Бь һәзарʹа сала тʹӧ кәси нькарьбуйә щаба ве пьрсе бьстинә, у жь бо ԝан нәхԝәшийед гьран бь милиона мәрьва жийина хԝә ӧнда кьрьнә. Ле ԝәʹдә шунда зандара карьбун рʹастийе бьвиньн. Ԝана тедәрхьст ԝәки сәбәбе ԝан нәхԝәшийа гәләк щар микроб ьн йане микроорганизм, йед ӧса ча бактәри у вирус. Бь сайа леколина ве рʹастийе, бь милиона мәрьв карьбунә хԝә жь гәләк нәхԝәшийа хԝәй кьн у жийина хԝә һьнәки дьреж кьн.

Ле әм чь дькарьн бежьн дәрһәԛа һьнә пьрсед майин? Ча сәр жийина мә дькарә һʹӧкӧм бә щаба ԝан пьрса?

• Хԝәде кʹи йә?

• Иса Мәсиһ кʹи йә?

• Пʹадшатийа Хԝәде чь йә?

• Чь ахьри һивийа мә йә?

Бь милиона мәрьва щаба ԝан пьрса дитьнә у жийина хԝә бәхтәԝар кьрьнә. Һун жи дькарьн жь щаба ԝан пьрса кʹаре бьстиньн.

Дьбәкә һун дьфькьрьн: «Гәло чаԝа әм дькарьн щаба рʹаст сәр һʹәму пьрса бьвиньн?» Бь рʹасти чьԛас дьчә, һаԛас һе чәтьн дьбә щаба рʹаст сәр ԝан пьрса бьвиньн. Чьма?

Гәләк мәрьв итʹбарийа хԝә һʹӧкӧмәтийе, компанийа у журналиста найньн йед кӧ йан чь рʹастийе дьбежьн. Чьмки гәләк щар чәтьн ә бьвиньн фьрԛийа ортʹа избати, ньһерʹандьн йан жи дәрәԝийа ԝан. У гәләк щар әԝана әԝ ӧса әʹйан дькьн, тебежи әв рʹасти жи ӧса нә. Жь бо ве йәке щәм мәрийа беһʹәсаб фькьр пешда тен кӧ чь йә рʹасти.

Ле чь жи һәбә, әм дькарьн бьвиньн щабед рʹаст сәр пьрсед фәрз йед кӧ жийинева гьредайи нә. Чь щурʹәйи? Бь сайа фәрәсәте хԝә кӧ һәр рʹож дьди хәбате.

Дькарьн бежьн мәрьв һәр рʹож леколина дькьн. Ԝәрен әм шеԝьр кьн мәсәла Щесикайе. Әԝ дьбежә: «Алержийа кәчʹа мьн һәйә, жь бо фьстәԛед әʹрде. Һәла һе һьнә протеина фьстәԛа жи, дькарә ԝе бькӧжә». Щесика гәрәке бьзаньбә ԝәки хԝарьна кӧ әԝ бона ԛиза хԝә дькʹьрә, бехоф ә. Әԝ дьбежә: «Пешийе әз дьхуньм, кӧ чь дькʹәвә ве хԝарьне. Паше әз леколина дькьм у һәла һе текли дьбьм тʹәви ԝан компанийа жи, кӧ пебьһʹәсьм дәрһәԛа хԝарьнед ԝан, чьмки әз сәва кәчʹа хԝә бәрхԝә дькʹәвьм. Әз ӧса жи избат дьбьм, ԝәки малпәр у канийед дьн, кʹидәре кӧ леколина дькьм, бь итʹбар ьн».

Һәмьки гава һун щабед пьрсед гьринг дьгәрʹьн, ԝи чахи дәрәща ԝә ӧса гьран нинә ча дәрәща Щесикайе. Ле мина ԝе һун дькарьн бьдьнә хәбате һьнә метода, сәва кӧ щабед пьрсед гьринг бьвиньн.

• Избатийа пебьһʹәсьн.

• Һе зедә леколина бькьн.

• Избат бьн, кӧ канийед леколина ԝә, бь итʹбар ьн.

Әв йәк дькарә али ԝә бькә бьвиньн щабед рʹаст сәр пьрсед гьринг. Ле чь щурʹәйи?

Чахе Щесикайе рʹастийа Кʹьтеба Пироз леколин дькьр, әԝе да хәбате метода кӧ дәрәща кәчʹа хԝәда дьда хәбате. Әԝ дьбежә: «Хԝәндьн у леколинкьрьна бь хирәт, али мьн кьрьн бьвиньм рʹастийа Кʹьтеба Пироз». Мина Щесикайе, бь милиона мәрьв пеһʹәсийанә, ԝәки Кʹьтеба Пироз чь дьбежә дәрһәԛа ван пьрса.

• Чьма әм һатьнә буйине?

• Чь дьԛәԝьмә паши мьрьне?

• Чьма әм дьчәрчьрьн?

• Чаԝа Хԝәде, ԝе һʹәму кӧл-дәрда бьдә һьлдане?

• Чаԝа әм дькарьн малбәта хԝә бәхтәԝар кьн?

Һун дькарьн щаба ԝан у щаба пьрсед дьн пебьһʹәсьн, һәрге Кʹьтеба Пироз бьхуньн у һе зедә леколина бькьн бь онлайн сәр ԝԝԝ.jԝ.org.