ALATIKE AKO 47
Te ʼu Ako Mai Te Tohi ʼo Levitiko
‘Ko meʼa fuli ʼae ʼe tohi ʼi te ʼu Tohi Taputapu ʼe haʼu ia mai te ʼAtua pea ʼe ʼaoga.’—2 TIM. 3:16.
KATIKO 98 Ko Te Tohi-Tapu ʼe Haʼu Mai Te ʼAtua
TE ʼU MANATU FAKANOUNOU *
1-2. He koʼe ʼe tonu ki te kau Kilisitiano ia ʼaho nei ke natou fia lau te tohi ʼo Levitiko?
NEʼE fakamanatuʼi e te apositolo ko Paulo ki tona kaumeʼa ko Timoteo ‘ko meʼa fuli ʼae ʼe tohi ʼi te ʼu Tohi Taputapu ʼe haʼu ia mai te ʼAtua pea ʼe ʼaoga.’ (2 Tim. 3:16) ʼE kau ki ai te tohi ʼo Levitiko. Kotea takotou manatu ki te tohi Fakatohi-tapu ʼaia? ʼE manatu ʼihi, ʼe ko he tohi pe ia ʼaki he ʼu lekula pea ʼe mole kei ʼaoga ʼi totatou temi. Kae ʼe mole manatu feia te kau Kilisitiano moʼoni.
2 Neʼe tohi te tohi ʼo Levitiko kua hili ki ai teitei taʼu ʼe 3 500. Kae neʼe taupau e Sehova te tohi ʼaia “moʼo akoʼi ʼo tatou.” (Loma 15:4) ʼE tokoni mai te tohi ʼaia ke tou mahino ki te faʼahiga manatu ʼa Sehova. Koia ʼae ʼe tonu ai ke tou fia lau te tohi ʼaia moʼo taʼofi mai ai he ʼu ako. ʼE lahi te ʼu ako ʼe feala ke tou taʼofi mai te tohi Fakatohi-tapu ʼaia. Tou vakaʼi ako ʼe fa.
ʼE FEAFEAʼI HATATOU FAKAFIAFIAʼI IA SEHOVA?
3. He koʼe neʼe momoli he ʼu sakilifisio ʼi te ʼAho ʼo Te ʼu Faifakalelei?
3 Ako ʼuluaki: ʼE ʼaoga ke tou fakafiafiaʼi ia Sehova mo kapau ʼe tou loto ke ina tali ʼatatou sakilifisio. ʼI te taʼu fuli ʼi te ʼAho ʼo Te ʼu Faifakalelei, neʼe fakatahitahi ai te kau Iselaele pea neʼe momoli e te pelepitelo lahi he ʼu sakilifisio manu. Neʼe tokoni te ʼu sakilifisio ʼaia ki te kau Iselaele ke natou manatuʼi, ʼe ʼaoga ke fakamaʼa natou mai te agahala. Kae neʼe tonu muʼa ke fakahoko e te pelepitelo lahi he faʼahi ʼe maʼuhiga. Pea ʼe maʼuhiga age te faʼahi ʼaia ʼi tana ʼave ʼae te toto ʼo te ʼu sakilifisio manu ki te Potu Taputapu ʼAupito moʼo fakamolemole te ʼu agahala ʼo te puleʼaga.
(Vakaʼi te palakalafe 4) *
4. Ka tou lau ia Levitiko 16:12, 13, kotea ʼae ʼe fai e te pelepitelo lahi ʼi tana ʼuluaki hu ʼae ki te Potu Taputapu ʼAupito ʼi te ʼAho ʼo Te ʼu Faifakalelei? (Vakaʼi te pāki ʼo te takafi.)
