Yesu nde e Kiṅ’a Janea la Loba.

Lukas 1:31-33: “O tata po̱sea mo̱ dina ná Yesu. Mo̱ a me̱nde̱ be̱ nunde̱ne̱, a me̱nde̱ belabe̱ ná Mun’a Ńasam, Loba Sango a me̱nde̱ bola mo̱ kond’a janea ńa sango ao David; a me̱nde̱ be̱ kiṅe̱ omo̱ń a ndabo a Yakob nate̱na o bwindea, nde janea lao di si me̱nde̱ be̱ne̱ su.”

Janea nde di ta tem’a dikalo la Yesu.

Mateo 9:35: “Nde Yesu a ta a dangwa o mindi minde̱ne na misadi me̱se̱, a lee̱ o mandabo mabu ma ndongame̱n, a langwa myango ma bwam ma janea, a bo̱lise̱ pe̱ ńai a diboa te̱ na ńai a sese te̱.”

Yesu ongwane̱ bokwedi bao o so̱ṅtane̱ njika ponda Janea di me̱nde̱no̱ po̱.

Mateo 24:7: “Ebanja tumba di me̱nde̱ te̱me̱ te̱nge̱ne̱ tumba, janea pe̱ te̱nge̱ne̱ janea, njai ninde̱ne̱ na soa la mińangadu ba me̱nde̱ be̱ wuma na wuma.”

O nin we̱nge̱ bokwedi ba Yesu be o te̱ dikalo la Janea la Loba o wase ńe̱se̱.

Mateo 24:14: “Nde min myango ma bwam ma janea mi me̱nde̱ langwabe̱ o wase ńe̱se̱ o be̱ mboṅ ońola matumba me̱se̱; denge̱ su di mapo̱.”