Lok Ada Madok i kom Ker pa Lubanga
Yecu opwonyo lulub kore me lega ni: “Wonwa ma tye i polo, giwor nyingi maleng. Ker meri obin; giti gin ma imito i lobo kit ma gitiyo i polo.” (Matayo 6:9, 10) Ker pa Lubanga obedo gin ango? Tye ka timo gin ango? Dok pingo omyero waleg pire?
Yecu Aye Kabaka me Ker pa Lubanga.
Luka 1:31-33: “Ibicako nyinge Yecu. En bibedo dit, gibilwonge ni, Wod pa En Mamalo Twal; Rwot Lubanga bimiye komker pa kwarone Daudi. En biloyo jo me ot pa Yakobo matwal; kerre pe bigik.”
Ker pa Lubanga aye onongo obedo guti me pwony pa Yecu.
Matayo 9:35: “Yecu owoto orumo gangi mapatpat ki gangi matino ma i caro-gu ducu, kun pwonyo i kacokkegi, dok tito kwede lok me kwena maber me ker pa Lubanga ki cango kit two ducu kadi wa kit goro ducu.”
Yecu omiyo lanyut ki lupwonnyene me konyogi ngeyo ka Ker pa Lubanga dong cok bino.
Matayo 24:7: “Pien rok bilweny ki rok wadi, ki ker bene bilweny ki ker wadi, ki kec bene bipoto i lobo, ki oyengyeng biyengo lobo i kabedo mapol.”
Lupwonnye pa Yecu i kare-ni gitye ka tito kwena me Ker-ri i lobo ducu.
Matayo 24:14: “Dong lok man me kwena maber me ker pa Lubanga gibitito i wi lobo ducu, me bedo caden bot rok ducu; ka dong lacen agikki piny bibino.”
Itwero Bedo ki Miti i kom Lok Man
LAPENY MA KIGAMO ME BAIBUL
Ker pa Lubanga Obedo Gin Ango?
Nen kong gin mumiyo gamente pa Lubanga rwomme lamal loyo gamente mukene ducu.
PWONY MA PIGI TEGO ME BAIBUL
Ker pa Lubanga Obedo Gin Ango?
I kare me tic me pwony pa Yecu, en opwonyo lok i kom Ker pa Lubanga makato lok mo keken. Pi mwaki mapol, lulub kore gulego pi Ker meno wek obin.