Levitiko 16:12, 13. Kotou fakakaukauʼi age muʼa pe ʼe kotea ʼae neʼe hoko ʼi te ʼAho ʼo Te ʼu Faifakalelei: ʼE hu te pelepitelo lahi ki te tapenakulo. ʼE tonu ke hu tuʼa tolu ʼi te ʼAho ʼo Te ʼu Faifakalelei ki te Potu Taputapu ʼAupito, kae neʼe ko tana ʼuluaki hu ʼaia ki ai. ʼI tona tahi nima, ʼe ina puke he ipu ʼe fonu ko te iseso magoni pea ʼi te tahi nima, ʼe ina puke te ipu ʼaiʼaga afi aulo ʼe fonu ko te mamala kakaha. Pea ʼe tuʼu ʼi muʼa ʼo te lito ʼo te huʼaga ki te Potu Taputapu ʼAupito. Hili ia, pea hu leva ki te Potu Taputapu ʼAupito mo he fakaʼapaʼapa lahi ʼo tuʼu ia muʼa ʼo te aleka ʼo te fuakava. ʼI hona aluʼaga fakata, ʼe tuʼu te pelepitelo lahi ia muʼa ʼo Sehova ʼAtua. ʼI te temi leva ʼaia, ʼe ina huaʼi ʼaki he fakaʼeteʼete te iseso ki te ʼu mamala kakaha ʼo magoni katoa ai te Potu Taputapu ʼAupito. * Pea ʼe toe hu anai ki muli age ki te Potu Taputapu ʼAupito ʼaki te toto ʼo te ʼu sakilifisio manu. Kotou fakatokagaʼi ʼe ina tutu te iseso ʼi muʼa ʼo tana momoli te toto ʼo te ʼu molaga ki te ʼu agahala.
4 Lau ia5. Kotea ʼae ʼe tou ako mai te fakaʼaogaʼi ʼo te iseso ʼi te ʼAho ʼo Te ʼu Faifakalelei?
5 Kotea ʼae ʼe tou ako mai te fakaʼaogaʼi ʼo te iseso ʼi te ʼAho ʼo Te ʼu Faifakalelei? ʼE fakaha mai ʼi te Tohi-Tapu, kia Sehova, ko te ʼu faikole ʼae ʼo ʼana kaugana agatonu, ʼe hage pe ko te iseso. (Pes. 141:2; Fkha. 5:8) Kotou manatuʼi, neʼe ʼave e te pelepitelo lahi te iseso kia muʼa ʼo Sehova ʼaki he fakaʼapaʼapa lahi. ʼE toe feia pe, ka tou faikole kia Sehova, ʼe tou fai ʼaki he fakaʼapaʼapa lahi. Pea ʼe tou manavasiʼi kia te ia. ʼE tou lotofakafetaʼi lahi ki te Tupuʼaga ʼo te ʼatulaulau, koteʼuhi ʼe ina fakagafua ke tou fakaovi age kia te ia. Pea ʼe hage pe tatatou fakaovi ʼaia kia te ia ko tona fai e he kiʼi tamasiʼi ki tana tamai. (Sakp. 4:8) ʼE ina tali ke tou liliu ko ʼona kaumeʼa. (Taag. 3:32) Pea ʼe maʼuhiga ʼaupito te pilivilesio ʼaia kia tatou. Koia ʼae ʼe mole tou fai anai ʼi he temi he meʼa ʼe lotomamahi ai.
6. Kotea te ako ʼe tou taʼofi mai te tutu e te pelepitelo lahi te iseso ʼi muʼa ʼo tana momoli te ʼu sakilifisio?
6 Kotou manatuʼi, neʼe tonu ke tutu e te pelepitelo lahi ia te iseso ʼi muʼa ʼo tana momoli te ʼu sakilifisio. ʼI tana ʼuluaki fai te aluʼaga ʼaia, neʼe feala ai ke ina iloʼi pe ʼe leleiʼia anai e te ʼAtua te ʼu sakilifisio ʼae ka ina momoli. Kotea ʼae ʼe tou ako mai te aluʼaga ʼaia? Neʼe tonu kia Sesu ʼi tana kei nofo ʼi te kele, ke ina fakahoko he faʼahi maʼuhiga ʼi muʼa ʼo tana foaki tona maʼuli ohage ko he sakilifisio. Ko te faʼahi ʼaia, neʼe maʼuhiga age ia ʼi te haofaki ʼo te malamanei. Kotea te faʼahi ʼaia? Neʼe tonu ke nofo agatonu pea mo fakalogo kia Sehova lolotoga tona maʼuli katoa ʼi te kele, ke tali e Sehova ia tona sakilifisio. ʼAki tana fai te faʼahi ʼaia, ʼe fakamoʼoni ai anai e Sesu ko te faʼahiga maʼuli ʼae ʼe lelei tukupau, ko te fai ʼo te finegalo ʼo Sehova. Pea ʼe fakalakatonuʼi anai e Sesu te pule faʼitaliha, peʼe ko te faʼahiga takitaki ʼo tana Tamai.
