Ũhoro wa Ma Wĩgiĩ Ũthamaki wa Ngai
Jesu aarutire arũmĩrĩri ake mahoyage ũũ: “Ithe witũ ũrĩ igũrũ, rĩĩtwa rĩaku nĩ rĩtherio. Ũthamaki waku nĩ ũũke. Wendi waku nĩ wĩkwo gũkũ thĩ o ta kũu igũrũ.” (Mathayo 6:9, 10) Ũthamaki wa Ngai nĩ Kĩĩ? Wĩra waguo nĩ ũrĩkũ? Na twagĩrĩirũo kũhoya ũũke nĩkĩ?
Jesu nĩwe Mũthamaki wa Ũthamaki wa Ngai.
Luka 1:31-33: “Ũkaamwĩta Jesu. Ũcio agaakorũo arĩ mũnene na ageetwo Mũrũ wa Ũrĩa ũrĩ Igũrũ Mũno, na Jehova Ngai nĩ akaamũhe gĩtĩ kĩa ũnene gĩa ithe Daudi, na nĩ agaatha nyũmba ya Jakubu arĩ Mũthamaki tene na tene, na Ũthamaki wake ndũgaakorũo na mũthia.”
Ũthamaki nĩguo ũndũ ũrĩa mũnene Jesu aahunjagia ũhoro waguo.
Mathayo 9:35: “Jesu agĩthiĩ matũũra-inĩ mothe na icagi-inĩ ciothe, akĩrutanaga thunagogi-inĩ ciao na akĩhunjagia ũhoro ũrĩa mwega wa Ũthamaki na akĩhonagia andũ mĩrimũ ya mĩthemba yothe na wathe wa mĩthemba yothe.”
Jesu nĩ aaheire arutwo ake kĩmenyithia kĩrĩa kĩngĩkamateithia kũmenya atĩ Ũthamaki nĩ ũkuhĩrĩirie.
Mathayo 24:7: “Nĩ gũkorũo rũrĩrĩ nĩ rũgookĩrĩra rũrĩrĩ rũrĩa rũngĩ na ũthamaki ũũkĩrĩre ũthamaki ũrĩa ũngĩ, na nĩ gũkaagĩa ngʼaragu na ithingithia kũndũ na kũndũ.”
Arutwo a Jesu mahinda-inĩ maya mahunjagia ũhoro wa Ũthamaki thĩinĩ wa thĩ yothe.
Mathayo 24:14: “Naguo ũhoro ũyũ mwega wa Ũthamaki nĩ ũkaahunjio thĩ yothe ĩrĩa ĩikaragwo ũtuĩke ũira kũrĩ ndũrĩrĩ ciothe, na hĩndĩ ĩyo nĩrĩo mũico ũgaakinya.”
Icunjĩ Ingĩ Hihi Ũngĩenda Gũthoma
MORUTANI MA BATA MA BIBILIA
Ũthamaki wa Ngai nĩ Kĩĩ?
Hĩndĩ ĩrĩa Jesu aahunjagia gũkũ thĩ, aarutanaga ũhoro wĩgiĩ Ũthamaki wa Ngai makĩria ya ũndũ ũngĩ o wothe. Kwa ihinda rĩa mĩaka magana maingĩ, arũmĩrĩri ake makoretwo makĩhoya Ũthamaki ũcio ũũke.
