49-زەرتتەۋ ماقالاسى
ەڭبەك ەتەتىن جانە دەمالاتىن ۋاقىت بار
«جۇرىڭدەر،.. وڭاشا جەرگە بارىپ، ازداپ تىنىعىپ الىڭدار» (مار. 6:31).
143-ٵن قىزمەت ەتەيىك، سەرگەك جۇرەيىك، كۇتەيىك
اڭداتپا *
1. كوپشىلىكتىڭ جۇمىسقا قاتىستى كوزقاراسى قانداي؟
ٴسىز تۇراتىن جەردە كوپشىلىكتىڭ جۇمىسقا قاتىستى كوزقاراسى قانداي؟ كوپ ەلدەردە ادامدار بۇرىنعىعا قاراعاندا كوپ جۇمىس ىستەيدى. جۇمىسقا باسىمەن كىرىپ كەتكەن ادامداردىڭ دەمالۋعا، وتباسىمەن بىرگە ۋاقىت وتكىزۋگە نەمەسە رۋحاني مۇقتاجدىقتارىن قاناعاتتاندىرۋعا قولدارى تيمەي جاتادى (ۋاع. 2:23). ال كەيبىر ادامدار بولسا، مۇلدەم ەڭبەك ەتكىلەرى كەلمەيدى، ايتەۋىر ٴبىر سىلتاۋ تاۋىپ، جۇمىس ىستەمەۋدىڭ امالىن ىزدەيدى (ناق. س. 26:13، 14).
2، 3. ەحوبا مەن يسا ەڭبەك ەتۋگە قاتىستى قانداي ۇلگى كورسەتتى؟
2 ەحوبا مەن يسانىڭ جۇمىسقا قاتىستى كوزقاراسى وسى دۇنيەنىكىنەن مۇلدەم باسقاشا. ەحوبانىڭ ەڭبەكسۇيگىش ەكەندىگىنە داۋ جوق. يسا دا مۇنى راستاپ: «اكەم ەڭبەك ەتۋدى دوعارعان جوق، مەن دە ەڭبەك ەتۋدەمىن»،— دەگەن (جوح. 5:17). قۇدايدىڭ سانسىز رۋحاني جاراتىلىستاردى، شەتى مەن شەگى جوق عالامدى جاراتقانى جايلى ويلاپ كورىڭىزشى. بۇعان قوسا، جەر بەتى قۇدايدىڭ عالامات تۋىندىلارىنا تولى. ٴزابۇر جىرشىسى: «ۋا، ەحوبا، ىستەرىڭ نەتكەن كوپ دەسەڭشى! سەن ولاردىڭ ٴبارىن دانالىقپەن جاسادىڭ، جەر بەتىن جاراتىلىستارىڭا تولتىردىڭ»،— دەپ ٴدال ايتقان (ٴزاب. 104:24).
3 يسا اكەسىنەن ۇلگى-ونەگە العان. قۇداي «اسپاندى... دايىنداعاندا» ول قاسىندا بولىپ، وعان كومەكتەسكەن. يسا ەحوبانىڭ قاسىندا «شەبەر جۇمىسشى» بولدى (ناق. س. 8:27—31). كەيىننەن جەردە بولعاندا دا كوپ ٸس اتقاردى. يسا ەحوبانىڭ تاپسىرعان ٸسىن ورىنداۋ وعان تاماق ىسپەتتى ەكەنىن ايتقان جانە يسانىڭ ىستەگەن ٵربىر ٸسى ونى قۇداي جىبەرگەنىن دالەلدەگەن (جوح. 4:34؛ 5:36؛ 14:10).
4. دەمالۋعا قاتىستى ەحوبا مەن يسا قانداي ۇلگى قالدىردى؟
4 ەحوبا مەن يسانىڭ ەڭبەكقور بولعانى دەمالماي ەڭبەك ەتۋىمىز كەرەك دەگەندى بىلدىرە مە؟ مۇلدەم ولاي ەمەس. ەحوبا ەشقاشان مۇس. 2-ج. 31:17). بۇل سوزدەر ەحوبانىڭ توقتاپ، جاساعاندارىنا قاراپ تامسانعانىن بىلدىرسە كەرەك. يسا جەردە بولعان كەزىندە تىنباي ەڭبەكتەنسە دە، دەمالۋعا جانە دوستارىمەن داستارقانداس بولۋعا ۋاقىت تاپقان (مات. 14:13؛ لۇقا 7:34).