7. He koʼe neʼe fakafiafiaʼi e Sesu ia tana Tamai ʼi tona maʼuli katoa ʼi te kele?
7 Neʼe fakalogo tuʼumaʼu pe ia Sesu kia Sehova ʼi tona maʼuli katoa ʼi te kele. Neʼe tau ia Sesu mo te ʼu fakahala mo te ʼu ʼahiʼahi, pea neʼe ina iloʼi ʼe tau anai mo he mate fakamataku. Kae Logo la te ʼu aluʼaga ʼaia, neʼe ina fakatotonu malohi ke ina fakamoʼoni, ko te faʼahiga pule ʼae ʼe lelei tukupau, ʼe ko te faʼahiga pule pe ʼae ʼo tana Tamai. (Flp. 2:8) ʼI te temi ʼae neʼe felaveʼi ai Sesu mo he ʼu aluʼaga faigataʼa, neʼe faikole “ ʼaki he leʼo malohi pea mo ni loʼimata.” (Hep. 5:7) Neʼe ha ʼi ʼana faikole fakamalotoloto tana nofo agatonu kia Sehova pea neʼe toe malohi ai tana fia fakalogo ki tana Tamai. Kia Sehova, neʼe hage te ʼu faikole ʼa Sesu ko te magoni ʼo te iseso. Neʼe fakafiafiaʼi e Sesu ia tana Tamai ʼi tona maʼuli katoa, ʼo feala ai ke ina fakalakatonuʼi tana pule faʼitaliha.
8. ʼE feafeaʼi hatatou faʼifaʼitakiʼi te faʼahiga maʼuli ʼo Sesu?
8 ʼE feala ke tou faʼifaʼitakiʼi ia Sesu, ʼo tou faiga malohi ke tou fakalogo mo tou nofo agatonu kia Sehova. Kapau ʼe tou tau mo he ʼu ʼahiʼahi, tou faikole fakamalotoloto kia Sehova ke tokoni mai he ʼe tou fia fakafiafiaʼi tona loto. Ka tou fai feia, ʼe tou fakaha ai ʼe tou lagolago ki te faʼahiga takitaki ʼa Sehova. ʼE tou iloʼi ʼe mole tali anai e Sehova ʼatatou faikole mo kapau ʼe tou fai he ʼu meʼa ʼe fehiʼa ai. Kae, kapau ʼe tou fai te ʼu meʼa ʼae ʼe ina leleiʼia, ʼe feala hatatou tui papau ʼe hage anai ʼatatou faikole kia Sehova ko te magoni ʼo te iseso. Pea ʼe tou toe tui papau, ʼe fiafia anai tatatou Tamai ʼae ʼi selo ʼi tatatou nonofo agatonu mo fakalogo kia te ia.—Taag. 27:11.
ʼE TOU TAUHI KIA SEHOVA HE ʼE TOU LOTOFAKAFETAʼI MO ʼOʼOFA KIA TE IA
(Vakaʼi te palakalafe 9) *
9. He koʼe neʼe momoli e te kau Iselaele he ʼu sakilifisio fakafetaʼi?
9 Ako lua: ʼE tou tauhi kia Sehova koteʼuhi ʼe tou lotofakafetaʼi kia te ia. ʼE tou ako anai te manatu ʼaia ʼaki tatatou vakaʼi te ʼu sakilifisio fakafetaʼi peʼe ʼo te tokalelei * ʼae neʼe fai e te kau Iselaele. ʼI te tohi ʼo Levitiko, ʼe tou mahino ai neʼe feala ke momoli e he tagata Iselaele he sakilifisio ʼo te tokalelei moʼo fakaha tana lotofakafetaʼi. (Lev. 7:11-13, 16-18) Neʼe mole ina fai te molaga ʼaia ʼuhi pe he neʼe ko tona maʼua, kae neʼe lotolelei ki ai. Neʼe ko he molaga neʼe ina momoli ʼi tona lotolelei, koteʼuhi neʼe ʼofa ʼi tona ʼAtua ʼae ko Sehova. Pea ko te kanoʼi manu ʼo te manu ʼae neʼe sakilifisioʼi, neʼe kai e te kau pelepitelo, mo ia ʼae neʼe ina fai te sakilifisio pea mo tona famili. Kae ko ʼihi koga ʼo te manu ʼae neʼe sakilifisioʼi, neʼe momoli ʼateaina pe kia Sehova. Kotea te ʼu koga ʼaia?
