Trutok Long Saed Blong Kingdom Blong God
Jisas i tijim ol man blong hem blong oli prea olsem: “Papa blong mifala long heven, plis yu mekem we nem blong yu i tabu. Yu mekem Kingdom blong yu i kam. Yu mekem samting we yu wantem i kamtru long wol ya olsem long heven.” (Matiu 6:9, 10) ?Kingdom blong God hem i wanem? ?Wanem wok blong hem? ?Mo from wanem yumi mas prea from?
Jisas i King blong Kingdom blong God.
Luk 1:31-33: “Bambae yu putum nem blong hem se Jisas. Hem bambae i wan haeman mo bambae oli singaot hem se Pikinini blong Hae God. Mo Jehova God bambae i givim jea blong king long hem, we i jea blong wan papa blong hem bifo, King Deved, mo bambae hem i rul long laen blong Jekob blong olwe, mo Kingdom blong hem bambae i no save finis samtaem.”
Oltaem nomo Jisas i tokbaot Kingdom.
Matiu 9:35: “Jisas i stap wokbaot, i pas long ol taon mo ol vilej, i stap tijim ol man long ol sinagog, mo i stap talemaot gud nius blong Kingdom, mo i stap mekem ol man we oli gat defdefren kaen sik mo olgeta we bodi blong olgeta i nogud, oli kam gud bakegen.”
Jisas i talem wan saen long ol disaepol blong soemaot wetaem Kingdom bambae i kam.
Matiu 24:7: “Bambae ol kantri oli faet agensem ol narafala kantri, mo ol kingdom oli faet agensem ol narafala kingdom. Mo olbaot long wol bambae kakae i sot mo graon i seksek.”
Tede ol disaepol blong Jisas oli talemaot Kingdom long olgeta ples long wol.
Matiu 24:14: “Ol man bambae oli talemaot gud nius ya blong Kingdom long olgeta ples long wol, blong oli witnes long olgeta neson, nao biaen en bambae i kam.”
Maet Yu Laekem Hemia Tu
ANSA WE BAEBOL I GIVIM
?Kingdom Blong God Hem i Wanem?
Traem luk from wanem gavman blong God i gud moa long ol gavman blong man.
ESSENTIAL BIBLE TEACHINGS
?Wanem Ya Kingdom Blong God?
Taem Jisas i stap prij long wol ya, hem i tokbaot Kingdom blong God moa i bitim ol narafala samting. Blong plante yia, ol man blong hem oli prea blong Kingdom ya i kam.