شارشامايدى، سوندىقتان ول دەمالۋدى قاجەت ەتپەيدى. الايدا كيەلى كىتاپتا اسپان مەن جەردى جاراتىپ بولعاننان كەيىن ەحوبانىڭ «ٸسىن دوعارىپ، دەمالعانى» ايتىلعان (5. قۇداي قىزمەتشىلەرىنىڭ كوبىسىنە نە قيىن؟
5 كيەلى كىتاپ قۇداي قىزمەتشىلەرىن ەڭبەكسۇيگىش بولۋعا تالپىندىرادى. ولار جالقاۋ بولماي، ەڭبەكقور بولۋلارى كەرەك (ناق. س. 15:19). بالكىم، ٴسىز وتباسىڭىزدى اسىراۋ ٷشىن جۇمىس ىستەيتىن شىعارسىز. بۇعان قوسا، ٴماسىحتىڭ بارلىق شاكىرتتەرىندە ىزگى حاباردى ۋاعىزداۋ مىندەتى بار. الايدا دەمالۋ دا كەرەك. كەيدە سىزگە جۇمىسقا، قىزمەتكە جانە دەمالۋعا جەتكىلىكتى ۋاقىت تابۋ قيىن با؟ قانشا ۋاقىت جۇمىس ىستەپ، قانشا ۋاقىت دەمالاتىنىمىزدى قالاي شەشسەك بولادى؟
تارازى باسىن تەڭ ۇستاڭىز
6. يسانىڭ جۇمىس پەن دەمالىسقا قاتىستى دۇرىس كوزقاراس ۇستانعانى مارقا 6:30—34 تارماقتاردان قالاي كورىنەدى؟
6 جۇمىسقا كەلگەندە بايىپتى بولۋ ماڭىزدى. سۇلەيمەن پاتشا كيەلى رۋحتىڭ جەتەلەۋىمەن «ٵربىر ٸستىڭ ٶز ۋاقىتى بار» دەپ جازعان. ول ەگەتىن، سوعاتىن، جىلايتىن، كۇلەتىن، بيلەيتىن جانە باسقا دا ىستەردىڭ ٶز ۋاقىتى بار ەكەنىن ايتقان (ۋاع. 3:1—8). جۇمىس پەن دەمالىس ٶمىردىڭ اجىراماس بولىگى ەكەنى ايتپاسا دا تۇسىنىكتى. يسا دەمالىس پەن جۇمىسقا قاتىستى دۇرىس كوزقاراس تانىتقان. بىردە شاكىرتتەردىڭ ۋاعىز ساپارىنان قايتىپ كەلگەننەن كەيىن قولدارى تيمەگەنى سونشا — «ولاردىڭ ٴتىپتى تاماقتانۋعا ۋاقىتى بولمايدى». سوندا يسا ولارعا: «جۇرىڭدەر، مەنىمەن بىرگە وڭاشا جەرگە بارىپ، ازداپ تىنىعىپ الىڭدار»،— دەدى (مارقا 6:30—34 وقىڭىز). ٵردايىم وزدەرى قالاعانداي دەمالا الماسا دا، يسا وزىنە دە، شاكىرتتەرىنە دە دەمالۋ قاجەت ەكەنىن تۇسىنگەن.
7. دەمالىس كۇنى جايلى زاڭدى قاراستىرعانىمىزدىڭ قانداي پايداسى بار؟
7 ارا-تۇرا بارىمىزگە دە دەمالۋ كەرەك نە كۇن ٴتارتىبىمىزدى وزگەرتۋ قاجەت. بۇنى دەمالىس كۇنى جايلى زاڭنان بىلەمىز. ەجەلدە قۇداي ٶز حالقىنان دەمالىس كۇنىن اپتا سايىن ۇستانۋدى تالاپ ەتكەن. ٴبىز مۇسا زاڭىنا باعىنىشتى بولماساق تا، دەمالىس كۇنى جايلى زاڭنان كوپ نارسەگە ۇيرەنە الامىز. بىلگەندەرىمىز جۇمىس ىستەۋ مەن دەمالۋعا قاتىستى دۇرىس كوزقاراستا بولۋعا كومەكتەسەدى.
