Hasittongan Taringot Harajaon ni Debata
Diajarhon Jesus do tu akka na mangihutton ibana asa martangiang, “Ale Amanami na di banua ginjang, sai dipabadia ma goarmu. Sai ro ma Harajaonmu. Sai saut ma lomo ni roham di tano on songon na di banua ginjang.” (Mateus 6:9, 10) Aha do Harajaon ni Debata i? Aha do na lao bahenonna? Jala boasa ikkon tatangiakkon Harajaon i?
Jesus do Raja ni Harajaon ni Debata.
Lukas 1:31-33: “Bahen ma goarna Jesus. Gabe halak na sangap do annon anakmi jala na lao digoari do ibana Anak ni Natumimbul i. Lehonon ni Debata Jahowa ma tu ibana tahta ni si Daud ompuna i. Ibana ma na gabe Raja tu pinoppar ni si Jakkob saleleng ni lelengna jala dang na lao marujung Harajaonna i.”
Harajaon ni Debata do na sai dibaritahon Jesus.
Mateus 9:35: “Didalani Jesus do sude kota dohot huta. Mangajari do ibana di akka sinagoga na disi. Dibaritahon ibana do barita na uli taringot tu Harajaon jala dipamalum ibana do sude sahit ni jolma.”
Dilehon Jesus do tanda tu akka siseanna lao mamboto andigan ro Harajaon i.
Mateus 24:7: “Marporang ma bangso tu bangso jala harajaon tu harajaon. Masa ma haraparon dohot gempa di godang inganan.”
Saonari, dibaritahon halak Kristen do Harajaon ni Debata di liat portibi on.
Mateus 24:14: “Jala dibaritahon ma barita na uli taringot tu Harajaon i di liat portibi on, asa saluhut bangso mambege barita i. Dung masa i ro ma ujungna.”
Mungkin Lomo do Rohamuna Mamboto
AJARAN NI BIBEL NA PENTING
Aha do Harajaon ni Debata I?
Tikki di tano on Jesus, taringot Harajaon ni Debata do na paling sering dipaboa ibana. Saleleng marratus taon, sai ditangiakkon akka halak do asa ro Harajaon ni Debata.
BIBEL—AHA DO ISINA?
Jesus Mamaritahon Harajaon ni Debata
Aha do tema ni barita na dipasahat Jesus? Songon dia do ibana patuduhon maolo pamarentahonna mardongan holong dohot hatigoran?
