Minne Paipel A Apasa Usun ewe Mwúún Kot
Iei met Jesus a áiti ngeni néún kewe chón káé ar repwe iótek usun: “Semem lon läng. Itom epwe pin, Mwum epwe war, letipom epwe fis won fanüfan usun chök lon läng.” (Mateus 6:9, 10) Met weween ena Mwúún Kot? Met a kan féri? Me pwata sipwe iótek fán itan?
Jesus i Kingen án Kot we Mwú.
Lukas 1:31-33: “Kopwe aita ngeni Jesus. Ätei epwe lap, epwe iteni Nöün Kot ewe mi Unusen Tekia. Nge Kot, ewe Samol epwe amota won lenien motun king usun an we lewo Tafit. I epwe nemeni ekewe mwirimwirin Jakop feilfeilachök, nge mwün esap fokun müchüla.”
Mwúún Kot, ina menlapen án Jesus angangen afalafal.
Mateus 9:35: “Jesus a fetalfeil lon ekewe telinimw me sopw meinisin. A aiti ngeni aramas kapasen Kot lon ekewe imwen felikis, a afalafala ewe Pworaus Allim usun ewe Mwün Kot o apöchöküla aramas mi eäni sokopaten samau me apwangapwang.”
Jesus a ngeni néún kewe chón káé eú esissil epwe álisiir le silei ineet ewe Mwúún Kot epwe war.
Mateus 24:7: “Fanü me fanü repwe fiufengen o mwü me mwü repwe maunfengen. Epwe wor lengita me chechechin fanü ekis meinisin.”
Ikenái, néún Jesus chón káé ra afalafala pwóróusen Mwúún Kot wóón unusen fénúfan.
Mateus 24:14: “Aramas repwe afalafalafeili ewe Pworausen Manau usun ewe Mwün Kot won unusen fanüfan, pwe epwe eu minen pwärätä ngeni aramas meinisin. Mürin epwapw tori fansoun sopolan.”
Neman Kopwe Pwal Sani
ESSENTIAL BIBLE TEACHINGS
Met ewe Mwúún Kot?
Lón unusen án Jesus angangen afalafal, a lap an asukul usun ewe Mwúún Kot. Ren fitengeréú ier, néún kewe chón káé ra ióteki án ena Mwúún Kot epwe war.