(Vakaʼi te palakalafe 10) *
10. Kotea ʼae ʼe tatau ai te ʼu sakilifisio fakafetaʼi ʼae ia Levitiko 3:6, 12, 14-16, mo te tauhi ʼae ʼa Sesu kia Sehova?
10 Ako tolu: ʼE tou foaki te ʼu meʼa ʼae ʼe lelei tukupau kia Sehova, koteʼuhi ʼe tou ʼoʼofa kia te ia. Ko te gako ʼo he manu, neʼe ko he koga lelei tukupau ʼaia kia Sehova. Neʼe ui e Sehova, ʼe toe maʼuhiga kia ia ʼihi atu koga ʼo te manu, ʼo kau ai te ʼu ifiifi. (Lau ia Levitiko 3:6, 12, 14-16.) Koia ʼae neʼe leleiʼia tafito e Sehova moka foaki e he tagata Iselaele ʼi tona lotolelei te ʼu koga ʼaia pea mo te gako kia te ia. Ka momoli e he tagata Iselaele he molaga feia, ʼe ina fakaha tana fia foaki te meʼa ʼae ʼe lelei tukupau ki te ʼAtua. ʼO toe feia pe mo Sesu, neʼe ina foaki kia Sehova te ʼu meʼa ʼae ʼe lelei tukupau. Neʼe ina fai te faʼahi ʼaia ʼaki tana tauhi kia Sehova ʼi tona loto katoa, koteʼuhi neʼe ʼofa ia te ia. (Soa. 14:31) Neʼe fiafia ia Sesu ʼi te fai ʼo te finegalo ʼo te ʼAtua, pea neʼe ʼofa mamahi ki tana lao. (Pes. 40:9) ʼE mahino papau ia, neʼe fiafia lahi ia Sehova ʼi tana sio ʼae ʼe tauhi age ia Sesu kia te ia ʼaki he lotolelei.
ʼE tou foaki kia Sehova te ʼu meʼa ʼae ʼe lelei tukupau koteʼuhi ʼe tou ʼoʼofa kia te ia (Vakaʼi te palakalafe 11-12) *
11. He koʼe ʼe feala ke tou fakatatau tatatou tauhi pea mo te ʼu sakilifisio fakafetaʼi? Pea ʼe ina fakalotofimalieʼi feafeaʼi ia tatou?
11 Ko tatatou tauhi ʼae kia Sehova ʼe hage pe ko te ʼu sakilifisio fakafetaʼi ʼaia, he ʼe tou fakaha ai te ʼu meʼa ʼae ʼe tou logoʼi ʼi totatou loto ʼo ʼuhiga mo ia. ʼE tou foaki te ʼu meʼa ʼae ʼe lelei tukupau kia Sehova, koteʼuhi ʼe tou ʼoʼofa kia te ia ʼi totatou loto katoa. ʼE mahino ia, ʼe fiafia lahi ia Sehova ʼi tana sio ʼae ʼe lotolelei te toko lauʼi miliona hahaʼi ke natou tauhi kia te ia. Pea ʼe natou fai te faʼahi ʼaia, koteʼuhi ʼe natou ʼoʼofa kia te ia pea mo ʼana lao. ʼE sio ia Sehova pea mo ina leleiʼia te ʼu meʼa ʼae ʼe tou fai, kae ʼe mole gata ai. ʼE toe mahino foki pe kotea ʼae ʼe ina uga tatou ke tou fai te ʼu meʼa ʼaia. Pea ʼe ko he faʼahi ʼe fakalotofimalie kia tatou. Ohage la, ʼe lagi kua kotou vaivai matuʼa, ʼo mole kei feala hakotou fai te ʼu meʼa ʼae ʼe kotou loto ki ai. Kae ʼe tonu ke kotou tui papau, ʼe mahino Sehova ki ʼokotou tuʼakoi. ʼE lagi kotou manatu ʼe mole kei feala hakotou gaue lahi maʼa Sehova. Kae ʼe sio Sehova ki tokotou loto, ki tokotou ʼofa ʼae ʼe ina uga ke kotou fai te ʼu meʼa ʼae ʼe kotou lavaʼi. ʼE fiafia ia Sehova pea ʼe ina tali te ʼu meʼa lelei tukupau ʼae ʼe feala ke kotou foaki age kia te ia.
