Ląʼídi miil nááhai kótʼéego naʼídíkidígíí bílaʼashdlaʼii doo bił béédahózin da. Ląʼí naałniih ałʼąą ádaatʼéhígíí haashı̨́ı̨́ néelą́ą́ʼ diné beʼiinaʼ bee nidahaaztʼiʼ. Scientists ndaʼałkaahgo áko tʼáá aaníinii yídahołʼą́ą́ʼ. Kótʼéego naałniih éí chʼosh doo yitʼíinii bitsʼą́ą́dóó yaa ídahoołʼą́ą́ʼ. Díí tʼáá aaníinii baa ákohoniidzı̨́ı̨́ʼ éí ląʼí bílaʼashdlaʼii bíká eelwod. Díí bee bílaʼashdlaʼii nízaadgóó iiná ádayiilaa dóó bitah yáʼádahootʼéehgo dahiiná.

Łaʼ ayóó ílı̨́įgo ndaʼídíkid nihee hólǫ́. Éísh haitʼéego díí ndaʼídíkidígíí hazhóʼó baa nitsíníkees doo?

• Háísh éí God átʼı̨́?

• Háísh éí Jesus átʼı̨́?

• God biNahatʼaʼ haʼátʼíí átʼé?

• Náasdi shąʼ haa hootʼée doo?

Ląʼí diné díí átʼéego naʼídíkidígíí shódayoostʼeʼ, éí binahjįʼ beʼiinaʼ yáʼátʼéehgo ádayiilaa. Ni ałdóʼ díí naʼídíkid bee neʼiinaʼ hashtʼedíílííł.

Ląʼí kótʼéego nitsídaakees, “Haash yitʼéego tʼáá aaníinii átʼéii shóidííłtʼeeł?” Tʼáá aaníinii átʼéii shóidííłtʼeeł tʼáá íiyisíí nantłʼa. Haʼátʼíísh biniinaa?

Ląʼí diné éí bílaʼashdlaʼii binahatʼaʼígíí, business dayéełyeedígíí, dóó media yaa dahalneʼígíí doo yaa dadzólíi da. Tʼáá aaníinii haneʼ tʼáá bąą ádin. Hazhóʼó baa chʼíhodootʼááł yę́ę bąąh ádin. Tʼáá aanínígíí baa chʼíhodootʼááł yę́ę éí naʼadloʼ bił naaztʼiʼgo baa dahaneʼ. Diné ahidiniłnáago doo ałhaa dadzólíi da áádóó ląʼí doo ákótʼéégóó haneʼ, díí biniinaa tʼáá aanínígíí átʼéii bił naaki danilı̨́.

Azhą́ ląʼída bee achʼįʼ nidahwiiʼnáa ndi, niheʼiinaʼ éí tʼáá aaníigo haneʼígíí tʼáá shóidííłtʼeełgo átʼé. Haash yitʼéego ádiilnííł? Tʼáá ákwíí jı̨́ niheʼiinaʼ choiniilʼínígíí bikʼehgo ániitʼée doo.

Tʼáá haashı̨́ı̨́ nízaajįʼ, tʼáá ákwíí jı̨́ tʼáá aaníinii hanítá. Jessica biʼdiiłʼáhígíí yaa chʼíhoníʼą́. Éí ájíní, “Shichʼéʼé neeshchʼííłbáhí ííyą́ąʼgo tʼáá yéigo bichʼįʼ náhodiiʼnááh. Neeshchʼííłbáhí áłchʼı̨́ı̨́dígo chʼiyáán bitah ndi, tʼáá báhádzid. Áłtséhígíí, chʼiyáán bee bikʼedaʼashchínígíí hazhóʼó yíníshtaʼ łeh. Áádóó hazhóʼó naashkaahgo, ádaalyaadę́ę́ʼ ałdóʼ bichʼįʼ hashneʼ doo, éí cross contamination deiłnínígíí hazhóʼó bínaʼídíshkid. Náánáłaʼ companiesgóó ałdóʼ hazhóʼó shichʼįʼ chʼídahwiiʼaahgo éí díí chʼiyáán yáʼátʼéhígíí hazhóʼó bee baa ákonisin.” Áko Jessica bił bééhózingo chʼiyáán yáʼátʼéhígíí hachʼéʼé bá njiiłniih.

Tʼáá ákwíí jı̨́ tʼáá aaníinii hazhóʼó hadaniitáago doo shı̨́ı̨́ éí Jessicagi átʼéego nihichʼįʼ anáhóótʼiʼ da ndi, díí łaʼ naʼídíłkidígíí hazhóʼó choidííłʼįįłgo tʼáá aaníinii nił bééhodoozįįłgo átʼé:

• Tʼáá aanínígíí átʼéii hanítá.

• Hazhóʼó naniłkaah.

• Łaʼ website doodaiiʼ naaltsoos ádaatʼéii baa áhódlíhígíí bee naniłkaah.

Neʼiinaʼ yíłtʼihígíí haashı̨́ı̨́ néelą́ą́ʼ naʼídíkid hólǫ́, tʼáá ákotʼéego tʼáá aaníinii nił bééhodoozįįłgo átʼé. Haash yitʼéego?

Diyin Bizaad biyiʼdóó tʼáá aaníinii hanítáago, Jessica díí yikʼehgo íʼiilaa bichʼéʼé chʼiyáán yá neiłkaah yę́ęgi átʼéego ałdóʼ yeʼiilaa Diyin Bizaad neiłkaahgo yaa nídiidzá. Ájíní, “Hazhóʼó ííníshtaʼ dóó tʼáá íiyisíí naashkaahgo shíká eelwod tʼáá aanínígíí éí Diyin Bizaad biyiʼdóó bikʼíninítą́ą́ʼ.” Jessicagi átʼéego, diné miil ánéelą́ą́ʼ Diyin Bizaad biyiʼdóó naʼídíkidígíí yídahołʼą́ą́ʼ.

• Haʼátʼíísh biniyé kǫ́ǫ́ honiidlǫ́?

• Deetsaahgo haash yiitʼįįh?

• Haʼátʼíísh biniyé achʼįʼ nidahwiiʼná?

• God éísh haitʼéego achʼįʼ nahwiiʼná íidoołdįįł?

• Haash yitʼéego nihighan hazʼą́ągi bił dahózhǫ́ǫ doo?

Diyin Bizaad yíníłtaʼgo dóó www.pr418.com hazhóʼó naniłkaahgo, éí díí ndaʼídíkidígíí tʼáá aaníinii shóidííłtʼeełgo átʼé.