دەمالىس كۇنى — تىنىعاتىن جانە عيبادات ەتەتىن ۋاقىت
8. مۇسانىڭ 2-جازباسى 31:12—15 تارماقتارعا ساي، دەمالىس كۇنىنىڭ ماقساتى قانداي بولعان؟
8 قۇداي سوزىندە التى «كۇننەن» كەيىن قۇدايدىڭ جەر بەتىندەگى جاراتۋ ٸسىن دوعارعانى جازىلعان (مۇس. 1-ج. 2:2). الايدا ەحوبا ەڭبەك ەتۋدى سۇيگەندىكتەن، باسقا ىستەردە «ەڭبەك ەتۋدى دوعارعان جوق» (جوح. 5:17). ول التى «كۇن» جۇمىس ىستەپ، جەتىنشى «كۇنى» دەمالعاندىقتان، يسرايلدىكتەرگە دە ٵر جەتىنشى كۇنى دەمالۋدى بۇيىردى. دەمالىس كۇنى قۇداي مەن يسرايل حالقىنىڭ اراسىنداعى ەرەكشە قارىم-قاتىناستىڭ بەلگىسى ەدى. بۇل كۇن «ەحوبا ٷشىن قاسيەتتى» ٵرى «تولىعىمەن تىنىعاتىن» كۇن بولعان (مۇسانىڭ 2-جازباسى 31:12—15 وقىڭىز). دەمالىس كۇنى ەشكىمگە دە — بالالارعا دا، قۇلدارعا دا، ٴتىپتى مالدارعا دا — جۇمىس ىستەۋگە بولمايتىن (مۇس. ). وسىنىڭ ارقاسىندا حالىق رۋحاني ىستەرگە كوبىرەك نازار اۋدارا الاتىن. 2-ج. 20:10
9. يسانىڭ كەزىندە دەمالىس كۇنىنە قاتىستى قانداي بۇرىس كوزقاراس بولعان؟
9 قۇداي حالقى دەمالىس كۇنىنىڭ يگىلىگىن كورگەن. الايدا يسانىڭ كەزىندە كوپتەگەن دىنباسىلارى بۇعان قاتىستى تىم قاتال ەرەجەلەر ورناتقان. ولار دەمالىس كۇنى ٴتىپتى ماساق ٷزىپ جەۋگە نە ناۋقاس ادامدى ساۋىقتىرۋعا بولمايدى دەپ ەسەپتەگەن (مار. 2:23—27؛ 3:2—5). مۇنداي كوزقاراس قۇدايدىڭ دەمالىس كۇنىنە قاتىستى نيەتىنە مۇلدەم كەرەعار ەدى. يسا مۇنى تىڭداۋشىلارىنا انىق كورسەتتى.
يسانىڭ وتباسى دەمالىس كۇنى قۇدايعا عيبادات ەتكەن (10-ابزاستى قاراڭىز) *
10. ماتاي 12:9—12 تارماقتارعا ساي، يسا دەمالىس كۇنىنە قالاي قاراعان؟
10 يسا مەن ونىڭ ياھۋدي ٸزباسارلارى مۇسا زاڭىن ۇستانعاندىقتان، دەمالىس كۇنى تىنىعاتىن *. ٴبىراق يسا سوزىمەن دە، ىسىمەن دە دەمالىس كۇنى جاقسىلىق جاساپ، ادامدارعا كومەكتەسۋگە بولاتىنىن كورسەتتى. ول: «دەمالىس كۇنى جاقسىلىق جاساۋعا بولادى»،— دەپ ناقتى ايتتى (ماتاي 12:9—12 وقىڭىز). دەمالىس كۇنى جاقسىلىق جاساۋدى ول زاڭ بۇزۋ دەپ سانامادى. يسانىڭ ارەكەتتەرى دەمالىس كۇنىنىڭ نەگىزگى ماقساتىن ايقىن ەتكەن. ويتكەنى قۇداي حالقى كۇندەلىكتى كۇيبىڭ تىرلىكتەن دەمالعاندا، رۋحاني ىستەرگە كوڭىل اۋدارا العان. يسانىڭ تۋىپ-وسكەن وتباسى دا دەمالىس كۇنىن قۇدايعا عيبادات ەتۋ ٷشىن ۇستانعانى ٴشۇباسىز. ٴبىز مۇنى يسا جايلى جازىلعان مىنا سوزدەردەن بىلەمىز: «كەيىن ول ٶزى وسكەن نازارەت قالاسىنا كەلىپ، ادەتىنشە دەمالىس كۇنى ٴماجىلىسحاناعا باردى. يسا جازبالاردان وقىپ بەرۋ ٷشىن ورنىنان تۇردى» (لۇقا 4:15—19).
