt 24:45, NW) Guutip inus­siamik aalajaal­lunilu silatuumik iluarin­nin­neranik takus­sutis­saqar­pa?

¹⁶ Inus­siap aalajaatsup suliaa unitsik­kumal­lugu Saatani silarsuaalu iliuuseqangaarsimap­put. Sorsun­nersuaqar­tarsimavoq nunarsuarlu tamak­kerlugu aningaasarsior­nik­kut ajor­nar­torsior­toqarsimal­luni. Aam­ma Guutip in­nut­tai peq­qar­niitsumik malersor­neqar­tarsimap­put naaper­tuil­luan­ngitsumil­lu pineqar­tarlutik. Taamaak­kaluar­toq Jehovap ikiuineratigut inus­siaq aalajaal­lunilu silatooq kristumiunut  anersaak­kut inuus­sutis­sanik pilersitsiuarsimavoq. Nalitsin­ni Biibililersaarutit oqaatsini 900-nit amerlanerusuni akeqan­ngitsumik pis­sarsiarisin­naasat­ta amerlangaar­neri eq­qarsaatigik­kit! Jehovap inus­siamik tapersersuineranut taman­na ersiutaavoq. Aam­ma oqaluus­siner­put Jehovap pil­luaq­qusineranut up­per­narsaataavoq. Nutaarsias­saq nuan­nersoq “silarsuarmi tamarmi” oqaluus­sis­sutigineqar­poq. (Matt 24:14) Qular­nan­ngilaq Jehovap peqatigiis­sor­tani nalitsin­ni siulersorlugil­lu pil­luaq­qungaar­tarai.

17. Jehovap peqatigiis­sor­tai qanoq tapersersorsin­naavavut?

¹⁷ Im­minut ima aperisin­naavugut: ‘Jehovap peqatigiis­sor­taanut nunarsuarmiit­tunut ilaanera qujamasuutigaara?’ Mosesip nalaani Jehovap iluarin­nin­nerminik ersersitsisimaneratut nalitsin­ni peqatigiis­sor­tani iluaralugit ersaris­sumik up­per­narsarsimavaa. Qujamasuutis­sar­pas­suaqar­pugut. (1 Th 5:18, 19) Jehovap peqatigiis­sor­tai qanoq tapersersorsin­naavavut? Biibililersaarutitsin­ni, ataatsimiin­nitsin­ni ataatsimeersuar­nitsin­nilu Biibili najoq­qutaralugu ilik­kak­kat­ta maleruar­nerisigut. Tamatuma saniatigut sapin­ngisamik oqaluus­sinermi ilin­niar­titsinermilu peqataasar­nitsigut tapersersorsin­naavavut. – 1 Kor 15:58.

18. Suna aalajangiusimaviuk?

¹⁸ Mosesimik al­lak­kat pingajuini ilik­kak­kat­ta maleruar­nis­saat aalajangiusimatigu. Pil­liutivut Jehovamit akuerisaas­sasut kis­saatigaar­put. Jehova qujamasuf­figigatsigu kif­far­torfigaar­put. Uum­matik­kut iluun­ngarluta asagatsigu pitsaaner­paamik tunerusup­par­put. Aam­ma sapin­ngisamik nalitsin­ni nunarsuarmi peqatigiis­sor­tai tapersersorusup­pavut. Qanor­toq taamaalior­nik­kut Jehovamut ersersit­tuar­tigu Nalunaajaasuisut kif­far­torsin­naatitaaner­put nuan­naarutigalugu!