12. Kotea te manatu ʼa Sehova ki te ʼu sakilifisio fakafetaʼi? Pea kotea ʼae ʼe feala ke tou tui papau ki ai?
12 Kotea ʼae ʼe tou ako mai te ʼu sakilifisio fakafetaʼi? Ka tutu ʼi te afi ia te ʼu koga lelei tukupau ʼo te manu, pea mo hake tona kohu, ʼe fiafia ai ia Sehova. Koia kotou tui papau, ʼe toe fiafia ia Sehova moka ʼe kotou tauhi kia te ia ʼaki he lotolelei pea mo tokotou maʼuli katoa. (Kol. 3:23) Kotou fakakaukauʼi age muʼa ia tana fiafia ʼae ʼo ʼuhiga mo koutou. ʼE tatau aipe pe ʼe lahi peʼe veliveli takotou gaue ʼae kia Sehova, kae ʼe maʼuhiga ʼaupito kia te ia ʼakotou faiga pea ʼe mole ina galoʼi anai ʼi he temi.—Mat. 6:20; Hep. 6:10.
ʼE TAPUAKINAʼI E SEHONA IA TANA KAUTAHI
13. Ka tou lau ia Levitiko 9:23, 24, neʼe fakaha feafeaʼi e Sehova tana fiafia ʼo ʼuhiga mo te gaue fakapelepitelo?
13 Ako fa: ʼE tapuakinaʼi e Sehova te koga ʼo tana kautahi ʼae ʼi te kele. Tou vakaʼi pe ʼe kotea ʼae neʼe hoko ʼi te taʼu 1512 I.M.T.S. * ʼi te temi ʼae neʼe fakatuʼu ai te tapenakulo ʼi te vaʼe Moʼuga ʼo Sinai. (Eke. 40:17) Neʼe takitaki e Moisese te toʼotoʼoga ʼae neʼe fakanofo ai ia Alone mo ʼona foha ko he kau pelepitelo. Neʼe fakatahitahi leva te puleʼaga ʼo Iselaele ke natou mamata ki te momoli e te kau pelepitelo ʼanatou ʼuluaki sakilifisio manu. (Lev. 9:1-5) Neʼe fakaha feafeaʼi e Sehova tana fiafia ki te kau pelepitelo foʼou ʼae neʼe hoki fakanofo? Lolotoga te tapuakiʼi ʼo te hahaʼi e Moisese pea mo Alone, neʼe tuku ifo e Sehova he afi mai te lagi ʼo ina tutu fuli ai te sakilifisio ʼi te fuga ʼaletale.—Lau ia Levitiko 9:23, 24.
14. He koʼe ʼe maʼuhiga kia tatou ia te lagolago ʼa Sehova ki te gaue fakapelepitelo ʼa Alone?
14 He koʼe neʼe tuku ifo e Sehova he afi mai te lagi? Neʼe tuku ifo e Sehova he afi mai te lagi moʼo fakaha ia tana fiafia pea mo tana lagolago kia Alone mo ʼona foha ʼae neʼe filifili ke liliu ko he ʼu pelepitelo. Neʼe sisio lelei ia te kau Iselaele ki te lagolago ʼa Sehova ki te kau pelepitelo. Koia ʼae neʼe natou mahino ai leva, ʼe tonu ke natou lagolago katoa ki te gaue fakapelepitelo. He koʼe ʼe maʼuhiga kia tatou ia te lagolago ʼa Sehova ki te gaue fakapelepitelo ʼae ʼi Iselaele? Koteʼuhi ʼe fakata e te gaue fakapelepitelo ʼaia ia he gaue fakapelepitelo ʼe lelei age pea mo maʼuhiga age. Ko Sesu ʼe ko te Pelepitelo Lahi tokotahi, pea ʼe ʼi ai anai te toko 144 000 kau pelepitelo pea mo hau ʼe natou kaugā gaue anai mo ia ʼi te lagi.—Hep. 4:14; 8:3-5; 10:1.
ʼE tapuakina mo takitaki e Sehova ia tana kautahi. Pea ʼe tou lagolago mo totatou loto katoa ki tana kautahi (Vakaʼi te palakalafe 15-17) *
15-16. Neʼe fakaha feafeaʼi e Sehova tana lagolago ki “te tagata faifekau agatonu mo poto”?