جۇمىسقا قاتىستى كوزقاراسىڭىز قانداي؟
11. يسا جۇمىسقا قاتىستى كىمنەن ۇلگى العان؟
11 ٴجۇسىپ يساعا اعاش ۇستاسى بولۋدى ۇيرەتكەندە، قۇدايدىڭ جۇمىسقا دەگەن كوزقاراسىن دا ۇيرەتكەنى ٴسوزسىز (مات. 13:55، 56). ٴجۇسىپ ۇلكەن وتباسىن اسىراۋ ٷشىن كۇنىگە ايانباي ەڭبەك ەتكەن. ال يسا مۇنى كورىپ وسكەن. ٴبىر قىزىعى، كەيىن ول شاكىرتتەرىنە: «ەڭبەك ەتكەن ادام اقىسىن الۋعا لايىق»،— دەپ ايتقان (لۇقا 10:7). ٴيا، يسا اۋىر ەڭبەكتىڭ نە ەكەنىن جاقسى بىلگەن.
12. اۋىر ەڭبەك ەتۋگە قاتىستى كيەلى كىتاپتا قانداي تارماقتار بار؟
12 ەلشى پاۋىل دا اۋىر ەڭبەكتىڭ نە ەكەنىن بىلگەن. ونىڭ باستى ٸسى يسا مەن ونىڭ تالىمدەرى جايلى كۋالىك بەرۋ ەدى. ٴبىراق ول كۇن كورۋ ٷشىن جۇمىس تا ىستەگەن. سالونيكالىقتار پاۋىلدىڭ ەشكىمدى «كوپ شىعىنعا ۇشىراتىپ، اۋىرتپالىق سالماۋ ٷشىن كۇنى-ٴتۇنى تەر توگىپ ەڭبەك ەتكەنىن» جاقسى بىلەتىن (سال. 2-ح. 3:8؛ ەل. ٸس. 20:34، 35). ولارعا وسى سوزدەردى جازعاندا پاۋىل شاتىر جاساۋ كاسىبى جايلى ايتقان بولسا كەرەك. قورىنت قالاسىندا جۇرگەندە ول اقيلا مەن پريسكيلامەن بىرگە تۇرىپ، «كاسىپتەرى ٴبىر بولعاندىقتان،.. ولارمەن بىرگە جۇمىس ىستەدى». پاۋىلدىڭ «كۇنى-ٴتۇنى» ەڭبەك ەتتىم دەگەنى ونىڭ توقتاماي جۇمىس ىستەگەنىن بىلدىرمەيدى. ول كۇنى-ٴتۇنى شاتىر جاساۋمەن اينالىسپاعان. كەي كۇندەرى، مىسالى، دەمالىس كۇنى ول جۇمىس ىستەمەيتىن. وسىنداي مۇمكىندىكتى پايدالانىپ، ول ٶزى سياقتى دەمالىس كۇنى جۇمىس ىستەمەيتىن ياھۋديلەرگە ۋاعىزداعان (ەل. ٸس. 13:14—16، 42—44؛ 16:13؛ 18:1—4).
13. پاۋىلدان نەنى ۇيرەنەمىز؟
13 ەلشى پاۋىل جاقسى ۇلگى قالدىردى. ول جۇمىس ىستەۋى كەرەك بولسا دا، «قاسيەتتى ىسكە»، ياعني «قۇدايدىڭ ىزگى حابارىن جاريالاۋ» ىسىنە، جۇيەلى تۇردە اتسالىسقان (ريم. 15:16؛ قور. 2-ح. 11:23). ول وزگەلەردى دە وسىلاي ەتۋگە تالپىندىرعان. مىسالى، اقيلا مەن پريسكيلا پاۋىلمەن «ٴماسىح يساعا... بىرگە قىزمەت ەتكەن» (ريم. 12:11؛ 16:3). پاۋىل قورىنتتىقتاردى «يەمىزدىڭ ىسىندە ٵرقاشان كوپ ەڭبەكتەنۋگە» شاقىرعان (قور. 1-ح. 15:58؛ قور. 2-ح. 9:8). ەحوبا ٴتىپتى پاۋىلعا بىلاي دەپ جازدىردى: «ەڭبەك ەتكىسى كەلمەيتىن ادام ٸشىپ-جەمەسىن» (سال. 2-ح. 3:10).
