Eziokwu Banyere Alaeze Chineke
Jizọs kụziiri ndị na-eso ụzọ ya ka ha na-ekpe ekpere, sị: “Nna anyị nke bi n’eluigwe, ka e doo aha gị nsọ. Ka Alaeze gị bịa. Ka uche gị meekwa n’ụwa, dị ka ọ na-eme n’eluigwe.” (Matiu 6:9, 10) Gịnị bụ Alaeze Chineke? Olee ihe ọ ga-emere anyị? Olee ihe mere anyị ga-eji ekpe ekpere ka ọ bịa?
Jizọs bụ Eze Alaeze Chineke.
Luk 1:31-33: “Ị ga-agụkwa ya Jizọs. Onye a ga-abụ onye ukwu, a ga-akpọkwa ya Ọkpara nke Onye Kacha Elu. Jehova Chineke ga-enyekwa ya ocheeze nna ya bụ́ Devid. Ọ ga-achị ezinụlọ Jekọb ruo mgbe ebighị ebi, Alaeze ya agaghịkwa agwụ agwụ.”
Alaeze Chineke bụ isi ihe Jizọs kụziiri ndị mmadụ.
Matiu 9:35: “Jizọs wee malite ijegharị n’obodo ukwu nakwa n’obodo nta niile, na-ezi ihe n’ụlọ nzukọ ha, na-ekwusakwa ozi ọma Alaeze Chineke ma na-agwọ ụdị ọrịa ọ bụla.”
Jizọs gwara ndị na-eso ụzọ ya ihe ndị ha ga-eji ama na Alaeze ahụ eruwela nso.
Matiu 24:7: “N’ihi na mba ga-alụso mba ọzọ agha, alaeze ga-alụsokwa alaeze ọzọ agha. A ga-enwekwa ụkọ nri na ala ọma jijiji n’ebe dị iche iche.”
Ndị na-eso ụzọ Jizọs na-ekwusa gbasara Alaeze Chineke n’ụwa niile ugbu a.
Matiu 24:14: “A ga-ekwusakwa ozi ọma Alaeze Chineke n’ebe niile n’ụwa ka ọ bụụrụ mba niile àmà, mgbe ahụkwa ka ọgwụgwụ ga-abịa.”
Isiokwu A Nwekwara Ike Ịmasị Gị
AJỤJỤ NDỊ BAỊBỤL ZARA
Gịnị Bụ Alaeze Chineke?
Chọpụta otú Alaeze Chineke si ka ọchịchị ụmụ mmadụ mma.
ESSENTIAL BIBLE TEACHINGS
Gịnị Bụ Alaeze Chineke?
N’oge Jizọs nọ n’ụwa, ọ kụziri gbasara Alaeze Chineke karịa ihe ọ bụla ọzọ. Ndị na-eso ụzọ ya nọ na-ekpe ekpere kemgbe ka Alaeze ahụ bịa.