15 ʼI te taʼu 1919, neʼe filifili e Sesu he kiʼi kutuga ʼo he ʼu tehina fakanofo ke natou liliu ko “te tagata faifekau agatonu mo poto.” Ko te tagata faifekau ʼaia, ʼe ina takitaki te gaue faifakamafola pea ʼe ina foaki ki te ʼu tisipulo ʼa Kilisito tanatou “meʼa kai ʼi tona temi totonu.” (Mat. 24:45) ʼE tou maʼu koa he ʼu fakamoʼoni ki te lagolago ʼa te ʼAtua ki te tagata faifekau ʼaia?
16 Ko Satana mo tana hahaʼi ʼe natou faigaʼi ke natou taʼofi te gaue ʼa te tagata faifekau agatonu. Kae ʼe mole feala ke taʼofi te gaue ʼa te tagata faifekau ʼaia, koteʼuhi ʼe ina maʼu te tokoni ʼa Sehova. Ohage la, neʼe hoko te ʼu tau fakamalamanei ʼe lua pea mo he ʼu fihifihia fakapaʼaga ʼi te malamanei. Pea neʼe gaohi koviʼi mo fakatagaʼi te hahaʼi ʼa te ʼAtua. Kae logo la te ʼu aluʼaga ʼaia, Mat. 24:14) ʼE mahino papau ia, ʼe takitaki pea mo tapuakinaʼi lahi e Sehova tana kautahi ia ʼaho nei.
neʼe foaki aipe e te tagata faifekau agatonu mo poto te meʼa kai fakalaumalie ki te ʼu tisipulo ʼa Kilisito ʼi te kele. Kotou fakakaukauʼi age muʼa te kua mahu ʼo te meʼa kai fakalaumalie ia ʼaho nei. ʼE mole totogi pea ʼe maʼu te meʼa kai fakalaumalie ʼaia ia lea ʼe 900 tupu. ʼE ha lelei mai, ʼe lagolago te ʼAtua ki te tagata faifekau agatonu mo poto. Pea ko te gaue faifakamafola ʼe ko te tahi pe ʼaia fakamoʼoni ʼo te tapuakina ʼa Sehova. Ko te logo lelei ʼe fakamafola moʼoni “ ʼi te kele katoa.” (17. ʼE feafeaʼi hatatou lagolago ki te kautahi ʼae ʼe fakaʼaogaʼi e Sehova?
17 ʼE lelei ke tou fai te fehuʼi ʼaeni: ‘ ʼE au lotofakafetaʼi koa ʼi taku kau ki te kautahi ʼa Sehova?’ ʼI te temi ʼo Moisese, neʼe tuku ifo e Sehova he afi mai te lagi moʼo fakaha tana fiafia ʼo ʼuhiga mo natou ʼae neʼe ina filifili. ʼE toe feia pe, neʼe fakaha lelei mai e Sehova ʼe ina fakaʼaogaʼi tana kautahi ia ʼaho nei. Koia, ʼe lahi te ʼu tupuʼaga ke tou lotofakafetaʼi ai ki te ʼAtua. (1 Tes. 5:18, 19) ʼE feafeaʼi hatatou lagolago ki te kautahi ʼae ʼe fakaʼaogaʼi e Sehova? ʼAki tatatou maʼuliʼi te ʼu tokoni ʼae ʼe maʼu ʼi te Tohi-Tapu, mo ʼatatou tohi, mo te ʼu fono pea mo te ʼu fakatahi lalahi. Pea tahi, ʼe feala ke tou fakaha tatatou lagolago ʼaki tatatou fakahoko katoa te gaue faifakamafola pea mo faiako.—1 Ko. 15:58.
18. Kotea ʼae ʼe kotou faiga malohi ke kotou fai?
18 Tou fakatotonu ke tou maʼuliʼi te ʼu ako ʼae neʼe tou taʼofi mai te tohi ʼo Levitiko. Tou faiga malohi ke fiafia ia Sehova ʼo ʼuhiga mo tatou pea ke ina tali ʼatatou sakilifisio. Tou tauhi kia Sehova ʼaki he lotofakafetaʼi pea mo tou haga foaki kia te ia te ʼu meʼa ʼae ʼe lelei tukupau. Pea ʼe tou fai te faʼahi ʼaia, koteʼuhi ʼe tou ʼoʼofa kia te ia ʼi totatou loto katoa. Koia, ʼofa pe ke tou lagolago malohi ki te kautahi ʼae ʼe fakaʼaogaʼi e Sehova ia ʼaho nei. Kapau ʼe tou fai feia, ʼe tou fakaha ai kia Sehova ʼe ko he pilivilesio maʼuhiga tatatou tauhi kia te ia, pea ko tatou ko ʼana Fakamoʼoni.
