Wis éwonan taun, ora ana wong sing ngerti tenan soal kuwi. Padahal, jutaan wong mati merga penyakit menular. Tapi akhiré, para ilmuwan ngerti keterangan sing bener. Para ilmuwan nemokké nèk penyakit menular biasané disebabké karo makhluk hidup sing cilik banget, contoné baktèri utawa virus. Merga ngerti soal kuwi, wong-wong isa dibantu kanggo nyegah lan nambani akèh penyakit menular. Hasilé, milyaran wong isa luwih séhat lan dawa umuré.

Lha terus nèk soal pertanyaan-pertanyaan iki piyé? Misalé, . . .

• Gusti Allah kuwi sapa?

• Yésus Kristus kuwi sapa?

• Kerajaané Gusti Allah kuwi apa?

• Ing masa depan, keadaané bakal piyé?

Jutaan wong wis éntuk keterangan sing bener soal kuwi lan ngrasakké manfaaté. Njenengan ya isa kaya ngono.

Njenengan mungkin mikir, ’Apa mungkin aku isa éntuk keterangan sing bener soal apa waé?’ Apamanèh, saiki saya angèl nggolèki keterangan sing bener. Lha ngapa?

Wektu nggolèk keterangan, akèh wong ora percaya karo para pejabat, pengusaha, lan wartawan. Wong-wong angèl mbédakké apa kuwi fakta, pendapaté wong, informasi sing setengah bener, utawa malah keterangan sing ora bener. Mula, akèh wong nduwé pendapat sing béda-béda soal apa sing bener lan sing salah.

Tapi, njenengan tetep isa éntuk keterangan sing bener soal pertanyaan-pertanyaan penting ing urip. Piyé carané? Carané padha kaya wektu njenengan nggolèk keterangan ing urip saben dina.

Njenengan mbutuhké keterangan sing bener saben dina. Gatèkna pengalamané Jessica. Dhèwèké ngomong, ”Anakku alèrgi kacang. Nèk mangan protéin kacang sithik waé, dhèwèké isa mati.” Jessica kudu mastèkké panganan sing dituku kuwi aman kanggo anaké. ”Pertama, aku maca keterangan bahan-bahan sing ana ing bungkusé. Terus, aku nggolèki keterangan sing luwih akèh lan mastèkké karo pabriké nèk panganan kuwi ora ana kacangé. Aku ya nggolèk keterangan soal pabrik kuwi saka sumber liyané sing isa dipercaya.”

Mungkin upayané njenengan kanggo nggolèk keterangan sing bener ora kaya Jessica. Tapi, njenengan isa niru Jessica sing wis nyoba cara-cara iki:

• Nggolèki fakta-faktané.

• Nggolèki keterangan sing luwih akèh.

• Mastèkké sumber keterangané isa dipercaya.

Nèk nyoba cara-cara kuwi, njenengan isa éntuk keterangan sing bener soal pertanyaan-pertanyaan penting ing urip.

Wektu nggolèk keterangan soal pertanyaan-pertanyaan penting ing urip, Jessica ya nggunakké cara sing padha. Dhèwèké ngomong, ”Merga maca lan sinau Alkitab, aku dadi isa nemokké keterangan sing bener.” Kaya Jessica, jutaan wong wis éntuk keterangan sing bener soal pertanyaan-pertanyaan iki ing Alkitab:

• Ngapa kok Gusti Allah nyiptakké manungsa?

• Piyé keadaané wong mati?

• Ngapa kok ana akèh kesusahan?

• Gusti Allah bakal ngapa kanggo nyingkirké kesusahan?

• Piyé carané bèn keluarga isa bahagia?

Nèk maca Alkitab lan nggolèki keterangan sing luwih akèh ing www.pr418.com, njenengan isa éntuk keterangan sing bener soal pertanyaan-pertanyaan kuwi lan pertanyaan liyané.