14. يسانىڭ جوحان 14:12 دەگى سوزدەرى نەنى بىلدىرەدى؟
14 وسى سوڭعى كۇندەردەگى ەڭ ماڭىزدى ٸس — ۋاعىزداۋ مەن شاكىرت دايىنداۋ ٸسى. يسا شاكىرتتەرىنىڭ ٶزى جاساعاننان دا زور ىستەر جاسايتىنىن ايتىپ كەتكەن (جوحان 14:12 وقىڭىز). بۇل ٴبىز دە يسا سياقتى كەرەمەتتەر جاسايمىز دەگەنگە مەڭزەمەيدى. قايتا، يسانىڭ ٸزباسارلارى وعان قاراعاندا كوپ جەرلەردە، كوپ ادامدارعا ٵرى كوبىرەك ۋاقىت ۋاعىزدايتىن بولادى.
15. قانداي سۇراقتار جايلى ويلانعانىمىز ٴجون جانە نەگە؟
15 ەگەر جۇمىس ىستەيتىن بولساڭىز، مىنا سۇراقتار جايلى ويلانىڭىز: جۇمىسىمداعىلار مەنى ەڭبەكقور ادام دەپ بىلە مە؟ تاپسىرىلعان ٸستى ۋاقىتىلى اياقتايمىن با، ٵرى ونى بار ىنتاممەن ىستەيمىن بە؟ ەگەر «ٴيا» دەپ جاۋاپ بەرە الساڭىز، باستىعىڭىزدىڭ سەنىمىنە يە بولۋىڭىز ابدەن مۇمكىن. سونداي-اق ارىپتەستەرىڭىز دە پاتشالىق جايلى حاباردى تىڭداۋعا
قۇلىقتى بولادى. ال ۋاعىزداۋ مەن ٴتالىم بەرۋ ىسىنە كەلسەك، مىنا جايلى ويلاپ كورىڭىز: ۋاعىز ىسىندە ەڭبەكقورمىن با؟ العاش رەت بارۋعا جاقسى دايىندالامىن با؟ قىزىعۋشىلىق تانىتقان ادامدارعا تەز ارادا قايتا بارامىن با؟ قىزمەتتىڭ ٴتۇرلى سالاسىنا ۇنەمى قاتىسامىن با؟ ەگەر وسى سۇراقتارعا «ٴيا» دەي الساڭىز، قىزمەتتەن قۋانىش تاباتىن بولاسىز.دەمالۋعا قاتىستى كوزقاراسىڭىز قانداي؟
16. دەمالۋعا قاتىستى كوپشىلىكتىڭ ويىمەن سالىستىرعاندا، يسا مەن شاكىرتتەرىنىڭ ويى قانداي بولعان؟
16 يسا كەي كەزدەرى وزىنە دە، شاكىرتتەرىنە دە ٴبىرشاما تىنىعۋ كەرەك ەكەنىن بىلگەن. الايدا سول زامانداعى جانە بۇگىنگى كۇندەگى كوپ ادام يسانىڭ مىسالىنداعى باي ادامعا ۇقسايدى. ول ٶز-وزىنە: «ەندى دەمالىپ، ٸشىپ-جەپ، كوڭىلىڭدى كوتەر»،— دەيدى (لۇقا 12:19؛ ٴتىم. 2-ح. 3:4). ول ٷشىن ومىردەگى ەڭ باستى نارسە دەمالۋ مەن كوڭىل كوتەرۋ بولعان. ال يسا مەن شاكىرتتەرى ٶز قالاۋلارىن باستى ورىنعا قويماعان.