KATIKO 96 Ko Te Tohi ʼa Te ʼAtua ʼe Ko He Koloa
^ pal. 5 ʼE maʼu ʼi te tohi ʼo Levitiko te ʼu lao ʼae neʼe foaki e Sehova ki te kau Iselaele ʼo te temi muʼa. ʼE mole tonu kia tatou Kilisitiano ke tou fakalogo ki te ʼu lao ʼaia. Kae ʼe kei feala pe ke tokoni mai te ʼu lao ʼaia kia tatou ʼi te temi nei. ʼI te alatike ʼaeni, ʼe tou vakaʼi anai he ʼu ako maʼuhiga mai te tohi ʼo Levitiko.
^ pal. 4 Ko te iseso ʼae neʼe tutu ʼi te tapenakulo, neʼe taputapu. Pea ʼi te Iselaele ʼafeā, neʼe fakaʼaogaʼi ʼateaina pe te iseso ki te tauhi ʼae kia Sehova. (Eke. 30:34-38) ʼE mole tou iloʼi pe neʼe tutu e te kau ʼuluaki Kilisitiano te iseso ʼi tanatou tauhi.
^ pal. 9 Kapau ’e kotou fia ma’u he tahi ’u fakamahino ʼo ʼuhiga mo te ʼu sakilifisio fakafetaʼi peʼe ʼo te tokalelei, kotou vakaʼi te tohi Étude perspicace des Écritures, volume 2, p. 847.
^ pal. 13 Ko te ʼu mataʼi tohi ʼaeni I.M.T.S. ko tona fakaʼuhiga: ʼI Muʼa ʼo te Temi ʼo Sesu.
^ pal. 55 FAKAMATALA ʼO TE ʼU PĀKI: ʼI te ʼAho ʼo Te ʼu Faifakalelei, neʼe hu te pelepitelo lahi ki te Potu Taputapu ʼAupito mo te iseso pea mo he ʼu mamala kakaha, pea neʼe magoni katoa ai te koga fale ʼaia. Pea ʼi te tahi lakaga ʼo te ʼaho pe ʼaia, neʼe toe hu te pelepitelo lahi ki te Potu Taputapu ʼAupito mo te toto ʼo te ʼu sakilifisio ki te ʼu agahala.
^ pal. 57 FAKAMATALA ʼO TE ʼU PĀKI: Ko he tagata Iselaele ʼe ina ʼave ki he pelepitelo ia he ovi ke ina momoli he sakilifisio fakafetaʼi peʼe ʼo te tokalelei moʼo fakaha te lotofakafetaʼi ʼo tona famili kia Sehova.
^ pal. 59 FAKAMATALA ʼO TE ʼU PĀKI: ʼI tana faifakamafola, neʼe fakaha e Sesu tona ʼofa mamahi kia Sehova ʼo ina taupau ʼana fakatotonu pea mo tokoni ki ʼana tisipulo ke natou toe fai feia.
^ pal. 61 FAKAMATALA ʼO TE ʼU PĀKI: Ko he tuagaʼane, logo la tona kua vaivai matuʼa, ʼe ina foaki te ʼu meʼa ʼae ʼe lelei tukupau kia Sehova ʼo faifakamafola ʼaki tana fai he ʼu tohi.
^ pal. 63 FAKAMATALA ʼO TE ʼU PĀKI: ʼI Fepualio 2019, ko te tehina ʼo te Kolesi Pule ko Gerrit Lösch, neʼe ina fakaha te Tohi-Tapu Traduction du monde nouveau ʼae neʼe toe vakaʼi ʼi te lea Fakasiamani, ki he nofoʼaki ʼe lotofakafetaʼi pea mo fiafia. Ia ʼaho nei, ʼe fakaʼaogaʼi fakafiafia e te kau faifakamafola ʼo Siamani ia te Tohi-Tapu foʼou ʼaia ʼi te gaue faifakamafola ohage pe ko te ʼu tuagaʼane ʼaeni.