جۇمىس پەن دەمالىسقا قاتىستى بايىپتى كوزقاراس تانىتقانىمىز نازارىمىزدى جان سەرگىتەرلىك يگى ىستەرگە اۋدارۋعا كومەكتەسەدى (17-ابزاستى قاراڭىز) *
17. جۇمىستان تىس ۋاقىتتى قالاي جۇمسايمىز؟
17 ٴبىز دە يساعا ەلىكتەپ، جۇمىستان تىس ۋاقىتتى تەك تىنىعىپ-دەمالۋعا عانا ەمەس، يگى ىستەرگە، مىسالى وزگەلەرگە كۋالىك بەرۋگە جانە ماسىحشىلىك جيىندارعا قاتىسۋعا دا، جۇمساعىمىز كەلەدى. ٴبىز شاكىرت دايىنداۋ ٸسى مەن كەزدەسۋلەردى وتە ماڭىزدى سانايمىز. سوندىقتان وسى قاسيەتتى ىستەرگە جۇيەلى تۇردە اتسالىسۋ ٷشىن قولىمىزدان كەلگەننىڭ ٴبارىن ىستەيمىز (ەۆر. 10:24، 25). ٴتىپتى ەڭبەك دەمالىسىندا جۇرسەك تە، رۋحاني كەستەمىزدەن تايمايمىز. قاي جەردە جۇرسەك تە، قاۋىم كەزدەسۋلەرىنە بارامىز جانە كەزدەستىرگەن ادامدارعا كۋالىك بەرۋدىڭ مۇمكىندىگىن ىزدەيمىز (ٴتىم. 2-ح. 4:2).
18. پاتشامىز ٴماسىح يسا ٴبىزدىڭ نە ىستەگەنىمىزدى قالايدى؟
18 پاتشامىز ٴماسىح يسانىڭ بىزدەن تىم كوپ نارسەنى تالاپ ەتپەيتىنىنە جانە ەڭبەك ەتۋ مەن دەمالۋعا قاتىستى بايىپتى كوزقاراستا بولۋعا كومەكتەسەتىنىنە دان ريزامىز (ەۆر. 4:15). ول ٴبىزدىڭ قاجەتىنشە دەمالعانىمىزدى قالايدى. سونداي-اق ٶزىمىزدى قامتاماسىز ەتۋ ٷشىن ايانباي ەڭبەك ەتكەنىمىزدى ٵرى جان سەرگىتەرلىك شاكىرت دايىنداۋ ىسىندە دە ەڭبەكقور بولعانىمىزدى قالايدى. ال كەلەسى ماقالادا يسانىڭ ٴبىزدى كۇنادان ازات ەتۋ ٷشىن نە ىستەگەنىن قاراستىرامىز.
38-ٵن قۇداي ساعان كۇش بەرەدى
^ 5-ابزاس جازبالار ەڭبەك ەتۋ مەن دەمالۋعا قاتىستى بايىپتى كوزقاراستا بولۋدى ۇيرەتەدى. بۇل ماقالادا يسرايلدىكتەر اپتا سايىن ۇستانعان دەمالىس كۇنى جايلى ايتىلادى. سونى ويدا تۇتىپ، جۇمىس پەن دەمالۋعا قاتىستى كوزقاراسىمىزدى سالماقتاپ-سارالايمىز.
^ 10-ابزاس شاكىرتتەر دەمالىس كۇنىنە قاتىستى زاڭدى قۇرمەتتەگەندىكتەن، دەمالىس كۇنى ٶتىپ كەتكەنشە يسانىڭ ٴمايىتى ٷشىن جۇپار ٴيىستى زاتتار مەن ٴيىسماي دايارلاۋدى توقتاتا تۇردى (لۇقا 23:55، 56).
^ 55-ابزاس سۋرەت سيپاتتاماسى: ٴجۇسىپ بالا-شاعاسىن دەمالىس كۇنى ٴماجىلىسحاناعا الىپ بارا جاتىر.
^ 57-ابزاس سۋرەت سيپاتتاماسى: وتباسىن اسىراپ جۇرگەن وتاعاسى جۇمىستان تىس ۋاقىتتا، ٴتىپتى وتباسىمەن بىرگە دەمالىستا جۇرگەندە دە، تەوكراتيالىق ىستەرگە اتسالىسىپ ٴجۇر.